ကြံတောက ပြောသောသမိုင်းနှင့် ထင်ရှားသူ စာရေးဆရာလှကွန့် ကွယ်လွန်

ဧရာဝတီ၊ စက်တင်ဘာ ၁၂၊ ၂၀၂၆

ကြံတောက ပြောသော သမိုင်းစာအုပ်ဖြင့် ထင်ရှားခဲ့သူ စာရေးဆရာ လှကွန့် (၉၃) နှစ်သည် ယမန်နေ့ည ၇ နာရီ ၁၀ မိနစ်ခန့်က ရန်ကုန်နေအိမ်တွင် ကွယ်လွန်ခဲ့ကြောင်း သိရသည်။

အမည်ရင်း ဦးလေးမြင့် (စာရေးဆရာ လှကွန့်)က ဗမာနိုင်ငံလုံးဆိုင်ရာ ကျောင်းသားသမဂ္ဂများအဖွဲ့ချုပ် (ဗကသ) ၏ ကျောင်းသား ခေါင်းဆောင်ဟောင်းတဦး ဖြစ်သလို မြန်မာ့သမိုင်း၊ နိုင်ငံရေးနှင့် သမိုင်းဝင်ပုဂ္ဂိုလ်များ၏ အတ္ထုပ္ပတ္တိများကို အလေးပေး ရေးသားခဲ့သည့် ထင်ရှားသော စာရေးဆရာတဦးဖြစ်သည်။

ယခင်ရန်ကုန်မြို့၏ အထင်ကရ ကြံတောသင်္ချိုင်းတွင် မြှုပ်နှံခဲ့ကြသည့် နိုင်ငံရေးသမားကြီး ဘကြီးဘဖေ၊ မင်းတိုင်ပင် အမတ် ကေ အက်စ် အမ်၊ ကေတီအမ် ဦးညွန့်၊ ပထမကမ္ဘာအတွင်းက ပြင်သစ်စစ်မြေပြင်ရောက် စစ်ပြန်ကြီး ဗိုလ်မောင်မောင်၊ ဦးမေအောင်၊ ပညာဝန်ဦးဖိုးကျား၊ ဘိလပ်သို့ သွားသည့် ပထမဆုံး ဖေ၊ ပု၊ ရှိန်ကိုယ်စားလှယ်အဖွဲ့ဝင် ဦးထွန်းရှိန်၊ မြန်မာအမျိုးသားထဲမှ ပထမဆုံး ဆာဘွဲ့ရ ဆာမောင်ခင်၊ မြန်မာအမျိုးသမီးထဲမှ ပထမဆုံးဆရာဝန်ဖြစ်လာသူ ဒေါက်တာစောဆတို့အကြောင်းကို ရေးသားခဲ့သည့် ကြံတောက ပြောသော သမိုင်းက ထင်ရှားသည်။

သူအခြေပြု ဇာတ်အိမ်တည်ရေးသားခဲ့သည့် ကြံတောသင်္ချိုင်းက ယခုအခါ လူစည်ကားရာ ကုန်တိုက်ကြီးများအဖြစ် ပြောင်းလဲသွားပြီ ဖြစ်သည်။

၎င်းကိုယ်တိုင်ပင် နိုင်ငံရေးတက်ကြွလှုပ်ရှားသူ၊ ပြည်သူ့တိုးတက်ရေးပါတီ (PPP)ဗဟိုကော်မတီဝင်ဟောင်းတဦး ဖြစ်ခဲ့သလို ခေတ်အဆက်ဆက် နိုင်ငံရေးလှုပ်ရှားမှုများကြောင့် ထောင်သွင်းအကျဉ်းချခံခဲ့ရဖူးသူလည်း ဖြစ်ပြီး နိုင်ငံရေးဖြတ်သန်းမှု အတွေ့အကြုံများနှင့် သမိုင်းဆိုင်ရာ လေ့လာတွေ့ရှိချက်များကို အခြေခံ၍ စာအုပ်ပေါင်းများစွာကို ပြုစုရေးသားခဲ့ရာ ၂၀၁၂ မြန်မာသစ်မဂ္ဂဇင်းတွင် ရေးသားခဲ့သည့် “ဒေါ်ခင်ကြည်ပြောသော လူ ၅ ယောက် အကြောင်း” အပြင် အမျိုးသားလွတ်မြောက်မှု သမိုင်းဝင်စာများ၊ နဂါးနီစာအုပ်အသင်း တို့လည်း ပါဝင်သည်။

