The Irrawaddy - Burmese

ခူမီးတို့ ကန့်ကွက်အပြီး Grade 12 သင်ရိုး နှစ်သက်ရာဘာသာနှင့် သင်ကြားနိုင်ဟု AA ပြော

လင်းသစ်၊ စက်တင်ဘာ ၁၂၊ ၂၀၂၆

ချင်းပြည်နယ် ပလက်ဝ၌ အခြေခံပညာသင်ရိုးညွှန်းတမ်းကို ရခိုင်ဘာသာဖြင့် ပြဌာန်းမည်ဆိုသည့်သတင်းကြောင့် ခူမီး တိုင်းရင်းသားတို့က ကန့်ကွက်သဖြင့် အာရက္ခတပ်တော် (AA)၏ အမျိုးသားပညာရေးဌာနက Grade-12 သင်ရိုး၌ မြန်မာ၊ ရခိုင် နှစ်ဘာသာဖြင့် ပြဌာန်းသင်ကြားစေမည်၊ မိမိနှစ်သက်ရာကို ရွေးချယ်သင်ယူနိုင်ကြောင်း ထုတ်ပြန်သည်။

ကမာ္ဘလုံးဆိုင်ရာခူမီး အဖွဲ့အစည်း(GKO)က ဒေသခံပြည်သူတို့ သဘောဆန္ဒမပါဘဲ ရခိုင်ဘာသာစကားဖြင့် ပြဌာန်း သင်ကြားစေခြင်းသည် ကုလသမဂ္ဂ၏ ဌာနေတိုင်းရင်းသားများဆိုင်ရာ အခွင့်အရေးကြေငြာစာတမ်း(UNDRIP) ကို ချိုးဖောက်ရာရောက်သဖြင့် AA ၏လုပ်ရပ်အပေါ် ပြင်းထန်စွာ ကန့်ကွက်ရှုတ်ချကြောင်း ထုတ်ပြန်ချက်ထုတ်ပြီးနောက် AA က စက်တင်ဘာ ၉ ရက်တွင် ယင်းသို့ ထုတ်ပြန်လာခြင်းဖြစ်သည်။

AA ထုတ်ပြန်ချက်တွင် ပလက်ဝခရိုင်အတွင်း အတန်းပညာသင်ကြားရေးနှင့်ပတ်သက်ပြီး ကောလဟာလ ထွက်နေ ခြင်းနှင့် ပတ်သက်၍ ပညာရေးဌာနမူဝါဒကို အသိပေးရခြင်းဖြစ်ကြောင်း ဆိုထားသည်။

၎င်းတို့အနေဖြင့် ယခု ပညာသစ်နှစ်မှစ၍ Grade 12 မြန်မာစာနေရာတွင် ရခိုင်စာသင်ရိုးသစ်ဖြင့် အစားထိုးသင်ကြား နေသော်လည်း ကျောင်းသား၊ ကျောင်းသူတိုင်း မသင်မနေရ အတင်းအဓမ္မသင်ယူခိုင်းခြင်းမျိုးမဟုတ်ကြောင်း ကြိုက် နှစ်သက်ရာကို ရွေးချယ်သင်ယူနိုင်သည့်မူဝါဒကိုသာ ကျင့်သုံးနေကြောင်း ဖြေရှင်းထားသည်။

ပလက်၀ဒေသခံ ပညာရေးဝန်ထမ်းဆရာမတဦးက “တကယ်တမ်းတော့ ခူမီးကလေးတွေကလည်း ရခိုင်စကား နားလည်တယ်၊ ရခိုင်ကလေးတွေလည်း များတယ်ဆိုတော့ ရောပြီး သင်ကြတာပါ။ ကလေးတွေကလည်း အဆင် ပြေပါတယ်။ မိဘတွေလည်း စောဒကတက်တာမျိုး မကြားဘူး။ ဒါပေမယ့် အခုတော့ မြန်မာစာသင်မယ့်ကလေးနဲ့ ရခိုင်စာသင်မယ့်ကလေး ခွဲသင်ဖို့ လုပ်နေကြတယ်ကြားပါတယ်” ဟု ပြောသည်။

AA သည် ၎င်းတို့ထိန်းချုပ်ထားသည့် ချင်းပြည်နယ်ပလက်ဝနှင့် ရခိုင်ပြည်နယ် မြို့နယ် ၁၄ခု တွင် ရခိုင်စာဘာသာကို Grade 12 သင်ရိုးတခုတည်းတွင်သာ သင်ရိုးသစ်အနေဖြင့် ထည့်သွင်းသင်ကြားပေးနေခြင်းဖြစ်ပြီး ကျန်အတန်းများ အားလုံးကတော့ မူလသင်ရိုးဟောင်းများအတိုင်းပင်ဖြစ်ကြောင်း သိရသည်။

ယခုနှစ်ပညာသင်နှစ် ပလက်ဝခရိုင်၌ Grade 12 သင်ယူနေသည့် ကျောင်းသူကျောင်းသား စုစုပေါင်း ၁၅၈ ယောက် ရှိပြီး ရခိုင်လူမျိုး ၁၃၈ ယောက်၊ ခူမီးလူမျိုး ၁၆ ယောက်၊ ဒိုင်းနက်လူမျိုး ၃ ယောက်နှင့် မြိုလူမျိုး ၁ ယောက် တို့ပါဝင် ကာ ၎င်းတို့ကို အာရက္ခအမျိုးသားပညာရေးဌာနမှ ကြီးကြပ်၍ ပညာသင်ကြားပေးနေလျက်ရှိကြောင်း AA ပညာရေး ဌာနထုတ် ပြန်ချက်တွင် ဖော်ပြထားသည်။

