ငလျင်ကယ်ဆယ်ရေး ထိုးစစ်တွေရပ်ထားမယ်လို့ NUG ကြေညာ (ရုပ်/သံ)

ဧရာဝတီ၊ မတ် ၃၀၊ ၂၀၂၅

အမျိူးသားညီညွတ်ရေးအစိုးရ (NUG) အနေနဲ့ ငလျင်ဘေးဒဏ်သင့်နေတဲ့ ဒေသတွေမှာ ခုခံကာကွယ်စစ်ကလွဲလို့ ကျန်တဲ့ ထိုးစစ်တွေကို မတ်လ ၃၀ က စတင်ပြီး ၂ ပတ်တာ ရပ်နားသွားမယ်လို့ အမျိုးသားညီညွတ်ရေးအစိုးရရဲ့ ကာကွယ်ရေးဝန်ကြီးဌာနက မတ်လ ၂၉ ရက်မှာ ထုတ်ပြန်ပါတယ်။

မြန်မာနိုင်ငံအလယ်ပိုင်းကို ဗဟိုပြုပြီး လှုပ်ခတ်ခဲ့တဲ့ အင်အားပြင်း ငလျင်ကြောင့် နိုင်ငံတဝန်း ထိခိုက်ပျက်စီးမှုတွေနဲ့ ထောင်နဲ့ ချီတဲ့ လူသေဆုံးမှုတွေ ဖြစ်နေချိန်မှာ NUG ဘက်က အခုလို တဖက်သတ် အပစ်ရပ် ကြေငြာခဲ့တာလည်း ဖြစ်ပါတယ်။

စစ်ကောင်စီအနေနဲ့ လုံခြုံရေး အာမခံချက်ပေးမယ်ဆိုရင် စစ်ကောင်စီ ထိန်းချုပ်နယ်မြေတွေမှာ ကျွမ်းကျင်တဲ့ CDM ဝန်ထမ်းတွေနဲ့ အရေးပေါ်ကူညီကယ်ဆယ်ရေး လုပ်ငန်းစဉ်တွေ လုပ်ဆောင်ဖို့ အသင့်ရှိနေတယ်လို့လည်းဆိုပါတယ်။

လက်ရှိအချိန်အထိ မြေပြင်မှာ စစ်ကောင်စီအနေနဲ့ ကူညီကယ်ဆယ်ရေးလုပ်ငန်းတွေကို ထိထိရောက်ရောက် မလုပ်နိုင်သေးတာကြောင့် အဆောက်အဦး အပျက်အစီးတွေကြားမှာ လူသောင်းနဲ့ချီပြီး ပိတ်မိနေသလို နောက်ဆက်တွဲ သေဆုံးမှုတွေကိုလည်း လတ်တလောမှာ အတည်မပြုနိုင်ခြင်း မရှိပါဘူး။

https://youtu.be/JSPxjsQYcc0
#မြန်မာ #ဧရာဝတီ #ငလျင် #ထိုးစစ် #အပစ်ရပ် #NUG #MyanmarEarthquake
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy

ငလျင်အတွက် အမေရိကန် ဒေါ်လာ ၂ သန်း ကူမည်

ဧရာဝတီ၊ မတ် ၃၀၊ ၂၀၂၅

မြန်မာနိုင်ငံအခြေစိုက် လူသားချင်းစာနာမှုဆိုင်ရာအကူအညီပေးသည့်အဖွဲ့အစည်းများ မှတဆင့် မတ်လ ၂၈ ရက်တွင် လှုပ်ခတ်ခဲ့သော စစ်ကိုင်းငလျင်အတွက် အရေးပေါ် တုံ့ပြန်မှုအဖြစ် အမေရိကန် ဒေါ်လာ၂ သန်း ပံ့ပိုးကူညီမည်ဖြစ်ကြောင်း အမေရိကန်သံရုံးက ယနေ့ ထုတ်ပြန်သည်။