ဆရာလှကွန့်၏ ရုပ်ကလာပ်ကို စက်တင်ဘာလ( ၁၃) ရက်နေ့၊ မွန်းလွဲ (၄) နာရီတွင် ရေဝေးသုသာန်၌ မီးသဂြိုဟ်မည်ဟု သိရသည်။

#WhatsHappeningInMyanmar
#RejectMilitaryCoup

အယ်လ်ကိုင်းဒါးသည် ၁၉၈၀ ပြည့်လွန်နှစ်များ နှောင်းပိုင်းတွင် ၁၉၇၉ အာဖဂန်နစ္စတန်စစ်ပွဲ၌ ဆိုဗီယက်ကျူးကျော်မှုကို တိုက်ခိုက်ခဲ့သူ ဆော်ဒီဖွား သူဌေးကြီး ဘင်လာဒင်၏ ဦးဆောင်မှုအောက်၌ နယ်စပ်ဖြတ်ကျော် ဂျီဟာဒစ် ကွန်ရက်အဖြစ် ပေါ်ပေါက်လာခဲ့ခြင်းဖြစ်သည်။

အမေရိကန်၊ အစ္စရေးနှင့် ဒေသတွင်းရှိ အမေရိကန်မဟာမိတ် အစိုးရများကို ဆန့်ကျင်ပြီး တင်းကျပ်သော အစ္စလာမ်မစ်အုပ်ချုပ်ရေး ထူထောင်လိုသည့် စစ်သွေးကြွများအတွက် အယ်လ်ကိုင်းဒါးသည် ဆွဲဆောင်မှုတခု ဖြစ်လာခဲ့သည်။

ဘင်လာဒင်သည် ၁၉၉၄ ခုနှစ်တွင် ဆော်ဒီနိုင်ငံသားအဖြစ်မှ ရုပ်သိမ်းခံရပြီး ၁၉၉၆ ခုနှစ်တွင် ဆူဒန်နိုင်ငံမှ နှင်ထုတ်ခံရပြီးနောက် အာဖဂန်နစ္စတန်တွင် ခိုလှုံခဲ့သည်။

Website တွင် ဆက်လက်ဖတ်ရှုပါ - https://burma.irrawaddy.com/article/2026/09/12/416228.html

မင်းအောင်လှိုင်နှင့် ပတ်သက်၍ ထိုင်းအစိုးရ ရပ်တည်ချက် ကန်နာဝီ မေးခွန်းထုတ်

ဧရာဝတီ၊ စက်တင်ဘာ ၁၂၊ ၂၀၂၆

ထိုင်းနိုင်ငံအနေဖြင့် ပြည်သူများ၊ ဒီမိုကရေစီနှင့် ငြိမ်းချမ်းရေးဘက်တွင် ရပ်တည်မည်လား၊ သို့မဟုတ် မင်းအောင်လှိုင် တည်ဆောက်နေသည့် တရားဝင်မှုမြေပုံပေါ်မှ နောက်ဆုံးအပိုင်းအစအဖြစ် မိမိကိုယ်ကို အသုံးချခံမည်လားဟု မြန်မာ့အရေးနှင့် လူ့အခွင့်အရေးလှုပ်ရှားသူ ထိုင်းအမတ်ဟောင်း ကန်နာဝီက လူမှုကွန်ရက်မှတဆင့် မေးခွန်း ထုတ်သည်။

