ရက် ၁၀၀ အတွင်း ကြက်ဥစျေးမကျသော်လည်း အာကာသနည်းပညာ တိုးတက်လာဟု အာဏာသိမ်းသမ္မတ ပြော

ဧရာဝတီ၊ ဇူလိုင် ၂၈၊ ၂၀၂၆

ရန်ကုန်မြို့ မြန်မာအာကာသအေဂျင်စီ (MSA) သို့ ရောက်နေသည့် အာဏာသိမ်းသမ္မတ မင်းအောင်လှိုင်က ရက် ၁၀၀ အတွင်း အာကာသနည်းပညာအဆင့်ဆင့်တိုးတက်လာခဲ့ပြီး မြန်မာ့ပထမဆုံးအာကာသယာဉ်မှူးများကိုလည်း ရွေးချယ်သွားမည်ဟု ယမန်နေ့က ပြောလိုက်သည်။

ရက် ၁၀၀ အတွင်း မြန်မာအာကာသအေဂျင်စီက ဆောင်ရွက်ခဲ့သည့် MHA-1 ဂြိုဟ်တုမြေပြင်ထိန်းချုပ်ရေးစခန်းနှင့် Multi-Mission Operation Command and Control(MOCC) တို့အား အာဏာသိမ်းသမ္မတ ဖွင့်လှစ်ပေးခဲ့ပြီး ဂြိုဟ်တုလွှတ်တင်နိုင်ရေးသာမက အာကာသ ယာဉ်မှူးများလည်း စေလွှတ်နိုင်ရေးလုပ်ဆောင်ကြရန်လည်း ပြောဆိုသည်။

ထို့ပြင် ပဏာမရွေးချယ်ထားသည့် အာကာသယာဉ်မှူးလောင်းများကိုလည်း ၎င်းက တွေ့ဆုံခဲ့ပြီး စိစစ်မှုများအဆင့်ဆင့်ပြုလုပ်ကာ ပထမဆုံးသော အာကာသယာဉ်မှူးများအား ရွေးချယ်သွားမည်ဖြစ်ကြောင်း ပြောခဲ့သည်။

မြန်မာအာကာသအေဂျင်စီ အမှုဆောင်အရာရှိချုပ် ဒေါက်တာ စိုးမြင့်မောင်က မြန်မာတနိုင်ငံလုံး၏ 3D မြေပုံအချက်အလက်များအား အာဏာသိမ်းသမ္မတထံ ပေးအပ်ခဲ့ကြောင်းသိရသည်။

အာဏာသိမ်းအစိုးရ၏ အာကာသနည်းပညာဆိုင်ရာ ပူးပေါင်းဆောင်ရွက်မှုအနေဖြင့် တရုတ်၊ ရုရှား၊ ဘီလာရုစ်နိုင်ငံတို့နှင့်ပူးပေါင်းဆောင်ရွက်နေခြင်း ဖြစ်သည်။

စစ်ခေါင်းဆောင်အဖြစ်မှ သမ္မတရာထူးရယူပြီးနောက် ရက်တရာစီမံချက်အတွင်း အခြေခံစားသောက်ကုန်ဈေးနှင့် စက်သုံးဆီဈေးနှုန်းများ မြင့်တက်ကာ အကျပ်အတည်းဖြစ်နေပြီး ကြက်ဥစျေးမှာ ၁ လုံး ၇၀၀ ကျပ်အထိ ထောင်တက်သွားချိန် အာကာသနည်းပညာတိုးတက်နေပြီဟု ထုတ်ပြောလာခြင်း ဖြစ်သည်။

#WhatsHappeningInMyanmar
#RejectMilitaryCoup

AA နဲ့ SCEF တွေ့ဆုံမှုကို အလားအလာကောင်းလို့ဆို

အာရက္ခတပ်တော် (AA) နဲ့ ဖက်ဒရယ်ဒီမိုကရေစီပြည်ထောင်စုပေါ်ထွန်းရေး ဦးဆောင်ကောင်စီ (SCEF)တို့ တွေ့ဆုံခဲ့တာနဲ့ ပတ်သက်ပြီး အလားအလာကောင်းပြီး ဒီတွေ့ဆုံမှုအတွက် ကြိုဆိုတယ်လို့ တော်လှန်ရေး အင်အားစုတွေက ပြောပါတယ်။

