ကျားဖြန့်လူကုန်ကူးခံရသော လာအိုနိုင်ငံသူတဦး BGF ထပ် လွှဲ

ဧရာဝတီ ၊ ဧပြီ ၂၆ ၊ ၂၀၂၅

ထိုင်းနိုင်ငံတွင် တလ ဘတ် ၇၀,၀၀၀ ရရှိသည့် အလုပ်ရမည်ဟူသော တရုတ်သူငယ်ချင်း အသိတယောက်၏ လိမ်လည် ခေါ်ယူမှုဖြင့် မြဝတီမြို့နယ် အွန်လိုင်းငွေလိမ်ဂိုဏ်း ( ကျားဖြန့် ) လုပ်ငန်းများသို့ ရောက်ရှိလာခဲ့သော လာအိုနိုင်ငံသားတဦးကို ကရင်နယ်ခြားစောင့်တပ် (BGF) က ယနေ့ မဲဆောက်ဘက်သို့ ပြန်လည်လွှဲပြောင်းပေးခဲ့သည်။

အဆိုပါလာအိုနိုင်ငံသူအား BGF က မယ်ထော်သလေးဒေသရှိ ကျားဖြန့် အလုပ်ဆိုက်တခုမှ ပြီးခဲ့သော ဖေဖော်ဝါရီလတွင် ခေါ်ယူထိန်းသိမ်းထားခြင်းဖြစ်ကာ လာအိုနိုင်ငံဘက်က ပြန်လည်ခေါ်ယူရန် ကြန့်ကြာနေသောကြောင့် အချိန် ၂ လကျော်မှ လွှဲပြောင်းပေးနိုင်ခြင်းဖြစ်ကြောင်း BGF တာဝန်ရှိသူတဦးက ပြောသည်။

၎င်းက '' သူက ဒီဘက်ရောက်နေတာ ၈ လောက်ရှိပြီပြောတယ်။ သူ့ သူငယ်ချင်း တရုတ်တယောက်က ထိုင်းမှာ အလုပ်ကောင်းရမယ်ဆိုပြီး ခေါ်လို့ လာခဲ့တာ။ သူက တရုတ်လိုရော၊ အင်္ဂလိပ်လိုရော၊ ထိုင်းလိုပါ ပြောတတ်တဲ့ ပညာတတ် တယောက်ပါ '' ဟု ပြောသည်။

အသက် ၂၀ ကျော်အရွယ်ရှိ အဆိုပါ လာအိုနိုင်ငံသူကို နိုင်ငံခြားသား ကျားဖြန့်များရှိသည့် အလုပ်ခန်းတခု၌ ပိတ်လှောင်ထား ပြီး ၎င်းအနေဖြင့် စကားပြန်အလုပ်ကို လုပ်ပေးရကြောင်းနှင့် လုပ်ခလစာများလည်း မရရှိခဲ့ကြောင်း သိရသည်။

ကရင်ပြည်နယ် မြဝတီမြို့နယ်အတွင်း ကျားဖြန့် လုပ်ငန်းများရှိ နိုင်ငံပေါင်း ၃၀ ကျော်မှ နိုင်ငံခြားသား ၇၀၀၀ ကျော်ကို နေရပ်ပြန်ပို့ရန် BGF မှပြီးခဲ့သော ဖေဖော်ဝါရီလကတည်းက ခေါ်ယူ ထိန်းသိမ်းထားခဲ့ပြီး သက်ဆိုင်ရာနိုင်ငံများ၏ အကြောင်းပြန်မှု ကြန့်ကြာနေသောကြောင့် ယနေ့ချိန်ထိ ပြန်မပို့ပေးနိုင်သည့် နိုင်ငံခြားသား ၁၀၀၀ ခန့် ရှိသေးကြောင်း သိရသည်။

ပုံစာ- လာအိုနိုင်ငံသူအား ပြန်လည်လွှဲပြောင်းပေးစဉ်/ BGF
#WhatsHappeningInMyanmar
#RejectMilitaryCoup
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy

ငလျင်ကိုအာရုံစိုက်နေချိန်မှာ တရုတ်က လားရှိုးကိစ္စလုပ်သွားတာ
#မြန်မာ #ဧရာဝတီ #ငလျင် #MyanmarEarthquake #တရုတ် #လားရှိုး #စစ်ကောင်စီ #EditorialTalk

မန္တလေးငလျင်ကြောင့် ရန်ကုန်- မန္တလေးလမ်းပိုင်းရှိ လမ်းတံတားများ ပျက်စီးခဲ့ရပြီးနောက် ကုန်ပစ္စည်း သယ်ယူ ပို့ဆောင်ခများ နှစ်ဆကျော်မြင့်သွားသလို ကုန်ဈေးနှုန်းလည်း လိုက်ပါတက်နေကြောင်း

Website တွင် ဖတ်ရန် https://bit.ly/445K8Up
#WhatsHappeningInMyanmar
---------------------
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/3btQYpR

နေပြည်တော်ဆောက်ခဲ့သည့် ကုမ္ပဏီများ ပြန်ဆက်သွယ်ရန် စစ်ကောင်စီ ညွှန်ကြား

ဧရာဝတီ၊ ဧပြီ ၂၆ ၊ ၂၀၂၅

နေပြည်တော် တည်ဆောက်ရေး အထူးဖွံ့ဖြိုးရေး စီမံကိန်းတွင်ပါဝင်ခဲ့သည့် ကုမ္ပဏီများအနေဖြင့် နေပြည်တော်စည်ပင်သာယာရေးကော်မတီ အဆောက်အဦများပြန်လည်ပြုပြင်အသုံးချရေးနှင့် အသစ်တည်ဆောက်ရေး ကြီးကြပ်မှုကော်မတီထံ ဆက်သွယ်ရမည်ဖြစ်ကြောင်း ကာကွယ်ရေးဝန်ကြီးဗိုလ်ချုပ်ကြီးမောင်မောင်အေး ဦးဆောင်သည့် အဆိုပါ ကော်မတီက ယနေ့ထုတ် စစ်ကောင်စီ သတင်းစာများမှတဆင့် အသိပေး ထုတ်ပြန်သည်။

နေပြည်တော်ရှိ ရုံး၊ ဌာနများ၊ အထူးအဆောက်အဦများ၊ အိမ်ရာများ အုပ်ချုပ်မှုဆိုင်ရာ အဆောက်အဦများနှင့် အခြားအဆောက်အဦတည်ဆောက်ရေးလုပ်ငန်းများတွင် ပါဝင်သော ကုမ္ပဏီများအနေဖြင့် နေပြည်တော်စည်ပင်သာယာရေး ကော်မတီ အင်ဂျင်နီယာ ဌာနမှူး ဦးဇော်ထွန်းနှင့် ဒုတိယ ဌာနမှူး ဒေါ် ချယ်ရီလှမောင်တို့ကို ဆက်သွယ်ရမည်ဟု ဖုန်းနံပါတ်များနှင့်တကွ ဖော်ပြထားပြီး မည်သည့်အတွက်ကြောင့် ဆက်သွယ်ရမည်ကို ရှင်းရှင်းလင်းလင်း ဖော်ပြထားခြင်း မရှိပေ။

ပြီးခဲ့သည့် မတ်လ ၂၈ ရက်က လှုပ်ခတ်ခဲ့သော အင်အားပြင်း စစ်ကိုင်းငလျင်ကြောင့် စစ်အစိုးရရုံးစိုက်ရာ နေပြည်တော်သည် ထိခိုက်ပျက်စီးမှုကြီးမားခဲ့သည်။

