ထိုင်းမှမြန်မာသို့ မတ် ၃၁ ရက်အထိ အခမဲ့ဖုန်းခေါ်ဆိုနိုင်မည်

ဧရာဝတီ၊ မတ် ၃၀၊ ၂၀၂၅

ထိုင်းဆက်သွယ်ရေးအော်ပရေတာအားလုံးမှ ငလျင်ဘေးဒဏ်သင့် မြန်မာနိုင်ငံသို့ မတ်လ၂၉ ရက်မှ မတ်လ ၃၁ ရက်အထိ အခမဲ့ခေါ်ဆိုနိုင်မည်ဖြစ်ကြောင်း ထိုင်းနိုင်ငံပိုင် တယ်လီကွန်းကုမ္ပဏီများက ကြေညာထားသည်။


မြန်မာနိုင်ငံသို့ အခမဲ့ဖုန်းခေါ်ဆိုလိုပါက 001 800 001 ကို ခေါ်ဆိုရမည်ဖြစ်ကာ ထိုင်းဘာသာစကားဖြင့် အလိုအလျောက်ဖြေကြားသံ (IVR) ကို ဦးစွာ ကြားရမည်ဖြစ်ပြီး ထို့နောက် 009 959 သို့မဟုတ် + 959 နံပါတ်နောက်မှ ခေါ်ဆိုလိုသည့် မြန်မာနိုင်ငံရှိ မည်သည့်ဖုန်းအမျိုးအစားမဆို ထည့်၍ခေါ်ဆိုနိုင်မည်ဖြစ်ကြောင်း ဆိုသည်။

ထို့အတူ မြန်မာနိုင်ငံအတွင်းရှိ အော်ပရေတာများကလည်း ဖုန်းခေါ်မှု ရက်ပိုင်းအခမဲ့ပေးခြင်း၊ ဒေတာဖရီးပေးခြင်းတို့ပြုလုပ်ပေးလျက်ရှိကြောင်း ကြေညာထားကြသည်။

လက်ရှိတွင် မြန်မာနိုင်ငံအတွင်း၌ ဆက်သွယ်ရေးလိုင်းများ ပြတ်တောက်နေ၍ ဖုန်းခေါ်ဆိုရာတွင် အခက်အခဲများဖြစ်ပေါ်နေပြီး၊ အင်တာနက်လိုင်းများမှာလည်း ပြတ်တောက်နေခြင်းနှင့် လိုင်းမကောင်းခြင်းတို့ ဖြစ်ပေါ်နေကြောင်း သိရသည်။

#WhatsHappeningInMyanmar
#MyanmarEarthquake
#Earthquake2025
#earthquake #Sagaing
#Mandalay
#Naypyitaw
#RejectMilitaryCoup
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy

စစ်ကိုင်းတွင် ၃၆ ဦး အသက်ရှင်လျက် ကယ်ထုတ်နိုင်

ဧရာဝတီ၊ မတ် ၃၀၊ ၂၀၂၅

ငလျင်ဗဟိုချက်ဖြစ်ပြီး ထိခိုက်ပျက်စီးမှုများခဲ့သော စစ်ကိုင်းမြို့၌ အရေးပေါ်ကူညီကယ်ဆယ်ရေးများ ဆောင်ရွက်နေစဥ် အတွင်း အပျက်အစီးများကြား ပိတ်မိနေသူ ၃၆ ဦးကို အသက်ရှင်လျက်ကယ်ထုတ်ထားနိုင်ကြောင်း မြန်မာနိုင်ငံ မီးသတ်တပ်ဖွဲ့က ယနေ့ နေ့လယ်ပိုင်းတွင် ထုတ်ပြန်သည်။