ဒီတွေ့ဆုံမှုနဲ့ ပတ်သက်ပြီး အာဏာသိမ်း စစ်တပ်ကို တိုက်နေကြတဲ့ တိုင်းရင်းသားလက်နက်ကိုင် အဖွဲ့အစည်းတွေနဲ့ SCEF အဖွဲ့ဝင်တချို့က ခုလိုတုံ့ပြန်ခဲ့ကြတာဖြစ်ပါတယ်။

ULA/AA ဥက္ကဋ္ဌ ဗိုလ်ချုပ်ထွန်းမြတ်နိုင်နဲ့ SCEF အလှည့်ကျသဘာပတိ ခူဦးရယ် နဲ့ အမျိုးသားညီညွတ်ရေးအစိုးရ (NUG) ပြည်ထောင်စုဝန်ကြီးချုပ် မန်းဝင်းခိုင်သန်း အပါအဝင် နှစ်ဖက်တာဝန်ရှိသူတွေက ပြီးခဲ့တဲ့ ဇူလိုင် ၂၃ ရက် နေ့မှာ အွန်လိုင်းမှာ တွေ့ဆုံဆွေးနွေးမှု ပြုလုပ်ခဲ့တယ်လို့ SCEF က ဇူလိုင် ၂၆ ရက်နေ့မှာ သတင်းထုတ်ပြန်ပါတယ်။

#မြန်မာ #ဧရာဝတီ #SCEF #AA #NUG #တိုင်းရင်းသားလက်နက်ကိုင် #ဗိုလ်ချုပ်ထွန်းမြတ်နိုင် #WhatsHappeningInMyanmar

စစ်အုပ်စုထံ ထောက်ပံ့နေတဲ့ ရေနံကုမ္ပဏီ ၁၁ ခု ကို အမည်ပျက်စာရင်းသွင်း

အာဏာသိမ်းစစ်အုပ်စုကို အထောက်အပံ့ပြုနေတဲ့ နိုင်ငံတကာရေနံလုပ်ငန်းဝန်ဆောင်မှု ကုမ္ပဏီ ၁၁ ခုကို Burma Campaing UK ရဲ့ အမည်ပျက်စာရင်းထဲ ထည့်လိုက်တယ်လို့ Justic for Myanmar က ဇူလိုင် ၂၇ ရက်နေ့မှာ ထုတ်ပြန်ပါတယ်။

အဲ့ဒီရေနံကုမ္ပဏီတွေဟာ စစ်အုပ်စုရဲ့ ရေနံနဲ့ သဘာဝဓါတ်ငွေ့ကဏ္ဍအတွက် တူးဖော်ရေးကနေ ပြုပြင်ထိန်းသိမ်းရေးနဲ့ ပစ္စည်းထောက်ပေးတာတွေအထိ ပံ့ပိုးပေးနေတယ်လို့ JFM က ထောက်ပြထားပါတယ်။

ဒီလို အထောက်အပံ့ပေးနေတာဟာ စစ်အုပ်စုဆီကို ဝင်ငွေတွေ ဆက်လက်စီးဆင်းစေဖို့ အကူအညီပေးနေပြီး စစ်အုပ်စုရဲ့ ရာဇဝတ်မှုတွေမှာ ကြံရာပါအဖြစ် ပါဝင်ပတ်သက်နေကြတာဖြစ်တယ်လို့ ဆိုပါတယ်။

