🗓 2026-yil 11-mart kuni “TEXT TITANS” to‘garagining navbatdagi mashg‘uloti o‘tkazildi.
Mashg‘ulot Ingliz tili amaliy fanlar 3 kafedrasi o‘qituvchisi A.L. Talibjanova rahbarligida, talabalarning tanqidiy fikrlash (critical thinking) qobiliyatini rivojlantiruvchi eng muhim mavzulardan biri — “Identifying Fact and Opinion” (Fakt va shaxsiy fikrni farqlash) mavzusida tashkil etildi.
🎯 Mashg‘ulotning asosiy maqsadi:
Talabalarga matndagi obyektiv ma’lumotlarni (fakt) subyektiv qarashlardan (opinion) ajratish, muallifning yondashuvini tushunish va ma’lumotlarni to‘g‘ri tahlil qilish ko‘nikmalarini o‘rgatishdan iborat bo‘ldi.
🔍 Mashg‘ulot davomida talabalar quyidagilarni o‘zlashtirdilar:
• Evidence-based Facts: Isbotlangan dalillar, raqamlar va tarixiy faktlarni aniqlash;
• Subjective Clue Words: Shaxsiy fikrni ifodalovchi kalit so‘zlar (feel, believe, think, best, worst, always) va sifatlar tahlili;
• Bias Detection: Matndagi bir yoqlamalik yoki muallifning shaxsiy hissiyotlari matn mazmuniga ta’sirini aniqlash.
📝 Amaliy qism:
Nazariy bilimlar darhol amaliyot bilan mustahkamlandi. Talabalar turli maqola va matnlar ustida ishlashdi:
1. Berilgan matn ichidan faqat faktlarni ajratib olish va ularning haqqoniyligini tekshirish;
2. Reklama va OAV matnlaridagi yashirin "shaxsiy fikr"larni aniqlash bo‘yicha qiziqarli bahs-munozaralar o‘tkazildi.
📚 Mashg‘ulot yakunida A.L. Talibjanova tomonidan talabalarning tahliliy qobiliyatlari yuqori baholandi. Talabalarga akademik yozuvda faktlardan foydalanish bo‘yicha qo‘shimcha tavsiyalar berilib, keyingi mashg‘ulot uchun mustaqil tahliliy topshiriqlar yuklatildi.

🟦🟦🟦🟦🟦🟦🟦
FTURK2422 guruhi talabalari bilan “Bayramlar” mavzusida to‘garak o‘tkazildi
2026-yil 11-mart kuni Ingliz tili 3-fakulteti Ikkinchi chet tili kafedrasi turk tili o'qituvchisi Komilova Zuhraxon rahbarligida FTURK2422 guruhi talabalari ishtirokida “Bayramlar” mavzusida navbatdagi to‘garak mashg‘uloti tashkil etildi.
Mashg‘ulot davomida talabalar turk va o‘zbek xalqlarining milliy hamda xalqaro bayramlari haqida fikr almashdilar. Xususan, bayramlarning kelib chiqishi, ularning jamiyat hayotidagi o‘rni hamda madaniy ahamiyati haqida qiziqarli ma’lumotlar berildi.
To‘garak jarayonida talabalar faol ishtirok etib, turli savol-javoblar, muhokamalar hamda kichik interaktiv topshiriqlar orqali mavzu yuzasidan o‘z bilimlarini mustahkamlashdi. Mashg‘ulot samimiy va qiziqarli muhitda o‘tib, talabalar uchun foydali bo‘ldi.
Yakunda talabalar mavzu bo‘yicha o‘z fikr va taassurotlarini bildirishdi hamda kelgusi to‘garaklarda ham faol qatnashish istagini bildirdilar.

KELAJAK SOATI
🇺🇿O‘zbekiston davlat jahon tillari universiteti
🇬🇧Ingliz tili 3-fakultetida dekan I. Xaydarov tomonidan navbatdagi “Kelajak soati” darsi o‘tkazildi.

📚 Darsning bugungi mavzusi “Mehnatning tagi — rohat” bo‘lib, unda talabalar bilan mazmunli va ochiq muloqot tashkil etildi. Suhbat davomida mehnatsevarlik, mas’uliyat va intilish insonni katta yutuqlarga olib borishi haqida fikrlar bildirildi.

💬 Talabalar bilan kelajak rejalari, o‘z ustida ishlash, bilim olishga bo‘lgan intilish hamda hayotda muvaffaqiyatga erishish yo‘llari haqida samimiy suhbat olib borildi. Shuningdek, mehnat orqali inson o‘z oldiga qo‘ygan maqsadlariga erishishi mumkinligi alohida ta’kidlab o‘tildi.

⭐️ Ushbu uchrashuv talabalar uchun motivatsiyaga boy bo‘lib, ularni yanada faol bo‘lishga, bilim va mehnat orqali o‘z kelajagini barpo etishga undadi.

O‘zbekiston davlat jahon tillari universiteti
Ingliz tili 3-fakulteti

✅2417-guruh talabalari ishtirokida “Giyohvandlik – umr zavoli” mavzusida ma’naviy-ma’rifiy tadbir tashkil etildi.

✅Tadbir tyutorlar R. Uzoqova va N. Israilova hamda pedagogika va psixologiya fani o‘qituvchisi Ixlosbek Moyanov tashabbusi bilan o‘tkazildi.

✅Tadbir davomida talabalar tomonidan qoʻyilgan sahna koʻrinishi, she'rlar aytildi va giyohvandlikning inson salomatligi, ruhiyati va kelajagiga yetkazadigan salbiy oqibatlari haqida atroflicha so‘z yuritildi.

✅Bunday ma’rifiy uchrashuvlar yoshlar ongida mas’uliyat, hushyorlik va sog‘lom hayot tamoyillarini mustahkamlashga xizmat qiladi.