لو عايز تكون مميز وسط الناس على السوشيال ميديا يبقى لازم محتواك يكون مميز

لازم يبقى عندك براند قوي !!

يعني لو هتقولي نفس المعلومات اللي كل الناس بتقولها فأنا ليه ممكن أسمعلك أصلاً ؟ مانا لسه سامعها من غيرك

خاصة وان الوصول للعلم مابقاش صعب! العلم بقي معروف والناس شبعت من كتر المعلومات في كل الكتب
الناس بقت واعية جداً دلوقتي ..

فلو أنا وأنت أخدنا كورس في مجال ما وأنت عايز تقدملي المعلومات دي كمحتوى
ليه ممكن الناس تفضل أنها تسمعلك وماتسمعليش؟

هنا بيجي دور تعدد الشغف !!

فكرة أن الشخص متعدد الإهتمامات يظهر أهتماماته عن طريق المحتوى هو ده اللي بيخلي محتواك مختلف
هو ده اللي بيخلي شخصيتك مختلفه عن شخصيتي !!
هو ده اللي بيعمل منك براند

THE ROCK مثلاً
بيحب الكورة والفيتنس والتمثيل والمصارعه
ولذلك هو براند قوي جداً

واحد دارس تغذيه ومهتم بالعطور والعربيات شكل حسابه ومتابعينه أكيد هيكونوا مختلفين عن اللي دارس تغذيه وبيحب تاريخ وبرمجة

فلو قدرت تدمج إهتماماتك بالمحتوى اللي أنت بتقدمه

هتطلع بنتيجة مختلفه تماماً عن اي حد في مجالك !! بالتالي شخصية البراند بتاعك هتكون مختلفة تماماً عني ..
بالتالي هتجذب ليك الناس اللي شبهك

وهو ده اللي هيخليك مميز !!

وده جزء بسيط من مفهوم الPERSONAL BRANDING

كصانع محتوى انا عارف يعني ايه انك تكون بتستخدم الموسيقى على فيديوهاتك علشان تجذب أنتباه المشاهد وتدخله في المود وتطلع عمل سينمائي!!

هكون صريح معاك دي كانت أكبر مشكلة بالنسبه لي وهو ازاي هعمل محتوى سينمائي من غير موسيقى !! لأن الموسيقى بتغير لون المحتوى

‎بس أنا قررت اثبت أني أقدر اطلع عمل سينمائي من غير موسيقى وأن أنا أقدر أنجح في ده بأذن الله🤍

والحمدلله قدرت اعمل دة في فيديو النهاردة

---

‎ على قناة الواتساب
https://whatsapp.com/channel/0029VaDlai1B4hdZE9nToS0G/124

هتلاقوا لينك مكتبة كامله فيها أصوات بشرية وهمهمة ومؤثرات صوتية تقدر تستغنى بيها عن الموسيقى وتستخدمها في فيديوهاتك من غير كوبي رايت وهشتغل على اني اكبر محتواها الفترة اللي جايه بأذن الله ♥️

لو عايز تعرف ازاي بستخدمها استنى فيديو النهاردة الساعة ٥ 🤩♥️

ازاي استغنيت عن الموسيقى في شغلي وحياتي؟ وأيه البدائل؟
https://youtu.be/JX4W3B-v5Xc

الحلقة نزلت 🤩♥️

اكتر سؤال بيوصلني لحد الآن:
بتستخدم برامج ايه في شغلك وهل انت اللي بتعمل كل الشغل بنفسك ولا في حد شغال معاك؟

أنا بحب شغلي جداً وبكون مبسوط بكل جزء منه، وعلشان اتعلمت انظم وقتي بأحتراف فمش بعاني ابداً في اني اشتغل على اكتر من مشروع

في الوقت الحالي انا اللي بكتب وبصور وبمنتج وبعمل الصور المصغرة بنفسي وبدير brainhance وبتابع مع صناع المحتوى استشارات الpersonal branding

بس في بعض الحاجات اللي مش بحب اعملها او شايف ان وقتي اولى احطة في اللي يخليني مبسوط ودي غالباً الحاجات اللي بتتم بشكل متكرر لأني شخص ملول جداً

زي برمجة المواقع او الرد على اي استفسارات والأيميلات، وترتيب المواعيد في الميتنج الخ. فبفوض الحاجات دي لحد يعملها عني او بخلي الذكاء الأصطناعي يخليها اوتوماتيك علشان اوفر وقت

