🟦🟦🟦

2026-yil 12-aprel sanasida Amaliy fanlar-3 kafedrasi o‘qituvchisi Isamuxamedova M.N. rahbarligida 2517-guruh talabalari bilan Xojikent hududiga ma’naviy-ma’rifiy va sog‘lomlashtirish maqsadida sayohat tashkil etildi.

Sayohat davomida talabalar tabiat qo‘ynida mazmunli hordiq chiqardilar. Xojikentning so‘lim manzaralari, musaffo havosi va tog‘ etaklaridagi go‘zal tabiat ishtirokchilarga katta zavq bag‘ishladi. Talabalar o‘zaro jamoaviy o‘yinlar o‘ynab, turli qiziqarli mashg‘ulotlar orqali bir-birlariga yanada yaqinlashdilar.

Shuningdek, sayohat davomida piknik tashkil etilib, talabalar samimiy suhbatlar qurishdi. Bu jarayon ularning jamoaviy ishlash ko‘nikmalarini mustahkamlashga, o‘zaro hurmat va hamjihatlikni oshirishga xizmat qildi.

Mazkur tadbir talabalarning nafaqat jismoniy, balki ruhiy dam olishlariga ham ijobiy ta’sir ko‘rsatdi. Ular kundalik o‘quv jarayonidan biroz chetlanib, yangi kuch va ilhom bilan qaytdilar.

Xulosa qilib aytganda, ushbu sayohat yuqori saviyada tashkil etilib, talabalar uchun unutilmas taassurotlar qoldirdi. Bunday tadbirlar yoshlarning sog‘lom turmush tarzini shakllantirishda, ularni jamoaviylik va ijtimoiy faollikka undashda muhim ahamiyat kasb etadi.

🌎Joriy yilning 11-aprel kuni 3-ingliz fakulteti tyutori S.Berdiyeva biriktirilgan 2505-guruh talabalari bilan birgalikda tabiat qo'ynida maroqli piknik tashkil etildi.

✅Mazkur tadbirni tashkil etishdan asosiy maqsad talabalar oʻrtasida sogʻlom turmush tarzini targʻib qilish, jamoaviy muhitni mustahkamlash hamda ularning boʻsh vaqtlarini mazmunli tashkil etishdan iborat boʻldi. Tadbir davomida talabalar oʻzaro muloqot qilish, jamoaviy oʻyinlarda ishtirok etish hamda tabiat qoʻynida dam olish imkoniyatiga ega boʻlishdi.
Shuningdek, tadbir jarayonida talabalar oʻrtasida doʻstona muhitni yanada rivojlantirish, oʻzaro hurmat va hamjihatlikni mustahkamlashga alohida e’tibor qaratildi.

🔷Bunday tadbirlar yoshlarning ijtimoiy faolligini oshirishda hamda ularni har tomonlama qoʻllab-quvvatlashda muhim ahamiyat kasb etadi.

Bizni kuzatishda davom eting.
https://t.me/thirdEnglishfaculty

🏢Chilonzor tumanidagi 79-maktabda 9-sinf o‘quvchilari o‘rtasida “Zakovat” intellektual o‘yini yuqori saviyada tashkil etildi. Ushbu tadbir yoshlarning bilimga bo‘lgan qiziqishini oshirish, ularning mantiqiy fikrlash qobiliyatlarini rivojlantirish hamda jamoa bo‘lib ishlash ko‘nikmalarini shakllantirish maqsadida o‘tkazildi.

🖥Musobaqa ingliz tili integrallashgan kursi 3-kafedrasi katta o‘qituvchisi Z.A. Ismoilova rahbarligida, 2416-guruh talabalari faol ishtirokida tashkil qilindi. Tadbir jarayonida o‘quvchilar turli sohalarga oid savollarga javob berish orqali o‘z bilimlarini namoyon etdilar. Ayniqsa, tezkorlik, zukkolik va jamoaviy hamjihatlik musobaqaning asosiy mezonlaridan biri bo‘ldi.

📚Tadbir qiziqarli va mazmunli o‘tdi, ishtirokchilarga ko‘tarinki kayfiyat va yangi bilimlar ulashdi. G‘olib jamoalar munosib rag'batlantirildi.

Bizni kuzatishda davom eting.
https://t.me/thirdEnglishfaculty

📢 🟦🟦🟦🟦🟦

2026-yil 13-kuni Ingliz tili amaliy fanlar №3 kafedrasi o‘qituvchisi Bahronova Maftuna Farhodovna tomonidan 2515-guruh talabalari ishtirokida “Gigiyena: yotoqxonada tozalik va salomatlik ” mavzusida davra suhbati o‘tkazildi.

Tadbir davomida talabalar bilan gigiyenaning ahamiyati va yotoqxonada tozalikka rioya etish, salomatlikka uning ahamiyati haqida so‘z olib borildi. Xususan, gigiyenani to‘g‘ri tashkil etishda sog‘lom yeguliklar, tartib va tozalikning o‘rni alohida yoritildi. Ayniqsa, yotoqxonaning asosan qizlar istiqomat qilganligi sababli tozalik haftaligi tashkil etishning muhimligi va bu borada kerakli ma’lumotlar berildi.

Ushbu tadbirda yotoqxonada gigiyena qoidalariga amal qilishning sog‘lik uchun muhimligi haqida ma’lumot berildi. Yotoqxonaning toza va tartibli bo‘lishi infeksion kasalliklar tarqalishini oldini olishda asosiy omil ekanligi tushuntiriladi. Tadbir davomida yotoqxonada shaxsiy gigiyena, kiyim-kechak va xonalarni tozalash, xona havosini yangilash, axloqsizlikni kamaytirish kabi jihatlar ko‘rib chiqiladi. Ishtirokchilar gigiyena qoidalariga rioya qilish orqali o‘z sog‘lig‘ini mustahkamlash va farovon yashash uchun zarur choralarni o‘rgandilar.

Tadbir yakuni:
Yakunda tashkilotchilar bunday uchrashuvlar gigiyena  sog‘lom turmush tarzining muhim bir bo‘lagi ekanligini va bu kabi tadbirlar salomatlik haqidagi qarashlarni shakllantirishda katta yordam berishini ta’kidladilar.