13.05.2026 kuni Ingliz tili amaliy fanlar kafedrasi o‘qituvchisi Yusupova Sitora tomonidan 2516-guruh talabalari uchun “The sound of music” mavzusida ochiq dars tashkil etildi.

Dars davomida talabalarning speaking, reading hamda critical thinking ko‘nikmalarini rivojlantirishga alohida e’tibor qaratildi. Mashg‘ulot warm-up activity bilan boshlandi. Talabalar musiqa janrlari, sevimli qo‘shiqchilar hamda konsertlar haqidagi savollar asosida juftliklarda suhbat olib bordilar. “Soundtrack of My Life” topshirig‘i orqali ular hayotining turli davrlariga mos qo‘shiqlarni tanlab, ijodiy fikrlarini namoyish etdilar.

Asosiy qismda talabalar Glastonbury festivali haqidagi matn bilan ishladilar. Ular festival tarixi, rivojlanishi va muammolari haqida ma’lumot olib, matn asosida savollarga javob berdilar hamda raqamlar bilan bog‘liq ma’lumotlarni tahlil qildilar. Guruhlarda ishlash davomida talabalar o‘zlarining “dream music festival” loyihalarini yaratib, taqdim etdilar.

Darsning interaktiv qismida “Silent Music Video” faoliyati tashkil qilindi. Talabalar musiqasiz videoni tomosha qilib, uning janri, kayfiyati va mazmunini taxmin qildilar. Yakuniy bosqichda esa “What would the world be like without music?” mavzusida fikr almashilib, musiqaning inson hayoti va madaniyatidagi o‘rni muhokama qilindi.

Dars zamonaviy pedagogik metodlar asosida tashkil etildi. Talabalar mashg‘ulot davomida faol ishtirok etdilar, erkin fikr bildirdilar va kommunikativ ko‘nikmalarini rivojlantirdilar.

📊2026-yil 14-may kuni Ingliz tili amaliy fanlar №3 kafedrasi o‘qituvchisi Bahronova Maftuna Farhodovna tomonidan 2508- guruh talabalari ishtirokida “Yoshlar kuni” kuni munosabati bilan “Yoshlar kelajak mevasi” mavzusida tadbir o‘tkazildi.

📜Kirish qismida o‘quvchilarga bugungi kunda yoshlarga qaratilayotgan davlat siyosati, yoshlarning jamiyatdagi o‘rni va ularning kelajak taraqqiyotidagi ahamiyati haqida alohida to‘xtalib o‘tildi.
Shuningdek, yoshlarning bilim olishi, zamonaviy kasb-hunarlarni egallashi, sport bilan shug‘ullanishi hamda bo‘sh vaqtini mazmunli tashkil etish borasida amalga oshirilayotgan ishlar haqida ma’lumot berdi.
Tadbir doirasida quyidagi ishlarni amalga oshirish rejalashtirilgani ta’kidlandi:
sport musobaqalari tashkil etish;
kitobxonlik va zakovat tanlovlari o‘tkazish;
yosh ijodkorlar ishtirokida konsert dasturi uyushtirish;
faol va iqtidorli yoshlarni taqdirlash;
yoshlar bilan ochiq muloqot va davra suhbatlari tashkil qilish.
Yig‘ilish davomida bir nechta faol yoshlar ham so‘zga chiqib, yoshlarga yaratilayotgan imkoniyatlar uchun minnatdorchilik bildirdilar hamda turli tashabbus va takliflarini ilgari surdilar.

📍13.05.2026 sanasida Ingliz tili 3-fakulteti, Ingliz tili integrallashgan kurs-3 kafedrasi katta oʻqituvchisi Anora Abduraimova rahbarligidagi 2405-guruh talabalari Anvarbekova Gulmira, Abdibositova Fazilat, Axmadqulova Mahliyo hamda Mirzayeva Sevinch tomonidan Toshkent shahar Chilonzor tumani 78-maktab 8-sinf oʻquvchilari uchun darsdan tashqari "Marshmallow challenge🍡" hamda qiziqarli topshiriqlar soati tashkil etildi🧩

🎲Mashgʻulot guruhlarga boʻlinib oʻtkazildi va ularga berilgan mahsulotlardan bino qurish hamda unga nom berib, Ingliz tilida qisqacha nutq so'zlab berish topshirigʻi berildi. Mashg'ulot davomida o'quvchilar jamoa bilan ishlash, o'zaro fikr almashish imkoniga ega bo'ldilar va jarayondan zavqlandilar✅

🎯Mazkur interfaol va interaktiv oʻyinlar birinchi navbatda o'quvchilarning darsdan tashqari vaqtini unumli va maroqli oʻtkazishni ta'minlash bilan birga bilimlarini yanada mustahkamlash imkonini ham beradi. Ularda yangi gʻoyalar va Ingliz tiliga yanada oʻzgacha ishtiyoq va qiziqish uygʻotadi📚🔍📝