#မြန်မာ #ဧရာဝတီ #ရေနံကုမ္ပဏီ #JFM #အမည်ပျက် #WhatsHappeningInMyanmar

အမေရိကန်ပစ်မှတ် ကျောက်ခက်မှကျားဖြန့်ဆိုက် စစ်တပ် ဝင်စီး၊ လူ ၈၀၀ နီးပါး ဖမ်းမိ

ဧရာဝတီ၊ ဇူလိုင် ၂၈၊ ၂၀၂၆

ဒီမိုကရေစီအကျိုးပြု ကရင်တပ်မတော် (DKBA) ထိန်းချုပ်ရာ မြဝတီမြို့တောင်ဘက် ကျောက်ခက်ဒေသရှိ အွန်လိုင်းငွေလိမ်လုပ်ငန်း (ကျားဖြန့်) များအား ဇူလိုင်၂၅ ရက်က စစ်တပ် ဝင်ရောက်စီးနင်းကာ လူ ၇၇၇ ဦးအား ဖမ်းဆီးခဲ့ကြောင်း ယနေ့ထုတ် ဝါဒဖြန့်သတင်းစာများတွင် ဖော်ပြထားသည်။

DKBA အနေဖြင့် ကျောက်ခက်ရှိ ကျားဖြန့်လုပ်ငန်းများထွက်ခွာကြရန် အမိန့်ထုတ်ထားစဉ် မြဝတီ၊ လေးကေ့ကော်ဒေသမှ ထိုးလာသည့်စစ်ကြောင်းများက ဝင်ရောက် ဖမ်းဆီးခဲ့ခြင်းဖြစ်သည်။

ကျောက်ခက်ဒေသသည် ကျားဖြန့်တိုက်ဖျက်ရေးအတွက် အမေရိကန်၏ ပစ်မှတ်နေရာဖြစ်ပြီး ထိုဒေသအခြေစိုက် Tai Chang (တိုင်ချန်း) အမည်ရ ကျားဖြန့်ဆိုက် ၃ နေရာအား သတင်းပေးနိုင်ပါက ဆုကြေးအမေရိကန်ဒေါ်လာ ၁၀ သန်း ပေးမည်ဖြစ်ကြောင်း ဧပြီလအတွင်း ကြေညာထားသည်။

ဖမ်းမိသူများတွင် တရုတ်နိုင်ငံသား အမျိုးသား ၆၂၀ ဦးနှင့် အမျိုးသမီး ၁၁ ဦး၊ ထိုင်းနိုင်ငံသား အမျိုးသမီး ၃ ဦး၊ မြန်မာနိုင်ငံသား အမျိုးသား ၃၂ ဦးနှင့် အမျိုးသမီး ၁၁၁ ဦးတို့ပါဝင်ပြီး ကွန်ပျူတာ ၈၅ လုံး၊ ဖုန်းမျိုးစုံ ၁၈၃ လုံးနှင့် Starlink ဗန်း ၁ ခု တို့အား သိမ်းဆည်းခဲ့ကြောင်းလည်း အာဏာသိမ်း စစ်တပ်က ဆိုသည်။

အမေရိကန်နိုင်ငံသားများအား ပစ်မှတ်ထားသည့် ကျားဖြန့်လုပ်ငန်းများ၌ ပါဝင်ပတ်သက်သည်ဟုဆိုကာ DKBA ခေါင်းဆောင်များဖြစ်သော စစ်ဦးစီးချုပ် ဗိုလ်ချုပ်ကြီး စောစတီး၊ စစ်ရေးချုပ် ဗိုလ်မှူးကြီး စောစိန်ဝင်း၊ စစ်ဦးစီးအရာရှိချုပ် ဗိုလ်ချုပ် စောဆန်းအောင်၊ စီးပွားရေး တာဝန်ခံ ဗိုလ်မှူးချုပ်စိုင်းကျော်လှတို့ကို၂၀၂၅ နိုဝင်ဘာလတွင် အမေရိကန်က ပိတ်ဆို့အရေးယူမှုစာရင်း ထည့်သွင်းခဲ့သည်။


