🟦🟦🟦

🇺🇿 O‘zbekiston davlat jahon tillari universiteti 🇺🇿 Yoshlar ittifoqi boshlang‘ich tashkiloti tashabbusi bilan “Yetakchi va yoshlar uchrashuvi” yuqori saviyada bo‘lib o‘tmoqda.

✨ Mazkur uchrashuv yoshlar va rahbariyat o‘rtasida ochiq va samimiy muloqot maydoniga aylandi. Tadbir davomida talabalar o‘zlarini qiziqtirgan savollar, murojaatlar hamda takliflari bilan faol ishtirok etib, dolzarb masalalar yuzasidan fikr almashdilar.

💬 Har bir bildirilgan fikr e’tibor bilan tinglanib, yoshlarning tashabbuslari qo‘llab-quvvatlanayotgani uchrashuvning eng muhim jihatlaridan biri bo‘ldi. Bu esa talaba-yoshlarning faolligini oshirish, ularning jamiyatdagi o‘rnini mustahkamlash hamda kelajak rejalari uchun muhim zamin yaratadi.

Uchrashuvda boshlang’ich tashkilot Yoshlar yetakchisi S.B. Islomova ishtirok etib, yoshlarning fikr-mulohazalarini tingladi, ularning tashabbuslarini rag‘batlantirdi hamda kelgusidagi rejalar yuzasidan o‘z tavsiyalarini berdi.

🤝 Bunday uchrashuvlar yoshlar bilan ishlash tizimini yanada takomillashtirish, ularning muammolariga yechim topish hamda faol va tashabbuskor yoshlar safini kengaytirishda muhim ahamiyat kasb etadi.