• පුංචි ම පුංචි දේටත් හිත් තුවාල කරගන්න මිනිස්සු මේ ලෝකෙට ඕන නෑ...!

• ඉක්මනින් හිත උණු වෙලා කඳුළු වැගිරෙන ඇස් තියෙන මිනිස්සු මේ ලෝකෙට ඕන නෑ...!

• තව කෙනෙක් වෙනුවෙන් අසීමිත ව බලාපොරොත්තු තියාගෙන ඉන්න මිනිස්සු මේ ලෝකෙට ඕන නෑ...!

• කාලගුණය වගේ වෙනස් වෙන මිනිස්සු එක්ක හිත හයිය කරගන්න අමාරු මිනිස්සු මේ ලෝකෙට ඕන නෑ...!❤️‍🩹☺️

ඉතින් , මං වගේ මනුස්සයෙකුත් මේ ලෝකෙට ඕන වෙන එකක් නෑ..

නෙළා ගත්ත ද පිපුණු මල් සැම
පර ව යන විට බැලුම් නොකරත්...

මනාපය නොව සෙනෙහස ම ඇති
අය ම පමණක් පොහොර ගෙනවිත් :

නෙළනු වෙනුවට වතුර දමමින්
කුලුණු ගුණයෙන් රැකව සලසත්...!🌹❤️‍🩹

Len ✍🏼

අද ටිකක් ඔයාලා එක්ක කතා කරන්න හිතුණා...🤗

මෙතන ඇති ,

🤧 හැල්මෙ දුවගෙන ගිහින් මඟ දි හම්බවුණ එළි පස්සෙ ගිහින් අතරමං වුණ අය

🤧 දවසට තුන්වරක් කසාය ලෙස කඳුළු වීදුරුවක් විතරක් බොන අය

🙄 හීන අතෑරලා දාලා ඔහේ බලාගත්ත අත බලාගෙන ඉන්න අය

🙄 කාලයක් තමන්ගේ වටේ ගොඩක් අය හිටියත්, දැන් බිත්ති 4කට කොටු වෙලා තනි වෙලා ඉන්න අය

😇 ඒ වගේ ම සතුටින් එන ප්‍රශ්නවලට මුහුණ දීලා ඉස්සරහට යන අයත්

ජීවිතේ ඔහොම තමයි සහෝදරී , සහෝදරයා...

☺️ වැටුණ වෙලාවට අත දෙන්න ඉන්න අය අඩුයි.

💗 ඒ වගේ ම දිනපු වෙලාවටත් අත්පොළසන් දෙන්න ඉන්න අයත් ඇත්තෙම නැති තරම් නෙ.

😢 අපි අපිවමයි ඉහළට ඔසවගන්න ඕන. කවුරුවත් එන්නෙ නෑ අපේ තනියට.

ඉතින් අල්ලන් ඉමු හොඳද !❤️
අමාරු දවසට පුංචි විවේකයක් ගමු...
ජීවිතේ එක කාලයක් වැරදුණා කියලා අපි පරාද වුණා වෙන්නෙ නෑ.

මේ මොහොතේ ඉලක්ක , බලාපොරොත්තු නැති වුණත් හුස්ම ගන්න , ගලා ගෙන යන්න...

ඔයාට පිළිතුරක් ලැබෙයි.

විශ්වාසෙන් ඉන්න!☺️🥰😇❤️

අහන්නකො ඉතින් හොඳම දේ...

ඔයා මේ මොහොතේ ජීවත් වෙන එකත් ලොකු ජයග්‍රහණයක් හරි ද? 🤩❤️

මෙච්චර දේවල් වෙලත් ඔයා තවම දරාගෙන ඉන්නවනෙ.!ඔයා නම් මාරයි...

කියලා කවුරුවත් කිව්වෙ නැති වුණත් , අපි ලස්සනට ආයෙ ජීවත් වෙන්න පටන් ගමු තේරුණා ද? ☺️❤️

f(හරිම ප්‍රේමය) = (බලාපොරොත්තු)^n + වගවීම් + සොයා බැලීමේ නියතය 🩵

• දුටු දිනෙහි පළමුව ම ,
  n එකට සම වී    ය
  ඒ නුඹේ නිල් නයන
  හමු වීම පමණමයි...!👀

• යටි සිතේ මා පසින් ,
  පිළි උතුර සැබෑ විය
  කාලය ද වියපත් වැ
  n, k ට සම වී ය

එවිට නුඹ හරි ම පෙම
යැයි සිතා තුටු වීමි...🌹


• k ට එක වැඩි තැන දි
  එය එසේ සිදු වුණි ය
  දිනෙන් දින නුඹ වෙත ම
  ගත සිත ද ළං වීය☺️

• මගෙන් හිමි පෙම මදි ව ,
  දෝ නුඹට පසුපසින්
  පැමිණි k+2 ක්
  නුඹ සිතේ ලැගුම් ගෙන

  සීමා ද විරහිත ව
  පෙම් කෙරූ මාව නුඹ
  n ,  එකට තල්ලු කර
  පසෙකට ම විසි කෙරුණි...🙂💔

✨✨✨✨✨✨✨✨✨✨✨✨✨
ඉතින් , අභ්‍යුහනයෙන් "නුඹ මාගේ ය , මා නුඹේ ය" ලෙස තැනූ මාළිඟා බිඳ වැටුණි ...!🥀

දැන් මා n = 1 ට ගොස් යළිත් , නුඹ දැකීම වෙනුවෙන් ම පමණක් ජීවත් වෙමි..✨

වැරදුණේ නුඹට නොව අසීමාන්තික ව කල්පිත ගොඩ නැගූ මටයි...🍃

n = k විට නුඹ හරි ම පෙම වී නොමැත , එවිටත් නුඹට අනෙක් පසින් තවකෙකු හිඳ ඇත...🥺❤️‍🩹

Len ✍🏼

තරවටු කර ස්නේහයෙන් , අහස් මව් කියත් වලාකුළු පුතුට...! ☁️🧡

මේ මඟ ම ඇතිරු ඒ
සුදු සේල නුඹටම යි
ඒ සුමුදු පා නොතැලි
පෙරමුණට යාමටයි...