စစ်တပ်အနေဖြင့် DKBA ထိန်းချုပ်ရာ ကျောက်ခက်ဒေသရှိ ကျားဖြန့်အား စီးနင်းဖမ်းဆီးခဲ့သော်လည်း အမေရိကန်၏ပစ်မှတ်ဖြစ်သော Tai Chang ကျားဖြန့်လုပ်ငန်းသတင်းနှင့် DKBA ခေါင်းဆောင်များ ပါဝင်ပတ်သက်မှု ရှိမရှိ တစုံတရာ ထုတ်ပြန်ခြင်းမရှိဘဲ ကရင်အမျိုးသားလွတ်မြောက်ရေးတပ်မတော် (KNLA) နှင့် ပြည်သူ့ကာကွယ်ရေး တပ်မတော် (PDF) တို့အား ကျားဖြန့်လုပ်ငန်း ကာကွယ်ပေးသူများအဖြစ် ပုံဖော် သတင်းထုတ်ပြန်ထားသည်။


KNLA နှင့်PDF ပူးပေါင်းတပ်များအနေဖြင့် မြဝတီမြို့တောင်ဘက်သို့ အင်အားအလုံးအရင်းဖြင့် စစ်ကြောင်းထိုးလာသည့် အာဏာသိမ်း စစ်တပ်အား ခုခံတိုက်ခိုက်နေခြင်းသာဖြစ်ပြီး တိုက်ပွဲပြင်းထန်ခဲ့ကာ စစ်တပ်ဘက် ထိခိုက်ကျဆုံးမှုများပြားခဲ့ကြောင်း တော်လှန်ရေးအင်အားစုများက ပြောထားကြသည်။

အာဏာသိမ်းစစ်တပ်ကမူ ထိုတိုက်ပွဲများအတွင်း ရုပ်အလောင်း ၁၃ လောင်း၊ လက်နက်မျိုးစုံ ၉ လက်နှင့် ခဲယမ်းများ၊ ဘန်ကာ၊ လူနေတဲများ သိမ်းဆည်းရရှိခဲ့ကြောင်း သတင်း ထုတ်ပြန်ထားသည်။

ပုံစာ- စစ်တပ်ထုတ်ပြန်ထားသည့် ကျောက်ခက်ရှိ ကျားဖြန့်ဆိုက် စီးနင်းခဲ့ပုံ/ MOI

#WhatsHappeningInMyanmar
#RejectMilitaryCoup

ရန်ပုံငွေမရှိလို့ STUM ရပ်လိုက်ရ

အင်တာဗျူး | ဧရာဝတီ ၊ ဇူလိုင် ၂၈၊ ၂၀၂၆

မြန်မာနိုင်ငံအတွင်းရှိ စက်ရုံအလုပ်ရုံ အလုပ်သမားများ၏ အခွင့်ရေးချိုးဖောက်ခံရမှုများ၊ လုပ်ခလစာ ထိုက်တန်စွာရရှိ ရေးတို့တွင် ကူညီဆောင်ရွက်ပေးနေပြီး အလုပ်သမားများ ဆန္ဒအသံကို ထုတ်ဖော်ပေးနေသော “သွေးစည်း ညီညွတ် သော သမဂ္ဂများအဖွဲ့ချုပ်-မြန်မာ (STUM)” သည် ယခုအခါ ရန်ပုံငွေအခက်အခဲကြောင့် လုပ်ငန်းဆောင်တာများ ရပ်ဆိုင်းတော့မည်ဟု ကြေညာ လိုက်သည်။

အလုပ်သမားအရေးလုပ်ရင်း STUM အဖွဲ့သား အားလုံးမှာ စစ်တပ်၏ မတရားဖမ်းဆီးမှုကို ကြုံခဲ့ရသလို ဘဏ္ဍာရေး အခက်အခဲကို အတတ်နိုင်ဆုံး ထိန်းကာ ၁နှစ်တိတိကြံ့ကြံ့ခိုင် ရင်ဆိုင် ဖြေရှင်းခဲ့သော်လည်း လက်ရှိရန်ပုံငွေ အခက် အခဲက ဆက်လက်ရပ်တည်ရန် မဖြစ်နိုင်တော့သည့်အတွက် ဇူလိုင် ၂၅ ရက်မှ စ၍ STUM က ဆောင်ရွက်ပေးနေ သည့် ပုံမှန်ဝန်ဆောင်မှုများအားလုံး ရက်အကန့်အသတ်မရှိ ရပ်နားလိုက်ကြောင်း အသိပေးလိုက်သည်ကိုတွေ့ရသည်။

