الطابع المغلق ⬇️

اول شي ازالة دعامة الشفاء والتأكد من الختم المخاطي

وضع الناقل الترانسفير هو متل قطعة الها جهة بتفوت ضمن الزرعة وجهة بتضل فوق
شوفو كيف كل ترانسفير بتوضع معين وهاد بيعكس كل زرعة ومحورها ضمن العظم لهيك اسمو الناقل ببنقل توضع الزرعة للمخبري

بالطابع المغلق ما بقدر فك الترانسفير عن الزرعة والطابع محطوط لهيك باخد طبعة عادي كأنو عم اخد طبعة للفك وبعد ما بشيلها بضل الترانسفير مربوط عالزرعة يعني بضل بتم المريض ما بيطلع مع الطابع.

بس شيل الطبعة بتطون عندي بهل الشكل
واضحة انطباعات الاسنان والفك ومحلات الترانسفير

الترانسفير هون لسا بكون بتم المريض عالزرعات.

بعدا بفك الترانسفيرات من محلاتن عالزرعات وبربطن مع نظير الزرعة (يلي هون بمثل الزرعة ضمن المثال الجبسي) وبرجعو للناقل والنظير عالطبعة ع محلن الصحيح.

قلنا ضمن الطبعة في انطباع كل ترانسفير يعني بقدر رجعو لمكانو الصحيح ضمن الطبعة

هاد الجزء من الترانسفير هو يلي بيدخل ضمن الطبعة من جديد

هدون نظير الزرعة (يلي بمثلو الزرعة المخبرية)

تخيلوها هيك
الناقل بمحلو ضمن الطبعة
النظير لفوق رح ينغمر بالجبس لحتى يصير متل الزرعة ضمن الجبس.

عالمثال بصيرو بهل الشكل
نظير الزرعة صار ضمن الجبس تحت
الناقل رجع لفوق هو يلي كان ضمن المطاط.

يعني هاد الجزء يلي هنن نظير الزرعة ⬇️

صارو هون ضمن الجبس بنفس توضع الزرعات يلي بالفك عند المريض.

منجي عالطابع المفتوح عالسريع ⬇️

نفس الشي الناقل الترانسفير عالزرعات
لاحظو الترانسفير اطول ليطلع من ثقوب الطابع

تجربة الطابع الافرادي
الترانسفيرات بيطلعو من الطابع لبرا

الطبعة
الترانسفيرات برا الطابع

كل الفكرة بالمفتوح انو انا فيني وصل للناقل من برا وهيك بقدر فك البرغي تبعو ف بمجرد ما شلت الطبعة خلص طلع الترانسفير جوا الطبعة

على عكس المغلق هنيك بشيل الطبعة بضل الناقل عالزرعة بتم المريض ف بشيلو وبرجع بحطو بالطبعة اما بالمفتوح بضل ضمن الطبعة وقتا بس بحط نظير الزرعة عالناقل يلي هو اصلا بالطبعة وبعدا بصب بنفس طريقة المغلق.

وهي صورة أوضح للنواقل
شوفو كيف متل البرغي هاد الجزء الطالع لبرا فهون بفكو انا.

بهل الشكل بينفك فخلص بينفك عن الزرعة بمجرد ما شيل الطبعة بيطلع معها.