සව් සැපෙන් අඩු නොකොට
ඉහළින් ම තැබූ යේ
ශිල්පයෙන් , ගුණයෙන් ද
බැබැළී ම හිඳුමට යි...

හිතු මතේ ඒ මඟෙහි
සිසාරා ගියෝතින්
මා නුඹට අත හැරී
නුඹ මුළා වනු ඇතේ...

තව වලා හෙමි හෙමින්
නුඹ ළඟට ළං වෙවී
මගෙ පුතුගේ කුලුණු දැක
හෙණ දිදී විසුරුවයි...

දිනෙක මඟ වැරදුණොත්
සැඳෑව ට මේ මඟෙහි
නුඹ රක්ත වනු දුටොත්
මට පෙනෙන මානයෙන්...

එදිනටත් අත දීම ,
වෙනුවෙන් ම මගෙ පුතුට
පැමිණෙමි යි ; බිය නොවන් !
සෙනෙහසේ නාමයෙන්...!✨

Len ✍🏼

කාගේ උනත් පණ ගැහෙන ජීවිතයක්‼️

මේක ඔයාලගේ උදව් ඕනම වෙලාවක්...

ඔයාලගේ පුංචි සිතුවිල්ලකට පුලුවන් මනුස්සයෙක්ගෙ ජීවිතයක් බේරගන්න. මේ ඒකට ලැබෙන හොඳම අවස්ථාව වෙන්න පුළුවන්...

පුලුවන් විදියට මේ අක්කට අපි උදව් කරමු මේ වෙලාවේ🥺❤️‍🩹

🍂🫂

අයියන්ඩියේ නුඹ ඇවිදින් ගිය දවසේ
ගිණි ඇවිලුනා කැනිමඬලට අපෙ නිවසේ
එක පත අනා එකටම කෑ පෙර දවසේ
මං අමතකද නුඹ රජ වූ අද දවසේ

අම්මා එක්ක දබරව පැන ගිය වැස්සේ
ලැම දා ගියා බත හිරවුනි කුසගින්නේ
දෑසේ කඳුළු වැහි පොද ලෙස වෑහෙන්නේ
වී පෑලකට ඇයි නුඹ විරසක වෙන්නේ

ඉරට සැපක්දෝ නියඟය දළුලෑම
සඳට සැපක්දෝ ගණදුර පීදීම
නුඹට සැපක්දෝ අපි තනිකර යෑම
මහ පොළවකට නඩු හබ ඇයි ගතු කීම

අයියන්ඩියේ නුඹ ඇවිදින් ගිය දවසේ
ගිණි ඇවිලුනා කැනිමඬලට අපෙ නිවසේ
එක පත අනා එකටම කෑ පෙර දවසේ

මං අමතකද නුඹ රජ වූ අද දවසේ

ගඟක් සයුරු හිමි දැකුමට
යෑම නියත නම් නොවේ ය...
යන මඟ දී නොපිළිගතොත්
මඟ හරවා යෑම යුතු ය...✨☺️❤️

Len ✍🏼

සිතෙහි රහසේ ම පෑයූ, කිසිදා හිමි නොවූ නුඹ,😮‍💨

අතැඟිලි අතර
පරිකල්පනය රඳවා,
නුඹ තුරු අතර
සැඟව ගියා ය...

" විරහව නම්
වියැළීමට කරුණක්
නොවේ මැ යි..!
දලු ලන්නට ම හේතුවක් ය..."

ඒ නුඹ කියා දුන් ස්නේහයේ අරුතයි.

Len ✍🏼

අහස උසට
මාළිඟා තනපු
දිලිසෙන කුලුණු තියෙද්දි
පොළොවටත් උන්
දරා ගන්න
බෑ කියද්දි...
හර්ද නාළිකා කකියන
මහාමේරුව දරාගෙන
ඉන්න හිතකට
ලේ පොම්ප වෙන වාරයක් පාසා
හුස්ම පොද
ඇස් බර කරනකොට
කවර කතාද තව ඉතින්...
~Zyran 🌼✨

කොකා ගස්සපන්!
කෙළින්ම උතුරු ශිරාවට ,

කූරු ගණින්න වෙන්නෙ නෑ...
බය නොවී ඉදපන් !

සමාජයට බරක් වුණු
එකෙක් මැරුවට,
ඒකෙ පවක් නෑ...
ඒ මිනිහට සැනසීමක් ඒක...!🫆

[ හැබැයි ,කැමැත්ත ඇතුව... ]

ඉතින් ,මං කැමතියි නම්
මොකටද තවත් බලන් ඉන්නෙ?

උණ්ඩය විදපන් !
අර මතක පොට්ටනිය
නැතිවෙලා යන්නම...!🍂

Len ✍🏼