🏢2416-guruh talabalari tomonidan o‘zbek xalqining sevimli va ardoqli shoiri Muhammad Yusuf tavallud ayyomiga bag‘ishlangan adabiy-badiiy tadbir yuqori saviyada tashkil etildi.
📚Tadbir Toshkent shahar, Chilonzor tumani 79-maktabda Ingliz tili integrallashgan kursi 3-kafedrasi tashabbusi hamda ustoz Ismoilova Zarifa rahbarligida o‘tkazildi. Unda shoirning hayoti va sermazmun ijodiga oid muhim ma’lumotlar keng yoritilib, uning yuraklarga yaqin she’rlari talabalar tomonidan ifodali va mahorat bilan ijro etildi.
📑Shuningdek, sahnalashtirilgan badiiy chiqishlar, jonli ijrolar va ijodiy namoyishlar tadbirga alohida ruh, samimiyat va badiiy joziba bag‘ishladi. Talabalarning sahnadagi faolligi, ijodkorligi va nutq madaniyati tomoshabinlarda katta taassurot qoldirdi.
Mazkur tadbir yoshlar qalbida adabiyotga muhabbatni yanada kuchaytirish, milliy qadriyatlarni targ‘ib etish hamda ma’naviy-ma’rifiy tarbiyani yuksaltirishga xizmat qildi.
📆O‘tkazilgan sana: 29.04.2026

📢 Xalqaro ilmiy-amaliy anjuman bo‘lib o‘tdi 🎓

2026-yil 1-may kuni Navoiy innovatsiyalar universitetining Filologiya va tillarni o‘qitish hamda Ijtimoiy-gumanitar fanlar kafedralari hamkorligida “Sun’iy intellekt va globallashuv sharoitida raqamli axborot muhiti: ta’lim, til, madaniyat, ijtimoiy-gumanitar va texnik fanlar integratsiyasi muammolari va yechimlari” mavzusida gibrid (onlayn va oflayn) formatdagi xalqaro ilmiy-amaliy anjuman tashkil etildi. 🌐💻

Mazkur nufuzli tadbirda O‘zbekiston davlat jahon tillari universiteti Ingliz tili 3-fakulteti, Ingliz tilini o‘qitish metodikasi #3 kafedrasi katta o‘qituvchisi Qulmamatov Oybek o‘zining ilmiy chiqishi bilan muvaffaqiyatli ishtirok etdi. 🎤📚

Anjuman doirasida fanlararo ilmiy hamkorlikni rivojlantirish, dolzarb global muammolarga innovatsion yondashuvlar ishlab chiqish hamda ilmiy natijalar almashinuvini kengaytirish masalalari yuzasidan muhim taklif va yechimlar ilgari surildi. 💡🤝✨