طيب ايه اهم المصادر والبرامج اللي انا بستخدمها في شغلي؟

Calendar: ticktick
Montage: final cut pro x (mac os only)
Graphic design: photoshop 2024
Templates: envato elements | Freepik premium
Scripting: notion system
SFX: artlist.io
B-rolls: pexels | artlist footages
Ai chat: gemini.google.com
Ai image generator: copilot | leonardo ai
3d icons: iconscout
Messages automation: manychat


فرق مابين اللي بتحب تعمله وانت شاطر فيه ومبسوط بوقت شغلك عليه

واللي انت عايز تعمله علشان توفر فلوس او ظناً منك انك هتعملها احسن من غيرك ..

لو حاجة بتتكرر او في حد يقدر يعملها بنسبة ٨٠٪؜ زي اللي انت بتعملها فوضها او اعملها اوتوميشن وفضي وقت للحاجة اللي محتاجة creativity
ومفيش غيرك يقدر يعملها 🫡

وبمناسبة الcreativity
هنبدأ من ١/٥ نستقبل الورشة الخامسة لمتعددي الشغف وازاي يحولوا شغفهم لبيزنس ويتعلموا ينظموا وقت لكل شغف منهم

الورشة هتبدأ يوم الخميس ٢٣/٥
وفي ناس الريدي على الwait list

فلو انت مهتم او عايز تستفسر عن التفاصيل وعايز الفريق يبعتلك اول ما نفتح باب الاشتراك تواصل معاهم على:
https://wa.link/dpb35a

متحمس اقابلك الورشة الجاية🤩✨

تفتكر أيه اللي تقدر تتحكم فيه حالا في اللحظه اللي بتقرأ فيها الرسالة دي؟؟

أنك تشتغل ب نقاط قوتك ولا تقوي نقاط ضعفك؟

الحقيقة انك تقدر تعمل الأتنين في حياتك وشغلك بكل سهولة وخليني اقولك ازاي:

لأن ببساطة نقاط قوتك دي هي اللي بتوري للناس انت شاطر في ايه وبتقدر بيها تفرد عضلاتك قدام الناس وفي البيزنس

ولأن مفيش انسان معندوش نقط ضعف
فنقاط ضعفك هي اللي بتخليك تشتغل على مشاكلك وعيوبك علشان لو حليتها هتقدر تقدمها كنقطة قوة وكقيمة للناس اللي شبهك!!

ودة لأن ببساطة في عالم البزنس محدش هيدفعلك فلوس علي حاجة هو مش مستفيد منها او مفيش فيها قيمة! و
البزنس شغال بحاجة أسمها win win mindset

ودة الي أنا عملتة كشخص متعدد الشغف لأن محدش كان بيتكلم عن الموضوع دة فضلت أدور علي الحل سنين و لما حولتها لنقطة قوة بقي عندي ال workshop الخاصة بيا واللي بساعد فيها متعددي الشغف اللي زيي

بس مش معنى انك عملت الحاجتين دول يبقى انت كدة جاهز تنجح !! لأن هتفضل في نقطة واقفة معاك دايماً😶!!
وهي (أنت)

طريقتك الخاصة أو ال personal branding بتاعك
هو أهم عامل في الي أحنا لسة قايلينة
لأن فية ناس كتير حواليك بيقدموا نفس الي أنت بتقدمة وبيقدروا يحلوا المشاكل دي برضوا
فا ال personal branding هنا دورة هو أزاي هتقدم الحل؟؟ اجيلك ليه وافتكرك امتى؟

أي الصورة أو الفكرة الي أول متيجي في دماغ الناس هيفتكروك؟

ولية هيسيبوا الناس الي زيك ويتعاملوا معاك أنت بالذات؟

لو قدرت تعمل ال 3 حاجات دول فأنت بقيت جاهز لتميزك في حياتك والبيزنس بتاعك

مسألتش نفسك قبل كدا أي اللي بيخلي وليد الي بتتفرج علية قدر يوصل ﻷغلب الحاجات اللي هو عايزها و يحقق أهدافة🤔؟؟
.
.
السبب هو أن وليد جوا مجالات مختلفة ولكن هدفة واحد📈 !!