မင်းအောင်လှိုင်နှင့် ဟွန်ဆန်တို့ ကော်ဇောနီပေါ်တွင် လက်ချင်းဆုပ်ကိုင်၍ အတူတကွ လျှောက်လှမ်းနေသည့်ပုံသည် သာမန်သံတမန်ရေးအခမ်းအနားတခု သို့မဟုတ် ခေါင်းဆောင်နှစ်ဦးကြား ပုဂ္ဂိုလ်ရေးခင်မင်မှုကို ပြသသည့်ပုံမျှသာ မဟုတ်ဘဲ အာဏာသိမ်းသမ္မတအနေဖြင့် နိုင်ငံတကာနှင့် ဒေသတွင်း ဆက်ဆံရေး ပုံမှန်ပြန်လည်တည်ဆောက်ရေး ကြိုးပမ်းမှုအတွင်း အရေးပါသည့် ပုံရိပ်တခုဖြစ်ကြောင်း ၎င်းက ပြောသည်။

စက်တင်ဘာ ၁၁ ရက်တွင် ကမ္ဘောဒီးယားဘုရင် နိုရိုဒမ် သီဟမုနိ၏ ဖိတ်ကြားချက်ဖြင့် ရောက်ရှိနေသော မင်းအောင်လှိုင်ကို ဟွန်ဆန်က နိုင်ငံတော်အကြီးအကဲအဖြစ် တရားဝင်ကြိုဆိုခဲ့ကြောင်း၊ စစ်ယူနီဖောင်းမှ ဝတ်စုံပြောင်းလဲဝတ်ဆင်ပြီး ရာထူးအမည်ကို “သမ္မတ” ဟု ပြောင်းလဲထားသော်လည်း မြန်မာပြည်သူများကို ဖိနှိပ်နေသည့်အာဏာရှင်ဖွဲ့စည်းပုံကို အနည်းငယ်မျှပင် မပြောင်းလဲသေးသူအား သံတမန်ရေးနည်းလမ်းဖြင့် ပုံမှန်ခေါင်းဆောင်တဦးအဖြစ် အသိအမှတ်ပြုလိုက်ခြင်းဖြစ်ကြောင်း ၎င်းက ဆိုသည်။

“ကျနော် တည့်တည့်ပြောပါမယ်။ ဒီပုံကို မြင်လိုက်ရချိန်မှာ လူအများအနေနဲ့ Scammer နယ်မြေနှစ်ခုရဲ့ ဘုရင်နှစ်ပါး လက်ချင်းတွဲပြီး အတူတကွ လျှောက်လှမ်းလာကြသလိုပဲ” ဟု ၎င်းက ပြောသည်။

မြန်မာနှင့် ကမ္ဘောဒီးယားနိုင်ငံတို့တွင် ကျားဖြန့်လုပ်ငန်းများ၊ ကောလ်စင်တာများ၊ လူကုန်ကူးမှု၊ အတင်းအကျပ် ရာဇဝတ်မှုကျူးလွန်စေမှုနှင့် နိုင်ငံဖြတ်ကျော် ငွေကြေးခဝါချမှုများ ကြီးထွားနေသည့်အခြေအနေတွင် ခေါင်းဆောင်နှစ်ဦး၏ တွေ့ဆုံမှုအတွင်း ယင်းပြဿနာများကို မည်မျှအထိ ထည့်သွင်းဖြေရှင်းမည်ကို စောင့်ကြည့်ရမည်ဟုလည်း ဆိုသည်။

ထိုင်းနိုင်ငံသည် မင်းအောင်လှိုင်အတွက် ကော်ဇောနီခင်းပေးခဲ့ခြင်းအတွက် မည်သည့်ကတိကဝတ်များ ပြန်လည်ရရှိခဲ့သလဲဟု ၎င်းက မေးခွန်းထုတ်သည်။