ထိုကြောင့် STUM ဦးဆောင်သူ ဒေါ်မျိုးမျိုးအေး အား လုပ်ငန်းများရပ်နားလိုက်ရခြင်းကြောင့် အလုပ်သမားများအပေါ် အကျိုးသက်ရောက်မှုနှင့် ရပ်နားလိုက်ရသည့် အကြောင်းရင်းများသိနိုင်ရန် ဧရာဝတီက ဆက်သွယ် မေးမြန်းထား သည်။

Website တွင် ဖတ်ရန် https://burma.irrawaddy.com/opinion/interview/2026/07/28/415138.html
#WhatsHappeningInMyanmar
---------------------
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://www.irrawaddy.com/donation

ဆောတိုက်ပွဲ စစ်တပ်ဘက်က သေဆုံးမှုများ၊ ၉ ဦး ဖမ်းမိ

ဧရာဝတီ၊ ဇူလိုင် ၂၈၊ ၂၀၂၆

မကွေးတိုင်း ဆောမြို့ကို ထိုးစစ်ဆင်လာသည့် အာဏာသိမ်းတပ် စစ်ကြောင်းကို တိုက်ခိုက်မှုအတွင်း စစ်တပ်ဘက်မှ သေဆုံးမှုများကာ စစ်သုံ့ပန်း ၉ ဦး ဖမ်းမိထားကြောင်း ပြည်သူ့ကာကွယ်ရေးတပ်မတော် (PDF) စစ်ရုံးချုပ်က ယနေ့ ထုတ်ပြန်သည်။

လောင်းရှည်တိုက်နယ်မှ တပ်မ (၉၉) ဦးစီးသည့် အင်အားသုံးရာခန့်ပါ စစ်စစ်ကြောင်းမှာ ဇူလိုင် ၁၆ ရက်တွင် ဆောမြို့နယ်အတွင်း ပထမအကြိမ် စစ်ကြောင်းထိုးလာစဉ် PDF များနှင့် တိုက်ပွဲဖြစ်ပွားရာ အထိနာပြီး လောင်းရှည်သို့ ပြန်လည်ဆုတ်ခွာသွားကြောင်း PDF စစ်ရုံးချုပ်က ဆိုသည်။

ထို့နောက် ဇူလိုင်၂၅ ရက်တွင်လည်း အင်အား ၁၈၀ ခန့်ဖြင့် လေကြောင်းပစ်ကူယူ၍ ဒုတိယအကြိမ်ထပ်မံ ထိုးစစ်ဆင်လာသည့်အတွက် တိုက်ပွဲများ ဆက်လက်ဖြစ်ပွားခဲ့ပြီး ၉ ဦး ဖမ်းမိခြင်းဖြစ်ကြောင်း သိရသည်။

ထိုတိုက်ပွဲများအတွင်း စစ်တပ်ထံမှ သေနတ်မျိုးစုံ ၁၁ လက်နက်နှင့် ဗုံးသီး၊ ကျည်များသိမ်းဆည်းရရှိခဲ့သည့်အပြင် ရိက္ခာတင်ကား သုံးစီးနှင့် ပစ္စည်းများလည်း ရရှိခဲ့ကြောင်း PDF စစ်ရုံးချုပ်က ဖော်ပြထားသည်။

ဓာတ်ပုံ- ပြည်သူ့ကာကွယ်ရေးတပ်မတော်- PDF
#WhatsHappeningInMyanmar
#RejectMilitaryCoup

