5 tashabbusning 1-yo‘nalishi — yoshlarning musiqa, rassomlik, adabiyot, teatr va san’atning boshqa turlariga qiziqishlarini oshirish hamda iste’dodini yuzaga chiqarishga xizmat qilishi doirasida o‘qituvchi Yusupova Sitora tomonidan 2516-guruh talabalari bilan O‘zbekiston tarixi davlat muzeyiga ma’naviy-ma’rifiy tadbir tashkil etildi.

Tadbir davomida talabalar muzeydagi tarixiy eksponatlar, milliy madaniyat va san’at namunalari bilan yaqindan tanishdilar. Muzey bo‘ylab ekskursiya davomida yoshlarga xalqimizning boy tarixi, madaniy merosi hamda san’at rivoji haqida batafsil ma’lumotlar berildi. Talabalar qadimiy buyumlar, tarixiy hujjatlar va san’at asarlarini katta qiziqish bilan kuzatdilar.

Tashrif davomida yoshlarning milliy qadriyatlarga hurmat ruhida tarbiyalanishi, tarix va san’atga bo‘lgan qiziqishini oshirish hamda ularning ma’naviy dunyoqarashini boyitishga alohida e’tibor qaratildi. Talabalar muzeydan olgan taassurotlari bilan o‘rtoqlashib, tarix va madaniyatning yoshlar hayotidagi o‘rni haqida fikr bildirdilar.

Mazkur tadbir talabalarning bo‘sh vaqtlarini mazmunli tashkil etish, ularning estetik didi va intellektual salohiyatini rivojlantirish hamda tarixiy-madaniy merosga bo‘lgan qiziqishini yanada kuchaytirishga xizmat qildi.

📚 OCHIQ DARS MASHG‘ULOTI

2026-yil 1️⃣4️⃣-may kuni Ingliz tili amaliy fanlar №3 kafedrasi katta o‘qituvchisi Shukurova Shohsanam tomonidan 2524-guruh talabalari uchun “Oral Speech Practice” fanidan “Revision” mavzusida ochiq dars mashg‘uloti tashkil etildi.

🔹 Mashg‘ulot davomida zamonaviy pedagogik yondashuvlardan:
✅ Communicative Language Teaching (CLT)
✅ Student-Centered Approach
✅ Task-Based Learning (TBL)
✅ Collaborative Learning
✅ Problem-Solving Approach
✅ Interactive Learning
✅ Critical Thinking Approach
samarali foydalanildi.

💡 Dars jarayonida talabalar:
— global va zamonaviy muammolar yuzasidan fikr almashdilar;
— kreativ startap loyihalarini ishlab chiqdilar;
— bahs-munozaralarda faol ishtirok etdilar;
— o‘z fikrlarini ingliz tilida erkin ifodalash va himoya qilish ko‘nikmalarini namoyish etdilar.

🌍 Mashg‘ulot mavzusi O‘zbekiston Respublikasining 2022–2026-yillarga mo‘ljallangan Taraqqiyot strategiyasi bilan integratsiya qilinib, talabalarning ijtimoiy faolligi, fuqarolik pozitsiyasi va tanqidiy fikrlash kompetensiyalarini rivojlantirishga xizmat qildi.

✨ Ochiq dars innovatsion metodlar, interaktiv topshiriqlar va samarali kommunikativ muhit orqali yuqori saviyada tashkil etildi.

2026-yil 8-may kuni #BRM tadbirlari doirasida O‘zbekiston davlat jahon tillari universiteti Ingliz tili amaliy fanlar №3 kafedrasi katta o‘qituvchisi Tursunxodjayev J.J. tomonidan 2519-guruh talabalari ishtirokida “Mas’ulyatli iste’mol va ishlab chiqarish. Jahon oziq-ovqat xavfsizligi kuni” mavzusida tadbir o‘tkazildi.

Tadbirning asosiy maqsadi talabalarda ekologik madaniyatni shakllantirish, oziq-ovqat xavfsizligi muammolari haqida tushuncha hosil qilish hamda mas’uliyatli iste’mol tamoyillarini targ‘ib etishdan iborat bo‘ldi.

Tadbir davomida talabalarga Barqaror rivojlanish maqsadlarining 12-maqsadi — “Mas’uliyatli iste’mol va ishlab chiqarish” haqida batafsil ma’lumot taqdim etildi. Ushbu maqsadning mazmun-mohiyati, tabiiy resurslardan oqilona foydalanish, chiqindilarni kamaytirish, qayta ishlash madaniyatini rivojlantirish va ekologik muvozanatni saqlashdagi ahamiyati tushuntirildi. Shu bilan birga, dunyo miqyosida oziq-ovqat tanqisligi, isrof va ekologik muammolar insoniyat oldidagi dolzarb masalalardan biri ekanligi ta’kidlandi.

Tadbir jarayonida interaktiv savol-javoblar, guruhli muhokamalar va munozaralar tashkil etildi. Talabalar “Qanday qilib kundalik hayotda mas’uliyatli iste’molchi bo‘lish mumkin?” va “Oziq-ovqat isrofini kamaytirish uchun nimalar qilish kerak?” kabi savollar yuzasidan o‘z fikrlarini bayon etdilar. Bu jarayon talabalarning mavzu bo‘yicha tanqidiy fikrlash, ingliz tilida erkin muloqot qilish hamda jamoada ishlash ko‘nikmalarini rivojlantirishga xizmat qildi.

Tadbir yakunida mas’uliyatli iste’mol va ishlab chiqarish inson salomatligi, iqtisodiyot va ekologiya bilan chambarchas bog‘liq ekanligi alohida qayd etildi. Talabalar barqaror rivojlanish maqsadlarini amalga oshirishda har bir insonning o‘rni va mas’uliyati muhim ekanligini anglab yetdilar. Tadbir barcha ishtirokchilarda katta taassurot qoldirdi hamda ekologik ong va ijtimoiy mas’uliyatni oshirishga xizmat qildi.

Tadbir yuqori saviyada va ko‘tarinki ruhda tashkil etildi. 2519-guruh talabalari mavzuga faol yondashib, o‘z bilim va qiziqishlarini namoyon etdilar.

Ushbu BRM tadbiri talabalarning dunyoqarashini kengaytirish, global muammolarga befarq bo‘lmaslik hamda ekologik madaniyatni shakllantirishda muhim ahamiyat kasb etdi.