🇺🇿Joriy yilning 15-aprel kuni 3-ingliz tili fakulteti tyutori S.Berdiyeva tomonidan Saida Zunnunova tavalludining 100 yilligiga bag’ishlangan ma’naviy-ma’rifiy tadbir tashkil etildi.

✅Mazkur tadbirda talabalar Saida Zunnunova she’rlaridan namunalar o‘qildi hamda ijodining mazmun-mohiyati chuqur tahlil qilindi, talaba-yoshlar shoiraning hayoti, ijod yo‘li hamda uning o‘zbek adabiyotidagi o‘rni haqida so‘z yuritdilar. Shoiraning dilga yaqin she’rlari ifodali tarzda o‘qildi

✅Mazkur tadbirning o’tkazilishidan asosiy yoshlar qalbida kitobxonlikka bo‘lgan qiziqishni oshirish, milliy adabiyotimizga hurmat ruhini mustahkamlash, yoshlarning ma’naviy dunyosini boyitish hamda adabiyotga bo‘lgan muhabbatini yanada mustahkamlashda muhim ahamiyat kasb etadi.

🟦🟦🟦🟦🟦🟦🟦

🇺🇿O'zbekiston davlat jahon tillari universiteti
🇬🇧Ingliz tili 3-fakulteti

Ingliz tili 3-fakultet tyutorlari
N.Mamazohirova M.Avazova Z.Xolmurodova va F.Sadullayev tomonidan ijara xonadonlarda istiqomat qilayotgan talabalar holidan xabar olindi.

📍Tashrif davomida talabalarning yashash sharoitlari, kundalik turmush tarzi, o‘zaro munosabatlari va psixologik holati o‘rganildi.

✅Suhbatlar jarayonida quyidagi jihatlarga alohida e’tibor qaratildi:
✔️yashash sharoitlari va qulaylik darajasi
✔️xonadoshlar o‘rtasidagi munosabatlar
✔️yuzaga kelayotgan muammo va qiyinchiliklar
✔️talabalarning emotsional holati va kayfiyati

✅ O‘rganishlar natijasida ayrim talabalar moslashuv jarayoni bilan bog‘liq qiyinchiliklarga duch kelayotgani, ba’zilarida esa uy sog‘inchi va ichki kechinmalar mavjudligi aniqlandi.

✅ Shu bilan birga, ko‘plab xonadonlarda o‘zaro hurmat va qo‘llab-quvvatlash muhiti mavjudligi ijobiy holat sifatida qayd etildi.

✅Talabalarga zarur tavsiyalar berilib, ularning murojaatlari tinglandi.

Bugun 14-Aprel 2026 yil sanasida “LOST IN TRANSLATION” to‘garagining 24-navbatdagi “Environment & Ecology – ekologiyaga oid tarjimalar” mavzusida mashg‘uloti bo‘lib o‘tdi. To‘garak Ingliz tili amaliy fanlar 3 kafedrasi katta o‘qituvchisi S.Agzamxodjayeva rahbarligida o‘tdi.

Mashg‘ulot davomida ishtirokchilar ekologiya va atrof-muhit muammolariga oid asosiy terminlar (masalan, climate change, biodiversity, pollution, sustainability) haqida o‘zaro firk almashtilar va ushbu atamalarni o‘zbek tiliga tarjima qilish hamda ularning mazmunini izohlash bo‘yicha mashqlar bajardilar.

Keyingi bosqichda talabalar kichik guruhlarga bo‘linib, ekologiyaga oid matnlar ustida ishladilar. Har bir guruhga turli mavzularda (global isish, suv resurslari, chiqindilarni qayta ishlash va boshqalar) qisqa matnlar berildi. Talabalar matnlarni tarjima qilish bilan birga, undagi asosiy g‘oyalarni muhokama qildilar.

Mashg‘ulot so‘ngida
• Talabalar ekologiyaga oid asosiy terminlarni o‘zlashtirdilar;
• Ingliz tilidan o‘zbek tiliga tarjima qilishda aniqlik va to‘g‘rilikni ta’minlash ko‘nikmalari rivojlandi;
• Guruhda ishlash va fikr almashish orqali kommunikativ kompetensiya oshdi;
• Ekologik muammolar haqida kengroq tushuncha hosil qilindi.

🟦🟦🟦🟦🟦

2026-yil 14-aprel kuni Ingliz tili amaliy fanlar-3 kafedrasi mudiri Isaqulova B.X. boshchiligida 1-kurs talabalari ishtirokida “Kitobxonlik” mavzusida ma’rifat soati yuqori saviyada tashkil etildi.

Mazkur darsning asosiy maqsadi talabalarda kitobga bo‘lgan muhabbatni yanada kuchaytirish, ularning mutolaa madaniyatini rivojlantirish hamda badiiy tafakkurini boyitishdan iborat bo‘ldi. Dars davomida kitobning inson hayotidagi beqiyos o‘rni, uning ma’naviy kamolot sari yetaklovchi kuch ekanligi alohida ta’kidlandi.

Ma'rifat soati darsi iliq va samimiy muhitda boshlandi. Unda talabalar tomonidan o‘qilgan asarlar yuzasidan fikr-mulohazalar bildirildi, sevimli adiblar va ularning ijodi haqida qiziqarli ma’lumotlar berildi. Ayrim talabalar o‘zlari mutolaa qilgan badiiy asarlar asosida chiqishlar qilib, kitob orqali olgan hayotiy saboqlari bilan o‘rtoqlashdilar. Bu esa o‘ziga xos ruh va mazmun bag‘ishladi.

Shuningdek, dars jarayonida kitobxonlikning inson tafakkuri, nutqi va dunyoqarashini shakllantirishdagi o‘rni haqida chuqur mulohazalar yuritildi. Talabalar faol ishtirok etib, savol-javoblar, kichik muhokamalar orqali o‘z bilim va qarashlarini namoyon etdilar.

Ma'rifat soati yakunida Isaqulova B.X. tomonidan talabalarga kitob mutolaasini muntazam davom ettirish, har bir o‘qilgan asardan xulosa chiqarish va uni hayotda qo‘llash zarurligi haqida muhim tavsiyalar berildi.

Xulosa o‘rnida aytish mumkinki, mazkur “Kitobxonlik” ga bag'ishlangan ma'rifat soati darsi talabalarning ma’naviy dunyosini boyitish, ularda kitobga nisbatan mehr uyg‘otish hamda intellektual salohiyatini oshirishda muhim ahamiyat kasb etdi.
Dars yuqori saviyada, mazmunan boy va tarbiyaviy jihatdan samarali tarzda o‘tkazildi.

🏆🏆🏆🏆🏆GʻALABA🏆🏆🏆🏆

🏓 13-14-aprel kunlari Toshkent shahar transport universiteti sport zalida sportning stol tennisi turi boʻyicha talabalar oʻrtasida "TALABALAR LIGASI" sport musobaqalarining Toshkent shahar birinchiligi boʻlib oʻtdi.

Mazkur musobaqada poytaxtimizning 50 ga yaqin oliy taʼlim muassasalari murosasiz bahslarga kirishishdi.

🔥Yakunda OʻzDJTU terma jamoasi barcha raqiblaridan ustun kelib faxrli 1-oʻrinni egallashdi hamda RESPUBLIKA FINAL BOSQICHIga yoʻllanmani qoʻlga kiritishdi!

Sportchilarimizga Respublika bosqichida ham omad tilab qolamiz!