ငလျင်လှုပ်ခတ်မှုကြောင့် ပျက်းစီးသွားသည့် စစ်ကိုင်းမြို့ ဆွမ်းဦးပုညရှင် ၊ ပါရမီရပ်ကွက်ရှိ မျက်မမြင်ကျောင်း၊ သီလရှင်ကျောင်း၊ လူနေအိမ်များ၊ ရင်ခွင်သစ် KTV၊ ပိုးတန်းရပ်ကွက်ရှိ ပညာရေးကောလိပ်၊ (အ.ထ.က)(၁)စာသင်ကျောင်း၊ စွယ်တော်နန်းတည်းခိုခန်း၊ တိုးတက်ဝေကွန်ပျူတာဆိုင်၊ ချင်းစုရပ်ကွက်ရှိ မြတ်ကိုယ်ပိုင်ကျောင်း၊ မင်းလမ်းရပ်ကွက်ရှိ မြို့မဗလီ၊ မိုးကျဗလီ၊ မွှေးကြူအအေးဆိုင်၊ စက်ချုပ်ဆိုင်၊ စိန်ကုန်းရပ်ကွက်ရှိ လေးကျွန်းမြေအုတ်ကျောင်း၊ ကုန်မာဆိုင်၊ မိုးဇာရပ်ကွက်မှ ခရိုင်ပြန်ဆက်ရုံး၊ ဇေယျာကွက်သစ်ရပ်ကွက်ရှိ အင်ကြင်းပင်ကျောင်း၊ တကောင်းရပ်ကွက်မှ နေလဂျုံစက်၊ ဆေးရွက်ကြီးပွဲရုံ၊ မြို့သစ်ရပ်ကွက်ရှိ သီလရှင်ကျောင်း၊ သကျမိတာစာသင်တိုက်နှင့် သောတာပန်ရပ်ကွက်ရှိ ထွဋ်ခေါင်ကျောင်း၊ ရတနာသိင်္ခစာသင်တိုက်၊ ဇမ္ဗူဒီပကျောင်းတိုက်၊ တိုက်ဝါကြီးဘုန်းတော်ကြီးကျောင်းတိုက်တို့အတွင်း ပိတ်မိနေသူများအား ကူညီကယ်ရေးများပြုလုပ်ခဲ့သည်။

စစ်ကိုင်းတိုင်း မီးသတ်ဦးစီးမှူးရုံးတပ်ဖွဲ့ဝင်များသည် သက်ဆိုင်ရာအဖွဲ့အစည်းများနှင့် ပူးပေါင်း၍ ရှာဖွေကယ်ဆယ်ရေး လုပ်ငန်းများ ဆောင်ရွက်ခဲ့ရာ စတင်ဖြစ်ပွားချိန်မှ ယခုအချိန်ထိ ၃၆ ဦးအား အသက်ရှင်လျက် ကယ်ထုတ်နိုင်ခဲ့ပြီး သေဆုံးသူ ၉၀ ဦးတို့ ရုပ်အလောင်းများအား ရှာဖွေတွေ့ရှိခဲ့ကာ ရှာဖွေကယ်ဆယ်ရေးလုပ်ငန်းများ ဆက်လက် ဆောင်ရွက်လျက်ရှိသည်ဟု ထုတ်ပြန်ထားသည်။

ပုံစာ -စစ်ကိုင်းမြို့တွင် ကယ်ဆယ်ရေး လုပ်ဆောင်နေပုံ/ MFD

#WhatsHappeningInMyanmar
#MyanmarEarthquake
#Earthquake2025
#earthquake #Sagaing
#Mandalay
#Naypyitaw
#RejectMilitaryCoup
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy

မန္တလေးအနီး ၅ ဒသမ ၁ အဆင့်ရှိ ငလျင် ထပ်လှုပ်

ဧရာဝတီ၊ မတ် ၃၀၊ ၂၀၂၅

အမေရိကန် ဘူမိတိုင်းတာရေးအဖွဲ့ (USGS)၏ ယနေ့ မွန်းလွဲပိုင်း ဒေသစံတော်ချိန် ၂ နာရီ ၈မိနစ် ထုတ်ပြန်ချက်အရ မန္တလေးမြို့ အနောက်မြောက်ဘက် ၂၈ ကီလိုမီတာအကွာ တလိုင်းရွာအနီး ရစ်ချ်စတာစကေး ၅ ဒသမ ၁ အဆင့်ရှိ ငလျင် ထပ်လှုပ်သွားကြောင်း သိရသည်။

ယင်းငလျင်လှုပ်ခတ်မှုကို မြို့ခံများ သိရှိခံစားခဲ့ရပြီး နေအိမ်အတွင်းရှိသူအချို့ လမ်းပေါ်သို့ ထပ်မံ ထွက်ပြေးရကြောင်း မြို့ခံများက လူမှုကွန်ရက်ပေါ် ရေးသားထားကြသည်။
#WhatsHappeningInMyanmar
#MyanmarEarthquake
#Earthquake2025
#earthquake #Sagaing
#Mandalay
#Naypyitaw
#RejectMilitaryCoup
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy

ငလျင်လှုပ်ပြီးမီးလောင်ခဲ့တဲ့ မန္တလေး စိန်ပန်းရပ်ကွက် (ရုပ်/သံ)

ဧရာဝတီ၊ မတ် ၃၀၊ ၂၀၂၅

မြန်မာနိုင်ငံမှာ မတ်လ ၂၈ ရက်နေ့က လှုပ်ခတ်ခဲ့တဲ့ အင်အားပြင်း ငလျင်ရဲ့နောက်ဆက်တွဲအနေနဲ့ မန္တလေးမြို့ စိန်ပန်းရပ်ကွက်မှာ မီးအပြင်းအထန် လောင်ကျွမ်းခဲ့ပါတယ်။

ငလျင်ဘေးကျရောက်နေချိန်မှာပဲ တပြိုက်နက် မီးလောင်ခဲ့တာကြောင့် မီးကို အချိန်မှီ မငြိမ်းသက်နိုင်ခဲ့ဘဲ တရပ်ကွက်လုံး မီးလောင်ပြာကျခဲ့ရတဲ့အခြေအနေပါ။

ငလျင်လှုပ်ခတ်အပြီး မန္တလေးမှာ စိန်ပန်းရပ်ကွက်အပြင် မန္တလေးတက္ကသိုလ်ပင်မဆောင်နဲ့ ရပ်ကွက်တချို့မှာ မီးလောင်မှုတွေ ဖြစ်ပွားခဲ့ပါတယ်။

https://youtu.be/2hOzh4O60y8
#မြန်မာ #ဧရာဝတီ #ငလျင် #မန္တလေး #စိန်ပန်းရပ်ကွက် #မီးလောင် #Myanmarearthquake
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy

ဘီကျင်းဟိုတယ်က မိခင်နဲ့ကလေးကို ကယ်ထုတ်နိုင်ခဲ့ (ရုပ်/သံ)

ဧရာဝတီ၊ မတ်လ ၃၀၊ ၂၀၂၅

မန္တလေးမြို့၊ ချမ်းအေးသာစံမြို့နယ်မှာ မိခင်နဲ့ ကလေးတဦးကို ဒီကနေ့ မတ်လ ၃၀ ရက်နေ့မှာ အသက်ရှင်လျက် ကယ်တင်နိုင်ခဲ့တယ်လို့ မြန်မာနိုင်ငံမီးသတ်ဦးစီးဌာနက ထုတ်ပြန်ပါတယ်။

ချမ်းအေးသာစံမြို့နယ်၊ ၈၄လမ်းနဲ့ ၂၉လမ်းထိပ်က ဘီကျင်းဟိုတယ်အဆောက်အအုံပြိုကျပျက်စီးမှုအတွင်းကနေ မီးသတ်တပ်ဖွဲ့ဝင်တွေက ထပ်မံကယ်ဆယ်နိုင်ခဲ့တာပါ။

လက်ရှိမှာတော့ မန္တလေးအပါအဝင် ငလျင်ဒဏ်ကြောင့် ပျက်စီးခဲ့တဲ့ အဆောက်အုံတွေမှာ ရှာဖွေကယ်ဆယ်ရေးလုပ်ငန်းတွေ ဆက်လုပ်နေဆဲဖြစ်ပါတယ်.

https://youtu.be/eKpsqbGkzcg
#မြန်မာ #ဧရာဝတီ #ငလျင် #မန္တလေး #ချမ်းအေးသာစံ #ဘီကျင်းဟိုတယ် #အသက်ရှင် #မီးသတ်ဦးစီးဌာန #Myanmarearthquake
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy

နောက်ဆက်တွဲငလျင်တွေကြောင့် လမ်းမပေါ်မှာ တဲထိုးနေကြသူတွေ (ရုပ်/သံ)

ဧရာဝတီ၊ မတ် ၃၀၊ ၂၀၂၅

မြန်မာနိုင်ငံအလယ်ပိုင်းကို ဗဟိုပြု လှုပ်ခတ်ခဲ့တဲ့ ၇ ဒဿမ ၇ အင်အားပြင်း ငလျင်ရဲ့ နောက်ဆက်တွဲ ဆက်လက် လှုပ်ခတ်နေဆဲ ငလျင်တွေကြောင့် မန္တလေးမြို့ဒေသခံတွေဟာ နေအိမ်အဆောက်အဦ တွေမှာ မနေရဲတော့ပဲ လမ်းမဘေး ပလက်ဖောင်းမှာ တဲထိုးနေကြတဲ့ မြင်ကွင်းတွေပါ။