يعني لو خدنا مثال علي الورشة اللي عملتها لمتعددي الشغف و أزاي قدرت أخرج منها 4 دفعات الحمد الله في وقت قليل

هتلاقي أن مفيش حد بيخاطب متعددي الشغف بالتحديد !!
واللي أنا كنت واحد منهم فأنا أبتديت أن أخاطب الناس دي و أحللهم مشكلتهم👌

دة غير أن مفيش كتب ولا كورسات بتتكلم عن الموضوع
ودة بيخليك ك متعدد الشغف تايه ومهما كنت بتوصل لنجاحات هتفضل مش عارف تتعامل مع شخصيتك ﻷنك مختلف

ودة هيخليك تفضل بتضيع وقت و مجهود عشان توصل لهدفك🎯
دة غير الوقت و المجهود اللي أصلا بيضيعوا عشان تدور علي مصدر تتعلم منة و تفهم نفسك وللأسف مش هتلاقي🫥

اللي خلاني أقدر أوصل لأهدافي
واتحول من شخص عندة مشكلة وقدر يحولها لنقطة قوة متميزة هو تعدد الشغف !!
بالعكس ده قدر أنة يعمل براند قايم علي شخصية👨‍💻
في شكل صناعة المحتوي و حول كل الحاجات دي لبزنس💸

بس لو تلاحظ أول حاجة أبتدينا بيها هي (أنا)
و أني أحل مشاكلي في تعدد الشغف و شخصيتي

ودة خلاني ك وليد الحمد الله الوحيد اللي بقدم الحل دة!
كل الحاجات الي قولتها دي بيخلوني عندي حاجة أسمها USP او نقط بيع متميزة بتخليني مختلف عن باقي السوق الي حواليا🌍 وأقدر أوصل للي عايزة و دة أصلا أساس البزنس
و عشان كل الأسباب الي قولناها أنهاردة بتخلي ال workshop مختلفة و أن تعدد الشغف أول سلمة🪜 لعالم أنك تبقي براند ليك وتحولة لبزنس
و هدفي ك وليد أني أخرج ناس فعلاً يقدروا يوصولوا ﻷهدافهم 🎯👌

ولذلك بفكرك أنك تحجز مكانك في ال workshop لمتعددي الشغف الجاية🤩
الي هتكون بأذن الله يوم 23/5 ﻷن المرة دي هناخد عدد أقل عن كل مرة
والي هناقش فيها مواضيع كتير تهمك زي أزاي أنك تقدر تحول نفسك من شخص تايه لشخص كل صفاتة وفعل بيعملة كبراند عبارة عن نقط بيع متميزة 👀

تقدر تشترك او تستفسر عن الورشة من هنا:
Wa.link/dpb35a

المهم ركز دايماً على نفسك ودور دايماً على نقطة البيع اللي عندك اللي تقدر تميزك عن الباقي في السوق!

عايز تبدأ بيزنس ومش عارف ايه الفكرة؟ عايز تبدأ تعمل محتوى ومش عارف ايه نوع المحتوى اللي هتقدمة؟

- احسن بيزنس ممكن تبدأه هو البيزنس اللي بيحل مشكلة كنت بتعاني منها فيوم من الأيام🤑

- احسن محتوى ممكن تقدمه هو المحتوى اللي بيحل مشاكلك اللي كنت بتعاني منها في يوم من الأيام🤷🏻‍♂️

لأن ده اللي انت عانيت منه فهتعرف تبدع في ايجاد الحلول!!

ببساطة ركز على مشاكلك اللي بتعاني منها ودور لها على حلول! ولما تحلها، قدم الحلول على هيئة خدمات/منتجات او محتوى من خبرتك وده هيكون اصدق الف مرة من انك تعمل محتوى انت درسته فقط!!

- انا ماكنتش واثق في نفسي زمان، اتعلمت ازاي ابقى واثق في نفسي واحدد اهدافي واحقق انجازات، عملت كتاب "نظارة واثق" يعلمك ازاي تثق في نفسك !!

- كنت بتشتت زمان بسبب كتر مواهبي وتعدد شغفي، بدأت براند برينهانس لمتعددي الشغف اللي عايزين يحولوا شغفهم لبيزنس وازاي ممكن ينظموا وقتهم ويحددوا اهدافهم!