ထို့ပြင် အမေရိကန်နိုင်ငံတကာ ဖွံ့ဖြိုးရေးအေဂျင်စီ (USAID) ၏ အရေးပေါ်တုံ့ပြန်ရေးအဖွဲ့သည် အရေးပေါ် နားခိုစရာ၊ အစားအသောက်၊ ဆေးဝါးလိုအပ်ချက်နှင့် ရေရရှိနိုင်မှုအပါအဝင် ငလျင်ဘေးသင့်ဒေသများရှိ ပြည်သူများ၏ အပူတပြင်း လိုအပ်ချက်များကို သုံးသပ်ဖော်ထုတ်ရန် မြန်မာနိုင်ငံသို့ လာမည်ဖြစ်ကြောင်းလည်း သိရသည်။

ပုံစာ- ငလျင် လှုပ်ပြီး မန္တလေးမြို့မြင်ကွင်း/ IRW

#WhatsHappeningInMyanmar
#MyanmarEarthquake
#Earthquake2025
#earthquake #Sagaing
#Mandalay
#Naypyitaw
#RejectMilitaryCoup
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy

စစ်ကိုင်းမြို့က အပုပ်နံ့တွေနဲ့ တကယ့်မြို့ပျက်ကြီးဖြစ်သွားပြီ (ရုပ်/သံ)

ဧရာဝတီ၊ မတ် ၃၀၊ ၂၀၂၅

စစ်ကိုင်းမြို့ပေါ်မှာ ငလျင်ဒဏ်ကြောင့် ထိခိုက်ပျက်စီးမှုများခဲ့ပြီး ပြိုကျနေတဲ့ အဆောက်အဦးတွေကိုဖယ်ရှားနိုင်ခြင်း မရှိသေးဘဲ အပျက်အစီးကြား ပိတ်မိ သေဆုံးသူတွေများပြားနေတာကြောင့် မြို့မှာ အပုပ်နံ့တွေနဲ့ အကူအညီများစွာလိုအပ်နေတယ်လို့ စစ်ကိုင်းမြို့ခံတဦးက ဧရာဝတီကို ပြောပါတယ်။

လက်ရှိ ကူညီကယ်ဆယ်ရေးတွေရောက်လာပေမယ့် လူအားရော၊ စက်ပစ္စည်းတွေပါ လိုအပ်နေသေးသလို၊ လမ်းပန်းဆက်သွယ်ရေးအခက်အခဲကြောင့် သောက်သုံးရေနဲ့ စားနပ်ရိက္ခာတွေလည်း လိုအပ်နေတယ်လို့ ဆိုပါတယ်။

ငလျင်ဗဟိုချက်အဖြစ် အင်အားပြင်း ငလျင်ဒဏ်ကို ခံခဲ့ရတဲ့ စစ်ကိုင်းမြို့ဟာ မြို့ရဲ့ ၈၀ ရာခိုင်နှုန်းလောက် ပျက်စီးသွားတာကြောင့် မြို့ပျက်ကြီးလို ဖြစ်နေပြီလို့ ပြောပြပါတယ်။

စစ်ကိုင်းမြို့ရဲ့ ပျက်စီးဆုံးရှုံးမှု အခြေအနေ၊ ကယ်ဆယ်ရေးလိုအပ်ချက်တွေနဲ့ ဒေသခံပြည်သူတွေရဲ့ စိုးရိမ်ပူပန်မှုတွေအကြောင်းကို စစ်ကိုင်းတိုင်း ဒေသခံပြည်သူတဦးနဲ့ ဧရာဝတီက ဆက်သွယ်မေးမြန်းထားပါတယ်။

https://youtu.be/fHrI4d4J3_0
#မြန်မာ #ဧရာဝတီ #ငလျင် #စစ်ကိုင်းမြို့ #ကူညီကယ်ဆယ်ရေး #ပိတ်မိ #Myanmarearthquake
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy

ငလျင်ကို ဧရာဝတီဖောင်ဒေးရှင်းလည်း ကူပြီ

ဧရာဝတီ ၊ မတ် ၃၀ ၊ ၂၀၂၅

ငလျင်ဘေးဒဏ် ဆိုးရွားစွာကြုံတွေ့ခံစားခဲ့ရသော မန္တလေး၊ နေပြည်တော်၊ အောင်ပန်းနှင့် အခြားဒေသများ၏ ကယ်ဆယ်ရေးလုပ်ငန်းများအတွက် တန် ၁၀၀နှင့် ၃၅ တန် Mobile Crane၊ Excavator ၊ Wheel Loader ၊ Dump Truck ၊ Mini Excavator၊ Water Bowser စသော စက်ယန္တရား အစီး ၃၀ပို့ဆောင် ကူညီလျက်ရှိကြောင်း ဧရာဝတီဖောင်ဒေးရှင်းထံမှ သိရသည် ။

