🇺🇿 “Xotira bor ekan — millat barhayot, qadriyatlar esa abadiydir...”

O‘zbekiston davlat jahon tillari universiteti Ingliz tili 3-fakultetida 9-may — "Xotira va qadrlash kuni" munosabati bilan tyutor S. Berdiyevaning 2504-guruh talabalari tomonidan ma’naviy-ma’rifiy ruhdagi “Eng yaxshi sahna asari” namoyish etildi.

Mazkur sahna ko‘rinishi orqali Ikkinchi jahon urushi yillaridagi xalqimiz boshidan kechirgan og‘ir sinovlar, front ortidagi mashaqqatli mehnat, ota-bobolarimizning Vatanga bo‘lgan cheksiz muhabbati hamda jasorati chuqur badiiy talqin etildi. Talabalar o‘zlarining mahoratli ijrosi, obrazlarga chuqur kirib bora olgani va sahnadagi yuqori emotsional chiqishlari bilan tomoshabinlarda katta taassurot uyg‘otdi.

Bunday ma’naviy tadbirlar yoshlar qalbida Vatanga sadoqat, ajdodlar xotirasiga hurmat hamda tinchlikning qadriga yetish tuyg‘ularini mustahkamlashda muhim ahamiyat kasb etadi.

Oʻzbekiston davlat jahon tillari universiteti
🇬🇧Ingliz tili 3-fakultet o'qituvchisi Otamurodova Y. boshchiligida Kechki taʼlim 1- kurs talabalari bilan "Gʻalaba bogʻi"ga tashrif buyurishdi.Tashrif "Xotira abadiy- qadrlash ezgu qadriyat" mavzusida amalga oshirildi.

✅Ushbu tashrif davomida talabalar yurtimiz tarixidagi muhim sahifalar, ajdodlarimiz urush davri hayoti tarzi va qiyinchilik, ocharchilik kunlari tasvirlaridan qanchalik tinch va osoyishta zamonda va makonda  yashayotganimizga shukronalik bildirishdi.

🇺🇿Bog‘ning betakror muhitida ular nafaqat bilimlarini boyitdilar, balki vatanparvarlik tuyg‘ularini yanada mustahkamlashga erishdilar.

🇺🇿Mazkur tashrif talabalarda ajdodlarimizga yuksak  hurmat, milliy qadriyatlarni ardoqlash va  kelajak avlod uchun asrab avaylash  muhimligini anglab qaytishdi.

🟦🟦🟦
07.05.2026 Ingliz tili amaliy fanlar Nº3 kafedrasi ŏqituvchisi Salixova N.I. tominidan "Improving students' reading skills through short stories" mavzusida master-klass o'tdi.

Universitet o‘qituvchilari uchun hikoyalar yordamida talabalar o‘qish qobiliyatini rivojlantirish mavzusida master-klass juda dolzarb va amaliy mavzu hisoblanadi.
Ayniqsa, talabalarning reading comprehension, critical thinking va vocabulary ko‘nikmalarini bir vaqtda rivojlantirish uchun storytelling kuchli metod hisoblanadi.

Solixova N darsni hikoyalarning afzalliklarini ta'kidlash bilan boshladi:
1) Hikoyalar:
talabani emotsional jalb qiladi;
2) kontekst orqali vocabulary o‘rgatadi;
3) reading motivationni oshiradi;
4) inference va prediction ko‘nikmalarini rivojlantiradi;
5) talabani faol fikrlashga majbur qiladi.

Hikoyalar orqali ingliz tilini o‘qitish zamonaviy ta’limdagi eng samarali metodlardan biri hisoblanadi. Chunki hikoya insonning hissiyotiga, tasavvuriga va fikrlashiga ta’sir qiladi. Oddiy grammatik mashqlar ko‘pincha talabani charchatsa, hikoyalar ularni dars jarayoniga tabiiy ravishda jalb qiladi. Hikoyalarda yangi so‘zlar va grammatik strukturalar real vaziyatda qo‘llanadi.
Talaba alohida qoidani emas, balki tilning qanday ishlashini ko‘radi. Natijada talabalar:
vocabularyni tezroq eslab qoladi;
grammarni kontekst orqali tushunadi;
tarjima qilishga kamroq ehtiyoj sezadi.

O'qituvchilar o'zlarini talabalar o'rniga qo'yishdi va kontekst orqali o'qitish metodlari va texnikalariga doir o'yin va mashqlarda faol ishtirok etishdi.
Master klass juda qiziqarli va samarali o'tkazildi.

Xotira — aziz, qadriyat — abadiy 🕯

​Joriy yilning 9-may — Xotira va qadrlash kuni umumxalq bayrami munosabati bilan, 3-ingliz tili fakultetining 2418-guruh talabalari guruh tyutori Rayhona Uzoqova rahbarligida poytaxtimizdagi "Mustaqillik" maydoniga tashrif buyurdilar. 🇺🇿

​Ushbu tashrifning asosiy mazmun-mohiyati yosh avlodni vatanparvarlik ruhida tarbiyalash, ularda o'tgan ajdodlar xotirasiga nisbatan yuksak hurmat va ehtirom tuyg'ularini shakllantirishdan iboratdir 🌿
​Tashrif davomida tyutor R. Uzoqova tomonidan talabalarga ushbu bayramning ahamiyati, tariximizdagi o'chmas izlari va bugungi osoyishtalikning qadriga yetish zarurligi haqida atroflicha tushunchalar berib o'tildi. Bu kabi ma'naviy-ma'rifiy tashriflar yoshlarning ijtimoiy faolligini oshirish va ularda milliy o'zlikni anglash tuyg'usini kuchaytirishga xizmat qiladi. 🏛