يمته الشعب العراقي يفهم ان :
نور :اسم مذكر
تبارك :فعل اصلا مو اسم
رسل: جمع مذكر
نعمه: مؤنث
اسراء: مذكر
شهد: شهد الاسم مو الفعل الي هو بمعنى عسل هم مذكر
براء: حسبالي هو مذكر بس طلع مذكر-مؤنث مدري شلون🙃
و هاجر: مو اسم عربي من الفعل يهاجر بل اسم هيروغليفي
اذا بالمعنى العربي فهو هاجر-يهجر
اي يهاجر البلد مثلا

"هذا الانسجام اللفظي بين كلمتي هاجر "Hajar" كإسم علم أعجمي وفعل «هاجر» في اللغة العربية، هو انسجام من قبيل الصدفة ليس أكثر، لأن أصل الكلمة الحقيقي هو اسم هيروغليفي معناه زهرة اللوتس، وإذا استخدم كفعل في العربية فهو من الهجرة وهى الخروج من البلد والترحال. وقد تسمت السيدة هاجر بهذا الاسم قبل أن تهاجر إلى البرية والصحراء حيث مكة حسب التراث الديني الإبراهيمي."
المصدر

وساره ومريم وتقريبا كل اسماء الانبياء هم مو عربيه بس هاي الفقره معروفه اعتقد

#thoughts

كنت ممن انقطعت بهم السبل فحططت رحالي
في مكان شبهِ منعزلٍ و نائي
قالوا هي ارض كانت يوما حضارة والعيش فيها كان من الاماني

والان هي سكن للحمقى والسفها ولكل بغي متعالِ
وللضلالة عنوانا رغم ادعائهم الهدى وهم جُهالُ
فعشت فيها مغتربا وحيدا ابحث عن أنيس او رحال

يدعون الحِلم ويتقاتلون على تفاهات الامور
يتفاخرون بالشرفِ ويعطون نسائهم كجِزيات بلا مُهور
وبناتهم ولو لم يلبغنَ هن سلعٌ لأصحاب القصور

وينادون للكرم ويذبحون الشاة لعزاء من مات جائع
ويتظاهرون بالتقوى ويأتون بالكبائر كقصاص وشرائع
ويتلقبون بالشهامة وحق ضعيفهم مهمل لا يرون لسلبهِ مانع
ويزعمون الفطنة وهم بالتلقينِ اقحموا العلم بجمجمة من هو ليس بفاهمُ ٍ

حتى التقيت فتاة عارضتهم فاتهموها بالفجور وما ادراهم ايهم عند الله اتقى
فعرفتني وعرفت انها من اهل العقول الذين عاملونهم كأنهم منهمُ ادنى
فسألتها لم لا نغادر اهل الجهالةِ والفجور وان ذلك للعقل اسمىٰ

فقالت انما للاهل والارزاق فضل، فما ادراك بالأُناس والتجارةِ ما تجد في غير جزيرة
وقلت لا يخلو أناس من شقي، لكننا نقصد ارضاً يسودها العدل من غير جزيرة
و البقاء هنا من فِعال غبي دون عقل او بصيرة

وقول الامير رزقنا ضمنه
ان المرء ولو فر من رزقه, تبعه
كما الموت لا يترك فاراً منه الا وقد تبعه

فقالت اتلك الجزيرة حقيقه ام هي وهمنا ؟
فقلت لم لا نقطع شكنا بيقينِنا؟
فقالت انجازف لِما لا ندري إن كان خيرا لنا؟

فقلت: لو ان امرءا غلبه خوفُه
لصير خوفه
قيدا له بوهمه
وان هو توكل على الله كفاه بلطفه

فأومئت وقالت حسنا
الى الله امرنا
عسى ان يغير حالنا
بما شاء واني لادعوه ان يشاء الخير لنا

#poem
#mine
#stories

يغثني مصطلح
Strong independent woman
كون الانسان independent (معتمد على نفسه) هو مجرد علامه على ان هو صار بالغ وخلص هايهيه 🙂

المصطلح جاي يمييز او يسوي هايلايت لحالات المرأه "الوحيده" على ان هي مستقله


اولا كونك مستقله لا يشترط كونك وحيده
وثانيا كونك وحيده او مستقله او واتيفر
لا يبررلك خطابات الكراهية الشديده للرجال (مثل "لو يموتون الرجال نصير بخير" او "كل الرجال خونه")
وعدم اقتناعك بطقس ديني مثل الحجاب لا يبرر تهجمك على المحجبات على انهن "متخلفات" لانه لمعلوماتك هذا يسمى عنصريه🙂