ထို့ပြင်ကယ်ဆယ်ရေး ဆောင်ရွက်နေကြသည့် စက်ယန္တရားများနှင့် လူနာတင်ယာဉ်များ၏ စက်သုံးဆီ လိုအပ်ချက်ကိုလည်း မန္တလေး၊ နေပြည်တော်၊ တောင်ကြီး၊ ဟဲဟိုးတို့ရှိ Max Energy ဆိုင်များမှတဆင့် အခမဲ့ ပံ့ပိုးပေးနေပြီး Max Myanmar Group၊ AYA Financial Group တို့နှင့် ပူးပေါင်း၍ ငလျင်ဘေးဒဏ်သင့်ပြည်သူများအတွက် ကူညီမှုများ ဆက်လက် လုပ်ဆောင်သွားမည်ဟု ဆိုထားသည်။

ဓာတ်ပုံ-ဧရာဝတီဖောင်ဒေးရှင်း

#WhatsHappeningInMyanmar
#MyanmarEarthquake
#Earthquake2025
#earthquake #Sagaing
#Mandalay
#Naypyitaw
#RejectMilitaryCoup
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy

အပစ်ရပ်၍ ငလျင်ကို အားစိုက်ကူရန် စင်ကာပူနိုင်ငံခြားရေးဝန်ကြီး တိုက်တွန်း

ဧရာဝတီ၊ မတ် ၃၀၊ ၂၀၂၅

မြန်မာနိုင်ငံအတွင်း ငလျင်ဘေးအန္တရာယ်ကြုံတွေ့နေရသူများအား ကူညီကယ်ဆယ်ရေးလုပ်ငန်းများ ဆောင်ရွက်နိုင်ရန်အတွက် အပစ်အခတ်များရပ်စဲကြရန် စင်ကာပူနိုင်ငံခြားရေးဝန်ကြီး Vivian Balakrishnan က မလေးရှားနိုင်ငံ၌ ယနေ့ ကျင်းပသည့် အာဆီယံနိုင်ငံခြားရေးဝန်ကြီးများ အရေးပေါ် အထူးအစည်းအဝေးတွင် ပြောဆိုသည်။

မြန်မာနိုင်ငံတွင် လူသားချင်း စာနာထောက်ထားမှုအကူအညီများပေးအပ်ရန်နှင့် ရေရှည်အမျိုးသားပြန်လည်သင့်မြတ်ရေး၊ ငြိမ်းချမ်းရေးနှင့် ပြန်လည်တည်ဆောက်ရေး ကြိုးပမ်းမှုများကို လွယ်ကူချောမွေ့စေမည့် ထိရောက်သော အပစ်အခတ်ရပ်စဲရေးကို တောင်းဆိုခဲ့သည်ဟု စင်ကာပူနိုင်ငံခြားရေးဝန်ကြီးဌာန (MFA) ကလည်း ထုတ်ပြန်ထားသည်။

လက်ရှိတွင် စင်ကာပူနိုင်ငံသည် ကယ်ဆယ်ရေးလုပ်သား ၈၀ ဦးကို စေလွှတ်ကာ ကူညီကယ်ဆယ်ရေးများ လုပ်ဆောင်လျက်ရှိသည်။

ထို့အတူ ငလျင်ဒဏ်သင့်ဒေသများတွင် ကူညီကယ်ဆယ်ရေးလုပ်ငန်းများလုပ်ဆောင်နိုင်ရန် အမျိုးသားညီညွတ်ရေးအစိုးရ (NUG) က မတ်လ ၃၀ ရက်မှစ၍ နိုင်ငံတဝန်း၌ ၂ ပတ်ကြာ အပစ်အခတ် ရပ်စဲမည်ဟု ကြေညာထားသလို လုံခြုံရေး အာမခံ မည်ဆိုပါက CDM များဖြင့် ငလျင်ဒဏ်သင့်သူများအား ကူညီကယ်ဆယ်ရေးလုပ်ငန်းများ လုပ်ဆောင်မည်ဟုလည်း ဆို ထားသည်။