وكل مشكله عانيت او هعاني منها وقدرت احلها هتكون محتوى، او منتج، او خدمة هتتقدم ليكم في الفترة الجاية بأذن الله♥️!

اسأل نفسك سؤال:
١- ايه المشكلة اللي كنت بتعاني منها وقدرت تحلها لنفسك؟
٢- هل تقدر تقدم الحل دة في شكل خدمة/منتج يحل نفس المشكلة دي للناس؟

لو عرفت اجابة السؤالين دول مبروك انت كدة جاهز "تبدأ" رحلتك في البيزنس وصناعة المحتوى!👀

هل انت فعلاً فاشل؟🤔

مفيش مقياس محدد للنجاح ..
وفي اللي شايف نجاحة في انه يفتح بيزنس
في اللي شايف نجاحه في أنه يتجوز ويكوّن اسرة
وفي اللي شايف نجاحة في انه يتوظف في شركة كبيرة
ماتقدرش تحكم على حد فاشل او ناجح لأنك مش هو !

لأن نظارتك دي انت الوحيد اللي شايف بيها بناءً على قيمك ومبادئك والبيئة اللي انت اتربيت فيها ..

وانا هنا مش بتكلم على نجاحك في امتحان الآخره، انا هنا بتكلم عن الطريقة اللي هتنجح بيها

اي حد بيقولك انت فاشل بيعرف الفشل من وجهة نظره وده لا يعنيك في شئ!!

يعني الدكتور ممكن يشوف مهنة التجارة دي فشل بالنسبه له، وكذلك التاجر ممكن يشوف ان اي حد في طب فاشل، كل واحد بيعرف النجاح بالنسبه لنفسه ..
بس الحقيقة ان الأتنين ناجحين ومفيش حد فيهم احسن من حد ونقص اي حد منهم في المجتمع هيسبب خلل ..

النجاح هو انك تعمل حاجة تناسب قيمك ومبادئك وتقدر تسيب بيها اثر كويس في الدنيا يفتكرك بيه الناس بعد وفاتك، اثر تكون راضي بيه عن نفسك قدام ربنا اياً كان نوعة

نجاح الإنسان في الأثر الفعلي اللي هيسيبه وراه لما يمشي من الدنيا، لكن الطريقة اللي هتنجح بيها دي بتاعتك تماماً وماحدش يقدر يحكم عليك فيها ♥️
المهم في النهاية انت سايب وراك ايه؟

لذلك خليك واثق في نفسك وفي قدراتك! 🤛🤜
جمعة مباركة عليكم يا شباب♥️

مفيش مجال على وجه الأرض ماتقدرش تعمل منه بيزنس مهما كان مجهول🤑!! وأنا بكلمك عن تجربة بالمناسبه!!

انا بفضل الله دخلت فكرة جديدة ماكانتش موجودة اصلاً في الوطن العربي (تعدد الشغف) وقدرت احولها لبيزنس واطلع منها نتايج مبهرة وفي الوقت الحالي تخطيت ال240 مشترك في اقل من ٦ شهور🤷🏻‍♂️

فما بالك بأن شغفك اصلاً ممكن يكون حاجة الناس كلها عارفاها !!

لو حاسس ان شغفك مش عارف تعمل منه بيزنس تقدر تعتمد عليه كمصدر دخل اساسي دة مش معناه ان مفيش بيزنس في مجال شغفك، ده معناه انك مش عارف الطريق !!

اي شغف او مجال بتحبه قابل لأنه يتحول لبيزنس لو اتعلمت:
- مهارات البيع
- التسويق
- الكتابة
- التصميم

جرب تدخل على جوجل واكتب:
(شغفك) + افكار بيزنس بسيطة

Food + small business ideas
Perfumes small business ideas
Drawing small business ideas

الفكرة ببساطة انك تربط شغفك بإحتياج عند فئة معينة من الناس 🤷🏻‍♂️

ولو انت فاهم نفسك مش هتتعب كتير في النقطة دي🤫

بعد 8 سنين!! قابلت مثلي الأعلى في ريادة الأعمال🤯
https://youtu.be/XsuN1oXQTB8

مشاهدة ممتعة🤫

المدخل لطريق ريادة الأعمال في الزمن دة بقى أسهل مما تتخيل!! أنت بس اللي مش عارف الطريق😏

بس للأسف مش أي حد بيكون مؤهل لأنه يكون رائد أعمال إلا لو توفرت عنده مقومات “عقلية رائد الأعمال"🙂‍↕️

