O‘zDJTUda sport ruhi va adabiyot uyg‘unligi

O‘zbekiston davlat jahon tillari universiteti talabalari o‘rtasida buyuk shoir va tarjimon Aleksandr Faynberg xotirasiga bag‘ishlangan “Osmondagi stadion” nomli sport musobaqasi yuqori kayfiyat va kuchli raqobat ruhida bo‘lib o‘tdi.

Mazkur tadbir O‘zDJTU Lingvistika (ingliz tili) yo‘nalishi magistratura bosqichi talabasi Sadoqatxon Mirzajonova hamda O‘zDJTU 3-Ingliz tili fakultetining iqtidorli talabasi Adhamova Mohlaroy tashabbusi bilan o‘tkazildi.

Musobaqa nomi Aleksandr Faynbergning “Paxtakor” futbol jamoasiga bag‘ishlab yozgan mashhur satrlari va ushbu voqeaga bag‘ishlangan Aleksandr Faynberg stsenariysi asosida yozilgan “Osmondagi stadion” filmi bilan uyg‘un holda tanlandi. Bu nom shoir ijodida sportga bo‘lgan hurmat va insoniy matonat g‘oyalarini aks ettiradi. Bellashuv davomida talabalar o‘zlarining sport mahorati, jamoaviy hamkorligi hamda g‘alabaga intilish ruhini namoyon etdilar. Maydonda qizg‘in bahslar, yorqin o‘yinlar va do‘stona raqobat muhiti hukm surdi.

Musobaqa talabalarda jamoaviylik, iroda va sport madaniyatini rivojlantirish bilan birga, Aleksandr Faynberg merosiga bo‘lgan qiziqishni yana-da oshirdi.

Ushbu sport tadbiri yoshlar o‘rtasida sog‘lom turmush tarzini targ‘ib qilish hamda buyuk adib xotirasini munosib e’zozlashga xizmat qildi.

@faynberg_adabiyoti
@Aleksandr_Faynberg_xotirasi

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦🟦🟦🟦🟦

✅Joriy yilning 16-mart sanasida
🇺🇿Oʻzbekiston davlat jahon tillari universitetida “Muvaffaqiyatga erishish uchun mening rejalarim” mavzusida davra suhbati tashkil etildi. Tadbir universitet psixologi Z.T. Xayrullayeva hamda
🇬🇧Uchinchi ingliz tili fakulteti tyutori M.H. Mamatova hamkorligida 3-bosqich talabalari ishtirokida oʻtkazildi.

✅Mazkur davra suhbati talabalarning shaxsiy rivojlanishi, kasbiy o‘zini anglash va kelajakdagi maqsadlarini aniq belgilashga qaratilgan bo‘lib, unda motivatsiya, o‘z-o‘zini boshqarish, refleksiya va shaxsiy potensialni ro‘yobga chiqarish kabi psixologik tushunchalar muhokama qilindi.

✅Suhbat jarayonida talabalarning ichki motivatsiyasini shakllantirish, maqsad qo‘yish ko‘nikmalarini rivojlantirish hamda stressni boshqarish usullari haqida fikr almashildi.

✅Shuningdek, talabalarda ijobiy tafakkur, o‘ziga bo‘lgan ishonch, emotsional barqarorlik va ijtimoiy moslashuv ko‘nikmalarini rivojlantirish muhimligi ta’kidlandi.

✅Davra suhbati davomida ishtirokchilar o‘z kelajak rejalari, shaxsiy va kasbiy rivojlanish strategiyalari yuzasidan o‘z fikr-mulohazalarini bildirdilar.

✅Tadbir talabalarning psixologik ongini rivojlantirish, ularni maqsad sari intiluvchanlik, o‘zini anglash va o‘z ustida ishlashga undashga xizmat qildi.