#Fakultet_yangiliklari
#Madaniy_tashrif

♻️ Talabalar bo‘sh vaqtini mazmunli tashkil etish, ularni milliy tarix va san’atga hurmat ruhida tarbiyalash maqsadida Ingliz tili 3-fakulteti tyutori R. Uzoqova o‘ziga biriktirilgan 2418-guruh talabalari bilan O‘zbekiston davlat tarixiy muzeyi hamda Alisher Navoiy nomidagi davlat akademik teatriga ma’naviy-ma’rifiy tashrif uyushtirdi.

🏛 Ma’lumot o‘rnida, O‘zbekiston davlat tarixiy muzeyi Markaziy Osiyodagi eng yirik va qadimiy muzeylardan biri bo‘lib, unda xalqimizning boy tarixi, qadimiy madaniyati va nodir eksponatlari jamlangan. Muzey tashrif buyuruvchilarga ajdodlarimizning hayot tarzi, urf-odatlari va tarixiy taraqqiyot bosqichlari haqida keng tasavvur beradi.
🎭 Shuningdek, Alisher Navoiy nomidagi davlat akademik teatri mamlakatimizning eng nufuzli san’at maskanlaridan biri hisoblanib, unda milliy va jahon sahna asarlari namoyish etiladi. Teatr binosi o‘zining betakror me’morchiligi va boy ijodiy an’analari bilan alohida e’tiborga sazovordir.

“Moziyga qaytib” ma’naviy-ma’rifiy tadbiri yuzasidan rasmiy axborot

2026-yil 2-may kuni Abdulla Qodiriy uy-muzeyida “Moziyga qaytib” deb nomlangan ma’naviy-ma’rifiy tadbir tashkil etildi. Tadbir doirasida o‘tkazilgan intellektual kviz musobaqasi ishtirokchilarning bilim va salohiyatini sinovdan o‘tkazuvchi muhim maydon vazifasini o‘tadi.

Bellashuvda asosiy e’tibor o‘zbek romanchiligi asoschisi Abdulla Qodiriyning hayot yo‘li hamda adibning “O‘tkan kunlar” asari mazmun-mohiyatiga qaratildi. Talabalar o‘zlarining nazariy bilimlarini namoyish etish bilan birga, tahliliy fikrlash, tezkor qaror qabul qilish va jamoada samarali ishlash ko‘nikmalarini amalda qo‘lladilar. Mazkur intellektual loyiha yoshlar orasida milliy adabiyotga bo‘lgan qiziqishni oshirish va mutolaa madaniyatini targ‘ib qilishni maqsad qilgan.

Tadbir Ingliz tili 3-fakulteti, Ingliz tili integrallashgan kursi 3-kafedrasi katta o‘qituvchilari F. Mannonova, G. Hushnazarova hamda loyiha muallifi M. Qodiriy tomonidan yuqori tashkiliy saviyada o‘tkazildi.

📚 4-may kuni Ingliz tili 3-fakultetining tyutorlari Mamazohirova N Avazova M va Mamatova M tashabbusi bilan “Mulla Abduvaxxob Ibodiy” hayoti va ijodiga bag‘ishlangan ma’naviy-ma’rifiy kecha tashkil etildi.

📌Tadbir davomida buyuk adibning hayot yo‘li, ilmiy merosi hamda adabiyotimiz rivojiga qo‘shgan hissasi haqida qiziqarli ma’lumotlar berildi. Talabalar tomonidan tayyorlangan chiqishlar, she’rlar va sahna ko‘rinishlari kechaga alohida ruh bag‘ishladi.

📚Bunday tadbirlar yoshlarning adabiyotga bo‘lgan qiziqishini oshirish, milliy merosimizni chuqurroq anglashga xizmat qiladi.