طيب وأيه اللي بيميز عقلية رائد الأعمال عن غيرها؟
ببساطة الطريقه اللي بيفكر بيها !! 🧠

مع أحتكاكي بأكتر من رائد أعمال وبأصحاب شركات كبيرة ومقارنتهم ب ٢٩٠ شخص من مشتركين ورشة عمل متعددي الشغف واللي كان في منهم رواد أعمال كبار قدرت الاقي كذا نمط مشترك بينهم

أهم نمط مشترك بينهم هو أنه عندهم القدرة على الدمج بين أكتر من مهارة علشان يقدروا يحلوا مشكلة حقيقية بيعاني منها الناس !!

(من الآخر (مبدعين في حلول المشاكل)
لأن ريادة الأعمال بتعتمد بشكل أساسي على أنك تكون قادر تحل المشاكل بشكل جديد عن التقليدي واللي الناس اتعودت عليه

ومتعدد الشغف نقطة قوته أصلاً في الدمج بين المهارات المختلفه والإبداع في حلول مشاكله الشخصية!!

وخليني افاجئك ان متعدد الشغف عقليته عقلية رائد أعمال لكن ناقصها شوية توجيه🧭!!

زي أنه يعرف أيه مميزاته؟ أيه نقاط ضعفه؟ ازاي ينظم وقته وينتج أكتر ويتعلم ازاي لو عنده أهتمام بأكتر من مجال؟
أيه المهارات اللي لازم يتعلمها زي البيع والتسويق والكتابه وازاي يدمجها بشغفه؟

”واللهم لك الحمد بعد ما خرجت 5 دفعات “أكتر من 290 شخص” أقدر أقولك أن كل اللي اشتركوا كان ناقصهم بس سيستم يقدروا يمشوا عليه

وعلشان كدة جمعت لك كل خبراتي وفهمي لطبيعة شخصية متعدد الشغف وازاي يقدر يحول شغفه المتعدد لمصدر دخل في ورشة كامله مدتها 3 أيام هتخليك مؤهل لأنك تكون رائد اعمال

ولو خايف ماتستفيدش من الورشة فتقدر تسترد فلوسك كاملة في أول يوم لو دخلت الورشة وماستفادتش 🤑

ودي عمرها ما حلصت لحد الآن 🤣

النهاردة تم أفتتاح تسجيل الدخول للدفعة ال 6🫡
واللي هتبدأ بأذن الله يوم الخميس 20/6

وعلشان أنت مشترك في قناتي، ده كود خصم ليك تقدر تستخدمه على موقع برينهانس بمناسبة عيد الأضحى المبارك
Discount code: EID50
Brainhance.me

ولو عندك اي استفسار تقدر تتواصل مع الفريق على واتساب من هنا:
https://Wa.link/dpb35a

مستنيكم يوم 20/6 بإذن الله🤩🤩
وكل عام وأنتم بخير

أفضل نسخه من نفسك | بودكاست رحال | الموسم الأول
https://youtu.be/6w7tqMiDlvc

متحمس اعرف رأيكم في الحلقة 🤩♥️

مشاكل ما بعد الجامعة والتخرج | بودكاست رحال | الموسم الأول
https://youtu.be/alZvguvWqVg

*ازاي بجيب افكار للمحتوى بتاعي؟*

كصانع محتوى وفي عالم صناعة المحتوى هتلاقي انك مطالب دايماً تجيب افكار جديدة وافكار ابداعية علشان تقدر تلفت انتباه الناس حواليك وتكبر!

في البداية كنت بحس ان الموضوع صعب فعلاً اني اجيب فكرة مطرقعه وتعجب الناس لأني كنت مفكر ان الفكرة لازم تبقى طالعه مني خام! بس اللي اكتشفته انك مش لازم تخترع العجله من الأول وممكن تاخد افكار من الناس حواليك عادي!!

ده مع الوقت خلى موضوع الأفكار اسهل مما يكون وبقى عندي تقريباً افكار لسنة قدام جاهزة للتنفيذ!!

*بس ازاي؟*

اللي ساعدني في الخطوة دي هو اني اتعلمت اتابع الناس اللي عايز اكون شبهها، الناس اللي بتساعدني اوصل لحلمي، لأن نفس الناس دي بلاقي فيها نفسي! بستلهم منها افكار لمحتوايا وبغذي عقلي بكلامهم ومحتواهم!