ဂျပန်တောင်ပိုင်း အင်အားပြင်းငလျင်လှုပ်၊ ဆူနာမီသတိပေးထား

ဧရာဝတီ၊ ဇူလိုင် ၂၈၊ ၂၀၂၆

ဂျပန်နိုင်ငံတောင်ပိုင်း ကျူးရှူးကျွန်းရှိ ကူမာမိုတိုစီရင်စုအတွင်း ယနေ့မွန်းလွဲပိုင်းက ပြင်းအား ၇ ဒသမ ၁ မဂ္ဂနီကျူရှိသည့် ငလျင်ကြီးတခု လှုပ်ခတ်ခဲ့ရာ ဒေသတွင်း ကမ်းရိုးတန်းဒေသများအတွက် ဆူနာမီသတိပေးချက်များ ထုတ်ပြန်ထားကြောင်း The Japan Times သတင်းတွင် ဖော်ပြထားသည်။

ငလျင်၏ဗဟိုချက်မှာ ကူမာမိုတိုစီရင်စု တောင်ဘက်ရှိ အုခိမြို့အနီး မြေအောက်အနက် ၁၀ ကီလိုမီတာ (၆ မိုင်) ခန့်တွင် ဖြစ်ပြီး တိုကျိုမြို့တော်နှင့် ကီလိုမီတာ ၉၀၀ (မိုင် ၅၆၀) ခန့် ကွာဝေးသည်။

ကျူးရှူးကျွန်းပေါ်ရှိ အခြားစီရင်စုများဖြစ်သည့် နာဂဆာကိ၊ ခါဂိုရှီးမား၊ ဖုကုအိုကာ၊ ဆာဂါ၊ အိုအိတနှင့် မိယာဇာကိ တို့တွင်လည်း ပြင်းထန်သော တုန်ခါမှုများ ခံစားခဲ့ရသဖြင့် သတိပေးချက်များ ထုတ်ပြန်ထားသည်။

ငလျင်ကြောင့် လတ်တလောတွင် ကူမာမိုတိုစီရင်စုရှိ အိမ်ထောင်စု ၄၅,၆၀၀ ခန့် လျှပ်စစ်မီးများ ပြတ်တောက်နေပြီး ရထားပြေးဆွဲမှုများကိုလည်း ရပ်ဆိုင်းထားကြောင်း သိရသည်။

ငလျင်ကြောင့် ထိခိုက်ဒဏ်ရာရရှိမှု အခြေအနေများကို အာဏာပိုင်များက ဆက်လက်စုံစမ်းနေဆဲဖြစ်ပြီး သတင်း ထပ်မံမရရှိသေးပေ။

လွန်ခဲ့သည့် ၂၀၁၆ ခုနှစ်ကလည်း ကူမာမိုတိုတွင် အလားတူ အင်အားပြင်းငလျင် လှုပ်ခတ်ခဲ့ဖူးပြီး လူ ၅၀ ကျော် သေဆုံးကာ ၁,၈၀၀ ဦးခန့် ဒဏ်ရာရရှိခဲ့ဖူးသည်။

ဓာတ်ပုံ- Yonhap

ပေါက်တောနှင့် မင်းပြားမြို့များ ဝီရဌာနီနှင့် အဉ္ဇနပူရ ဖြစ်လာ

သတင်း | လင်းသစ် ၊ ဇူလိုင် ၂၈၊ ၂၀၂၆

ရခိုင်ပြည်နယ်အတွင်း ၁၄ မြို့နယ် သိမ်းပိုက်သည့် အာရက္ခတပ်တော် (AA) က ပေါက်တောမြို့ကို ဝီရဌာနီ၊ မင်းပြားမြို့ကို အဉ္ဇနပူရဟု အမည်ပြောင်းလိုက်ကာ ယနေ့နံနက်တွင် မြို့အဝင်/အထွက် ဆိုင်းဘုတ်သစ်တင် အခမ်းအနားများ ကျင်းပခဲ့ ကြောင်း ဒေသခံများထံက သိရသည်။

ပေါက်တောမြို့ခံတဦးက "နှစ်မြို့လုံးမှာ ဖွင့်ပွဲအခမ်းအနားတွေနဲ့ တခမ်းတနားလုပ်ပြီး ပြောင်းလိုက်တာ။ မင်းပြားမှာဆိုရင် အမြောက်ပါ ၇ ချက် ဖောက်လိုက်သေးတယ်။ မနက်အစောပိုင်းက လုပ်သွားတာ" ဟု ပြောသည်။

ပေါက်တောမြို့တွင်လည်း မြို့အမည်သစ်ပေးပွဲ၊ ဖွင့်ပွဲအခမ်းအနားအပြီး သစ်ပင်စိုက်ပျိုးနေကြသည်ဟု ဆိုသည်။

Website တွင် ဖတ်ရန် https://burma.irrawaddy.com/news/2026/07/28/415143.html
#WhatsHappeningInMyanmar
---------------------
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://www.irrawaddy.com/donation

• တပ်ချုပ်သစ်က ပြည်သူတွေကို ပိုပြီး သတ်ဖြတ်နေ
• ကြက်ဥ ၁ လုံး ၅၅၀ ရောင်းခိုင်းသူက အာကာသအိပ်မက်မက်
• ဝန်ထမ်းတွေကို လစာတိုးပေးဖို့ မရှိလို့ဆို
• အမေရိကန်အလိုရှိနေတဲ့ ကျားဖြန့်ကို အာဏာသိမ်းစစ်တပ် ဝင်စီးပြ
• ရိုမေးနီးယားကို ရုရှားဒရုန်းကျူးကျော်လို့ သံတမန်ကို နှင်ထုတ်

နေ့စဉ်သတင်း၊ ဇူလိုင် ၂၈၊ ၂၀၂၆
https://youtu.be/l72iWraTD_s

#မြန်မာ #ဧရာဝတီ #ရဲဝင်းဦး #တပ်ချုပ် #ကြက်ဥ #အာကာသ #ဝန်ထမ်း #နေ့စဉ်သတင်း #DailyNews #WhatsHappeningInMyanmar

ဧရာဝတီရဲ့ YouTube membership ကို Support လုပ်ချင်တဲ့ပရိတ်သတ်တွေအနေနဲ့ ဒီ https://www.youtube.com/@irrawaddynews1993 Link လေးမှ join buttom ကို နှိပ်ပြီးတော့ ပါဝင်နိုင်ပါပြီ။

စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://www.irrawaddy.com/donation

မင်းအောင်လှိုင်ရဲ့ ရက် ၁၀၀ ကျရှုံးမှု

ဧရာဝတီ၊ ဇူလိုင် ၂၉၊ ၂၀၂၆

အမည်ခံသမ္မတ မင်းအောင်လှိုင်က ဘယ်လောက်အထိ ခံနိုင်မလဲ။ အာဏာလုသမ္မတရဲ့ စိတ်ပိုင်းဆိုင်ရာအခြေအနေနဲ့ သူ့ရဲ့ ရက် ၁၀၀ အုပ်ချုပ်မှုက ဘာတွေကို ဖော်ပြနေသလဲ။ အပြည့်အစုံကို ကြာသပတေးနေ့ မှာ ထုတ်လွှင့်မယ့် Opinion Talk အပိုင်းသစ်မှာ ကြည့်ရှုနိုင်ပါတယ်။

#မြန်မာ #မင်းအောင်လှိုင် #နိုင်ငံရေး #စစ်ဗိုလ်ချုပ် #ရက်၁၀၀ #သမ္မတ #စိတ်ကျန်းမာရေး #ကျရှုံးမှု #Myanmar #MinAungHlaing #politics #general #First100days #President

ကျမတို့ အမျိုးသမီးသတင်းထောက်တွေ (ရုပ်/သံ)

ဧရာဝတီ၊ ဇူလိုင် ၂၉၊ ၂၀၂၆

စစ်အာဏာသိမ်းလိုက်တဲ့ ၂၀၂၁ ခုနှစ်ထဲက စစ်အုပ်ချုပ်ရေးကို စွန့်ခွာပြီး အလုပ်ဆက်လုပ်ကြသူ သတင်းမီဒီယာသမားတွေထဲ အမျိုးသမီးတွေလည်း ပါဝင်တယ်။

အိမ်နီးချင်းနိုင်ငံတွေမှာ အခြေစိုက်တဲ့ သတင်းမီဒီယာတိုက်တွေမှာ အလုပ်လုပ်သူတွေ ရှိသလို လက်နက်ကိုင်တော်လှန်ရေးတပ်တွေ ထိန်းချုပ်ရာဒေသတချို့မှာလည်း လုပ်ကိုင်ကြသူတွေရှိပါတယ်။ ဒါ့အပြင် အမျိုးသမီးသတင်းထောက်တွေဟာ တိုက်ပွဲဖြစ်ပွားနေရာတွေနဲ့ တော်လှန်ရေးတပ်ထိန်းချုပ် နယ်မြေဒေသတွေကို မြေပြင်ဆင်းသွားရောက် သတင်းယူကြရာမှာလည်း ပါဝင်ကြတယ်။

ဒီလို အခြေအနေတွေမှာ သူတို့ရင်ဆိုင်ကြုံတွေ့နေရတဲ့ စိန်ခေါ်ချက်တွေက ဘာလဲ၊ သူတို့ကို ဘယ်လိုအကာအကွယ်ပေးနိုင်လဲ စတဲ့အကြောင်းတွေကို မြန်မာနိုင်ငံ လွတ်လပ်သော သတင်းမီဒီယာကောင်စီရဲ့ ဒု-ဥက္ကဋ္ဌ ဒေါ်စုမြတ်ကို ဧရာဝတီ အမှုဆောင်အယ်ဒီတာ ရဲနည်က တွေ့ဆုံမေးမြန်းထားပါတယ်။

https://youtu.be/7p8ePdGfyWA

#မြန်မာ #ဧရာဝတီ #အမျိုးသမီး #သတင်းထောက် #သတင်းမီဒီယာ #WhatsHappeningInMyanmar

ဧရာဝတီရဲ့ YouTube membership ကို Support လုပ်ချင်တဲ့ပရိတ်သတ်တွေအနေနဲ့ ဒီ https://www.youtube.com/@irrawaddynews1993 Link လေးမှ join buttom ကို နှိပ်ပြီးတော့ ပါဝင်နိုင်ပါပြီ။

စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://www.irrawaddy.com/donation

၂၀၃၆ ခုနှစ်မှာ ပိုက်ဆံဆိုတာအရေးပါတော့မှာမဟုတ်ဘူးလို့ ပြောတဲ့ အီလွန်မက်စ်

ဧရာဝတီ၊ ဇူလိုင် ၂၉၊ ၂၀၂၆

The Economist မဂ္ဂဇင်းရဲ့ အယ်ဒီတာချုပ် ဇာနီ မင်တန် ဘက်ဒိုးစ် နဲ့ စကားပြောဆိုရာမှာ မက်စ်က 'လူတွေ ပိုက်ဆံကို လိုချင်ကြတာဟာ ကုန်ပစ္စည်းတွေနဲ့ ဝန်ဆောင်မှုတွေ ဝယ်ဖို့အတွက်ပဲ မဟုတ်လား။ တကယ်လို့ စက်ရုပ်တွေနဲ့ AI တွေက လူသားတွေ သုံးစွဲနိုင်တာထက် ပိုလျှံတဲ့ ကုန်ပစ္စည်းတွေနဲ့ ဝန်ဆောင်မှုတွေကို ထုတ်လုပ်ပေးနိုင်နေပြီဆိုရင် ငွေကြေးကို ဘာအတွက် လိုဦးမှာလဲ' လို့ ပြောကြားခဲ့ပါတယ်။

#AI #elonmusk #economist