#to'garak

17-Mart 2026 yil sanasida Ingliz tili amaliy fanlar-3 kafedrasi o'qituvchisi Agzamxodjayeva Saodat Abrarovna tomonidan “LOST IN TRANSLATION” toʻgaragining “Game Localization – video o‘yinlarni tarjima qilish” mavzusida navbatdagi 20-mashgʻuloti o‘tkazildi.

Mashg‘ulot Video o‘yinlar industriyasining jadal rivojlanayotgani va tarjimonlarga bo‘lgan ehtiyoj ortib borayotgani haqida ma’lumot berildi. Game localization oddiy tarjimadan farq qilishi, ya’ni til bilan birga madaniy moslashuvni ham talab qilishi ta’kidlandi.

To’garak mashg’ulotimizning amaliy qismida talabalar kichik guruhlarga bo‘lindi va ularga mashhur video o‘yinlardan olingan matnlar berildi. Har bir guruh:
• dialoglarni tarjima qildi
• o‘yin nomlari va elementlarini moslashtirdi
• qiyin iboralar uchun izohlar berdi

Natijalar guruhlar tomonidan taqdim etildi va muhokama qilindi.
Talabalarga mustaqil ravishda video o‘yin matnlarini tarjima qilish va talabalar tanlangan video o‘yindan 10–15 ta dialogni o‘zbek tiliga tarjima qilib kelishlari va tarjima strategiyalarini tahlil qilish topshirig‘i berildi.

#BRM tadbir

🗓 2026-yil 18-mart kuni 2524-guruh talabalari ishtirokida 21-mart — “Xalqaro irqiy kamsitishga barham berish kuni”ga (International Day for the Elimination of Racial Discrimination) bag‘ishlangan BRM tadbir o‘tkazildi.

👩‍🏫 Mashg‘ulot Ingliz tili amaliy fanlar 3 kafedrasi o‘qituvchisi A.L. Talibjanova rahbarligida, talabalarda bag‘rikenglik , inson huquqlariga hurmat va umuminsoniy qadriyatlarni shakllantirish maqsadida tashkil etildi.

🎯 Tadbirning asosiy maqsadlari:
• Talabalarga irqiy kamsitishning salbiy oqibatlari va unga qarshi xalqaro kurash tarixi haqida ma’lumot berish;
• Jamiyatda tenglik va o‘zaro hurmat tamoyillarini targ‘ib qilish.
🔍 Mashg‘ulot davomida quyidagi mavzular muhokama qilindi:
1. Irqiy kamsitishga qarshi kurashgan buyuk shaxslar (Martin Luther King, Nelson Mandela)ning hayoti va merosi haqida taqdimotlar namoyish etildi.
2. Dunyoning turli nuqtalarida uchrayotgan diskriminatsiya holatlari va ularning huquqiy yechimlari tahlil qilindi.

📝 Amaliy qism:
Guruh talabalari kichik jamoalarga bo‘lingan holda “Barchamiz insonmiz” mavzusida keys-stadi (case study) topshiriqlarini bajarishdi. Har bir jamoa kamsitish holatlarining oldini olish bo‘yicha o‘zlarining kreativ loyihalari va ijtimoiy shiorlarini taqdim etishdi.

📚 Tadbir yakunida o‘qituvchi A.L. Talibjanova tomonidan mavzu yuzasidan xulosalar yasaldı. Talabalar bu kabi tadbirlar ularni inson sifatida shakllanishda muhim ahamiyatga ega ekanligini ta’kidladilar.
Faol ishtirok etgan talabalar alohida e’tirof etildi.

#tŏgarak

2026-yil 18-mart kuni “TEXT TITANS” to‘garagining navbatdagi mashg‘uloti o‘tkazildi. Mashg‘ulot Ingliz tili amaliy fanlar 3 kafedrasi o‘qituvchisi Ibroximova L.I. rahbarligida, talabalarning o‘qib tushunish, tahlil qilish va biografik matnlar bilan ishlash ko‘nikmalarini rivojlantirishga qaratilgan muhim mavzulardan biri — “Reading Biographies” mavzusida tashkil etildi.

Mashg‘ulotning asosiy maqsadi:
Talabalarga mashhur shaxslar hayoti va faoliyati haqidagi matnlarni o‘qish, asosiy ma’lumotlarni ajratib olish, muhim voqea va sanalarni aniqlash hamda biografik matnlarni tahlil qilish ko‘nikmalarini shakllantirishdan iborat bo‘ldi.

Mashg‘ulot davomida talabalar quyidagilarni o‘zlashtirdilar:
• Understanding Biography Structure: Biografik matnlarning tuzilishi, ya’ni tug‘ilgan sana va joy, ta’lim, faoliyat, yutuqlar va hayotiy voqealarni aniqlash;
• Reading for Specific Information: Matndan aniq ma’lumotlarni topish, sanalar, joy nomlari va muhim faktlarni ajratib olish;
• Character Analysis: Biografiya qahramonining shaxsiy fazilatlari, hayot yo‘li va jamiyatdagi o‘rnini tahlil qilish.

Amaliy qism:
Nazariy bilimlar darhol amaliyot bilan mustahkamlandi. Talabalar turli biografik matnlar ustida ishlashdi:

Berilgan biografik matndan asosiy faktlar va muhim voqealarni ajratib olish;

Mashhur shaxslar hayotiga oid matnlarni o‘qib, ular asosida savollarga javob berish va qisqacha xulosa tuzish;

Biografiyalardagi hayotiy tajriba va muvaffaqiyat omillari yuzasidan fikr almashish.

Mashg‘ulot yakunida Ibroximova L.I. tomonidan talabalarning o‘qish va tahlil qilish ko‘nikmalari yuqori baholandi. Talabalarga biografik matnlar asosida mustaqil ishlash va qisqa taqdimot tayyorlash bo‘yicha qo‘shimcha tavsiyalar berildi hamda keyingi mashg‘ulot uchun mustaqil topshiriqlar yuklatildi.