အကယ်၍ မင်းအောင်လှိုင်အနေဖြင့် အာဆီယံဘုံသဘောတူညီမှုအပါအဝင် အရပ်သားများကို အကြမ်းဖက်မှုရပ်တန့်ရန် သဘောတူလုပ်ဆောင်ခြင်းမရှိပါက ထိုင်းနိုင်ငံသည် မြန်မာနိုင်ငံကို ငြိမ်းချမ်းရေးလမ်းကြောင်းပေါ် ပြန်လည် ပို့ဆောင်ပေးသည့်“တံတား”မဟုတ်ဘဲ မင်းအောင်လှိုင်ကို တရားဝင်မှုဆီသို့ ပြန်လည်ပို့ဆောင်ပေးနေသည့် “ကော်ဇောနီ” ဖြစ်နေသည်ဟု ၎င်းက ဝေဖန်ထောက်ပြခဲ့သည်။

#WhatsHappeningInMyanmar
#RejectMilitaryCoup

နှလုံးသား ရသ နှင့် ဦးနှောက်ကို ထွန်းညှိခြင်း

အခု စနေမှာ စာရေးဆရာ တင်ညွန့် ရဲ့ ဆောင်းပါး တပုဒ်ကို ပြန်လည် တင်ဆက် ပေးထားပါတယ်။

Website တွင် ဖတ်ရန် https://burma.irrawaddy.com/article/2026/09/12/416191.html

၂၀၂၄ ခုနှစ် မတ်လက ဧရာဝတီမှာ မြန်မာ နဲ့ အိမ်နီးချင်း နိုင်ငံများ အကြောင်း ရေးထားတဲ့ သူ့အတွေးသူ့အမြင်ကို ပြန်လည် ဖော်ပြလိုက်ပါတယ်။

Website တွင် ဖတ်ရန် https://burma.irrawaddy.com/opinion/viewpoint/2024/03/06/380507.html

ကချင်နဲ့ ရခိုင်မှာ စစ်ဦးချိုးခံလိုက်ရတဲ့ အာဏာသိမ်းစစ်တပ် (ရုပ်/သံ)

ဧရာဝတီ၊ စက်တင်ဘာ ၁၃၊ ၂၀၂၆

ကချင်နဲ့ ရခိုင်ပြည်နယ်တွေမှာ လက်လွှတ်ဆုံးရှုံးလိုက်ရတဲ့ နယ်မြေတွေကို ပြန်လည်ထိန်းချုပ်နိုင်ဖို့ အာဏာသိမ်း စစ်တပ်ဘက်က အင်အားအလုံးအရင်းနဲ့ ပြန်လည်ထိုးစစ်ဆင်နေပေမဲ့ နေရာနှစ်ခုစလုံးမှာ အထိနာပြီး စစ်ဦးချိုးခံနေရတယ်လို့ မြေပြင်သတင်းရင်းမြစ်တွေနဲ့ စစ်ရေးလေ့လာသူတွေက ဧရာဝတီကို ပြောပါတယ်။

အထူးသဖြင့် ရခိုင်ပြည်နယ် စစ်တွေနဲ့ ပုဏ္ဏားကျွန်းအစပ်အပါအဝင် စစ်မျက်နှာအများအပြားကနေ အာဏာသိမ်းစစ်တပ်က ကြည်း၊ ရေ၊ လေ ပူးပေါင်းပြီး ထိုးစစ်ဆင်နေပေမဲ့ အာရက္ခတပ်တော် (AA) ရဲ့ ထိန်းချုပ်နယ်မြေတွေဘက်ကို ထိုးဖောက်နိုင်ခြင်း မရှိသေးသလို၊ ပြီးခဲ့တဲ့ စက်တင်ဘာလ ၄ ရက်ကနေ ၁၁ ရက်နေ့အထိ တိုက်ပွဲတွေအတွင်းမှာတင် စစ်တပ်ဘက်က သေဆုံးသူ ၂၀၀ ကျော်အထိ ရှိခဲ့တယ်လို့ ရခိုင်မြေပြင်စစ်ရေး သတင်းရင်းမြစ်တွေက အတည်ပြုထားပါတယ်။

https://youtu.be/2DTdjcJk0-k

#မြန်မာ #ဧရာဝတီ #ရခိုင် #ကချင် #AA #KIA #WhatsHappensInMyanmar

ဧရာဝတီရဲ့ YouTube membership ကို Support လုပ်ချင်တဲ့ပရိတ်သတ်တွေအနေနဲ့ ဒီ https://www.youtube.com/@irrawaddynews1993 Link လေးမှ join button ကို နှိပ်ပြီးတော့ ပါဝင်နိုင်ပါပြီ။

စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://www.irrawaddy.com/donation

“ဘုန်းကြီး အမှု ရွာပတ်” ဆိုသလိုပဲ အဲဒီအမှုက သတင်းမီဒီယာတွေနဲ့ လူမှုကွန်ရက်တွေပေါ်မှာ ထိပ်တန်း နေရာယူလာပြီး အထူးသဖြင့် ထိုင်းလူမျိုးတွေကြားမှာ အတော်ကို ဂယက်ရိုက် ရွာပတ်…

Website တွင် ဖတ်ရန် https://burma.irrawaddy.com/article/2026/09/13/416250.html
---------------------
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://www.irrawaddy.com/donation

နှလုံးသား ရသ နှင့် ဦးနှောက်ကို ထွန်းညှိခြင်း

အခု တနင်္ဂနွေမှာတော့ လူငယ်များ အတွက် အဓိက ရည်ရွယ်ပြီး စာရေးဆရာကြီး အောင်သင်း ရဲ့ ဆောင်းပါး တပုဒ်ကို တင်ဆက်ပေးထားပါတယ်။

Website တွင် ဖတ်ရန် https://burma.irrawaddy.com/article/2026/09/13/416231.html
#WhatsHappeningInMyanmar
---------------------
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy

ဂန္ထဝင် ရသ ကာတွန်းများ

ဧရာဝတီ၊ စက်တင်ဘာ ၁၃၊ ၂၀၂၆

ကာတွန်းဆရာကြီး မောင်စိန် ၏ ဂန္ထဝင် လက်ရာတခုကို ပြန်လည် ဖော်ပြလိုက်ပါသည်။

လူမှုကွန်ရက်ပေါ် ဆန်ဈေးခန့်မှန်းပြောဆိုမှု မလုပ်ဖို့ ဆန်ကုန်သည်များအသင်း သတိပေး

စက်တင်ဘာ ၁၃၊ ၂၀၂၆

လူမှုကွန်ယက်တွေဖြစ်တဲ့ Facebook၊ TikTok တွေမှာ ဆန်ဈေးနှုန်းနဲ့ ဈေးကွက်အခြေအနေတွေကို ခန့်မှန်းရေးသားတာ၊ ပြောဆိုပြီး ရောင်းချတာတွေ မလုပ်ဖို့ မြန်မာနိုင်ငံ ဆန်စပါးကုန်သည်များအသင်းက သတိပေးထားပါတယ်။

#မြန်မာ #ဧရာဝတီ #ဆန် #ဈေးနှုန်း #ကုန်သည် #စီးပွားရေး

ဂန္ထဝင် ရသ ကာတွန်းများ

ဧရာဝတီ၊ စက်တင်ဘာ ၁၃၊ ၂၀၂၆

ကာတွန်းဆရာကြီး မောင်စိန် ၏ ဂန္ထဝင် လက်ရာတခုကို ပြန်လည် ဖော်ပြလိုက်ပါသည်။

ပြည်သူ့စစ်မှုထမ်းအတွက် ကျွန်သဖွယ် ရောင်းစားခံရသူများ

သတင်း | ဧရာဝတီ၊ စက်တင်ဘာ ၁၃၊ ၂၀၂၆

စစ်မှုထမ်းလူဖမ်းပွဲက အပတ်စဉ် ၂၈ ရောက်သည့်အခါ ပိုဆိုးလာပြီး လူမှုကွန်ရက်တခွင် မြင်တွေ့ ကြားသိရသည်က လူအပျောက်အရှသာမက အရပ်သားအချင်းချင်းပင် ကျွန်သဖွယ် ပိတ်လှောင်ဖမ်းဆီးကာ စစ်မှုထမ်းရောင်းစားကြသည့် စက်ဆုပ်ဖွယ်အမှုများကို မြင်တွေ့လာရခြင်းပင် ဖြစ်သည်။

