O‘zbekiston davlat jahon tillari universiteti Ingliz tili 3-fakulteti mas'ullari 1- va 2-sonli TTJlarga tashrif buyurdi

Fakultet dekani I.T. Xaydarov boshchiligidagi mas'ullar (Z. Ismoilova, N. Israilova hamda tyutorlar R. Uzoqova va G. Mardonovalar) talabalarning yashash sharoitlarini o‘rganish maqsadida 1- va 2-sonli Talabalar turar joylarida bo‘lishdi.

Tashrif davomida turar joylardagi sanitariya-gigiyena holati va ichki tartib-qoidalarga qat'iy rioya etilishi ko‘zdan kechirildi.

Shuningdek, talabalar bilan ochiq muloqot o‘tkazilib, takliflari tinglandi hamda xavfsizlik va tozalik qoidalari bo‘yicha tegishli ko‘rsatmalar berildi.

Bizni kuzatishda davom eting.
https://t.me/thirdEnglishfaculty

🇺🇿O’zbekiston davlat jahon tillari universiteti 3-ingliz tili fakulteti tyutori S.Berdiyeva va 2501-guruh talabasi Topildiyeva Dilafruz tomonidan “O’zbekistonlik ekanimdan faxrlanaman” mavzusida maqolalar tanlovi tashkil etildi.

Tanlovdan ko‘zlangan asosiy maqsad — talaba-yoshlarning Vatanga bo‘lgan muhabbatini yanada mustahkamlash, ularning milliy qadriyatlar, ajdodlar merosi va yurtimizning boy tarixi hamda bugungi taraqqiyotiga bo‘lgan qiziqishini oshirishdan iborat.

Tanlov yakunida eng mazmunli va ijodiy yondashuv asosida yozilgan maqolalar saralab olinib, faol ishtirokchilar munosib rag‘batlantirildi.

Ingliz tili 3-fakulteti tyutori D.Burxonova tashabbusi bilan o'ziga biriktirilgan talabalar ishtirokida Adiblar xiyoboniga ma’naviy-ma’rifiy tashrif tashkil etildi.

Tashrif davomida talaba-yoshlar o‘zbek adabiyotining zabardast namoyandalari hayoti va ijodiga oid ma’lumotlar bilan yaqindan tanishdilar. Xiyobonda o‘rnatilgan adiblar haykallari va yodgorliklari yosh avlodni milliy adabiyotimiz, tariximiz va ma’naviy merosimizga hurmat ruhida tarbiyalashda muhim ahamiyat kasb etishi ta’kidlandi.

Shuningdek, tashrif doirasida “Mustaqillik yillarida O‘zbekiston: kecha va bugun” mavzusida ochiq muloqot tashkil etildi. Unda mustaqillik yillarida mamlakatimiz hayotida yuz bergan o‘zgarishlar, erishilgan yutuqlar, ta’lim va yoshlar uchun yaratilayotgan imkoniyatlar haqida fikr almashildi.

Bunday ma’naviy-ma’rifiy tadbirlar yoshlarning tarixiy xotirasi, milliy o‘zligi va Vatanga daxldorlik tuyg‘usini mustahkamlashga xizmat qiladi.