လက်တလောမှာ နေထိုင်စားသောက်ရေးအခက်အခဲတွေကို ကြုံတွေ့နေရပြီး ပြင်းထန်တဲ့နေပူဒဏ်ကို ဒေသခံတွေ ခံစားနေရတဲ့ သူတို့အတွက် ယာယီပြောင်းရွှေ့နေထိုင်နိုင်ဖို့ စစ်ကောင်စီက ဘာမှ စီစဥ်ပေးတာမျိုး မတွေ့ရပါဘူး။

https://youtu.be/V1qhu-3whPs
#မြန်မာ #ဧရာဝတီ #ငလျင် #မန္တလေး #နောက်ဆက်တွဲငလျင် #တဲထိုး #အဆောက်အဦ #Myanmarearthquake
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy

ငလျင်လှုပ်ပြီးနောက် တွေ့ရသည့် ဦးပိန်တံတားမြင်ကွင်း

ဧရာဝတီ၊ မတ် ၃၀၊ ၂၀၂၅

မြန်မာနိုင်ငံတွင် မတ်လ ၂၈ ရက်က စစ်ကိုင်းအနီး ဗဟိုပြု၍ အင်အား ရစ်ချ်စတာစကေး ၇ ဒသမ ၇ ရှိ အင်အားပြင်း ငလျင်လှုပ်ခတ်မှုပြီးနောက် မန္တလေးမြို့၏တောင်ဘက်၊ အမရပူရမြို့နယ်ရှိ နာမည်ကျော် ဦးပိန်တံတား ပြိုလဲပျက်စီးနေပုံကို တွေ့မြင်ရသည်။

ငလျင်ဒဏ်ကြောင့် မန္တလေး၊ စစ်ကိုင်း၊ အင်းဝ၊ မင်းကွန်းစသော ဒေသများမှ သမိုင်းဝင်ရှေးဟောင်းဘုရား စေတီ ပုထိုးများ၊ ဗလီများနှင့် အဆောက်အဦများစွာ ပြိုကျပျက်စီးခဲ့ရသည်။

ဓာတ်ပုံ- Su Mon Lwin's FB

#WhatsHappeningInMyanmar
#MyanmarEarthquake
#Earthquake2025
#earthquake #Sagaing
#Mandalay
#Naypyitaw
#RejectMilitaryCoup
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy

၃ ရက်နီးပါးပိတ်မိနေတဲ့ အမျိုးသမီးတဦးကို ကယ်ထုတ်နိုင်ခဲ့ (ရုပ်/သံ)

ဧရာဝတီ၊ မတ် ၃၀၊ ၂၀၂၅

မန္တလေးမြို့၊ ပါရာဂွန် ဟိုတယ်အနီးက တိုက်ပြိုပြီး ပိတ်မိနေတဲ့ အမျိုးသမီးတဦးကို မတ်လ ၃၀ ရက်နေ့ နေလယ်ပိုင်းမှာ ကယ်ဆယ် ရေး အဖွဲ့တွေက အသက်ရှင်လျက် ကယ်ထုတ်လာနိုင်ခဲ့ပါတယ်။

ငလျင်ဒဏ်ခံစားရပြီး ၃ ရက်နီးပါးအကြာမှာ အသက် ‌‌‌‌‌‌‌‌‌‌‌မသေပဲပြန်လည်လွတ်မြောက်လာတာလဲ ဖြစ်ပါတယ်။

မန္တလေးဟာ ငလျင်ဒဏ်ကို ပြင်းထန်စွာ ခံရတဲ့ မြို့ထဲမှာ ပါဝင်ပြီး၊ ပြိုပျက်နေထဲ အဆောက်အဦ တွေထဲမှာပိတ်မိနေသူတွေကို ဆက်လက် ကယ်ထုတ်နေရဆဲဖြစ်ပါတယ်။

https://youtu.be/PrZCSd5oLTw
#မြန်မာ #ဧရာဝတီ #ငလျင် #မန္တလေး #အသက်ရှင် #အဆောက်အဦ #Myanmarearthquake
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy

နေပြည်တော်မှာ ကူညီဆောင်ရွက်နေတဲ့ စင်္ကာပူကယ်ဆယ်ရေးအဖွဲ့ (ရုပ်/သံ)

