14-aprel kuni Ingliz tilini óqitish metodikasi 3 kafedrasi óqituvchilari Chilonzor tumani 181-maktab bitirivchi óquvchilari uchun "Xalqaro va milliy til sertifikatlari – kelajak cho‘qqilariga yól" mavzusida amaliy mashğulot tashkil etdi.
​Mashğulotdan ko‘zlangan maqsad-óquvchilarga xalqaro (IELTS) va milliy (CEFR) til sertifikatlarining mazmun-mohiyatini tushuntirish, ​Oliy ta’lim muassasalariga kirishda til sertifikatlarining imtiyozlari haqida ma’lumot berish hamda óquvchilarda chet tillarini o‘rganishga bo‘lgan qiziqish va motivatsiyani oshirish.
Universitet óqituvchilari tomonidan zamonaviy smart-doska yordamida til imtihonlarining tuzilishi (Listening, Reading, Writing, Speaking) haqida batafsil ma’lumot berildi. Óquvchilarga maxsus test topshiriqlari namunalari ko‘rsatilib, ularni yechish texnikalari o‘rgatildi.
​O‘quvchilar o‘zlarini qiziqtirgan savollar, xususan, imtihon topshirish jarayoni, ro‘yxatdan o‘tish va tayyorgarlik ko‘rish muddatlari bo‘yicha Universitet óqituvchilaridan javob oldilar.
​Mashğulot yakunida o‘quvchilar chet tili sertifikatiga ega bo‘lish nafaqat imtiyoz, balki zamon talabi ekanligini anglab yetdilar. Ishtirokchilar o‘quv yili yakuniga qadar o‘z bilim darajalarini aniqlash va sertifikat olish uchun imtihon topshirishga qiziqish bildirdilar.
​

📚"Oilaviy munosabatlar psixologiyasi "mavzusida davra suhbati o‘tkazildi
🏢 2433-guruh talabalari ishtirokida “Oilaviy munosabatlar psixologiyasi” mavzusida davra suhbati tashkil etildi. Ushbu tadbir Ingliz tili integrallashgan kursi 3 kafedrasi katta o‘qituvchisi Ismoilova Z. A. rahbarligida o‘tkazildi.
Tadbirdan ko‘zlangan asosiy maqsad — yoshlar o‘rtasida sog‘lom oilaviy munosabatlarni shakllantirish, o‘zaro hurmat, ishonch va tushunish kabi muhim qadriyatlarni targ‘ib etishdan iborat bo‘ldi.
📉Davra suhbati davomida talabalar oiladagi psixologik muhit, er-xotin munosabatlari, ota-ona va farzand o‘rtasidagi muloqot madaniyati haqida fikr almashdilar. Shuningdek, hayotiy misollar orqali turli vaziyatlarga to‘g‘ri yondashish yo‘llari muhokama qilindi.
📈Tadbir interaktiv tarzda tashkil etildi va talabalarning faol ishtiroki ta’minlandi. Savol-javoblar hamda munozaralar orqali mavzu yanada chuqur yoritildi.
📑Davra suhbati yakunida ishtirokchilar oilaviy munosabatlarda sabr-toqat, o‘zaro tushunish va mas’uliyatning ahamiyati katta ekanligini yana bir bor anglab yetdilar
🗓Oʻtkazilgan sana:14.04.2026

#Master-klass

2026-yil 15-aprel kuni Ingliz tili amaliy fanlar 3 kafedrasi o‘qituvchisi M.Bahronova tomonidan "Innovatsion metodlardan foydalanish va video darslik yaratish" mavzusida master-klass tashkil etildi. Mazkur tadbir kafedra professor-o‘qituvchilari uchun mo‘ljallangan bo‘lib, zamonaviy dars jarayonida samarali kommunikativ metodlardan foydalanishga bag‘ishlandi.

O‘qituvchi Bahronova M.F. tomonidan innovatsion metodlarni o‘quv jarayoniga joriy etish masalalari ko‘rib chiqilib, professor-o‘qituvchilarga zamonaviy innovatsion ta’lim metodlarini tushuntirib o‘tdi, ularni amaliy mashg‘ulotlar orqali o‘rgatish hamda o‘quv jarayonida samarali qo‘llash ko‘nikmalarini shakllantirishdan iborat video roliklar va amaliy mashg‘ulotlar o‘tkazdi.

Master-klass jarayonida quyidagi jihatlarga alohida e’tibor qaratildi:
•Professor-o‘qituvchilarni innovatsion ta’lim metodlari bilan tanishtirish;
•Tanlangan metodning nazariy asoslarini tushuntirib berish;
•Metodni amaliy mashg‘ulotlar orqali qo‘llash usullarini ko‘rsatish;
•O‘qituvchilarning pedagogik mahoratini oshirish;
•Ta’lim jarayonida interfaol va samarali metodlardan foydalanishni rag‘batlantirish.

Shuningdek, ishtirokchilarga ushbu metodni amaliyotda qo‘llash bo‘yicha tavsiyalar berildi, darsdan olingan namunalar asosida muhokamalar olib borildi va o‘qituvchilar o‘z fikr-mulohazalarini bildirdilar.

Yakunda, mazkur master-klass o‘qituvchilarning kasbiy rivojlanishiga xizmat qiluvchi, zamonaviy pedagogik texnologiyalarni o‘zlashtirishda muhim ahamiyatga ega bo‘lgan foydali va samarali tadbir sifatida baholandi.