📚✨ 🇺🇿
2026-yil 6-may sanasida Oʻzbekiston davlat jahon tillari universiteti, 3-fakulteti 2422-guruh talabalari tomonidan 9-IDUMda pedagogik amaliyot doirasida boshlangʻich sinflarda “Fruits” mavzusida qiziqarli toʻgarak mashgʻuloti tashkil etildi.

Mashg'ulot Ingliz tili integrallashgan kursi 3 oʻqituvchisi Qulmamatova Sh. rahbarligida oʻtkazildi. Oʻquvchilar mavzu boʻyicha yangi soʻzlarni oʻrganib, interaktiv mashgʻulotlarda faol ishtirok etdilar. 🍎🍌

Dars yakunida esa bolalar nafaqat yangi bilimlarga ega boʻlishdi, balki oʻyinlar va jamoaviy faoliyat orqali darsni yanada qiziqarli va esda qolarli tarzda oʻtkazishdi. Dars ularga quvonch, motivatsiya va yangi bilimlarga boʻlgan qiziqishni yanada oshirdi. ✨

📤Ingliz tili – 3 fakultetida “Amaliy fanlar”-3 kafedrasi o‘qituvchisi Bahronova Maftuna Farhodovna tomonidan “Internetda ekstremizm g’oyalari targ’ibotidan ehtiyot bo’lish ” mavzusida ma’naviy-ma’rifiy tadbir taskil etildi.

📊Tadbirda talabalarga turli yod gʻoyalar taʼsiriga tushib qolmaslik, internet olamidagi maʼlumot va axborotlardan toʻgʻri foydalanish hamda terroristik guruhlar aldoviga uchmaslik kabi dolzarb masalalarni tushuntirib o'tildi.

📃Talabalar bilan muloqot:
O'qituvchi talabalarga quyidagi savollar bilan murojaat qildi:
Internetda shubhali xabarlarni ko'rganda qanday yo'l tutish kerak?
Noma'lum shaxslardan kelgan diniy mazmundagi audio/video fayllarni tarqatish oqibati nima?

👩🏻‍💻Muhokama natijalari:
Yoshlarning huquqiy madaniyatini oshirish — eng muhim himoya chorasi.
Internetdagi ekstremistik g'oyalarga bag'rikenglik va an'anaviy qadriyatlar orqali qarshi kurashish.

📚Huquqiy savodxonlik:
O'zbekiston Respublikasi Oliy sudi tomonidan ekstremistik yoki terroristik, deb topilgan hamda Oʻzbekiston Respublikasi hududiga olib kirish, tayyorlash, saqlash, tarqatish va namoyish etilishi taqiqlangan manbalar (Telegram kanallar, guruhlar) haqida ma'lumot berildi.

📜Tadbir iliq va mazmunli muhitda o‘tib, talabalarning ma’naviy-axloqiy rivojlanishiga xizmat qildi.