ဧရာဝတီ၊ မတ် ၃၀၊ ၂၀၂၅

နေပြည်တော်၊ ဇမ္ဗူသီရိမြို့နယ်မှာ ပြိုကျသော အဆောက်အအုံတခုမှာ ပိတ်မိနေသူတဦးကို ဒီနေ့ မနက်မှာ ကယ်ဆယ်နိုင်ခဲ့ကြောင်း စင်္ကာပူကယ်ဆယ်ရေးအဖွဲ့ (Singapore Civil Defence Force) က သတင်းထုတ်ပြန်ထားပါတယ်။

မြန်မာနိုင်ငံမှာဖြစ်ပွားခဲ့တဲ့ ငလျင်ဘေးကို ကူညီကယ်ဆယ်ရေးအတွက် စင်္ကာပူနိုင်ငံက ကူညီကယ်ဆယ်ရေးအဖွဲ့ဟာ မနေ့က မြန်မာနိုင်ငံကို ရောက်ရှိလာခဲ့တာဖြစ်ပြီး နေပြည်တော်မှာ ကူညီကယ်ဆယ်ရေးတွေကို ဆောင်ရွက်ပေးနေတာဖြစ်ပါတယ်။

https://youtu.be/l5b5O4ahtE0
#မြန်မာ #ဧရာဝတီ #ငလျင် #နေပြည်တော် #အသက်ရှင် #အဆောက်အဦ #Singapore Civil Defence Force #Myanmarearthquake

ငလျင်ကယ်ဆယ်ရေး ထိုးစစ်တွေရပ်ထားမယ်လို့ NUG ကြေညာ (ရုပ်/သံ)

ဧရာဝတီ၊ မတ် ၃၀၊ ၂၀၂၅

အမျိူးသားညီညွတ်ရေးအစိုးရ (NUG) အနေနဲ့ ငလျင်ဘေးဒဏ်သင့်နေတဲ့ ဒေသတွေမှာ ခုခံကာကွယ်စစ်ကလွဲလို့ ကျန်တဲ့ ထိုးစစ်တွေကို မတ်လ ၃၀ က စတင်ပြီး ၂ ပတ်တာ ရပ်နားသွားမယ်လို့ အမျိုးသားညီညွတ်ရေးအစိုးရရဲ့ ကာကွယ်ရေးဝန်ကြီးဌာနက မတ်လ ၂၉ ရက်မှာ ထုတ်ပြန်ပါတယ်။

မြန်မာနိုင်ငံအလယ်ပိုင်းကို ဗဟိုပြုပြီး လှုပ်ခတ်ခဲ့တဲ့ အင်အားပြင်း ငလျင်ကြောင့် နိုင်ငံတဝန်း ထိခိုက်ပျက်စီးမှုတွေနဲ့ ထောင်နဲ့ ချီတဲ့ လူသေဆုံးမှုတွေ ဖြစ်နေချိန်မှာ NUG ဘက်က အခုလို တဖက်သတ် အပစ်ရပ် ကြေငြာခဲ့တာလည်း ဖြစ်ပါတယ်။

စစ်ကောင်စီအနေနဲ့ လုံခြုံရေး အာမခံချက်ပေးမယ်ဆိုရင် စစ်ကောင်စီ ထိန်းချုပ်နယ်မြေတွေမှာ ကျွမ်းကျင်တဲ့ CDM ဝန်ထမ်းတွေနဲ့ အရေးပေါ်ကူညီကယ်ဆယ်ရေး လုပ်ငန်းစဉ်တွေ လုပ်ဆောင်ဖို့ အသင့်ရှိနေတယ်လို့လည်းဆိုပါတယ်။

လက်ရှိအချိန်အထိ မြေပြင်မှာ စစ်ကောင်စီအနေနဲ့ ကူညီကယ်ဆယ်ရေးလုပ်ငန်းတွေကို ထိထိရောက်ရောက် မလုပ်နိုင်သေးတာကြောင့် အဆောက်အဦး အပျက်အစီးတွေကြားမှာ လူသောင်းနဲ့ချီပြီး ပိတ်မိနေသလို နောက်ဆက်တွဲ သေဆုံးမှုတွေကိုလည်း လတ်တလောမှာ အတည်မပြုနိုင်ခြင်း မရှိပါဘူး။

https://youtu.be/JSPxjsQYcc0
#မြန်မာ #ဧရာဝတီ #ငလျင် #ထိုးစစ် #အပစ်ရပ် #NUG #MyanmarEarthquake
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy