Oʻzbekiston davlat jahon tillari universiteti Ingliz tili 3-fakultetida "Yurak-qon tomir hamda serebrovaskulyar kasalliklarning xavf omillarini aniqlash, ularning oldini olish va sogʻlom turmush tarzini keng targʻib etish"ga qaratilgan profilaktik tadbir yuqori saviyada tashkil etildi.

Mazkur tadbir fakultet yoshlar bilan ishlash boʻyicha dekan oʻrinbosari M. Jakbarov, Med punkt hamshirasi Amanbayeva Kamola hamda tutorlar Avazova M. va Xolmurodova Z. tomonidan tashkil etildi.

Tadbir doirasida talaba-yoshlar uchun infarkt va insultning dastlabki belgilarini erta aniqlash, sogʻlom turmush tarziga qatʼiy rioya qilish hamda kasalliklarning oldini olish boʻyicha amaliy treninglar, ilmiy-maʼrifiy maʼruzalar va interaktiv seminarlar oʻtkazildi.

Ushbu tadbirlar talaba-yoshlar ongida sogʻlom hayot falsafasini shakllantirish, ularning tibbiy savodxonligini oshirish hamda kelgusida sogʻlom jamiyatni barpo etishga xizmat qilishi bilan ahamiyatlidir.

🏛 Malayziya Davlat elchisi H.E. Ilhani Tua Iliyaz ishtirokida O‘zbekiston davlat Jahon tillari universitetida malay tilini o‘rganayotgan talabalar bilan uchrashuv bo‘lib o‘tdi.
🏙Mazkur tadbir Malayziya davlatining elchixonasida tashkil etildi.
Uchrashuvda, shuningdek, Malayziyaning Sultan Idris Education University universiteti o‘qituvchisi Muhammad Amirul Fahmi bin Azmi hamda universitetning katta o‘qituvchilari Ziyayeva M.U. va Ismoilova Z.A. ham faol ishtirok etdilar.
🇲🇾Uchrashuv davomida talaba-yoshlar bilan ochiq muloqot tashkil etilib, ularning malay tiliga bo‘lgan qiziqishi, tilni o‘rganish jarayonidagi yutuqlari va kelgusidagi rejalari muhokama qilindi. Mehmonlar tomonidan Malayziyada ta’lim tizimi, zamonaviy o‘qitish metodlari hamda xalqaro hamkorlik imkoniyatlari haqida batafsil ma’lumotlar berildi.
📎📚Talabalar o‘z navbatida o‘z fikr-mulohazalari, tajribalari va erishayotgan natijalari bilan o‘rtoqlashdilar. Uchrashuv savol-javoblar va samimiy suhbatlar ruhida o‘tdi.
Mazkur tadbir talaba-yoshlarning xorijiy tillarni o‘rganishga bo‘lgan qiziqishini yanada oshirish, ularning bilim va ko‘nikmalarini mustahkamlash hamda xalqaro aloqalarni rivojlantirishda muhim ahamiyat kasb etdi.
📆Oʻtkazilgan sana:16.04.2026

📅 16-aprel kuni 🇺🇿 O‘zbekiston Davlat jahon tillari universiteti talabalari Abdulla Qodiriy memorial muzeyiga tashrif buyurishdi.
🌟
Tashrif davomida talabalar Abdulla Qodiriyning hayoti va serqirra ijodiy merosi bilan yaqindan tanishishdi. Muzey ilmiy xodimlari tomonidan berilgan qiziqarli va ta’sirli ma’lumotlar ularda katta taassurot qoldirdi.
🖼️Muzeyda namoyish etilgan noyob eksponatlar orqali talabalar o‘zbek romanchilik maktabining shakllanishi va rivojlanish jarayoni haqidagi bilimlarini yanada boyitishdi.
🤝 Tashrif davomida adibning nevarasi, uning asarlarini tarjima qilishda faol ishtirok etgan Mahzuna Qodiriy bilan samimiy suhbat va fikr almashuv bo‘lib o‘tdi.
✨ Tashrif yakunida talabalar muzey jamoasiga samimiy minnatdorchilik bildirib, yorqin va unutilmas taassurotlar bilan qaytishdi.
Shuningdek, Ingliz tili 3-fakulteti, Ingliz tili integrallashgan kursi 3-kafedrasi mudiri Omonov P.X boshchiligida Turon muzeyi bilan hamkorlik memorandumi ham imzolandi.
✅Mazkur memorandum ta’lim va madaniyat yo‘nalishida hamkorlikni mustahkamlash, talabalarning amaliy bilimlarini oshirish hamda turli ilmiy-ma’rifiy tadbirlarni birgalikda tashkil etishga xizmat qiladi.