⭕️ Joriy yilning 13-may kuni Ingliz tili 3-fakultetida fakultet dekani I. Xaydarov va yoshlar bilan ishlash bo'yicha dekan o'rinbosari M. Jakbarov hamda tyutorlar tomonidan 1 va 3-kurs sardorlari ishtirokida "Korrupsiyaga qarshi kurash" mavzusida profilaktik suhbat tashkil etildi. Suhbat davomida talaba-yoshlar orasida korrupsiyaning oldini olish, halollik va adolat tamoyillariga rioya qilish masalalari muhokama qilindi.

📌 Ayniqsa yaqinlashib kelayotgan sessiya jarayonida shaffoflikni ta’minlash, noqonuniy holatlarga yo‘l qo‘ymaslik, har bir talabaning bilim asosida baholanishi muhimligi alohida ta’kidlandi. Sardorlar o‘z guruhlarida ham talabalarni ogohlikka chaqirish, korrupsion holatlarga befarq bo‘lmaslik hamda tartib-intizomga rioya qilish yuzasidan tavsiyalar oldilar.

♻️ Suhbat yakunida barcha ishtirokchilar sessiya jarayonlarini halollik va shaffoflik asosida o‘tkazishga chaqirildi.

🇺🇿 O‘zbekiston davlat jahon tillari universiteti Ingliz tili 3-fakultetida milliy qadriyatlarimizni targ‘ib qilish hamda talaba-yoshlar qalbida milliylik ruhini mustahkamlash maqsadida ma’naviy-ma’rifiy tadbir tashkil etildi.

Mazkur tadbir fakultet tutorlari — Z.Xolmurodova, M.Avazova, N.Israilova hamda N.Mamazoxirova tomonidan yuqori saviyada o‘tkazildi. Tadbir davomida milliy an’analar, urf-odatlar va ma’naviy qadriyatlarimizning ahamiyati haqida so‘z yuritildi.

Bunday tadbirlar yoshlar ongida vatanparvarlik, milliy g‘urur va ma’naviy yetuklikni shakllantirishda muhim ahamiyat kasb etadi. ✨

2026-yil 12-may kuni Ingliz tili amaliy fanlar-3 kafedrasi o‘qituvchisi Ibrohimova L.I tomonidan talabalar ishtirokida “Talabalikda o‘qigan ilk kitobim” mavzusida ma’naviy-ma’rifiy tadbir tashkil etildi.

Tadbir davomida talabalar o‘zlarini mutolaa qilgan ilk kitoblari, ularning mazmun-mohiyati hamda hayotidagi ahamiyati haqida qiziqarli fikr-mulohazalar bildirdilar. Ishtirokchilar tomonidan kitobxonlik madaniyati, badiiy adabiyotning inson tafakkuri va dunyoqarashini shakllantirishdagi o‘rni haqida mazmunli chiqishlar qilindi.

Tadbir yuqori saviyada, ko‘tarinki ruh va samimiy muhitda o‘tkazildi. Unda talabalar faol ishtirok etib, o‘z bilim va ijodkorliklarini namoyon etdilar. Tadbir davomida turli interaktiv suhbatlar, fikr almashuvlar hamda qiziqarli chiqishlar barchada iliq taassurot qoldirdi.

Yakunda ushbu tadbir talabalarning kitobxonlikka bo‘lgan qiziqishini yanada oshirish, ularning ma’naviy dunyosini boyitish hamda o‘zaro fikr almashish ko‘nikmalarini rivojlantirishga xizmat qilgani alohida ta’kidlandi.

13-may kuni Ingliz tili fakulteti 3-kafedrasida katta o'qituvchi Saodat Agzamxodjayeva tomonidan "Teaching reading extensively" mavzusida metodik dars tashkil etildi. Ushbu dars 2025–2026-o'quv yilida "O'qish va yozish amaliyoti" fani bo'yicha 1-bosqich talabalari uchun mo'ljallangan "Extensive reading" (keng qamrovli o'qish) moduli doirasida o'tkazildi.

