🇺🇿 O‘zbekiston davlat jahon tillari universiteti
🇬🇧 Ingliz tili amaliy fanlar 3-kafedrasi 1-bosqich kechki va sirtqi ta’lim 2518-guruh talabalari ishtirokida kafedra dotsenti, PhD Tojibayeva Nazokatxon Kobiljonovnaning “Language & Culture” mavzusidagi ochiq darsi yuqori saviyada tashkil etildi.
📚 Dars davomida talabalar o‘zlari qiziqib o‘rganayotgan chet tillari haqida fikr almashib, tilning inson hayotidagi beqiyos o‘rni, dunyoqarash va tafakkur shakllanishidagi ahamiyati yuzasidan qiziqarli suhbat olib bordilar.
🌍 Shuningdek, mashg‘ulot jarayonida yoshlarning chet tillariga bo‘lgan qiziqishini oshirish, darslarni interaktiv usullar asosida tashkil etish hamda til bilan bir qatorda xalqning madaniyati, qadriyatlari va turmush tarzini chuqurroq o‘rganish bo‘yicha muhim tavsiyalar berildi.
📖 Talabalar turli xorijiy adabiyotlar, chet el universitetlari va til o‘rganish tizimlari haqida ma’lumotlarga ega bo‘lib, o‘z taassurot va bilimlarini bir-birlari bilan o‘rtoqlashdilar. Dars samimiy, qiziqarli va faol muloqot ruhida o‘tib, barcha ishtirokchilarda iliq taassurot qoldirdi. ✨

🎓 METOD DARSI O‘TKAZILDI

📌 2026-yil 7-may kuni Ingliz tili amaliy fanlar №3 kafedrasi katta o‘qituvchisi D.A. Kamalova tomonidan “Teach smart: AI-powered English classrooms” mavzusida metod darsi tashkil etildi.

💡 Tadbir davomida ingliz tilini o‘qitishda sun’iy intellekt texnologiyalaridan samarali foydalanish, AI vositalari yordamida interaktiv darslarni tashkil etish hamda NotebookLM platformasining ta’limdagi imkoniyatlari haqida so‘z yuritildi.

🔹 Ishtirokchilarga NotebookLM platformasidan foydalanish bo‘yicha amaliy tavsiyalar berildi.
🔹 NotebookLM yordamida dars materiallarini tartibga solish, matnlarni tahlil qilish va qisqa xulosalar yaratish usullari namoyish etildi.
🔹 AI asosidagi innovatsion yondashuvlarning kommunikativ kompetensiyani rivojlantirishdagi o‘rni muhokama qilindi.
🔹 Tadbir interaktiv mashg‘ulotlar, guruh ishlari va amaliyot bilan boyitildi.

✨ Bu kabi metod darslari professor-o‘qituvchilarning raqamli kompetensiyalarini rivojlantirish, innovatsion yondashuvlarni ta’lim jarayoniga tatbiq etish hamda zamonaviy ingliz tili ta’limini takomillashtirishga xizmat qiladi.

🗓 2026-yil 12-may kuni  Ingliz tili integrallashgan kursi 3-kafedra o‘qituvchisi Axmedova Nodira Rustamovna tomonidan 2411-guruh talabalari ishtirokida Chet tillarini o‘qitishning uslub va tamoyillari fanidan “Modern Approaches in Language Teaching” mavzusida to‘garak mashg‘uloti tashkil etildi. 👩‍🏫
🎯 To‘garak mashg‘ulotining asosiy maqsadi zamonaviy xorijiy til o‘qitish metodlari hamda dars jarayonida qo‘llaniladigan innovatsion yondashuvlarni amaliy tarzda namoyish etishdan iborat bo‘ldi.
📖 Mashg‘ulot davomida talabalar maktab o‘quvchilari uchun micro teaching asosida dars faoliyatlarini (activity planning) rejalashtirib, amaliy ko‘rinishda taqdim etdilar.
✨ Talabalar tomonidan:
🔹 warm-up activities
🔹 vocabulary tasks
🔹 pair work activities
🔹 interactive classroom tasks
kabi faoliyatlar namunalar asosida tashkil etildi. Har bir faoliyat o‘quvchilarning qiziqishini oshirish 📈, kommunikativ ko‘nikmalarini rivojlantirish 🗣 hamda dars samaradorligini ta’minlashga qaratildi.
💡 Mashg‘ulot davomida zamonaviy til o‘qitish metodlarining afzalliklari haqida fikr almashildi hamda activity planning jarayonida e’tibor berilishi lozim bo‘lgan jihatlar muhokama qilindi. Talabalar tomonidan tayyorlangan micro teaching namunalari qiziqarli va mazmunli tarzda olib borildi. 👏
🏆 To‘garak mashg‘uloti yuqori saviyada tashkil etilib, ishtirokchilarda zamonaviy pedagogik yondashuvlar bo‘yicha amaliy tajriba shakllanishiga xizmat qildi.

Ingliz tili №3 fakulteti Ingliz tili amaliy fanlar №3 kafedrasi ŏqituvchilari Salixova N va Bahranova M hamkor 168-son umumiy o‘rta ta’lim maktabi o‘quvchilari bilan 2026-yil 12-may sanada “Xotira va qadrlash kuni” munosabati bilan tadbir tashkil etishdi.

9-may — Xotira va Qadrlash kuni xalqimiz uchun muhim va qadrli sanalardan biri hisoblanadi. Ushbu sana orqali Vatan ozodligi, tinchligi va bugungi farovon hayot uchun kurashgan ajdodlarimizning jasorati yodga olinadi. Yosh avlod qalbida vatanparvarlik, milliy g‘urur, tarixga hurmat va faxriylarni e’zozlash tuyg‘ularini shakllantirish maqsadi olğa suriladi.

Tadbir davlat madhiyasi bilan boshlandi. So‘ng tadbirni olib boruvchilar tomonidan 9-may — Xotira va Qadrlash kunining mazmun-mohiyati haqida ma’lumot berildi. Tadbir davomida Ikkinchi jahon urushi qatnashchilari, mehnat faxriylari va Vatan ravnaqi yo‘lida xizmat qilgan insonlarning jasorati haqida fikrlar bildirildi. O‘quvchilar tomonidan Vatan, tinchlik va xotira mavzusidagi she’rlar aytildi, sahna ko‘rinishlari namoyish etildi hamda vatanparvarlik ruhidagi qo‘shiqlar ijro etildi.
Tadbir davomida faxriylar xotirasi bir daqiqalik sukut bilan yod etildi.

Universitet vakili tomonidan yoshlarni Vatanga sadoqatli bo‘lish, tinchlikning qadriga yetish va ajdodlar xotirasini hurmat qilishga chaqiruvchi ma’ruza qilindi.

Tadbir yuqori saviyada va ko‘tarinki ruhda tashkil etildi. O‘quvchilar tadbirda faol ishtirok etdilar hamda mavzu yuzasidan o‘z fikr va mulohazalarini bildirdilar.

Tadbir davomida o‘quvchilarda tarixiy xotiraga hurmat, faxriylarni qadrlash va vatanparvarlik tuyg‘ulari yanada mustahkamlangani kuzatildi. Shuningdek, tadbirning tarbiyaviy ahamiyati yuqori bo‘lib, unda qatnashgan yoshlar tinchlik va osoyishtalikning qadriga yetish zarurligini anglab oldilar.

Tadbir natijasida o‘quvchilarning tarixiy xotira, milliy qadriyatlar va Vatanga muhabbat haqidagi tushunchalari kengaydi.
Yosh avlod qalbida faxriylarni e’zozlash, ajdodlar jasoratini qadrlash va yurt tinchligini asrash kabi insoniy fazilatlarni shakllantirishga erishildi.

9-may — Xotira va Qadrlash kuniga bag‘ishlab o‘tkazilgan mazkur tadbir o‘z oldiga qo‘ygan maqsadiga erishdi.

Kelgusida ham shu kabi ma’naviy-ma’rifiy tadbirlarni muntazam tashkil etish maqsadga muvofiqdir.