🏢Chilonzor tuman 79-maktabda 2437-guruh talabalari tomonidan 7-sinf o‘quvchilari o‘rtasida “Zakovat” intellektual tadbiri tashkil etildi. Tadbir Ingliz tili integrallashgan kursi 3-kafedrasi o‘qituvchisi Abdullayeva Iroda rahbarligida yuqori saviyada o‘tkazildi.
📘Mazkur intellektual o‘yin davomida o‘quvchilar o‘z bilim va salohiyatlarini namoyon etib, mantiqiy fikrlash, tezkor javob berish hamda jamoaviy ishlash ko‘nikmalarini rivojlantirdilar. Tadbir qizg‘in va mazmunli bahslarga boy tarzda o‘tib, ishtirokchilarda katta taassurot qoldirdi.
📉Bunday tadbirlar yoshlarning bilimga bo‘lgan qiziqishini oshirish va ularni intellektual jihatdan rivojlantirishda muhim ahamiyat kasb etadi.
📆 Oʻtkazilgan sana:15.04.2026y

🏢Ingliz tili integrallashgan kursi 3-kafedrasi o‘qituvchisi Niyadillayeva Sabrina boshchiligida 2434-guruh talabalari tomonidan 317-maktabda 6–7-sinf o‘quvchilari o‘rtasida “Spelling Bee” mavzusida tadbir tashkil etildi.
📚Mazkur tadbirning asosiy maqsadi o‘quvchilarning ingliz tilidagi talaffuz ko‘nikmalarini rivojlantirish, so‘z boyligini oshirish hamda to‘g‘ri yozish va o‘qish malakalarini mustahkamlashdan iborat bo‘ldi.
📉Tadbir davomida ishtirokchilar turli bosqichlarda ingliz tilidagi so‘zlarni to‘g‘ri talaffuz qilish va harflab aytish bo‘yicha bellashdilar.
O‘quvchilar berilgan so‘zlarni nafaqat to‘g‘ri yozish, balki ularning to‘g‘ri talaffuziga ham alohida e’tibor qaratdilar. Har bir bosqich qiziqarli va interaktiv tarzda tashkil etilib, o‘quvchilarning faolligi va qiziqishini yanada oshirdi.
📘Tadbir yakunida faol ishtirok etgan va yuqori natijalarga erishgan o‘quvchilar rag‘batlantirildi. Ushbu “Spelling Bee” musobaqasi o‘quvchilarning ingliz tilini o‘rganishga bo‘lgan qiziqishini kuchaytirib, ularning talaffuz va savodxonlik ko‘nikmalarini yanada rivojlantirishga xizmat qildi.
📆 Oʻtkazilgan sana:15.04.2026.

Oʻzbekiston davlat jahon tillari universiteti Ingliz tili 3-fakultetida "Yurak-qon tomir hamda serebrovaskulyar kasalliklarning xavf omillarini aniqlash, ularning oldini olish va sogʻlom turmush tarzini keng targʻib etish"ga qaratilgan profilaktik tadbir yuqori saviyada tashkil etildi.

Mazkur tadbir fakultet yoshlar bilan ishlash boʻyicha dekan oʻrinbosari M. Jakbarov, Med punkt hamshirasi Amanbayeva Kamola hamda tutorlar Avazova M. va Xolmurodova Z. tomonidan tashkil etildi.

Tadbir doirasida talaba-yoshlar uchun infarkt va insultning dastlabki belgilarini erta aniqlash, sogʻlom turmush tarziga qatʼiy rioya qilish hamda kasalliklarning oldini olish boʻyicha amaliy treninglar, ilmiy-maʼrifiy maʼruzalar va interaktiv seminarlar oʻtkazildi.

Ushbu tadbirlar talaba-yoshlar ongida sogʻlom hayot falsafasini shakllantirish, ularning tibbiy savodxonligini oshirish hamda kelgusida sogʻlom jamiyatni barpo etishga xizmat qilishi bilan ahamiyatlidir.