#thoughts
#mine
#memes

ناسا احتفالا بذكرى تلسكوب هابل(مو اليوم هذا خبر شويه قديم) نشرت موقع تطيه مواليدك بالشهر واليوم ويطلعلك الصوره الي ماخذها هابل بنفس اليوم

انا من سويتها من محاسن الصدف ان طلعلي صوره من نفس اليوم حرفيا
(اي من نفس السنه والشهر واليوم يعني وي ولادتي بالضبط) رغم ان الموقع ما يطلب السنه بس الشهر واليوم🙃

#thoughts
#science

هاي الصوره

ردت انزل الصوره كملف بس هاكم هاي انتم اختاروا الدقه الي تردون لان الملف الأصلي حجمه 4000x4000 تقريبا

وانا ادور هسه للحظه حسبالي هاي الصوره الي بميلادي هي الصوره الي صورها هابل لنفس المكان بال deep space الي صورها جيمس ويب
#thoughts
#science

صح شويه مختلفه more shiny بس،
تأكدت منها نفس الصوره من حيث وقت التقاطها


او لحظه نسيت خوب انزل الصوره من نفس الموقع🙂

من more info
تكدر تختار دقه وتنزلها

https://youtube.com/teded
https://youtube.com/c/inanutshell
+هذني القناتين جنت اسمع الفديو مره بالعربي حتى افتهمه ومره بالانكليزي واترجمه
(اكو بعد قنوات، انته براحتك اختار حتى اذا ما لكيت ترجمه عربي شغل بس الترجمه الانكليزي) وانصح بهاي القناه هم حلوه
+تكدر تترجم مقالات او كتب هم اسهل لان بس تحدد الكلمه يطلع خيار ترجمه(بس مو تهمل الاملاء وما تباوع للكلمه اصلا🌚)
اقره مقالات هذا جيده

وهذا هم

#thoughts
#tips
#science

وهذا الفديو هم كلش حلو ومفيد وموجود على شكل بودكاست او مقال (بالوصف تلكه رابط للكلام الي بالفديو كمقال(script))
#tips

" يَسودُ ما يُسَمَّى بِالرَّأْيِ العامِّ في المُجْتَمَع ؛ لأنَّ الآراءَ الغَبيَّةَ يَسْهُلُ نَشْرُها و تَصْديقُها . "
- نيكولا شامفور

منقول
#quote

خلي نبدي قصتنا بالعالم الانجليزي إسحاق نيوتن في عام 1666 .. بهل عام أدى انتشار طاعون مميت إلى إغلاق جامعة كامبريدج في بريطانيا و خله نيوتن يطلع من جامعة كامبريدج ويروح على والدته الي تسكن ب منطقة ريفية

كعد نيوتن خلال هذه الفترة يدرس الفيزياء والرياضيات، وسوه إنجازات عظيمة منها ثلاثة قوانين لدراسة حركة الأجسام سميت هذه القوانين بقوانين نيوتن الثلاثة وسوه قانون الجاذبية الي يفسر رياضياً كيف تنجذب الأجسام ذات الكتلة نحو بعضها البعض

تخيل وياي قوة هاي القوانين .. خلي انطيك مثال

مثلا .. لو جانت عدنه معلومات حول موقع القمر وسرعته في لحظة معينة .. من خلال هاي رح نكدر نتنبأ بحركة القمر المستقبلية بدقة كبيرة ..يعني التنبؤ مثلاً بخسوف القمر قبل حدوثه بسنين كثيرة

يعني باختصار أي جسم نريد دراسة حركته، كل ما نحتاجه بعض المعلومات عن حالته في لحظة معينة .. بعدها رح نكدر نعرف حالته في أي لحظة تالية ..

بس قوانين نيوتن هذه اتصفت بصفة غريبة .. الي هيه جانت تعمل بشكل عكسي أيضاً …

يعني بمعنى اخر لو جانت عدنا معلومات حول حالة الجسم في اللحظة الحالية، رح نكدر باستخدام القوانين .. معرفة شلون جانت حالته في أي لحظة سابقة .. اي في الماضي

خلي نرجع ل مثالنا مال قمر ..

نكدر نعرف الأوقات الي صارت بيها خسوف للقمر قبل آلاف السنين بنفس الدقة الي تِنَبَئناها بحدوثه في المستقبل