“Moziyga qaytib” ma’naviy-ma’rifiy tadbiri yuzasidan rasmiy axborot

2026-yil 2-may kuni Abdulla Qodiriy uy-muzeyida “Moziyga qaytib” deb nomlangan ma’naviy-ma’rifiy tadbir tashkil etildi. Tadbir doirasida o‘tkazilgan intellektual kviz musobaqasi ishtirokchilarning bilim va salohiyatini sinovdan o‘tkazuvchi muhim maydon vazifasini o‘tadi.

Bellashuvda asosiy e’tibor o‘zbek romanchiligi asoschisi Abdulla Qodiriyning hayot yo‘li hamda adibning “O‘tkan kunlar” asari mazmun-mohiyatiga qaratildi. Talabalar o‘zlarining nazariy bilimlarini namoyish etish bilan birga, tahliliy fikrlash, tezkor qaror qabul qilish va jamoada samarali ishlash ko‘nikmalarini amalda qo‘lladilar. Mazkur intellektual loyiha yoshlar orasida milliy adabiyotga bo‘lgan qiziqishni oshirish va mutolaa madaniyatini targ‘ib qilishni maqsad qilgan.

Tadbir Ingliz tili 3-fakulteti, Ingliz tili integrallashgan kursi 3-kafedrasi katta o‘qituvchilari F. Mannonova, G. Hushnazarova hamda loyiha muallifi M. Qodiriy tomonidan yuqori tashkiliy saviyada o‘tkazildi.

📚 4-may kuni Ingliz tili 3-fakultetining tyutorlari Mamazohirova N Avazova M va Mamatova M tashabbusi bilan “Mulla Abduvaxxob Ibodiy” hayoti va ijodiga bag‘ishlangan ma’naviy-ma’rifiy kecha tashkil etildi.

📌Tadbir davomida buyuk adibning hayot yo‘li, ilmiy merosi hamda adabiyotimiz rivojiga qo‘shgan hissasi haqida qiziqarli ma’lumotlar berildi. Talabalar tomonidan tayyorlangan chiqishlar, she’rlar va sahna ko‘rinishlari kechaga alohida ruh bag‘ishladi.

📚Bunday tadbirlar yoshlarning adabiyotga bo‘lgan qiziqishini oshirish, milliy merosimizni chuqurroq anglashga xizmat qiladi.

2026-yil 4-may kuni Ingliz tili amaliy fanlar №3 kafedrasi o‘qituvchisi Bahronova Maftuna Farhodovna tomonidan 2508-guruh talabalari ishtirokida “Group working skills” mavzusida ochiq dars o‘tkazildi.
O‘quvchilarga guruhda ishlash haqida savollar berildi va ularning fikrlari tinglandi. O‘quvchilar faol ishtirok etdi.
Asosiy qismda o‘qituvchi guruhda ishlash ko‘nikmalari haqida tushuncha berdi. Jumladan, muloqot qilish, hamkorlik, mas’uliyatni bo‘lishish, muammoni birgalikda hal qilish va liderlik ko‘nikmalari tushuntirildi.


Amaliy mashg‘ulot davomida talabalar kichik guruhlarga bo‘lindi. Har bir guruhga alohida topshiriq berildi va guruh ichida rollar (lider, kotib, taqdimotchi) taqsimlandi. O‘quvchilar berilgan vazifalarni hamkorlikda bajarishdi.
Taqdimot bosqichida har bir guruh o‘z ishini sinf oldida himoya qildi. Boshqa guruhlar tomonidan savollar berildi va muhokama olib borildi.
Yakuniy qismda o‘qituvchi darsni umumlashtirdi, o‘quvchilarning faoliyati baholandi va faol qatnashgan o‘quvchilar rag‘batlantirildi.


Dars samarali tashkil etildi. O‘quvchilar guruhda ishlash ko‘nikmalarini rivojlantirishga erishdi. Ular o‘zaro hamkorlikda ishlash, fikr almashish va muammolarni birgalikda hal qilishni o‘rgandi.

Ochiq dars yuqori saviyada, aniq reja asosida va metodik jihatdan to‘g‘ri tashkil etildi. Talabalar tomonidan mavzu yaxshi o‘zlashtirildi. Bizni kuzatishda davom eting. t.me/thirdEnglishfaculty