مع الوقت لقيت ان دماغي بدأت تبقى شبههم وبقيت بفكر زيهم وبقيت واحد منهم!!

*طيب تعمل كدة ازاي؟*
١- الغي متابعة اي حد بيضيع وقتك او مالوش لازمه
٢- تابع الناس اللي نفسك تكون زيهم
٣- المحتوى اللي يأثر فيك احفظه لأنه ممكن يكون فكرة في المستقبل


طيب انت اخدت الفكرة منهم بتعمل ايه بعد كدة؟
ده اللي هنتكلم عنه في البوست الجاي بأذن الله ♥️

لقيت فكرة محتوى عاجباك؟ اسرقها، بس ماتبقاش بصمجي


اولاً لازم تفهم ان مفيش اي مشكلة انك تاخد افكار من منافسينك او من الناس اللي انت بتتابعهم، بس هي الفكرة هل انت بتبصمج؟ بتاخدها كوبي بيست؟ ولا بتعملها بطريقتك؟

طيب ازاي احور الفكرة لطريقتي؟

في موديل اسمه SCAMPER تقدر تطبقه على اي فكرة

Substitue | بدلها

- ايه اللي تقدر تستبدله بحيث الفكرة تكون فكرتك؟
- الطريقه اللي بتوصلك للنتيجة
- نوع المحتوى (بدل مانت بتبص للكاميرا اعملها ڤويس اوفر مثلا)

Combine | ادمجها
- ادمج فكرة اضافيه مع الفكرة اللي عجبتك دي
- ادمج قصتك مع الفكرة اللي عجبتك
- ادمج موقف حصل معاك في الفكرة دي

Adapt | كيفها
- ايه اللي ممكن تضيفه للفكرة يكمل الناقص فيها؟
- هل في فكرة ممكن تخلي المحتوى اقوى وتفاعلي اكتر؟

Modify | عدل عليها
- هل تقدر تكبر نفطة الوجع بطريقه تناسب متابعينك؟
- هل تقدر تستخدم نفس الفكرة بطريقتك الخاصة؟

Purpose | وجهها
- ممكن الفكرة تكون في مجال مختلف فتاخذها وتستخدمها في مجالك انت
- ممكن الفكرة تكون لفئة محدده من الناس فتاخذها وتوجهها لفئة اكبر او فئة مختلفه

Eliminate | شيل منها

- ازاي ممكن تخلي محتوى الفكرة دي ابسط؟
- ايه اللي ممكن تشيله من المحتوى بحيث توصل اسرع للناس؟

Reverse | اعكسها
- بدل ما تقول ٥ طرق تخليك تركز في شغلك
- قول لو ماتعلمتش الخمس طرق دول هتفضل طول عمرك مشتت !!

مش لازم تخترع العجلة من الأول! المهم تكون الفكرة حقيقية منك، ببساطة اسرق الفكرة بس ماتبقاش بصمجي في محتواها!

ازاي أحدد الفئة المستهدفة سواء في البيزنس او المحتوى؟ 🤯

الفئة المستهدفة هي مجموعة من الناس مهتمه باللي انت بتقدمه، بل ومحتاجاه ومستعدة تستهلك منك اكتر، وغالباً بيعانوا من مشكلة أنت كنت بتعاني منها زمان ولكنك قدرت تتغلب عليها، ولذلك هما مهتمين بمحتواك عشان الحلول اللي موجودة عندك.🥇

وأسهل طريقه تعرف بيها فئتك المستهدفة هو انك ترجع لنفسك زمان وتعرف انت كنت محتاج ايه؟ ايه اهتماماتك؟ ايه اللي كان بيشغلك؟ ايه المشاكل اللي كنت بتعاني منها؟ وبناءً عليه تقدر تعرف المحتوى اللي هتتكلم عنه والمنتجات والخدمات اللي هتقدمها للناس!

اسأل نفسك ببساطة:
- انا كنت بعاني من ايه زمان؟
- ايه كانت اكبر مشاكلي؟
- ازاي قدرت اتغلب على المشاكل دي؟

اجابتك على الأسئلة دي هتعرفك مين هي فئتك المستهدفة كصانع محتوى أو بيرسونال براند🫡