🟦🟦🟦

Kengash davomida ilmiy unvon olganlar taqdirlandi

2026-yil 30-aprel kuni bo‘lib o‘tgan O‘zbekiston davlat jahon tillari universiteti Kengashi yig‘ilishi davomida ilmiy-pedagogik faoliyatda yuqori natijalarga erishgan professor-o‘qituvchilar munosib e’tirof etildi.

PROFESSOR ilmiy unvoni bilan:
– Shamshetova Anjim Karamaddinovna
– Petruxina Natalya Mixaylovna

DOTSENT ilmiy unvoni bilan:
– Radjabova Gulnoza G‘iyosiddinovna
– Moydinova Elmira Kamariddinovna
– Bakirova Hilolaxon Botiraliyevna
– Rasulova Nilufar Abduvossiyevna
– Miliyeva Muattar Gaffarovna
– Xalillayev Adilbek Kurambayevich

Ularning ilm-fan va ta’lim rivojiga qo‘shayotgan hissasi alohida e’tirof etilib, ilmiy unvon beruvchi diplomlar bilan tabriklandi.

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦🟦🟦🟦🟦

⚽️ Sport — sogʻliq garovidir!

Joriy yilning 29-aprel kuni Ingliz filologiyasi fakulteti tyutori S. Fozilova hamda 2516-guruh talabasi Mirzaolimova Dilafroʼz va 2514-guruh talabasi Jalolova Charos tashabbusi bilan qizlar oʻrtasida voleybol musobaqasi tashkil etildi.

🏐 Musobaqada bir nechta guruh jamoalari faol ishtirok etib, oʻz mahoratlarini namoyon etdilar.

🥇 1-oʻrin — “Diva’s” jamoasi
🥈 2-oʻrin — “Power Hitters” jamoasi

Tadbirning asosiy maqsadi — talabalar orasida sogʻlom turmush tarzini targʻib qilish, jamoaviylik ruhini mustahkamlash hamda sportga boʻlgan qiziqishni yanada oshirishdan iborat bo‘ldi.
Bellashuvlar qizgʻin va murosasiz ruhda kechdi. Har bir jamoa gʻalaba uchun bor imkoniyatlarini ishga soldi. Yakunda gʻolib jamoalar diplom va sertifikatlar bilan munosib taqdirlandi.

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦

O‘zDJTUda imzolangan memorandum amalda: sport yo‘nalishida navbatdagi tashabbus

Avval xabar berilganidek, O‘zbekiston “Adolat” sotsial-demokratik partiyasi, O‘zbekiston Polo Federatsiyasi hamda O‘zbekiston davlat jahon tillari universiteti o‘rtasida imzolangan hamkorlik memorandumi doirasida amaliy ishlar bosqichma-bosqich yo‘lga qo‘yilmoqda.

Shu asosda, bugun universitet rahbariyati vakillari rektor Ilxomjon Tuxtasinov bilan birgalikda Jamoat xavfsizligi universitetiga tashrif buyurdi. Tashrifdan asosiy maqsad — ot sporti (polo yo‘nalishi) bo‘yicha amaliy ko‘nikmalar bilan tanishish va ushbu sport turini rivojlantirishga qaratilgan jarayonlarda ishtirok etishdan iborat bo‘ldi.

Tashrif davomida universitet vakillari ot sporti bilan shug‘ullanish jarayonlari, mashg‘ulotlar tartibi va yaratilgan sharoitlar bilan yaqindan tanishib, amaliy mashg‘ulotlarda ham ishtirok etdilar.

Mazkur tadbir O‘zDJTUda haftaning juma kuni “Sport kuni” sifatida belgilanganligi munosabati bilan tashkil etilib, sog‘lom turmush tarzini targ‘ib qilish, sportga bo‘lgan qiziqishni oshirish hamda memorandum doirasidagi hamkorlikni amalda mustahkamlashga qaratildi.

🌐 Biz ijtimoiy tarmoqlarda:
Telegram | Instagram | Facebook | Sayt