🎓 METOD DARSI O‘TKAZILDI

📌 2026-yil 7-may kuni Ingliz tili amaliy fanlar №3 kafedrasi katta o‘qituvchisi D.A. Kamalova tomonidan “Teach smart: AI-powered English classrooms” mavzusida metod darsi tashkil etildi.

💡 Tadbir davomida ingliz tilini o‘qitishda sun’iy intellekt texnologiyalaridan samarali foydalanish, AI vositalari yordamida interaktiv darslarni tashkil etish hamda NotebookLM platformasining ta’limdagi imkoniyatlari haqida so‘z yuritildi.

🔹 Ishtirokchilarga NotebookLM platformasidan foydalanish bo‘yicha amaliy tavsiyalar berildi.
🔹 NotebookLM yordamida dars materiallarini tartibga solish, matnlarni tahlil qilish va qisqa xulosalar yaratish usullari namoyish etildi.
🔹 AI asosidagi innovatsion yondashuvlarning kommunikativ kompetensiyani rivojlantirishdagi o‘rni muhokama qilindi.
🔹 Tadbir interaktiv mashg‘ulotlar, guruh ishlari va amaliyot bilan boyitildi.

✨ Bu kabi metod darslari professor-o‘qituvchilarning raqamli kompetensiyalarini rivojlantirish, innovatsion yondashuvlarni ta’lim jarayoniga tatbiq etish hamda zamonaviy ingliz tili ta’limini takomillashtirishga xizmat qiladi.

🗓 2026-yil 12-may kuni  Ingliz tili integrallashgan kursi 3-kafedra o‘qituvchisi Axmedova Nodira Rustamovna tomonidan 2411-guruh talabalari ishtirokida Chet tillarini o‘qitishning uslub va tamoyillari fanidan “Modern Approaches in Language Teaching” mavzusida to‘garak mashg‘uloti tashkil etildi. 👩‍🏫
🎯 To‘garak mashg‘ulotining asosiy maqsadi zamonaviy xorijiy til o‘qitish metodlari hamda dars jarayonida qo‘llaniladigan innovatsion yondashuvlarni amaliy tarzda namoyish etishdan iborat bo‘ldi.
📖 Mashg‘ulot davomida talabalar maktab o‘quvchilari uchun micro teaching asosida dars faoliyatlarini (activity planning) rejalashtirib, amaliy ko‘rinishda taqdim etdilar.
✨ Talabalar tomonidan:
🔹 warm-up activities
🔹 vocabulary tasks
🔹 pair work activities
🔹 interactive classroom tasks
kabi faoliyatlar namunalar asosida tashkil etildi. Har bir faoliyat o‘quvchilarning qiziqishini oshirish 📈, kommunikativ ko‘nikmalarini rivojlantirish 🗣 hamda dars samaradorligini ta’minlashga qaratildi.
💡 Mashg‘ulot davomida zamonaviy til o‘qitish metodlarining afzalliklari haqida fikr almashildi hamda activity planning jarayonida e’tibor berilishi lozim bo‘lgan jihatlar muhokama qilindi. Talabalar tomonidan tayyorlangan micro teaching namunalari qiziqarli va mazmunli tarzda olib borildi. 👏
🏆 To‘garak mashg‘uloti yuqori saviyada tashkil etilib, ishtirokchilarda zamonaviy pedagogik yondashuvlar bo‘yicha amaliy tajriba shakllanishiga xizmat qildi.

Ingliz tili №3 fakulteti Ingliz tili amaliy fanlar №3 kafedrasi ŏqituvchilari Salixova N va Bahranova M hamkor 168-son umumiy o‘rta ta’lim maktabi o‘quvchilari bilan 2026-yil 12-may sanada “Xotira va qadrlash kuni” munosabati bilan tadbir tashkil etishdi.

9-may — Xotira va Qadrlash kuni xalqimiz uchun muhim va qadrli sanalardan biri hisoblanadi. Ushbu sana orqali Vatan ozodligi, tinchligi va bugungi farovon hayot uchun kurashgan ajdodlarimizning jasorati yodga olinadi. Yosh avlod qalbida vatanparvarlik, milliy g‘urur, tarixga hurmat va faxriylarni e’zozlash tuyg‘ularini shakllantirish maqsadi olğa suriladi.

Tadbir davlat madhiyasi bilan boshlandi. So‘ng tadbirni olib boruvchilar tomonidan 9-may — Xotira va Qadrlash kunining mazmun-mohiyati haqida ma’lumot berildi. Tadbir davomida Ikkinchi jahon urushi qatnashchilari, mehnat faxriylari va Vatan ravnaqi yo‘lida xizmat qilgan insonlarning jasorati haqida fikrlar bildirildi. O‘quvchilar tomonidan Vatan, tinchlik va xotira mavzusidagi she’rlar aytildi, sahna ko‘rinishlari namoyish etildi hamda vatanparvarlik ruhidagi qo‘shiqlar ijro etildi.
Tadbir davomida faxriylar xotirasi bir daqiqalik sukut bilan yod etildi.

Universitet vakili tomonidan yoshlarni Vatanga sadoqatli bo‘lish, tinchlikning qadriga yetish va ajdodlar xotirasini hurmat qilishga chaqiruvchi ma’ruza qilindi.

