THMEY THMEY NEWS
27.6K subscribers
36K photos
1.3K videos
35 files
60.1K links
សូមចុចចូលរួមជាសមាជិកក្រុម Telegram ថ្មីៗ ដើម្បីទទួលបានព័ត៌មានដែលអ្នកទុកចិត្ត

Welcome to Thmey Thmey official telegram group.

Follow our official Twitter: https://twitter.com/thmeythmey
Download Telegram
គ្រឹះស្ថាន អម្រឹត និង សារមន្ទីរសេដ្ឋកិច្ច និងរូបិយវត្ថុ ព្រះស្រីឦសានវរ្ម័ន (ស.ស.រ) សហការរួមគ្នា លើកកម្ពស់ការអាន និងការយល់ដឹងអំពីប្រវត្តិសាស្រ្តរូបិយវត្ថុខ្មែរ។

គ្រឹះស្ថាន អម្រឹត និង សារមន្ទីរសេដ្ឋកិច្ច និងរូបិយវត្ថុ ព្រះស្រីឦសានវរ្ម័ន (ស.ស.រ) សហការរួមគ្នាលើកកម្ពស់ការអាន និង ការយល់ដឹងអំពីប្រវត្តិសាស្រ្តរូបិយវត្ថុខ្មែរ តាមរយៈការផ្តល់ឱកាសឲ្យកុមារកម្ពុជា នៅតាមខេត្ត​ និងរាជធានីភ្នំពេញចំនួន ១ម៉ឺននាក់ ឈ្វេងយល់ពីប្រវត្តិសាស្រ្តរូបិយវត្ថុ នៅសារមន្ទីរ ស.ស.រ ដែលជាសារមន្ទីរទំនើបនិងដំបូងគេបង្អស់ដែលផ្តល់នូវចំណេះដឹងអំពីទំនាក់ទំនងរវាងសេដ្ឋកិច្ច រូបិយវត្ថុនិងនយោបាយនៃប្រទេសកម្ពុជា​។

“១ ម៉ឺនជំហាន ដើម្បីសិស្ស ១ ម៉ឺននាក់” ក្រោមប្រធានបទ “រត់ ដើរ ដើម្បីលើកកម្ពស់ការអាន និង សារមន្ទីរ ស.ស.រ” ដែលនឹងប្រព្រឹត្តិទៅនៅថ្ងៃអាទិត្យ ថ្ងៃទី២៤ ខែឧសភា ឆ្នាំ២០២៦ ខាងមុខនេះនឹងមានការរត់ ដើរ ៥ខេត្តក្នុងថ្ងៃតែមួយ រួមមានខេត្តបាត់ដំបង កំពត ស្ទឹងត្រែង ស្វាយរៀង និងតាកែវ។

សម្រាប់ព័ត៌មានបន្ថែម ឬ ដើម្បីចុះឈ្មោះ សូមចូលទៅកាន់លីង (link) https://bit.ly/4mmfSeR
#AmretFunRun.Run.Read.Learn #១ម៉ឺនជំហានដើម្បីសិស្ស១ម៉ឺននាក់
1
MACPP​ប្រចាំកម្ពុជា បន្តចុះផ្ទៀងផ្ទាត់​ ស្ថានភាពនៅស្ពានស្ទឹងមេទឹក​

ក្រុមអនុព័ន្ធយោធាបរទេស (MACPP) ប្រចាំកម្ពុជា បន្តចុះសង្កេតការណ៍ និងផ្ទៀងផ្ទាត់អំពីស្ថានភាពនៅស្ពានស្ទឹងមេទឹក ខេត្តពោធិ៍សាត់​នៅម៉ោង២​និង៣០នាទី​ រសៀលថ្ងៃទី២៨​ ខែមេសា។​ នេះបេីតាមសេចក្តី​ប្រកាសព័ត៌មានរបស់ក្រសួងការពារជាតិ។

ស្ពានស្ទឹងមេទឹក បានរងការវាយប្រហារដោយការទម្លាក់គ្រាប់ពីយន្តហោះចម្បាំង​ F-16 របស់ថៃ បណ្តាលឱ្យខូចខាតនិងដាច់ទាំងស្រុងមិនអាចចរាចរណ៍ទៅមកបាន កាលពីថ្ងៃទី១៣ ខែធ្នូ ឆ្នាំ២០២៥។ ស្ពាននេះគឺជាហេដ្ឋារចនាសម្ព័ន្ធស៊ីវិលសុទ្ធសាធ ដែលមានទីតាំងស្ថិតនៅចម្ងាយរាប់សិបគីឡូម៉ែត្រពីព្រំដែនកម្ពុជា-ថៃ។

សូមជម្រាបថា​ មុនទៅទីតាំងនេះ​ ក្រុមអនុព័ន្ធយោធាបរទេស (MACPP) ប្រចាំកម្ពុជា បានទៅសង្កេតការណ៍នៅតំបន់អូរភ្លុកដំរី​ និងនៅច្រកជ័យជំនះ​ ក្នុងឃុំថ្មដា​ ស្រុកវាលវែង​ ទីតាំងដែលយោធាកាន់កាប់ដោយខុសច្បាប់​ និងបានពង្រាយទូរកុងតឺន័រ​ និងបន្លាលួស។