စစ်ခေါင်းဆောင်သည် ဝဏ္ဏသိဒ္ဓိအားကစားကွင်း၊ နေပြည်တော် ခုတင် ၃၀၀ ဆေးရုံ၊ အမျိုးသားပြတိုက်၊ MICC -1 အဆောက်အအုံ၊ သမ္မတအိမ်တော်တို့အပြင် လွှတ်တော်အပျက်အစီးကို မြင်သည့်အခါ ဒေါသထွက်၍ ယခင်ဆောက် လုပ်ခဲ့သော ကုမ္ပဏီကို ဆဲရေးတိုင်းထွာပြီး အာဏာရှင်ဟောင်း ဦးသန်းရွှေလက်ထက် နေပြည်တော် ဆောက်ခဲ့သူများအား လျော်ကြေးတောင်ရန်ပင် စာရင်းပြုစုခိုင်းသည်ဟု သိရသည်။

၂၀၀၆ ခုနှစ်တွင် အစိုးရဝန်ကြီးဌာနများကို နေပြည်တော်သို့ အပြီးပြောင်းရွှေ့ကာ မြို့တော်အဖြစ် သတ်မှတ်ခဲ့သည်။ ထိုစဉ်က နေပြည်တော်ကို တည်ဆောက်ခွင့်ရခဲ့သူများက ထူး၊ အေဒင်၊ အေးရှားဝေါလ်၊ မက်စ်မြန်မာ၊ IGE၊ ဧရာရွှေဝါ၊ ACE စသည့် ကုမ္ပဏီတို့ဖြစ်ပြီး စီးပွားရေးလုပ်ပိုင်ခွင့်နှင့် လဲလှယ်ဆောက်လုပ်ခဲ့ခြင်း ဖြစ်သည်။

ပုံစာ- ငလျင်လှုပ်ပြီးနောက် တွေ့ရသော နေပြည်တော် အပျက်အစီးများနှင့် စစ်ခေါင်းဆောင်

#WhatsHappeningInMyanmar
#RejectMilitaryCoup
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy

အပစ်ရပ်ကာလ စစ်တပ်တိုက်ခိုက်၍ KNU နယ်မြေ၌ သံဃာများအပါ အရပ်သား ၂၀ သေဆုံး

ဧရာဝတီ ၊ ဧပြီ ၂၆ ၊ ၂၀၂၅

ငလျင်ကြောင့် အပစ်ရပ်ကြေညာထားသည့် စစ်ကောင်စီသည် ကရင်အမျိုးသားအစည်းအရုံး (KNU) ထိန်းချုပ်နယ်မြေအတွင်းရှိ အရပ်သားပစ်မှတ်များကို တိုက်ခိုက်မှုကြောင့် သံဃာတော်များအပါအဝင် အရပ်သား ၂၀ ဦး သေဆုံးခဲ့ရသည်ဟု KNU က ယနေ့ ထုတ်ပြန်သည်။

ဧပြီလ ၂ ရက်မှ ၂၂ ရက်အတွင်း အပစ်အခတ်ရပ်စဲရေး ကြေညာခဲ့သော စစ်ကောင်စီသည် ပြည်သူလူထုများအား ပစ်မှတ်ထားပြီး လေကြောင်းတိုက်ခိုက်မှုများ၊ လက်နက်ကြီး ပစ်ခတ်မှုများ၊ ပြည်သူလူထုပိုင်အိုးအိမ် ပစ္စည်းများအား မီးရှို့ဖျက်ဆီးခြင်း၊ မိုင်းထောင်ခြင်းနှင့် အကြောင်းမဲ့ ဖမ်းဆီးထိမ်းသိန်းခြင်း အစရှိသည့် လူ့အခွင့်အရေးချိုးဖောက်မှု လုပ်ရပ် ပေါင်းများစွာကို ၁၀၇ ကြိမ်ထပ်မနည်း ကျူးလွန်ခဲ့သည်ဟု ဖော်ပြထားသည်။