ရန်ကုန် စီးပွားရေးမြို့တော်ကြီး၌ပင် စေတနာ့ဝန်ထမ်း အရံမီးသတ်ဗိုလ်က လူငယ် ၄ ဦးကို ဈေးကောင်းကောင်းနှင့် ရောင်းစားရန် ဖမ်းထားသည့်အမှု၊ မြန်မာပြည်အစွန်အဖျား ရှမ်းအရှေ့ တာချီလိတ်၌ အမျိုးသား ၂ ဦး အမျိုးသမီး တဦး က တပ်သားသစ်စုဆောင်းရေးအဖွဲ့ အယောင်ဆောင်ကာ လူငယ်တို့ကို ဖမ်းဆီးရောင်းစားမှု၊ စစ်မှုထမ်းခေါ်မှုကို ဝေဖန် ၍ စစ်ဆေးခံနေရသည့် နေပြည်တော်က စစ်သားမိခင်ကိစ္စ၊ စစ်မှုထမ်းမဲနှိုက်ရာ ကြေးရတတ်များ ကင်းလွတ်နေသဖြင့် အွန်လိုင်းပေါ် ရင်ဖွင့်သံ၊ စစ်ဗိုလ်ဟောင်းတဦး လူမှားအဖမ်းခံရသည့်ကိစ္စတို့က ယခုရက်ပိုင်း ခပ်စိပ်စိပ်တွေ့လာရ သည်။

တညင်းကုန်းနယ်ခံတဦး၏ အဆိုအရမူ “အရံမီးသတ်ဗိုလ် သိန်းဦးနဲ့အဖွဲ့က လူငယ်တွေကို ဖမ်းပြီးရောင်စားနေတာ ကြာပြီ ပြောလည်း ထူးလာမယ့် ကိစ္စမဟုတ်တော့ အန္တရာယ်အဖြစ်ခံပြီး မပြောကြဘူး။ အခုကလည်း သူတို့ချင်း အဝေ မတည့်လို့ သတင်းပေး သတင်းတွေ ပေါက်ကြားပြီး ရဲကလည်း မဖြစ်မနေ လာဖမ်းပြတာ” ဟု သိရသည်။

Website တွင် ဖတ်ရန် https://burma.irrawaddy.com/news/2026/09/13/416255.html
#WhatsHappeningInMyanmar
---------------------
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://www.irrawaddy.com/donation

အာဆီယံ၌ မြန်မာ ပြန်လည်ပါဝင်ခွင့်ရရေး ကမ္ဘောဒီးယား ထောက်ခံပေးမည် ဟုဆို

ဧရာဝတီ၊ စက်တင်ဘာ ၁၃၊ ၂၀၂၆

အာဆီယံတွင် မြန်မာနိုင်ငံကို ဖယ်ကြဉ်ထားခြင်း၊ အဆင့်နှိမ့် ဆက်ဆံခြင်းမျိုး လက်မခံသလို၊ အာဆီယံနှင့် နိုင်ငံတကာစာမျက်နှာတွင် မြန်မာနိုင်ငံအနေဖြင့် မူလအတိုင်း ပြန်လည် ပါဝင်ခွင့်ရရှိရေး အပြည့်အဝ ထောက်ခံသွားမည်ဟု ကမ္ဘောဒီးယားနိုင်ငံက ပြောဆိုခဲ့ကြောင်း အာဏာသိမ်းအစိုးရ၏ ပြောရေးဆိုခွင့်ရှိသူ ဒေါ်ခိုင်ခိုင်စိုးက ပြောသည်။

