✅Joriy yilning 12-may sanasida Ingliz tili 3-fakulteti tyutori N. Mamazohirova o‘ziga biriktirilgan talabalar bilan birgalikda tarixiy va ma’naviy merosimizni yaqindan o‘rganish maqsadida Ko‘kaldosh madrasasiga tashrif buyurishdi.
🕌Tashrif davomida talabalar madrasa tarixi, uning me’moriy tuzilishi hamda milliy qadriyatlarimizdagi o‘rni haqida ma’lumotlarga ega bo‘lishdi. Tadbir talabalarning ma’naviy dunyoqarashini kengaytirish va tarixiy obidalarga bo‘lgan qiziqishini oshirishga xizmat qildi.

2026-yil 15-may kuni OʻzDJTU Ingliz tili 3-fakulteti Ingliz tili amaliy fanlar 3-kafedrasi oʻqituvchisi Kulmamatova Aziza tomonidan 2518-guruh talabalari bilan “Listening and Speaking” fanidan “Language” mavzusida ochiq dars tashkil etildi.
Dars davomida talabalarning tinglab tushunish, erkin fikr bildirish hamda muloqot qilish koʻnikmalarini rivojlantirishga qaratilgan interaktiv metodlardan foydalanildi. Mashgʻulot jarayonida talabalar juftlik va guruhlarda ishlash orqali til, kommunikatsiya, aksent va madaniyatga oid qiziqarli savol-javob hamda muhokamalarda faol ishtirok etdilar.
Ochiq dars zamonaviy pedagogik texnologiyalar asosida tashkil etilib, talabalar mavzu yuzasidan oʻz fikrlarini ingliz tilida erkin bayon qildilar. Dars yuqori saviyada oʻtkazilib, ishtirokchilar tomonidan ijobiy baholandi.

2026-yil 15-may kuni O'zDJTU Ingliz tili amaliy fanlar #3 kafedrasi o'qituvchisi Shukurova Nodira, 2514-guruhda “Og‘zaki nutq amaliyoti” fanidan “Discussion about Machine Translation” mavzusida ochiq dars tashkil etdi. Dars zamonaviy pedagogik texnologiyalar hamda interaktiv metodlar asosida olib borildi.
📌Darsning asosiy maqsadi talabalarni mashina tarjimasi (machine translation) tushunchasi, uning afzallik va kamchiliklari bilan tanishtirish, mavzu yuzasidan erkin fikr bildirish hamda ingliz tilida og‘zaki nutq ko‘nikmalarini rivojlantirishdan iborat bo‘ldi.
Dars davomida o‘qituvchi tomonidan talabalar bir o'zlari, sheriklikda va kichik guruhlarga bo‘linib turli qiziqarli vazifalarni bajarish davomida og'zaki nutq ko'nikmalarini yanada rivojlantirdilar.
Mashg'ulot davomida “Advantages and disadvantages of machine translation”, “Can artificial intelligence replace human translators?” kabi muammoli savollar berildi.
💻O'zbekistonning 2030 yilgacha bo'lgan taraqqiyot strategiyasining 3-bandini turli tarjima dasturlaridan foydalanib tarjima qildilar, hamda mashina tarjimasining kamchilik tomonlarini solishtirdilar. Talabalar ushbu savollar asosida munozara olib bordilar, o‘z fikrlarini ingliz tilida erkin bayon etdilar hamda misollar orqali asoslashga harakat qildilar. Shuningdek, talabalar zamonaviy tarjima dasturlari, jumladan, Google Translate va DeepL imkoniyatlari haqida fikr almashdilar.
Darsda multimedia vositalari, slaydlar va audio materiallardan foydalanildi. Bu esa talabalarning mavzuga bo‘lgan qiziqishini oshirdi hamda ularning tinglab tushunish va gapirish ko‘nikmalarini yanada rivojlantirdi.
Ochiq dars yakunida talabalar faol ishtiroki uchun baholandi. Dars mazmunli, qiziqarli va interaktiv tarzda tashkil etilgani ta’kidlandi. Kuzatuvchi o‘qituvchilar tomonidan dars ijobiy baholanib, o‘qituvchining pedagogik mahorati hamda innovatsion yondashuvlari e’tirof etildi.

🏫✨ 168-maktabda navbatdagi to'garak mashg‘uloti!

2026-yil 1️⃣5️⃣-may kuni  Ingliz tili amaliy fanlar №3 kafedrasiga biriktirilgan 2525-guruh talabalari Axmedova Malika va Maxmarajabova Shaxzoda tomonidan Toshkent shahar Chilonzor tumanidagi 168-maktabda 1-sinf o‘quvchilari uchun “Public places” mavzusida ingliz tili to‘garak mashg‘uloti tashkil etildi.

Mashg‘ulot davomida o‘quvchilar school, park, library, hospital, shop, zoo kabi jamoat joylariga oid yangi inglizcha so‘zlarni rasmlar, ko‘rgazmali vositalar va interfaol mashqlar orqali o‘zlashtirdilar.

Bundan tashqari, “What is this?”, “I go to school”, “Do you like the park?” kabi sodda savol-javob mashqlari tashkil etilib, o‘quvchilarning ingliz tilida muloqot qilish ko‘nikmalari rivojlantirildi. Qiziqarli o‘yinlar esa mashg‘ulotni yanada jonli va samarali o‘tishiga xizmat qildi. 🌟

Mazkur mashg‘ulot o‘quvchilarning ingliz tiliga bo‘lgan qiziqishini oshirish, ularning lug‘at boyligini kengaytirish hamda kundalik hayotda uchraydigan joylarni ingliz tilida ifodalash ko‘nikmalarini shakllantirishga xizmat qildi.