Tadbir yuqori saviyada va ko‘tarinki ruhda tashkil etildi. O‘quvchilar tadbirda faol ishtirok etdilar hamda mavzu yuzasidan o‘z fikr va mulohazalarini bildirdilar.

Tadbir davomida o‘quvchilarda tarixiy xotiraga hurmat, faxriylarni qadrlash va vatanparvarlik tuyg‘ulari yanada mustahkamlangani kuzatildi. Shuningdek, tadbirning tarbiyaviy ahamiyati yuqori bo‘lib, unda qatnashgan yoshlar tinchlik va osoyishtalikning qadriga yetish zarurligini anglab oldilar.

Tadbir natijasida o‘quvchilarning tarixiy xotira, milliy qadriyatlar va Vatanga muhabbat haqidagi tushunchalari kengaydi.
Yosh avlod qalbida faxriylarni e’zozlash, ajdodlar jasoratini qadrlash va yurt tinchligini asrash kabi insoniy fazilatlarni shakllantirishga erishildi.

9-may — Xotira va Qadrlash kuniga bag‘ishlab o‘tkazilgan mazkur tadbir o‘z oldiga qo‘ygan maqsadiga erishdi.

Kelgusida ham shu kabi ma’naviy-ma’rifiy tadbirlarni muntazam tashkil etish maqsadga muvofiqdir.

2026-yil 8-may sanasida O‘zbekiston davlat jahon tillari universiteti Ingliz tili amaliy fanlar №3 kafedrasi o‘qituvchilari Kamalova D. hamda Otamurodova Ya. rahbarligida 168-son umumiy o‘rta ta’lim maktab bilan hamkorlikda“Xotira abadiy – qadrlash ezgu qadriyat” mavzusida ma’naviy-ma’rifiy tadbir tashkil etishdi.

Tadbir davomida o‘quvchilarga Xotira va qadrlash kunining mazmun-mohiyati, xalqimiz tarixidagi o‘rni hamda ajdodlar xotirasini e’zozlashning ahamiyati haqida batafsil ma’lumot berildi.

O‘qituvchilar tomonidan yoshlarda Vatanga muhabbat, tinchlikni qadrlash va milliy qadriyatlarga hurmat tuyg‘ularini shakllantirishga alohida e’tibor qaratildi.

Tadbir jarayonida:
• Xotira va qadrlash kuniga bag‘ishlangan ma’naviy-ma’rifiy suhbatlar tashkil etildi
• O‘quvchilar tomonidan Vatan va tinchlik mavzusidagi she’rlar ifodali tarzda yoddan aytildi
• Kuy-qo‘shiqlar ijro etilib, tadbirga ko‘tarinki ruh bag‘ishlandi
• Faxriylar va ajdodlar xotirasiga bag‘ishlab bir daqiqalik sukut saqlandi

Tadbir davomida o‘quvchilar o‘z fikr-mulohazalarini faol bildirib, tinchlik va osoyishtalikning qadriga yetish, ajdodlar xotirasini e’zozlash kabi tushunchalar yuzasidan samimiy munozaralarda ishtirok etdilar.

Ushbu tadbir o‘quvchilarda Vatanga sadoqat, milliy qadriyatlarga hurmat va insonparvarlik tuyg‘ularini yanada mustahkamlashga xizmat qildi.

Tadbir yuqori saviyada tashkil etilib, ishtirokchilarda katta taassurot qoldirdi.

2026-yil 12-may kuni O‘zbekiston davlat jahon tillari universiteti Ingliz tili 3-fakulteti Amaliy fanlar №3 kafedrasi katta o‘qituvchisi Tursunkho‘jayev J. tomonidan 2501-guruh talabalari bilan “Influence of AI in Humans’ Life” mavzusida ochiq dars tashkil etildi.

Ochiq dars zamonaviy pedagogik texnologiyalar hamda interfaol metodlar asosida olib borildi.

Dars davomida sun’iy intellektning inson hayotiga ta’siri, uning kundalik faoliyatdagi o‘rni, ta’lim, tibbiyot, biznes va kommunikatsiya sohalaridagi imkoniyatlari haqida fikr almashildi.

Talabalar mavzu yuzasidan o‘z mulohazalarini ingliz tilida erkin bayon etdilar, guruhlarda ishlash, munozara va taqdimot faoliyatlarida faol qatnashdilar.

Dars jarayonida quyidagi metodlardan samarali foydalanildi:
Brainstorming
Debate
Group discussion
Presentation
Question-answer activity

O‘qituvchi tomonidan darsning maqsadi aniq belgilab berildi va barcha bosqichlar izchil tashkil qilindi.
Talabalarning kommunikativ kompetensiyalarini rivojlantirishga alohida e’tibor qaratildi.
Dars davomida multimedia vositalari va zamonaviy AKT texnologiyalaridan samarali foydalanildi.

Kafedra a’zolari tomonidan ochiq dars tahlil qilinib, dars yuqori saviyada tashkil etilgani, mavzu dolzarbligi hamda talabalar faolligi alohida ta’kidlandi.

O‘qituvchining pedagogik mahorati va darsni tashkil etish ko‘nikmalari ijobiy baholandi.