2026-yil 10-aprel kuni Ingliz tili nazariy aspektlari 3-kafedrasi o'qituvchisi G'aniyeva Dilshoda Izzatulla qizi hamda 2302-guruh talabalari bilan “Zamonaviy ta’lim va yoshlar” hamda “Kelajak kasblari va mehnat bozori” mavzularida davra suhbati bo‘lib o‘tdi.

🎓 Tadbir davomida talabalar:
— zamonaviy ta’lim tizimidagi o‘zgarishlar
— raqamli texnologiyalar va blended learning imkoniyatlari
— kelajakda eng talabgir kasblar
— mehnat bozorida zarur bo‘lgan ko‘nikmalar

haqida atroflicha ma’lumotlarga ega bo‘lishdi.

💬 Eng qiziqarli jihati — ochiq muhokamalar! Talabalar o‘z fikrlarini erkin bildirib, “Kelajak kasblari qanday bo‘ladi?” degan savol ustida faol bahslashdilar.

🚀 Tadbir yakunida ishtirokchilar:
✔️ zamonaviy ta’lim haqida bilimlarini kengaytirdilar
✔️ o‘z kasbiy yo‘nalishlari haqida chuqurroq o‘ylab ko‘rdilar.
✔️ kelajak rejalari uchun yangi motivatsiya oldilar.

📌 Bunday uchrashuvlar yoshlarni ongli kasb tanlashga va zamonaviy mehnat bozoriga tayyorlashda muhim ahamiyatga ega.

📚 Amir Temur tavalludining 690 yilligiga bag‘ishlangan dars 🇺🇿

Bugun Ingliz tili 3-fakultet Ingliz tili integrallashgan kursi #3 kafedrasi o'qituvchisi Sh. Qulmamatova va 2422-guruh talabalari ishtirokida maktabda buyuk sarkarda va davlat arbobi Amir Temurning 690 yilligiga bag‘ishlangan dars mashg‘uloti o‘tkazildi. 🏛✨

Mashg‘ulot davomida Amir Temurning hayoti, davlat boshqaruvidagi o‘rni va boy tarixiy merosi haqida ma’lumotlar berildi. 📜 O‘quvchilar tomonidan she’rlar aytildi, hikmatli so‘zlar o‘qildi hamda tarixiy shaxsning ahamiyati yuzasidan fikrlar bildirildi. 🗣🤝

Mazmunli va qiziqarli o‘tgan dars o‘quvchilarda vatanparvarlik, milliy faxr va tarixiy shaxslarga hurmat tuyg‘ularini mustahkamlashga xizmat qildi. ❤️🇺🇿

📍 Joy: Yunusobod tumani 9-IDUM
📅 Sana: 11-aprel, 2026-yil

🟦🟦🟦

2026-yil 12-aprel sanasida Amaliy fanlar-3 kafedrasi o‘qituvchisi Isamuxamedova M.N. rahbarligida 2517-guruh talabalari bilan Xojikent hududiga ma’naviy-ma’rifiy va sog‘lomlashtirish maqsadida sayohat tashkil etildi.

Sayohat davomida talabalar tabiat qo‘ynida mazmunli hordiq chiqardilar. Xojikentning so‘lim manzaralari, musaffo havosi va tog‘ etaklaridagi go‘zal tabiat ishtirokchilarga katta zavq bag‘ishladi. Talabalar o‘zaro jamoaviy o‘yinlar o‘ynab, turli qiziqarli mashg‘ulotlar orqali bir-birlariga yanada yaqinlashdilar.

Shuningdek, sayohat davomida piknik tashkil etilib, talabalar samimiy suhbatlar qurishdi. Bu jarayon ularning jamoaviy ishlash ko‘nikmalarini mustahkamlashga, o‘zaro hurmat va hamjihatlikni oshirishga xizmat qildi.

Mazkur tadbir talabalarning nafaqat jismoniy, balki ruhiy dam olishlariga ham ijobiy ta’sir ko‘rsatdi. Ular kundalik o‘quv jarayonidan biroz chetlanib, yangi kuch va ilhom bilan qaytdilar.

Xulosa qilib aytganda, ushbu sayohat yuqori saviyada tashkil etilib, talabalar uchun unutilmas taassurotlar qoldirdi. Bunday tadbirlar yoshlarning sog‘lom turmush tarzini shakllantirishda, ularni jamoaviylik va ijtimoiy faollikka undashda muhim ahamiyat kasb etadi.