စက်တင်ဘာ ၁၁ ရက်နှင့် ၁၂ ရက်တို့တွင် ကမ္ဘောဒီးယားနိုင်ငံသို့ သွားရောက်ခဲ့သည့် အာဏာသိမ်းသမ္မတ ဦးမင်းအောင်လှိုင်၏ ခရီးစဉ်အပြီး ယင်းသို့ ပြောဆိုခြင်း ဖြစ်သည်။

ထို့ပြင် ပုဂံနှင့် ဆီယမ်ရိမြို့တို့အား ညီအစ်မမြို့တော်အဖြစ် ဆက်လက်ဆောင်ရွက်ပြီး “နိုင်ငံနှစ်ခု၊ ခရီးစဉ်တခု” (Two Countries, One Destination) အစီအစဉ်အတွက်လည်း သဘောတူညီချက် ရရှိခဲ့ကြောင်း၊ ဟိုချီမင်း- ဖနောင်ပင်၊ ဖနောင်ပင်-ဘန်ကောက်၊ ဘန်ကောက်-ထားဝယ် ရေနက်ဆိပ်ကမ်း လမ်းကြောင်း ရေးဆွဲကာ အိန္ဒိယသမုဒ္ဒရာ နောက်ဘက်ထွက်ပေါက်သို့ ဒေသတွင်း နိုင်ငံများ တိုက်ရိုက် ဖြတ်သန်းသွားလာနိုင်မည့် လမ်းကြောင်းကို အဆိုပြု တင်ပြခဲ့ကြောင်း အာဏာသိမ်းအစိုးရက ထုတ်ပြန်သည်။

ထို့ပြင် ကမ္ဘောဒီးယားအနေဖြင့် ထိုင်းနှင့် နယ်စပ်ရေးရာ ပဋိပက္ခများဖြစ်ပွားနေမှုအပေါ် ငြိမ်းချမ်းစွာ ဖြေရှင်းရန် မင်းအောင်လှိုင်က တိုက်တွန်းခဲ့ကြောင်း ဆိုထားသည်။

၂၀၂၁ ခုနှစ် စစ်တပ် အာဏာသိမ်းပြီးနောက် အရပ်သားများကို အကြမ်းဖက် ဖမ်းဆီးနှိပ်ကွပ်မှုများ ကျူးလွန်နေသည့် မြန်မာစစ်အုပ်စုအား အာဆီယံက ဘုံသဘောတူညီချက် ၅ ချက်ချမှတ်ခဲ့ကာ ယင်းအချက်များ အပြည့်အဝလိုက်နာရန် တောက်လျောက် တိုက်တွန်းလျက်ရှိသလို၊ ဘုံသဘောတူညီချက်များ ချိုးဖောက်နေသဖြင့် အာဆီယံ ထိပ်သီး အစည်းအဝေးများသို့ တက်ရောက်ခွင့်ကိုလည်း ပိတ်ပင်ထားသည်။

အာဏာသိမ်းသမ္မတ မင်းအောင်လှိုင်၏ ယခု ကမ္ဘောဒီးယား ခရီးစဉ်မှာ လာအို၊ ဗီယက်နမ်၊ ထိုင်း ခရီးစဉ်တို့အပြီး သွားရောက်ခဲ့သည့် ၄ နိုင်ငံမြောက် ခရီးစဉ် ဖြစ်သည်။

#WhatsHappeningInMyanmar
#RejectMilitaryCoup

အထူးဇုန်တွေကို စိုက်ပျိုးရေးမှာ အရင်ကလည်း သတ်မှတ်ခဲ့ဖူးပေမယ့် AI အသုံးပြုတဲ့ လယ်ယာ စိုက်ပျိုးရေး အတွက် သတ်မှတ်မှု ကတော့ အခုက ပထမဆုံး ဖြစ်…

Website တွင် ဖတ်ရန် https://burma.irrawaddy.com/news/2026/09/13/416262.html
---------------------
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://www.irrawaddy.com/donation