AA ပညာရေးဌာနအပေါ် ကန့်ကွက်ကြောင်းထုတ်ပြန်ခဲ့သည့် ကမာ္ဘလုံးဆိုင်ရာခူမီးအဖွဲ့အစည်း(GKO)၏ ဥက္ကဌဖြစ် သူ Salai Rakha ကတော့ ပလက်၀မြို့ပေါ်တွင် ခူမီးလူမျိုး Grade 12 ကျောင်းသူ၊ ကျောင်သား ၁၆ ယောက်ထက် မကရှိသည်ဟု ဆိုသည်။

“ကျနော်တို့ စတိတ်မန့်ထုတ်ပြီးနောက်ပိုင်းမှာ သူတို့တုံ့ပြန်တဲ့ဟာကို ကျွန်တော်တို့ တွေ့ရတယ်။ လူဦးရေအ ရ ၁၆ ယောက်၊ ဒါပေမယ့် ဒီဟာလည်းပဲ ကျွန်တော်လက်ရှိ သတင်းစုံစမ်းချက်အရ မမှန်ပါဘူး။ ကျနော်တို့စတိတ်မန့် အပေါ် သူတို့ ကာဗာယူတဲ့အနေနဲ့ သူတို့ဒီလိုပြောရခြင်းဖြစ်တယ်” ဟု ဆလိုင်းရာခါးက ပြောသည်။

ယင်းအပြင် ပလက်၀မြို့နယ်အတွင်းက ဒေသခံပြည်သူများမှာ AA အုပ်ချုပ်မှုအောက် ဝေဖန်ပြောဆိုခွင့်များ မရ ကြဟုလည်း ဆိုသည်။

“ဒီလိုလူဦးရေကို သူတို့ဖော်ထုတ်တာကို ကျနော်တို့ စတိတ်မန့်ထုတ်တာကို လန့်လို့ပါ၊ UN ရဲ့ ပေါ် လစီကို သူတို့ဒီလို လုပ်ရခြင်းဟာ မကိုက်ညီဘူး၊ မရဘူးဆိုတာကို သိလို့ ကာဗာတဲ့သဘောနဲ့ သူတို့လုပ်တာပါ။ ပလက်ဝမှာ အခုက သူတို့ထိုင်ဆို ထိုင်၊ ထဆိုထဆိုတဲ့ဟာပဲ၊ သူတို့မှာ ဘာမှ လုပ်ပိုင်ခွင့်မရှိဘူး”ဟု ဆလိုင်းရာခါးက ဆက်ပြောသည်။

ပလက်၀ဒေသများကမူ AA အနေဖြင့် ဒေသခံခူမီးလူမျိုးများကိုပါ အုပ်ချုပ်ရေးယန္တရားများတွင် ထည့်သွင်းပါဝင်စေ သည်ဟု ဆိုသည်။

“AA က သူ့ဟာနဲ့သူ နေရာပေးပါတယ်။ ခူမီးတွေရော၊ မြိုတွေရော အကုန်လုံးကို နေရာပေးထားပါတယ်။ တချို့တော့ လည်း AA ကို မကြိုက်ကြဘူးပေါ့” ဟု ပလက်၀မြို့နယ်မှ ခူမီးလူမျိုး လူငယ်တဦးက ပြောသည်။

ပလက်၀မြို့နယ်အတွင်း လူနည်းစုတစု၏ ဘာသာစကားဖြစ်သော ရခိုင်ဘာသာစာကို သင်ကြားခြင်းသည် ခူမီး ချင်းလူမျိုးများနှင့် အခြားချင်းတိုင်းရင်းသားများအပေါ် မထီမဲ့မြင်ပြုရာရောက်သကဲ့သို့ ဒေသခံတိုင်းရင်းသားလူမျိုး များအချင်းအချင်းကြား စိတ်ဝမ်းကွဲပြားမှုကို ဖြစ်စေကြောင်း ကမာ္ဘလုံးဆိုင်ရာခူမီး အဖွဲ့အစည်း(GKO)၏ ထုတ် ပြန်ချက်တွင် ဆိုထားသည်။

ရခိုင်ရိုးမအနောက်ဘက် ပလက်၀မြို့နယ်တွင် ချင်းမျိုးစွယ်စုဝင် ခူမီးအပါအဝင် ချင်းလူမျိုး ၈၂ ဒသမ ၆ ရာခိုင်နှုန်း၊ ရခိုင်လူမျိုး ၁၇ ဒသမ ၀၂ ရာခိုင်နှုန်းနှင့် အခြား ဗမာ၊ မွန်၊ ရှမ်းလူမျိုးအနည်းငယ် နေထိုင်ကြောင်း ၂၀၂၀ ခုနှစ်ထုတ် အထွေထွေအုပ်ချုပ် ရေးဦးစီးဌာန၏ အချက်အလက်များတွင် ဖော်ပြထားသည်။

အိန္ဒိယနိုင်ငံ နယ်စပ်ကုန်သွယ်ရေးအတွက် အရေးပါပြီး ရခိုင်ပြည်နယ် ဝင်ပေါက်လည်းဖြစ်သည့် ချင်းပြည်နယ် ပလက်၀မြို့နယ်ကို အာရက္ခတပ်တော်(AA)သည် ၂၀၂၄ ခုနှစ်

❤24👍17😁5

3.98K views07:20