🟦🟦🟦

Ingliz tili 3-fakulteti hisobot yig‘ilishi bo‘lib o‘tdi

8-iyul kuni O‘zbekiston davlat jahon tillari universiteti Ingliz tili 3-fakultetida 2025-2026 o‘quv yili yakuni bo‘yicha hisobot yig‘ilishi bo‘lib o‘tdi.

Yig‘ilishda O‘zbekiston davlat jahon tillari universiteti o’quv ishlari bo‘yicha prorektor M.Ch. Chutpulatov, ilmiy ishlar va innovatsiyalar bo‘yicha prorektor O.Ya. Yusupov, xalqaro hamkorlik masalalari bo‘yicha prorektor A.A. Nasirov hamda ta’lim sifatini nazorat qilish bo’limi boshlig’i L.Zaripovlar ishtirok etdi.

Shuningdek, yig‘ilishda fakultet dekani va kafedra mudirlari, professor-o‘qituvchilar hamda mas’ul xodimlar qatnashdi.

Hisobot yig‘ilishida quyidagi yo‘nalishlar bo‘yicha amalga oshirilgan ishlar tahlil qilindi:
✅ O‘quv va o‘quv-uslubiy sohadagi natijalar;
✅ Ilmiy tadqiqotlar va nashrlar samaradorligi;
✅ Xalqaro hamkorlik doirasidagi loyihalar, almashinuv dasturlari;
✅ Ma’naviy-ma’rifiy yo‘nalishda o‘tkazilgan tadbirlar, yoshlar bilan ishlash samarasi;
✅ 2025-2026 o‘quv yili yakunidagi mavjud muammolar va ularni bartaraf etish bo‘yicha takliflar;
✅ 2026-2027 o‘quv yilida universitet va fakultet rivoji uchun belgilangan ustuvor yo‘nalishlar.

Yig‘ilish davomida prorektorlar tomonidan professor-o‘qituvchilar faoliyatiga doir taklif va mulohazalar bildirildi. Fakultet jamoasi tomonidan esa yangi o‘quv yilida samaradorlikni oshirish, xalqaro faoliyatni kengaytirish, ilmiy tadqiqotlarni jadallashtirishga doir aniq reja va tashabbuslar ilgari surildi.

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦

O‘zDJTUda PRESETT loyihasi doirasida bakalavriat ta’lim dasturlarini takomillashtirish ishlari boshlandi

2026-yil 8-iyul kuni O‘zbekiston davlat jahon tillari universitetida PRESETT loyihasi doirasida Britaniya Kengashi vakillari hamda universitet mutaxassislaridan iborat ishchi guruhning dastlabki yig‘ilishi bo‘lib o‘tdi.

Yig‘ilish davomida “Filologiya va tillarni o‘qitish (ingliz tili)” bakalavriat ta’lim yo‘nalishining amaldagi malaka talablari, o‘quv rejalari va fan dasturlarini xalqaro standartlar asosida qayta ko‘rib chiqish hamda takomillashtirish masalalari muhokama qilindi.

Muhokamalar jarayonida ta’lim dasturlarini zamonaviy talablar asosida yangilash, ta’lim natijalari va baholash tizimini xalqaro yondashuvlarga moslashtirish, shuningdek, bo‘lajak pedagog kadrlarning kasbiy kompetensiyalarini rivojlantirishga qaratilgan ustuvor yo‘nalishlar belgilab olindi.

🌐Biz ijtimoiy tarmoqlarda:
Telegram | Instagram | Facebook | Sayt