♻️ Fakultetlarda giyohvandlikning oldini olishga bag‘ishlangan videoroliklar tanlovlari muvaffaqiyatli o‘tkazildi.

📍 Tadbir Ingliz tili 3-fakulteti yoshlar bilan ishlash bo'yicha dekan o'rinbosari M.Jakbarov hamda tyutorlar Z.Xolmuroda, Sh.Kadirova va M.Avazovalar tomonidan tashkil etildi. Talabalar tomonidan tayyorlangan videolar fakultetlarda namoyish etildi, va har bir videoda giyohvandlikning salbiy oqibatlari va sog‘lom turmush tarzining ahamiyati aks ettirildi.

📚 Ushbu tadbir “Yoshlar giyohvandlikka qarshi” respublika aksiyasi doirasida tashkil qilinib, yoshlarni zararli odatlardan ogohlantirish, ularda ijobiy odatlarni shakllantirish va sog‘lom hayot tarzini targ‘ib qilishga qaratilgan.

🏆 Eng yaxshi videorolik aniqlanib, sertifikat bilan rag‘batlantirildi.

13- mart kuni Ingliz tilini o’qitish metodikasi-3 kafedrasi o’qituvchilari A.P. Seytimbetova va D.I. Babaxanova “JOY” filmi asosida navbatdagi Movie Club uchrashuvi tashkil etishdi.
Tadbir davomida ishtirokchilar filmni birgalikda tomosha qilib, uning mazmuni, asosiy g‘oyalari va qahramonlarning hayotiy tajribasi haqida fikr almashdilar. Muhokama jarayonida filmda aks etgan qat’iyat, mehnatsevarlik va maqsad sari intilish kabi muhim qadriyatlar haqida alohida to‘xtalib o‘tildi.
Uchrashuv qizg‘in savol-javoblar va faol muhokamalar ruhida o‘tdi. Talabalar o‘z fikr va mulohazalarini erkin bildirish imkoniga ega bo‘ldilar hamda film orqali berilgan hayotiy saboqlar haqida chuqurroq tushunchaga ega bo‘ldilar.

📚 “Boosting Language Skills” to‘garagida navbatdagi mashg‘ulot tashkil etildi

“Boosting Language Skills” to‘garagi doirasida Ingliz tili integrallashgan kursi 3-kafedrasi o‘qituvchisi Zemlyankina Yu. tomonidan “How to Write Introduction and Conclusion in Essay” mavzusida navbatdagi to‘garak mashg‘uloti tashkil etildi.

Mashg‘ulot davomida talabalarga esse yozish jarayonida kirish (introduction) va xulosa (conclusion) qismlarini to‘g‘ri, mazmunli hamda mantiqiy shakllantirishning nazariy va amaliy jihatlari batafsil tushuntirildi. Talabalar esse tuzilishi, asosiy g‘oyani aniq ifodalash, fikrlarni izchil bayon etish hamda matnni samarali yakunlash usullari bilan yaqindan tanishdilar.

Amaliy qismda talabalar milliy madaniyatimiz mavzusida ingliz tilida esse yozib, o‘z bilim va ko‘nikmalarini mustahkamlash imkoniyatiga ega bo‘ldilar. Mashg‘ulot jarayonida nazariya va amaliyot uyg‘unligi ta’minlanib, talabalarning akademik yozuvga bo‘lgan qiziqishi yanada oshdi.

Mazkur to‘garak mashg‘uloti talabalarning yozma nutq madaniyatini rivojlantirish, ingliz tilida erkin fikr bildirish hamda akademik yozuv ko‘nikmalarini shakllantirishda muhim аҳамият kasb etdi.

#BoostingLanguageSkills #AcademicWriting #EssayWriting #IntroductionAndConclusion #EnglishClub #UzSWLU