🟦🟦🟦
🗓 2026-yil 13-mart kuni
🇺🇿O‘zbekiston davlat jahon tillari universiteti
🇬🇧Ingliz tili 3-fakulteti tyutori S. Berdiyeva rahbarligida o‘ziga biriktirilgan guruh talabalari Hindiston Respublikasining O‘zbekistondagi elchixonasi hamda Hindiston madaniyat markazi tomonidan xotin-qizlarga bag‘ishlab tashkil etilgan, mashhur hind aktrisalari ishtirokidagi filmlar haftaligi doirasidagi tadbirda ishtirok etdilar.

Tadbir “Havas” guruhining badiiy chiqishlari bilan boshlandi. Shuningdek, tadbir davomida O‘zbekistonlik chempion qizlar Hindiston elchixonasi vakili tomonidan esdalik sovg‘alari bilan taqdirlandi.

Tadbir yakunida talabalar Hindiston kinematografiyasining mashhur asarlaridan biri hisoblangan “Dangal” badiiy filmini tomosha qilib, mazmunli madaniy hordiq chiqarishdi.

✨ Hamkorlik samarali tarzda davom etmoqda!

2026-yil 14-mart kuni 195-maktabda boshlang‘ich sinf o‘quvchilari uchun O‘zbekiston davlat jahon tillari universiteti Ingliz tili 3-fakulteti, Nazariy aspektlar №3 kafedrasi talabalari — Baxtiyorova M., Raxmatullayeva G., Yangiboyeva R., Mirzakarimova M. tomonidan faol ingliz tili yo‘nalishida navbatdagi to‘garak mashg‘uloti tashkil etildi.

Bugungi darsning mavzusi “Weather” bo‘lib, o‘quvchilar ob-havo bilan bog‘liq yangi inglizcha so‘zlar va iboralarni o‘rgandilar. Mashg‘ulot davomida bolalar yozma mashqlar bajarib, o‘z bilimlarini mustahkamlashdi. Shuningdek, ular ob-havo mavzusiga oid rasmlar chizib, ijodiy yondashuv orqali mavzuni yanada yaxshi anglab oldilar.

Darsni yanada qiziqarli tashkil etish maqsadida o‘quvchilar bilan “Qadamba-qadam” o‘yini o‘tkazildi.

🌟 Mashg‘ulot davomida o‘quvchilarning ingliz tilini o‘rganishga bo‘lgan qiziqishi va faolligi yanada ortib borayotgani kuzatildi.