အပစ်ရပ်၍ ငလျင်ကို အားစိုက်ကူရန် စင်ကာပူနိုင်ငံခြားရေးဝန်ကြီး တိုက်တွန်း

ဧရာဝတီ၊ မတ် ၃၀၊ ၂၀၂၅

မြန်မာနိုင်ငံအတွင်း ငလျင်ဘေးအန္တရာယ်ကြုံတွေ့နေရသူများအား ကူညီကယ်ဆယ်ရေးလုပ်ငန်းများ ဆောင်ရွက်နိုင်ရန်အတွက် အပစ်အခတ်များရပ်စဲကြရန် စင်ကာပူနိုင်ငံခြားရေးဝန်ကြီး Vivian Balakrishnan က မလေးရှားနိုင်ငံ၌ ယနေ့ ကျင်းပသည့် အာဆီယံနိုင်ငံခြားရေးဝန်ကြီးများ အရေးပေါ် အထူးအစည်းအဝေးတွင် ပြောဆိုသည်။

မြန်မာနိုင်ငံတွင် လူသားချင်း စာနာထောက်ထားမှုအကူအညီများပေးအပ်ရန်နှင့် ရေရှည်အမျိုးသားပြန်လည်သင့်မြတ်ရေး၊ ငြိမ်းချမ်းရေးနှင့် ပြန်လည်တည်ဆောက်ရေး ကြိုးပမ်းမှုများကို လွယ်ကူချောမွေ့စေမည့် ထိရောက်သော အပစ်အခတ်ရပ်စဲရေးကို တောင်းဆိုခဲ့သည်ဟု စင်ကာပူနိုင်ငံခြားရေးဝန်ကြီးဌာန (MFA) ကလည်း ထုတ်ပြန်ထားသည်။

လက်ရှိတွင် စင်ကာပူနိုင်ငံသည် ကယ်ဆယ်ရေးလုပ်သား ၈၀ ဦးကို စေလွှတ်ကာ ကူညီကယ်ဆယ်ရေးများ လုပ်ဆောင်လျက်ရှိသည်။

ထို့အတူ ငလျင်ဒဏ်သင့်ဒေသများတွင် ကူညီကယ်ဆယ်ရေးလုပ်ငန်းများလုပ်ဆောင်နိုင်ရန် အမျိုးသားညီညွတ်ရေးအစိုးရ (NUG) က မတ်လ ၃၀ ရက်မှစ၍ နိုင်ငံတဝန်း၌ ၂ ပတ်ကြာ အပစ်အခတ် ရပ်စဲမည်ဟု ကြေညာထားသလို လုံခြုံရေး အာမခံ မည်ဆိုပါက CDM များဖြင့် ငလျင်ဒဏ်သင့်သူများအား ကူညီကယ်ဆယ်ရေးလုပ်ငန်းများ လုပ်ဆောင်မည်ဟုလည်း ဆို ထားသည်။

စစ်ကောင်စီကမူ ငလျင်ကြောင့် အရေးပေါ်ကူညီကယ်ဆယ်ရေး မလုံ လောက်ဖြစ်နေ၍ ပြည်သူများ သေဆုံးနေချိန် ယနေ့ နံနက် ၁၀ နာရီခွဲအချိန်က ပေါက်မြို့နယ်သို့ လေကြာင်းဖြင့် ဗုံးကြဲသလို နေ့လယ် ၁၂ နာရီခွဲခန့်တွင်လည်း နောင်ချိုမြို့နယ်အတွင်း ဗုံးကြဲတိုက်ခိုက်သွားကြောင်း သိရသည်။

#WhatsHappeningInMyanmar
#MyanmarEarthquake
#Earthquake2025
#earthquake #Sagaing
#Mandalay
#Naypyitaw
#RejectMilitaryCoup
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy

စစ်ကောင်စီ၏ Mytel ကလွဲ၍ ကျန်ဆက်သွယ်ရေးဆင်းကတ်တို့က သုံးမရဟုဆိုသည်။ တဦးနှင့် တဦး ပါးစပ်သတင်းဖြင့် သာ ကျေနပ်ရပြီး စက်သုံးဆီအတွက် ဆီဆိုင်များတွင် တမျှော်တခေါ်တန်းစီမှ ဆိုင်ကယ်တစီး ကျပ်ငွေ ၅ ထောင်ဖိုးသာ ရရှိသလို ရေသန့်လည်း ပြတ်လပ်နေပြီဟု သိရသည်။

Website တွင် ဖတ်ရန် https://bit.ly/4lbmOKO
#WhatsHappeningInMyanmar
---------------------
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy

အဆိုတော် ဂျေညီညီ ကွယ်လွန်

ဧရာဝတီ၊ မတ် ၃၁၊ ၂၀၂၅

အဆိုတော် ဂျေညီညီသည် ယနေ့နံနက် ၄ နာရီကျော်ခန့်က ကွယ်လွန်ကြောင်း မိသားစုဝင်များမှ လူမှုကွန်ရက်စာမျက်နှာတွင် အသိပေးထား သည်။

၎င်းကွယ်လွန်ခြင်းအပေါ် အနုပညာလောကအတွက် ဆုံးရှုံးမှုတခုဖြစ်သလို အနုပညာရှင်များနှင့် ပြည်သူများက ဝမ်းနည်းကြောင်း လူမှုကွန် ရက်၌ ရေးသားထားကြသည်။

အဆိုတော် ဂျေညီညီက သွေးပေါင်ကျသဖြင့် မူးနေကြောင်း ယမန်နေ့နံနက်၌ ၎င်း၏ Facebook အကောင့်၌ ရေးသားထားသည်။

၁၉၈၄-၈၅ ခုနှစ်များက အဆိုတော် ဂျေညီညီသည် ဂီတလောကသို့ရောက်ရှိခဲ့ခြင်းဖြစ်ကာ ၎င်း၏ ပလက်ဖောင်းရှိုး၊ စွဲနေပြီ၊ ဒီမိုး၊ အချစ်မိုး၊ အရိပ်ကလေး၊ ပလက်ဖောင်းရှိုး၊ မြိုင်နန်းစံ ပန်းတပွင့် စသည့် တေးသီချင်းများမှာ ထင်ပေါ်ကျော်ကြားသည်။

ဂျေညီညီသည် ကွယ်လွန်ချိန်တွင် အသက် ၇၂နှစ်ရှိပြီဖြစ်ပြီး ဇနီးနှင့်သားတဦး ကျန်ရစ်ခဲ့ကြောင်း သိရသည်။

#WhatsHappeningInMyanmar
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy

နိုင်ငံတကာသတင်းထောက်များ ငလျင်သတင်းယူရန် စစ်ကောင်စီ ခွင့်မပြု

ဧရာဝတီ၊ မတ်လ ၃၁၊ ၂၀၂၅

အင်အားပြင်းငလျင်ကြောင့် မြန်မာနိုင်ငံ စစ်ကိုင်း၊ မန္တလေး၊ နေပြည်တော်၊ တောင်ကြီး၊ အင်းလေး၊ အောင်ပန်း အစရှိသည့်မြို့များ၌ ထိခိုက်သေဆုံးသူများစွာရှိသလို လက်ရှိအချိန်ထိ လူပေါင်းများစွာ ပိတ်မိ၍ ကူညီကယ်ဆယ်မှုများ အရေးတကြီး လိုအပ်နေသည့်အချိန်တွင် ငလျင်နှင့်ပတ်သက်၍ နိုင်ငံတကာ သတင်းထောက်များမှ သတင်းယူခွင့်တောင်းသော်လည်း စစ်ကောင်စီက ခွင့်မပြုကြောင်း ယမန်နေ့ညတွင် ငြင်းဆိုလိုက်သည်။

စစ်ကောင်စီ၏ ပြန်ကြားရေးတာဝန်ရှိသူ ဗိုလ်ချုပ် ဇော်မင်းထွန်းက “နိုင်ငံခြားသတင်းထောက်များ လာဖို့ ခွင့်တောင်းတာ ရှိပါတယ်။ နိုင်ငံခြား သတင်းထောက်များအနေနဲ့ ဒီကို ရောက်လာရင်လည်း ကျနော်တို့ တည်းစရာ နေစရာ အဆင်မပြေပါဘူး။ ဟိုတယ်တော်တော်များများကလည်း ထိခိုက်ထားတာရှိတယ်။ ဒါ့ပြင် လျှပ်စစ်မီးလည်း တော်တော်များ များနေရာမှာ မရရှိသေးဘူး။ ရေနဲ့ပတ်သက်ပြီးလည်း အခက်အခဲရှိပါတယ်။ ဒါကြောင့်မို့ အားလုံးကလည်း ကူညီကယ်ဆယ်ရေးလုပ်ငန်းတွေနဲ့ အလုပ်ရှုပ်နေတဲ့အချိန် ဖြစ်ပါတယ်” ဟု ၎င်းက ပြောသည်။

တိုင်းနှင့်ပြည်နယ်၊ မြို့နယ်၊ ကျေးရွာ၊ ရပ်ကွက် အစရှိသည့် တာဝန်ရှိသူများကအစ ကူညီကယ်ဆယ်ရေး လုပ်ကိုင်နေရသည့် အတွက် နိုင်ငံခြားသတင်းထောက်များအနေဖြင့် တည်းခိုရေးအပြင် သွားလာခြင်းတို့ အဆင်မပြေနိုင်ကြောင်း ၎င်းက ငြင်းဆိုခဲ့ခြင်း ဖြစ်သည်။

မြန်မာနိုင်ငံတွင် မတ်လ ၂၈ ရက် နေ့လယ်ပိုင်းက အင်အား ၇ ဒသမ ၇ ပြင်းအားရှိသော ငလျင် လှုပ်ခတ်ခဲ့သောကြောင့် ပျက်စီးဆုံးရှုံးမှု ကြီးမားသလို လူသေဆုံးမှုများလည်း ယနေ့ထိ မြင့်တက်နေဆဲဖြစ်ကာ ပိတ်မိနေသူများလည်းရှိနေဆဲ ဖြစ်သောကြောင့် နိုင်ငံတကာမှ အရေးပေါ်အကူအညီများလိုအပ်နေသလို နောက်ဆက်တွဲ ငလျင်ငယ်များ ယနေ့နံနက်ပိုင်းအထိ လှုပ်ခတ် နေဆဲ ဖြစ်သည်။

#WhatsHappeningInMyanmar
#MyanmarEarthquake
#Earthquake2025
#earthquake #Sagaing
#Mandalay
#Naypyitaw
#RejectMilitaryCoup
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy

“ရာစုနှစ်ရဲ့ လေးပုံပုံ သုံးပုံ အတွင်း မြန်မာမှာ လှုပ်ခတ်ခဲ့တဲ့ အကြီးဆုံး ငလျင် ဖြစ်နိုင်တယ်” လို့ University College London ရဲ့ ဘူမိရူပ နဲ့ ရာသီဥတု အန္တရာယ်ဆိုင်ရာ ပါမောက္ခ Bill McGuire ကလည်း ပြောပါတယ်။

Website တွင် ဖတ်ရန် https://bit.ly/4chWnPW
#WhatsHappeningInMyanmar
---------------------
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy

မြန်မာငလျင်ဘေး ကူညီရန် ဗီယက်နမ်ကယ်ဆယ်ရေးတပ်ဖွဲ့ဝင်များ ရောက်ရှိ

ဧရာဝတီ၊ မတ် ၃၁၊ ၂၀၂၅

ငလျင်ဘေးသင့် မြန်မာပြည်သူများအား ကူညီကယ်ဆယ်မှု ပြုလုပ်ရန် ဗီယက်နမ်နိုင်ငံ ပြည်သူ့လုံခြုံရေးဝန်ကြီးဌာနနှင့် အမျိုးသားကာကွယ်ရေးဝန်ကြီးဌာနတို့၏ စစ်တပ်မှ ကယ်ဆယ်ရေးတပ်ဖွဲ့ဝင် ၁၀၆ ဦးနှင့်အတူ ရှာဖွေကယ်ရေးလုပ်ဆောင် မည့် ခွေးများ၊ ဆေးဘက်ဆိုင်ရာပစ္စည်း၊ ရိက္ခာများကို လေယာဉ်နှစ်စီးဖြင့် မတ် ၃၀ ရက် မွန်းလွဲပိုင်းတွင် ထွက်ခွာလာ ကြောင်း ဗီယက်နမ် လေကြောင်းလိုင်းတခုဖြစ်သော Vietjet က ထုတ်ပြန်ထားသည်။

အဆိုပါ ကယ်ဆယ်ရးအဖွဲ့သည် ဗီယက်နမ်နိုင်ငံ၊ ဟနွိုင်းမြို့ Noi Bai လေဆိပ်မှ ယမန်နေ့ မွန်းလွဲပိုင်းတွင် ထွက်ခွာခဲ့ပြီး ရန်ကုန်မြို့ အပြည်ပြည်ဆိုင်ရာလေဆိပ်၌ ဆင်းသက်ပြီး Vietjet ဝန်ထမ်းများနှင့်အတူ ကယ်ဆယ်ရေးစခန်းများသို့ ချက်ချင်းစတင်ကာ ပစ္စည်းများ အမြန်ပို့ဆောင်ပေးခြင်း၊ တပ်ဖွဲ့က ပျောက်ဆုံးသူများကို ရှာဖွေခြင်း၊ ဆေးဘက်ဆိုင်ရာ အကူအညီပေးခြင်းနှင့် ငလျင်နောက်ဆက်တွဲ အကျိုးဆက်များကို ကူညီလုပ်ဆောင်သွားမည်ဖြစ်ကြောင်း သိရသည်။

မန္တလေးမြို့နှင့် စစ်ကိုင်းမြို့တို့၌ မတ် ၂၈ ရက်၌ လှုပ်ခတ်ခဲ့သည့် ရစ်ချ်တာစကေး ၇ ဒသမ ၇ အဆင့်ရှိ ငလျင်ကြောင့် နေအိမ်အဆောက်အအုံများ ပြိုကျပျက်စီးခဲ့ပြီး ထိခိုက်သေဆုံးမှုများခဲ့ကာ ယနေ့ထိ အဆောက်အဦများအောက်၌ ပိတ်မိနေသူ များစွာရှိသလို ကူညီကယ်ဆယ်ရေးလိုအပ်နေသော နေရာအများအပြား ရှိနေသည်။

ဓာတ်ပုံ - Vietjet

#WhatsHappeningInMyanmar
#MyanmarEarthquake
#Earthquake2025
#earthquake #Sagaing
#Mandalay
#Naypyitaw
#RejectMilitaryCoup

စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy

ကလေးတွေရဲ့ကြိုးစားမှုနဲ့ လွတ်မြောက်ခဲ့တဲ့ Sky Villa က မြေးအဖွားသုံးယောက် (ရုပ်/သံ)

ဧရာဝတီ၊ မတ်လ ၃၁၊ ၂၀၂၅

မန္တလေးမြို့ ငလျင်လှုပ်ခတ်မှုမှာ ပြိုကျခဲ့တဲ့ Sky Villa ကွန်ဒိုကနေ မြေးအဖွားသုံးယောက်ကို အသက်ရှင်လျက် ကယ်တင်နိုင်ခဲ့ပါတယ်။

ကလေးတွေရဲ့ ကြိုးပမ်းမှုနဲ့ အသက် ၇၆ နှစ်အရွယ် အဖွား၊ အသက် ၁၆ နှစ်နဲ့ ၁၃ နှစ်အရွယ် မြေးအဖွားနှစ်ယောက်ဟာ အသက်ရှင်လျက် လွတ်မြောက်လာခဲ့ကြတာလို့ ဖခင်ဖြစ်သူက ဆိုရှယ်မီဒီယာမှာ မျှဝေခဲ့တာပါ။

လတ်တလောမှာ ကူညီကယ်ဆယ်ရေးတွေကို ဆက်လုပ်နေပြီး အသက်ရှင်ကျန်နေသူတွေလည်း ရှိနေသေးတယ်လို့ ပြောဆိုမှုတွေ ရှိနေပါတယ်။

#မြန်မာ #ဧရာဝတီ #ငလျင် #SkyVilla #မန္တလေး #Myanmarearthquake
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy

၁၆ ရက်သားလေး လွတ်မြောက်လာ (ရုပ်/သံ)

ဧရာ၀တီ၊ မတ် ၃၁၊ ၂၀၂၅

မန္တလေးမြို့၊ တမ္မဝတီရပ်ကွက်က တိုက်ပြိုကျမှုမှာ မိသားစုဝင် ၉ ဦးလုံးပိတ်မိနေရာမှာ ၈ ဦးသေဆုံးခဲ့ပြီး ၁၆ ရက်သားကလေးငယ်ဟာ အသက်ရှင်လွတ်မြောက်လာခဲ့ပါတယ်။

ငလျင်လှုပ်အပြီး ၂၄ နာရီအကြာမှာ ကယ်တင်နိုင်ခဲ့တာဖြစ်ပြီး ကျန်းမာရေးစစ်ဆေးချက်အဖြေတွေ အကုန်ကောင်းမွန်ခဲ့တယ်လို့ မိသားစုဝင်တွေက လူမှုကွန်ရက်စာမျက်နှာမှာ မျှဝေထားပါတယ်။

#မြန်မာ #ဧရာဝတီ #ငလျင် #မန္တလေးမြို့ #၁၆ရက်သား #တမ္မဝတီရပ်ကွက် #ပိတ်မိ #Myanmarearthquake