Mustaqil o'qish amaliyoti talabalar uchun doimiy qiyinchilik tug'dirib kelgan bo'lib, ushbu muammoni hal qilish yo'llari haqida katta o'qituvchi Saodat Agzamxodjayeva tomonidan yangicha yondashuv taklif qilindi. U xorijiy adabiyotlarni o'qitishda milliy g'oya, etnik kelib chiqish va madaniy-ma'naviy e'tiqodlarga asoslangan tushuntirish usullarini ilgari surdi.

Ushbu metodik darsda professor-o'qituvchilar tajriba almashish va erkin muhokama olib borish maqsadida Abdulla Qodiriyning "O'tgan kunlar" asaridan bir parcha misol qilib keltirildi: "...tegizib olg'an o'z qo'lini o'pdi: — Bizning Marg'ilonda ham shunday kelinimiz bor ekan-ku, biz bilmay yurg'an ekanmiz-da, — deb tevaragiga qarab kulindi va qo'lini duo'ga ochdi..." Ushbu matn asosida xorijiy asarlar bo'yicha savol-javoblar almashinuvi o'tkazildi.

Dars jarayonida o'qituvchilar talabalar o'rnida bo'lib, kontekst orqali o'qitish metodlari va texnikalariga oid o'yin va mashqlarda faol ishtirok etishdi. Natijada, dars qiziqarli va samarali o'tkazildi.

📊2026-yil 13-may kuni Ingliz tili amaliy fanlar №3 kafedrasi o‘qituvchisi Bahronova Maftuna Farhodovna tomonidan 2515-guruh talabalari ishtirokida “Language” mavzusida ochiq dars o‘tkazildi.

📜Kirish qismida o‘quvchilarga tillar haqida savollar berildi va ularning fikrlari tinglandi. O‘quvchilar faol ishtirok etdi.
O‘qituvchi yangi “Language” mavzusini tushuntirdi. Dars davomida tilning inson hayotidagi o‘rni, ona tili va chet tillarining ahamiyati haqida ma’lumot berildi. O‘quvchilarga yangi so‘z va iboralar tanishtirildi hamda ularning talaffuzi mashq qilindi.
Mavzuga oid quyidagi yangi so‘zlar o‘rganildi:
language — til
native language — ona tili
foreign language — chet tili
communication — muloqot
culture — madaniyat
O‘quvchilar matnni navbat bilan o‘qidilar, tarjima qildilar va matn yuzasidan savollarga javob berdilar.
Shundan so‘ng o‘quvchilar guruhlarga bo‘linib, “Nima uchun tillarni o‘rganamiz?” mavzusida fikr almashdilar. Har bir guruh o‘z fikrlarini ingliz tilida bayon etdi.
Juftliklarda dialog tuzish mashqi bajarildi. O‘quvchilar bir-birlariga qaysi tillarda gaplasha olishlari haqida savollar berdilar va suhbatlashdilar.
IV. Mustahkamlash
Mavzu yuzasidan savol-javob qilindi.
O‘quvchilarning mavzuni qay darajada tushungani aniqlandi.
Interfaol mashqlar orqali bilimlar mustahkamlandi.
V. Baholash
Dars davomida faol qatnashgan o‘quvchilar baholandi va rag‘batlantirildi.
VI. Uyga vazifa
“Hayotimdagi tillar” mavzusida kichik matn yozib kelish topshirildi.

Yakuniy qismda o‘qituvchi darsni umumlashtirdi, o‘quvchilarning faoliyati baholandi va faol qatnashgan o‘quvchilar rag‘batlantirildi.

📃Xulosa:
Dars samarali tashkil etildi. O‘quvchilar guruhda ishlash ko‘nikmalarini rivojlantirishga erishdi. Ular o‘zaro hamkorlikda ishlash, fikr almashish va muammolarni birgalikda hal qilishni o‘rgandi.

📤Ochiq dars yuqori saviyada, aniq reja asosida va metodik jihatdan to‘g‘ri tashkil etildi. Talabalar tomonidan mavzu yaxshi o‘zlashtirildi.