လေကြောင်းမှ တိုက်လေယာဉ်များ၊ ရဟတ်ယာဉ်များ၊ ဒရုန်းဖြင့် ဗုံးကြဲ တိုက်ခိုက်မှု ၆၃ ကြိမ် ပြုလုပ်ခဲ့ရာ အရပ်သား ပြည်သူ ၁၄ ဦး နှင့် ကိုရင် ၁ ပါး သေဆုံးခဲ့ကာ သံဃာ ၃ ပါး နှင့် အရပ်သား ၃၄ ဦး ထိခိုက်ဒဏ်ရာရ၍ ဘုန်းကြီးကျောင်း ၅ ကျောင်းနှင့် နေအိမ် ၇ လုံး ထိခိုက်ပျက်စီးခဲ့ရကြောင်း KNU က ပြောသည်။

ထို့ပြင် စစ်ကောင်စီသည် လက်နက်ကြီး ပစ်ခတ်တိုက်ခိုက်မှု ၄၃ ကြိမ်ပြုလုပ်ခဲ့ပြီး အပြစ်မဲ့ အရပ်သား ၁၈ ဦး ထိခိုက်ဒဏ်ရာရ၍ ၅ ဦး သေဆုံးကာ နေအိမ် ၁၆ လုံး ထိခိုက် ပျက်စီးခဲ့ရကြောင်း ဆိုသည်။

ပုံစာ- ဧပြီလ ၁၉ ရက်နှင့် ၂၀ ရက်တွင် KNU ထိန်းချုပ်နယ်မြေအတွင်း စစ်တပ်ဗုံးကြဲ၍ ထိခိုက်ပျက်စီးမှုများ/ KNU

#WhatsHappeningInMyanmar
#RejectMilitaryCoup
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy

မိုင်းဖုန်းဆရာတော်ဟောကြားချက် မလိုအားအပ်တဲ့ နောက်ဆက်တွဲ ကြောက်ရွံ့မှုတွေ ဖြစ်စေနိုင်တယ်

#မြန်မာ #ဧရာဝတီ #ငလျင် #နဂါးကြီး #မိုင်းဖုန်းဆရာတော်

နှလုံးသား ရသ နှင့် ဦးနှောက်ကို ထွန်းညှိခြင်း

အခု တနင်္ဂနွေမှာတော့ လူငယ်များ အတွက် အဓိကထားပြီး ရခိုင်ပြည်နယ် ကျောက်ဖြူမြို့ အကြောင်း ဆောင်းပါးကို တင်ဆက် ထားပါတယ်။

Website တွင် ဖတ်ရန် https://bit.ly/4lK8gCt
#WhatsHappeningInMyanmar
---------------------
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/3btQYpR

၂၀၁၃ ခုနှစ် ဇန်နဝါရီလက ဧရာဝတီမှာ ရေးထားတဲ့ ကျောက်ဖြူ ခရီးသွားဆောင်းပါးကို ပြန်လည် ဖော်ပြလိုက်ပါတယ်။
Website တွင် ဖတ်ရန် https://bit.ly/4iAoNpI
#WhatsHappeningInMyanmar
-------------
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/3btQYpR

ဂန္ထဝင် ရသ ကာတွန်းများ

ဧရာဝတီ၊ ဧပြီ ၂၇၊ ၂၀၂၅

ကာတွန်းဆရာကြီး ငွေကြည် ၏ ဂန္ထဝင် လက်ရာတခုကို ပြန်လည် ဖော်ပြလိုက်ပါသည်။
---------------------
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/3btQYpR

အာဏာရှင်တွေရဲ့မြို့တော်ဆက်ရှိသင့်သလား

#မြန်မာ #နေပြည်တော် #မြို့တော် #မင်းအောင်လှိုင် #စစ်တပ် #စစ်ဗိုလ်ချုပ် #စစ်ကောင်စီ #နိုင်ငံရေး #ဒီမိုကရေစီ #Myanmar #OpinionTalk

ဘိလပ်မြေ စျေးမြှင့်ရောင်းသည့် ၆၂ ဆိုင် စစ်ကောင်စီ အရေးယူ

ဧရာဝတီ၊ ဧပြီ ၂၇၊ ၂၀၂၅

ငလျင်ဘေးသင့် နေပြည်တော်၊ မန္တလေး၊ စစ်ကိုင်း၊ ပဲခူး၊ မကွေး၊ ရှမ်းပြည်အစရှိသည့် ဒေသ ၆ ခုသာမက မြို့ကြီးများတွင် ဆောက်လုပ်ရေးလုပ်ငန်းသုံးပစ္စည်းဈေးနှုန်း အဆမတန်မြှင့်တင်ရောင်းချခြင်းများအား စစ်ဆေးနေပြီး လတ်တလော၌ ဘိလပ်မြေတံဆိပ်အမျိုးမျိုးကို ဈေးနှုန်းမြှင့်တင်ရောင်းချသည့် ဆိုင် ၆၂ ခုအား အမှုဖွင့် အရေးယူမည်ဟု စစ်ကောင်စီက ထုတ်ပြန်သည်။

ငလျင်ဒဏ် ပြန်လည်ထူထောင်ရေးကာလအတွင်း စီးပွားရေးလုပ်ငန်းရှင်တချို့က ဆောက်လုပ်ရေးလုပ်ငန်းသုံးပစ္စည်းများကို ဈေးနှုန်းအဆမတန်မြှင့်တင်ရောင်းချသဖြင့် တင်သွင်းသည့် ကုမ္ပဏီများ၊ အရောင်းဆိုင်များအား ဧပြီလ ၅ ရက်မှ ၁၂ ရက်အတွင်း စစ်ကောင်စီက ခေါ်ယူ၍ ဈေးနှုန်းအဆမတန် မြှင့်တင်ခြင်းနှင့် ရည်ရွယ်ချက်ဖြင့် သိုလှောင်ထားခြင်းများ မပြုလုပ်ရန်နှင့် သတိပေး ခံဝန်လက်မှတ်ရေးထိုးခြင်းတို့ ပြုလုပ်ခဲ့သော် လည်း လိုက်နာခြင်း မရှိကြောင်း ဆိုထားသည်။

မြို့ကြီးအချို့ရှိ ဆောက်လုပ်ရေးလုပ်ငန်းသုံးပစ္စည်း အရောင်းဆိုင်၊ သိုလှောင်ရုံ၊ တင်သွင်းရောင်းချသည့်ကုမ္ပဏီများကို ဧပြီ ၂၃ ရက်တွင် စစ်ဆေးခဲ့ရာ ဘိလပ်မြေဈေး အဆမတန်မြှင့်တင်ရောင်းချသည့် ဆိုင် ၆၂ ခုကို တွေ့ရပြီး ယင်းဆိုင်များအား ဥပဒေနှင့်အညီ အမှုဖွင့်လှစ်၍ ထိရောက်စွာ အရေးယူမည်ဟု ဖော်ပြထားသည်။

စစ်ကိုင်းငလျင်ကြီး မလှုပ်ခင်ကပင် ဘိလပ်မြေ ဈေးနှုန်းများမှာ မြင့်တက်နေခြင်းဖြစ်ပြီး ငလျင်လှုပ်ခတ်ပြီးနောက် ဈေးကွက်ဝယ်လိုအားနှင့် ထုတ်လုပ်မှု၊ တင်သွင်းမှုမလောက်ငှခြင်းတို့ကြောင့် ရန်ကုန်မြို့အပါအဝင် မြို့ကြီးများတွင် ဘိလပ်မြေတအိတ်လျှင် ကျပ် ၄၀၀၀၀ အထိ မြင့်တက်ခဲ့ခြင်း ဖြစ်သည်။

ပြည်တွင်းရှိ ဘိလပ်မြေစက်ရုံများကိုမူ တအိတ်လျှင် ၁၇၀၀၀ ကျပ်ဖြင့် ရောင်းချပေးရန် စစ်ကောင်စီက ညွှန်ကြားထားကြောင်း သိရသည်။

ဓာတ်ပုံ- MOI

#WhatsHappeningInMyanmar
#RejectMilitaryCoup