စစ်ကောင်စီကမူ ငလျင်ကြောင့် အရေးပေါ်ကူညီကယ်ဆယ်ရေး မလုံ လောက်ဖြစ်နေ၍ ပြည်သူများ သေဆုံးနေချိန် ယနေ့ နံနက် ၁၀ နာရီခွဲအချိန်က ပေါက်မြို့နယ်သို့ လေကြာင်းဖြင့် ဗုံးကြဲသလို နေ့လယ် ၁၂ နာရီခွဲခန့်တွင်လည်း နောင်ချိုမြို့နယ်အတွင်း ဗုံးကြဲတိုက်ခိုက်သွားကြောင်း သိရသည်။

#WhatsHappeningInMyanmar
#MyanmarEarthquake
#Earthquake2025
#earthquake #Sagaing
#Mandalay
#Naypyitaw
#RejectMilitaryCoup
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy

စစ်ကောင်စီ၏ Mytel ကလွဲ၍ ကျန်ဆက်သွယ်ရေးဆင်းကတ်တို့က သုံးမရဟုဆိုသည်။ တဦးနှင့် တဦး ပါးစပ်သတင်းဖြင့် သာ ကျေနပ်ရပြီး စက်သုံးဆီအတွက် ဆီဆိုင်များတွင် တမျှော်တခေါ်တန်းစီမှ ဆိုင်ကယ်တစီး ကျပ်ငွေ ၅ ထောင်ဖိုးသာ ရရှိသလို ရေသန့်လည်း ပြတ်လပ်နေပြီဟု သိရသည်။

Website တွင် ဖတ်ရန် https://bit.ly/4lbmOKO
#WhatsHappeningInMyanmar
---------------------
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy

အဆိုတော် ဂျေညီညီ ကွယ်လွန်

ဧရာဝတီ၊ မတ် ၃၁၊ ၂၀၂၅

အဆိုတော် ဂျေညီညီသည် ယနေ့နံနက် ၄ နာရီကျော်ခန့်က ကွယ်လွန်ကြောင်း မိသားစုဝင်များမှ လူမှုကွန်ရက်စာမျက်နှာတွင် အသိပေးထား သည်။

၎င်းကွယ်လွန်ခြင်းအပေါ် အနုပညာလောကအတွက် ဆုံးရှုံးမှုတခုဖြစ်သလို အနုပညာရှင်များနှင့် ပြည်သူများက ဝမ်းနည်းကြောင်း လူမှုကွန် ရက်၌ ရေးသားထားကြသည်။

အဆိုတော် ဂျေညီညီက သွေးပေါင်ကျသဖြင့် မူးနေကြောင်း ယမန်နေ့နံနက်၌ ၎င်း၏ Facebook အကောင့်၌ ရေးသားထားသည်။

၁၉၈၄-၈၅ ခုနှစ်များက အဆိုတော် ဂျေညီညီသည် ဂီတလောကသို့ရောက်ရှိခဲ့ခြင်းဖြစ်ကာ ၎င်း၏ ပလက်ဖောင်းရှိုး၊ စွဲနေပြီ၊ ဒီမိုး၊ အချစ်မိုး၊ အရိပ်ကလေး၊ ပလက်ဖောင်းရှိုး၊ မြိုင်နန်းစံ ပန်းတပွင့် စသည့် တေးသီချင်းများမှာ ထင်ပေါ်ကျော်ကြားသည်။

ဂျေညီညီသည် ကွယ်လွန်ချိန်တွင် အသက် ၇၂နှစ်ရှိပြီဖြစ်ပြီး ဇနီးနှင့်သားတဦး ကျန်ရစ်ခဲ့ကြောင်း သိရသည်။

#WhatsHappeningInMyanmar
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy

နိုင်ငံတကာသတင်းထောက်များ ငလျင်သတင်းယူရန် စစ်ကောင်စီ ခွင့်မပြု

ဧရာဝတီ၊ မတ်လ ၃၁၊ ၂၀၂၅

အင်အားပြင်းငလျင်ကြောင့် မြန်မာနိုင်ငံ စစ်ကိုင်း၊ မန္တလေး၊ နေပြည်တော်၊ တောင်ကြီး၊ အင်းလေး၊ အောင်ပန်း အစရှိသည့်မြို့များ၌ ထိခိုက်သေဆုံးသူများစွာရှိသလို လက်ရှိအချိန်ထိ လူပေါင်းများစွာ ပိတ်မိ၍ ကူညီကယ်ဆယ်မှုများ အရေးတကြီး လိုအပ်နေသည့်အချိန်တွင် ငလျင်နှင့်ပတ်သက်၍ နိုင်ငံတကာ သတင်းထောက်များမှ သတင်းယူခွင့်တောင်းသော်လည်း စစ်ကောင်စီက ခွင့်မပြုကြောင်း ယမန်နေ့ညတွင် ငြင်းဆိုလိုက်သည်။

စစ်ကောင်စီ၏ ပြန်ကြားရေးတာဝန်ရှိသူ ဗိုလ်ချုပ် ဇော်မင်းထွန်းက “နိုင်ငံခြားသတင်းထောက်များ လာဖို့ ခွင့်တောင်းတာ ရှိပါတယ်။ နိုင်ငံခြား သတင်းထောက်များအနေနဲ့ ဒီကို ရောက်လာရင်လည်း ကျနော်တို့ တည်းစရာ နေစရာ အဆင်မပြေပါဘူး။ ဟိုတယ်တော်တော်များများကလည်း ထိခိုက်ထားတာရှိတယ်။ ဒါ့ပြင် လျှပ်စစ်မီးလည်း တော်တော်များ များနေရာမှာ မရရှိသေးဘူး။ ရေနဲ့ပတ်သက်ပြီးလည်း အခက်အခဲရှိပါတယ်။ ဒါကြောင့်မို့ အားလုံးကလည်း ကူညီကယ်ဆယ်ရေးလုပ်ငန်းတွေနဲ့ အလုပ်ရှုပ်နေတဲ့အချိန် ဖြစ်ပါတယ်” ဟု ၎င်းက ပြောသည်။

တိုင်းနှင့်ပြည်နယ်၊ မြို့နယ်၊ ကျေးရွာ၊ ရပ်ကွက် အစရှိသည့် တာဝန်ရှိသူများကအစ ကူညီကယ်ဆယ်ရေး လုပ်ကိုင်နေရသည့် အတွက် နိုင်ငံခြားသတင်းထောက်များအနေဖြင့် တည်းခိုရေးအပြင် သွားလာခြင်းတို့ အဆင်မပြေနိုင်ကြောင်း ၎င်းက ငြင်းဆိုခဲ့ခြင်း ဖြစ်သည်။

မြန်မာနိုင်ငံတွင် မတ်လ ၂၈ ရက် နေ့လယ်ပိုင်းက အင်အား ၇ ဒသမ ၇ ပြင်းအားရှိသော ငလျင် လှုပ်ခတ်ခဲ့သောကြောင့် ပျက်စီးဆုံးရှုံးမှု ကြီးမားသလို လူသေဆုံးမှုများလည်း ယနေ့ထိ မြင့်တက်နေဆဲဖြစ်ကာ ပိတ်မိနေသူများလည်းရှိနေဆဲ ဖြစ်သောကြောင့် နိုင်ငံတကာမှ အရေးပေါ်အကူအညီများလိုအပ်နေသလို နောက်ဆက်တွဲ ငလျင်ငယ်များ ယနေ့နံနက်ပိုင်းအထိ လှုပ်ခတ် နေဆဲ ဖြစ်သည်။

#WhatsHappeningInMyanmar
#MyanmarEarthquake
#Earthquake2025
#earthquake #Sagaing
#Mandalay
#Naypyitaw
#RejectMilitaryCoup
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy

“ရာစုနှစ်ရဲ့ လေးပုံပုံ သုံးပုံ အတွင်း မြန်မာမှာ လှုပ်ခတ်ခဲ့တဲ့ အကြီးဆုံး ငလျင် ဖြစ်နိုင်တယ်” လို့ University College London ရဲ့ ဘူမိရူပ နဲ့ ရာသီဥတု အန္တရာယ်ဆိုင်ရာ ပါမောက္ခ Bill McGuire ကလည်း ပြောပါတယ်။

Website တွင် ဖတ်ရန် https://bit.ly/4chWnPW
#WhatsHappeningInMyanmar
---------------------
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy