သမ္မတ ဒေါ်နယ်ထရမ့်ဟာ အခုလက်ရှိ AI (ဉာဏ်ရည်တု) မျိုးဆက်ရဲ့ အကြီးအကဲ ဖြစ်လာမယ့်သူ ဖြစ်ကြောင်း၊ အီလွန်မတ်စ် ကတော့ အမျိုးသား အကျိုးစီးပွားကို ဦးစားပေးမယ့်သူလို့ ယုံကြည်ကြောင်း OpenAI ဘဏ္ဍာရေး အကြီးအကဲ (CFO) Sarah Friar က ပြောကြားလိုက်ပါတယ်။

Website တွင် ဖတ်ရန် https://bit.ly/3VHTGjj
---------------------
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/3btQYpR

တလအတွင်း ဗိုလ်မှူး ၁ ဦးအပါ စစ်သားနှင့် ရဲ ၃၃ ဦး အလင်းဝင်

ဧရာဝတီ၊ ဒီဇင်ဘာ ၁၆၊ ၂၀၂၄

အမျိုးသားညီညွတ်ရေးအစိုးရ (NUG)၊ ပြည်သူ့ရင်ခွင်အကောင်အထည်ဖော်ဆောင်မှု ဗဟိုကော်မတီနှင့် ကာကွယ်ရေးဝန်ကြီးဌာန ကွပ်ကဲမှုအောက်ရှိ PDF တပ်ရင်းများ၊ ပကဖ များသို့ ဆက်သွယ်၍ ပြီးခဲ့သည့် နိုဝင်ဘာလ တလအတွင်း စစ်ကောင်စီဘက်မှ ဗိုလ်မှူး ၁ ဦး အပါအဝင် စစ်သားနှင့် ရဲ စုစုပေါင်း ၃၃ ဦး အလင်းဝင်ရောက်ခဲ့ကြောင်း NUG က ယနေ့ ထုတ်ပြန်သည်။

အဆိုပါ အလင်းဝင်ရောက်လာသူများအနက် လက်နက်ယူဆောင်လာသူများလည်း ပါရှိပြီး ၎င်းတို့အား လက်နက်တန်ဖိုးအလိုက် ဂုဏ်ပြုငွေများ ချီးမြှင့်ခဲ့ကြောင်း၊ နိုဝင်ဘာလအတွင်း အလင်းဝင်လာသူများထဲမှ လက်နက်မျိုးစုံ ၂၀ လက်နှင့် ခဲယမ်းမီးကျောက်များ ပါရှိကြောင်း NUG ကာကွယ်ရေးဝန်ကြီးဌာန၏ ထုတ်ပြန်ချက်တွင် ဖော်ပြထားသည်။

လက်ရှိတွင် စစ်ကောင်စီ၏ စစ်မှုထမ်းအမိန့် ကြေညာချက်ကြောင့် အတင်းအဓမ္မ လူသစ်စုဆောင်းခံရသူများ အပါအဝင် ပြည်သူ့ဘက်ရပ်တည်လိုသည့် တပ်သားနှင့် ရဲများအနေဖြင့် ပြည်သူ့ရင်ခွင်တယ်လီဂရမ် @MyanmarPeople သို့မဟုတ် နီးစပ်ရာ ပြည်သူ့ကာကွယ်ရေးတပ်မတော် (PDF)၊ ပြည်သူ့ကာကွယ်ရေးအဖွဲ့ (ပကဖ) များနှင့် မဟာမိတ် တိုင်းရင်းသား တော်လှန်ရေးအဖွဲ့အစည်းများထံသို့ ဆက်သွယ်ချိတ်ဆက်နိုင်ကြောင်းလည်း NUG က ဖိတ်ခေါ်ထားသည်။

ဓာတ်ပုံ - NUG/ MOD

#WhatsHappeningInMyanmar
#RejectMilitaryCoup

စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/3btQYpR

ကော့စမွီကျွန်း ဆောက်လုပ်ရေးလုပ်ငန်းခွင်၌ မြေပြိုပြီး မြန်မာလုပ်သား ၂ ဦး သေဆုံး

ဧရာဝတီ၊ ဒီဇင်ဘာ ၁၆၊ ၂၀၂၄

ထိုင်းနိုင်ငံ၊ ကော့စမွီကျွန်းရှိ ဆောက်လုပ်ရေးလုပ်ငန်းခွင်တခုတွင် ယမန်နေ့၌ မြေပြိုကျမှုကြောင့် မြန်မာအလုပ်သမား နှစ်ဦးဖြစ်သည့် မိုးစက် (၃၉ နှစ်) နှင့် အောင်ကိုကို (၁၉ နှစ်)တို့ သေဆုံးခဲ့ကြောင်း ထိုင်းသတင်းဌာန Khaosod English က ဖော်ပြထားသည်။

ဒီဇင်ဘာ ၁၅ ရက်တွင် ယင်းလုပ်ငန်းခွင်အတွင်း မြေပြိုကျမှု နှစ်ကြိမ်ဖြစ်ပွားခဲ့ပြီး ဒုတိယအကြိမ်၌ အလုပ်သမားများ အိပ်နေသည့် အဆောင်ပေါ် ပြိုကျခဲ့ခြင်းကြောင့် မြန်မာလုပ်သားနှစ်ဦး သေဆုံးခဲ့ကာ ရုပ်အလောင်းများကို အလုပ်သမား အဆောင်၏ ၁၀ မီတာအကွာတွင် တွေ့ရှိခဲ့ကြောင်း၊ မြေပြိုမှုကြောင့် အိပ်ခန်းအဆောင်သုံးခန်း နစ်မြှုပ်သွားကြောင်း မျက်မြင်သက်သေများ၏ ပြောကြားချက်ကို ကိုးကားပြီး Khaosod English က ရေးသားထားသည်။

မိုးသည်းထန်စွာရွာသွန်းသည့် ဒီဇင်ဘာ ၁၄ ရက်တွင် မတ်စောက်သော တောင်စောင်းများနှင့် ယင်းနေရာရှိ အဆောက်အအုံများ အန္တရာယ်ရှိနိုင်ကြောင်း ထိုင်းအာဏာပိုင်များက အထူးသတိပေးချက် ထုတ်ပြန်ပြီး တရက်အကြာ၌ ယခုလို မြေပြိုခဲ့ခြင်းဖြစ်ပြီး လက်ရှိတွင်လည်း မြေပြိုမှု ထပ်မံဖြစ်ပွားမည်ကို စိုးရိမ်ရသောကြောင့် ကော့စမွေကျွန်းရှိ ဆောက်လုပ်ရေးလုပ်ငန်းခွင်ကို ယာယီရပ်နားထားကြောင်း သိရသည်။

ပြီးခဲ့သည့် နိုဝင်ဘာ ၂၉ ရက်ကလည်း ထိုင်းနိုင်ငံ၊ ဘန်ကောက်မြို့နှင့် ကီလိုသုံးဆယ်ကျော် ကွာဝေးသည့် ဆမွတ်ဆာခွန်း ခရိုင် ဖလန်ဆောင်လမ်းမကြီးပေါ် ရှိ ဆောက်လုပ်လက်စ မိုးပျံလမ်းမကြီး ကွန်ကရစ်တိုင် ပြိုကျမှုကြောင့် လုပ်ငန်းခွင်အတွင်းမှ မြန်မာအလုပ်သမား ၆ ဦး သေဆုံးခဲ့ရသေးသည်။

ဓာတ်ပုံ - Khaosod English

စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/3btQYpR

တိုက်ပွဲကြောင့် တရုတ်ကြေးနီစီမံကိန်းအနီးမှ ဒေသခံထောင်ချီ တိမ်းရှောင်နေရ

ဧရာဝတီ၊ ဒီဇင်ဘာ ၁၆၊ ၂၀၂၄

စစ်ကိုင်းတိုင်း၊ ဆားလင်းကြီးမြို့နယ်၊ လက်ပံတောင်းတောင် ကြေးနီစီမံကိန်းလုပ်ကိုင်ရာ ဝမ်ပေါင်ကုမ္ပဏီအတွင်း တပ်စွဲထားသည့် စစ်ကောင်စီတပ်နှင့် ပြည်သူ့ကာကွယ်ရေးတပ်များကြား ဒီဇင်ဘာ ၁၃ ရက်တွင် တိုက်ပွဲဖြစ်ပွားခဲ့ပြီး လက်ရှိအချိန်ထိလည်း စစ်ရေးတင်းမာနေသောကြောင့် ဒေသခံပြည်သူထောင်နှင့်ချီ ထွက်ပြေးနေရကြောင်း သိရသည်။

ဒေသခံတဦးက “ဝမ်ပေါင်ကုမ္ပဏီက ပစ္စည်းသယ်ယူလုပ်ဖို့ စကစတပ်တွေက လုံခြုံရေးယူတယ်။ အဲဒီလိုလုပ်ရင်းနဲ့ တော်လှန်ရေးတပ်တွေ ထိန်းချုပ်နယ်မြေထဲကျွံလာလို့ တနေ့က တိုက်ပွဲဖြစ်တယ်။ တနာရီခွဲနှစ်နာရီလောက် ကြာတယ်။ ဒါကြောင့် နီးစပ်ရာရွာတွေက စစ်ဘေးရှောင်ရတယ်။ အဲဒီနေ့မှာပဲ တိုက်ပွဲဖြစ်ပြီး စကစက နောက်ပြန်ဆုတ်တော့ အနီးက ရွာတွေကို မီးပတ်ရှို့သွားတယ်။ တောင်ပလူရွာဆို ၁၈ အိမ်လောက် ညနေပိုင်းမှာ မီးရှို့ခံရတယ်။ လူထိခိုက်မှုလည်း ရှိတယ်။ အတိအကျတော့ မသိရသေးဘူး” ဟု ဧရာဝတီကို ပြောသည်။

ဆက်လက်၍ ၎င်းက “အခုလည်း ဝမ်ပေါင်မှာ လုံခြုံရေးယူထားတဲ့ အခြေအနေရှိတယ်။ အလုံပိတ်ထားတဲ့ကားတွေ ဝင်တယ်။ အဓိကတော့ ဝမ်ပေါင်မှာ စစ်အခြေစိုက်စခန်းလုပ်ပြီး ပြန်တွယ်မယ့် အနေအထားမျိုးလို့ သိရတယ်။ အခုကတော့ သူ့ဘက်ကိုယ့်ဘက် စစ်ရေးဆိုင်ထားတဲ့သဘော ရှိတယ်” ဟု လက်ရှိအခြေအနေအား ပြောသည်။

ယင်းအခြေအနေများကြောင့် လက်ရှိတွင် ကြေးနီစီမံကိန်းအနီးတဝိုက်ရှိ တောင်ပလူရွာ၊ ညောင်ပင်ကြီး၊ ထန်းတောရွာ၊ ကူးတို့ကုန်းရွာ စသည့် ကျေးရွာများမှာ လူဦးရေထောင်နှင့်ချီမှာ နီးစပ်ရာတောများနှင့် ဘာသာရေးကျောင်းများ၌ တိမ်းရှောင်နေရပြီး ဆောင်းရာသီဖြစ်သောကြောင့် အခက်အခဲများ ရှိနေကြောင်း သိရသည်။

အဆိုပါဒေသခံက “ဆားလင်းကြီးစခန်းသိမ်းထဲက စစ်ဘေးရှောင်နေတဲ့သူတွေလည်း ရှိတယ်။ သူတို့ဆို နှစ်ပေါက်နေပြီပေါ့။ အခုကတော့ စစ်ဘေးရှောင်တွေက တစုမှာ လူဦးရေ ၂၀၀နဲ့ အစုရေ ၂၀/၃၀ လောက်ရှိတယ်။ နေရာပေါင်းကလည်း ၁၄/၁၅ နေရာလောက်ခွဲနေတယ်” ဟု ရှင်းပြသည်။

လက်ရှိ မြန်မာနိုင်ငံတွင် ဖြစ်ပွားနေသည့် စစ်ရေးပဋိပက္ခများကြောင့် နေရပ်စွန့်ခွာပြီး စစ်ဘေးရှောင်နေရသူ ၃ သန်းခွဲရှိကြောင်း ကုလသမဂ္ဂ ဒုက္ခသည်များဆိုင်ရာမဟာမင်းကြီးရုံး (UNHCR ) က သတင်းထုတ်ပြန်ထားသည်။

ပုံစာ - ဒီဇင်ဘာ ၁၃ ရက်တွင် တိုက်ပွဲကြောင့် တိမ်းရှောင်နေကြသည့် ဆားလင်းကြီးမြို့နယ်အတွင်းက ပြည်သူများ / ဆားလင်းကြီးမြို့နယ်-လက်ပံတောင်းတောင်ပင်မသပိတ်

#WhatsHappeningInMyanmar
#RejectMilitaryCoup

စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/3btQYpR

ဆန်၊ ဆီ၊ စက်သုံးဆီ၊ ရွှေနှင့် ဒေါ်လာ ယနေ့ ပေါက်ဈေး

ဧရာဝတီ၊ဒီဇင်ဘာ ၁၆၊ ၂၀၂၄

စစ်ကောင်စီ သတ်မှတ်သည့် ဆန်လက်ကားဈေးမှာ အကြမ်း အနိမ့်ဆုံး ဧည့်မထ ၁ အိတ် - ၈၂၀၀၀ ကျပ်၊ အချော အမြင့်ဆုံး ရွှေဘိုပေါ်ဆန်း ၁ အိတ် - ၁၅၀၀၀၀ ကျပ်

ပြင်ပဈေးကွက်မှာလည်း ကြိုက်ရောင်းကြိုက်ဝယ်နှင့် အမြင့်ဈေးတမျိုးရှိဖြင့် ကုန်သည်များက အရောင်းအဝယ် ပြုလုပ်နေပြီး ယခုတပတ်တွင် ဈေးကွက်မှာ အနည်းငယ်အေးနေကြောင်း ကုန်သည်များထံက သိရသည်။

စားအုန်းဆီ

စစ်ကောင်စီ၏ စားအုန်းဆီ ရည်ညွှန်းလက်ကားဈေးမှာ ၁ ပိဿာ ၇၂၅၀ ကျပ်၊ လက်လီသတ်မှတ်ဈေးမှာ ၇၇၅၀ ကျပ်
ပြင်ပဈေးမှာ ၁ ပိဿာလျှင် ၁၃၀၀၀ ကျပ် ဝန်းကျင်တွင်ရှိနေ

ယင်းဖော်ပြပါ ဆီဈေးနှုန်းမှာ ရန်ကုန်မြို့မှ ဈေးနှုန်းများဖြစ်ပြီး မြို့နယ်နှင့် နေရာဒေသလိုက်၍ ကွာခြားမှုများ၊ မြင့်တက်မှုများ ရှိနိုင်သည်။

စက်သုံးဆီ

ဓာတ်ဆီ ၉၂ ၁ လီတာ ၃၀၄၀ ကျပ်
ဓာတ်ဆီ ၉၅ ၁ လီတာ ၃၁၅၀ ကျပ်
ဒီဇယ် ၁ လီတာ ၂၅၉၀ ကျပ်
ပရီမီယံ ဒီဇယ် ၁ လီတာ ၃၂၁၀ ကျပ်

တချို့ စစ်ပွဲ ဖြစ်ပွားရာ ဒေသများတွင် သတ်မှတ်ဈေးထက် ဈေးနှုန်းအဆမတန် မြင့်တက်မှုများလည်း ရှိနေသည်။

ရွှေနှင့် ဒေါ်လာ

ပြင်ပဈေးကွက်အရ အမေရိကန် ၁ ဒေါ်လာလျှင် ၄၄၀၀ ကျပ်ကျော်တွင်ရှိနေ

အကယ်ဒမီ အခေါက်ရွှေ တကျပ်သား ကျပ် ၆၁ သိန်းကျော်တွင်ရှိနေ
လက်ဝတ်ရတနာ ၁၅ ပဲရည် တကျပ်သား ကျပ် ၅၉ သိန်းကျော်တွင်ရှိနေ
ရန်ကုန်တိုင်းရွှေလုပ်ငန်းရှင်များအသင်း (YGEA) က သတ်မှတ်ဈေး အကယ်ဒမီအခေါက် ရွှေ ၁ ကျပ်သား ၅၃၇၀၀၀၀ ကျပ်၊
ကမ္ဘာ့ရွှေဈေး တအောင်စ အမေရိကန် ဒေါ်လာ ၂၆၅၃

အချိန်နှင့် အမျှ ဈေးနှုန်း အပြောင်းအလဲ ရှိနိုင်သည်။

#ဧရာဝတီ
#နေ့စဉ်ကုန်ဈေးနှုန်း
#ဆန်ဈေး
#ဆီဈေး
#လောင်စာဆီဈေး
#ရွှေဈေး
#ဒေါ်လာဈေး

ပြည်သူသာ အဓိက၊ ပြည်သူက ပိုအရေးကြီးတယ် (ရုပ်/သံ)

ဧရာဝတီ၊ ဒီဇင်ဘာ ၁၆၊ ၂၀၂၄

နိုင်ငံတကာ၊ အာဆီယံနဲ့ အိမ်နီးချင်းနိုင်ငံတွေအနေနဲ့ မြန်မာပြည်သူတွေရဲ့ အသံကို အလေးအနက်ထား နားထောင်ဖို့ လိုအပ်တယ်လို့ ကုလသမဂ္ဂဆိုင်ရာ မြန်မာအမြဲတမ်းကိုယ်စားလှယ် သံအမတ်ကြီး ဦးကျော်မိုးထွန်း က ဧရာဝတီနဲ့ တွေ့ဆုံမေးမြန်းရာမှာ ပြောပါတယ်။

ကုလသမဂ္ဂကိုယ်စားလှယ် စိစစ်ရေး ကော်မတီက ဦးကျော်မိုးထွန်းကို ကုလသမဂ္ဂဆိုင်ရာ မြန်မာအမြဲတမ်းကိုယ်စားလှယ် အဖြစ် ဒီဇင်ဘာ ၆ ရက်က ကျင်းပခဲ့တဲ့ (၇၉) ကြိမ်မြောက် ကုလသမဂ္ဂအထွေထွေညီလာခံရဲ့ ၄၈ ကြိမ်မြောက် မျက်နှာစုံညီ အစည်းအဝေးမှာ မဲမခွဲဘဲ အများသဘောနဲ့ အတည်ပြုခဲ့တာဖြစ်ပါတယ်။

ကုလသမဂ္ဂမှာ မြန်မာနိုင်ငံ ကိုယ်စားပြုအနေနဲ့ ဆက်လက်ရှိနေရခြင်းဟာ ပြည်သူတွေရဲ့အသံကို နိုင်ငံတကာကိုရောက်ရှိဖို့ ကြိုးပမ်းနေတာအပြင် စစ်ကောင်စီရဲ့ ကိုယ်စားလှယ်တွေ ရောက်မလာဖို့ကိုလည်း ကြိုးစားသွားမှာဖြစ်တယ်လို့ ဦးကျော်မိုးထွန်းက ပြောပါတယ်။

https://youtu.be/YdBQ1BipFvI
#မြန်မာ #ဧရာဝတီ #ဦးကျော်မိုးထွန်း #ကုလသမဂ္ဂ #သံအမတ်ကြီး #နိုင်ငံတကာ #အာဆီယံ #ကိုယ်စားလှယ်
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/3btQYpR

တကယ်တိုက်ပွဲဝင်နေတဲ့သူတွေကို ထောက်ပံ့မှာ (ရုပ်/သံ)

ဧရာ၀တီ၊ ဒီဇင်ဘာ၁၆၊ ၂၀၂၄

နွေဦးတော်လှန်ရေးအတွက် ပြည်တွင်းမှာ တိုက်ပွဲဝင်နေတဲ့ သူတွေရဲ့ လိုအပ်ချက်တွေကို ထောက်ပံ့ဖို့အတွက် ရည်ရွယ်ပြီးအမေရိကန်ပြည်ထောင်စု ပန်ဆယ်ဗေးနီးယား ပြည်နယ်၊ ဖီလာဒဲဖီးယား မြို့မှာ နွေဦးတော်လှန်ရေး ရန်ပုံငွေဈေးရောင်းပွဲ ပြုလုပ်ခဲ့ပါတယ်။

ဒီဇင်ဘာလ ၁၄ ရက်နေ့ က ကျင်းပတဲ့ နွေဦးတော်လှန်ရေး ရန်ပုံငွေ ဈေးရောင်းပွဲတော်ကနေ အမေရိကန်ဒေါ်လာ ၃ သောင်းကျော် (ကျပ် သိန်း ၁၃၅၀) ခန့် ရရှိခဲ့တယ်လို့ ပွဲစီစဉ်သူတွေက ပြောပါတယ်။

ဒီဈေးရောင်းပွဲမှာ အမျိုးသားညီညွတ်ရေးအစိုးရ (NUG) ရဲ့ အပြည်ပြည်ဆိုင်ရာ ပူးပေါင်းဆောင်ရွက်ရေး ဝန်ကြီးဌာန ပြည်ထောင်စု ဝန်ကြီးဒေါက်တာဆာဆာ လက်မှတ်ရေးထိုးထားတဲ့ ဂစ်တာကို လေလံတင်ခဲ့ရာ ဒေါ်လာ ၅၅၅၀ ရရှိခဲ့ပါတယ်။

ရန်ပုံငွေဈေးရောင်းပွဲတော်ကို ဖီလာဒဲဖီးယားမြို့ Ethnic Community of Burma အဖွဲ့က ဦးဆောင်ကျင်းပခဲ့တာပါ။

ဈေးရောင်းပွဲတော်ကို ကုလသမဂ္ဂဆိုင်ရာ မြန်မာအမြဲတမ်းကိုယ်စားလှယ် သံအမတ်ကြီးဦးကျော်မိုးထွန်း၊ အပြည်ပြည်ဆိုင်ရာ ပူးပေါင်းဆောင်ရွက်ရေးဝန်ကြီး ဌာန ပြည်ထောင်စုဝန်ကြီးဒေါက်တာဆာဆာတို့တက်ရောက်ခဲ့ပါတယ်။

https://youtu.be/llYdj851V_o
#မြန်မာ #ဧရာဝတီ #ရန်ပုံငွေပွဲ #အမေရိကန် #ဦးကျော်မိုးထွန်း #ဒေါက်တာဆာဆာ
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/3btQYpR