اسوء شيء في تعلم لغة جديدة:
حفظ الأرقام

اللَّهُمَّ إنِّي ظلَمتُ نَفسي ظلمًا كثيرًا ولا يغفرُ الذُّنوبَ إلَّا أنتَ فاغفِر لي مغفرةً من عندِكَ وارحَمني إنَّكَ أنتَ الغفورُ الرَّحيمُ.

كَلَّآ إِذَا بَلَغَتِ ٱلتَّرَاقِيَ (26) وَقِيلَ مَنۡۜ رَاقٖ (27) وَظَنَّ أَنَّهُ ٱلۡفِرَاقُ (28) وَٱلۡتَفَّتِ ٱلسَّاقُ بِٱلسَّاقِ (29) إِلَىٰ رَبِّكَ يَوۡمَئِذٍ ٱلۡمَسَاقُ (30)

هذم آيات يصف لنا الله سبحانه و تعالى حالة الأنسان الي بموت، تستحق ان البني آدم يشبح تفسيرهم

كلا إذا بلغت التراقي:
اهني الله سبحانه و تعالى يصف لنا كيف الروح تُنتزع من الجسد و تصل الى الترقوة هي قريبة من الحلقوم( التراقي جمع كلمة ترقوة).

وقيل من الراق:
لم يُذكر اهني المتحدث لعدم اهميته لأن التركيز توا على حالة المحتضر؛ فيقولوا الي حوله لما يشبحوا المحتضر بموت إذا كان في شخص يجيه يرقي او طبيب يجي يشفيه.

وظن أنه الفِراق:
اهني كلمة ظن معناها استيقن المحتضر انه حيموت،  و حيفترق عن أهله و أمواله و دنتيه.

و التفت الساق بالساق:
هذي عندها اكثر من تفسير ، وحدة من تفاسير انها تعني لما يلفوا رجلين الميت في الكفن.
(في تفاسير تانية للآية ننصحكم تبحثوا عنها غير اني هذي الوحيدة الي فهمتها)

إلى ربك يومئذ المساق:
المعنى إذا بلغت النفس الحلقوم تساق الي حكم ربها.

عموماً

لو في اي شخص يرغب ان يطلع على تفاسير جزء عم و تبارك ،ننصحه ان يتفرج على تفسير عثمان الخميس .

شرحه للأيات هلبه ممتع و بسيط جداً و ينفهم من مرة الأولة.

و أهم شيء انه مش طويل هلبه

نذكر مرة ندور في تفسير سورة الحديد تقريباً ، و الشيخ عثمان مش شارحهم، فألقيت تفسير للشعراوي تقريباً كان اسمه

المهم كانت كل أيتين واخدة فيديو طوله ثلاثين دقيقة💀

عندي سؤال

علاش في الاغلب الأهل ما يحبوش صغارهم يخربشوا على الحيط؟

نذكر مرة رسمت رسمات على حيط حوشنا لما كنت صغيرة ، ما نذكرش في رسمات بزبط لكن نذكر اني كنت كاتبة اسم خوي بيش على اساس يعتقدوا ان خوي هو الي رسمهم ، بس المشكله ان خوي هذاكا الوقت كان صغير هلبه ما دوب ما يمشي.
المهم الرسمات هذم قعدوا فترة هلبه طويلة يمكن للأعدادي، كل ما نمشوا للحوش هذاكا نقعدوا نتفرجوا عليهم و نضحكوا.
بس بعدين والدي دار صيانة للحوش فجدد الزواق، و اختفوا الرسمات.

تمنيت لو قعدوا