مش مستعدة ان نموت منغير ما نمشي في حياتي للميناء.

الحمد لله...
سبحان الله...
الله اكبر ...
لا إله إلا الله سبحانك اني كنت من الظالمين...

اللَّهُمَّ إنِّي ظلَمتُ نَفسي ظلمًا كثيرًا ولا يغفرُ الذُّنوبَ إلَّا أنتَ فاغفِر لي مغفرةً من عندِكَ وارحَمني إنَّكَ أنتَ الغفورُ الرَّحيمُ.

لا إلهَ إلا أنتَ سُبحانكَ إني كُنتُ من الظالمين

اليوم خلاص غيرت نظرتي على الناس في تونس

سمعت مرة في حلقة ان الانسان نفس ترفعه بكلمة و تُحبطه بكلمة،  وهذي حقيقة جداً يمكن لكلمة وحدة ان تخيلني مبتسمة و سعيدة طول اليوم.
اليوم فتاة لطيفة تخدم في المحل وقفت علينا اني و أختي و رحبت بينا بأجمل ابتسامة شفتها من أول ما جيت لتونس.
سألتنا من وين و قالتلنا لي الشرف اني نتعرف عليكم بصراحة محلاكم ، خلتني نظحك لأن ما توقعتش بتاتاً ان نسمع كلام زي هذا اهني.
المهم تعرفنا على بعض و قالتنا كان تبوا اي شيء اهني تعالولي.

ان شاء الله ربي يسعدها و يجيها شيء في يومها يخليها سعيدة و مبتسمة طول اليوم زي ما أسعدتني اني و أختي

اللَّهُمَّ اغفِر لِي ما قَدَّمتُ وما أخَّرتُ وما أسرَرتُ وما أعلنتُ أنتَ المُقدّمُ وأنتَ المُؤخّرُ وأنتَ على كُلّ شيءٍ قَديرٌ.

﴿رَبَّنا فَاغفِر لَنا ذُنوبَنا وَكَفِّر عَنّا سَيِّئَاتِنا وَتَوَفَّنا مَعَ الأَبرارِ﴾

اليوم اكتشفت ان ثقتي بنفسي عالية جداً

شارية جريدة بالفرنسي و ما نعرفش نقول الا صباح الخير بالفرنسي

و ننطق فيها خطأ زيادة.

- الرساله ؛ https://t.me/thebluedotploymath/527

دافع باش تتعلمي فرنسي وتترجميها 🌟

صحيح🌟

العشرة الأيام هذم قعدت فيهم مع خالتي و أميمة،  و كل منهما يعاني من مشاكل في اجسادهم.
زي مثلاً خالتي ديما تقول انها ما تقدرش ترقد على ظهرها و شيء هذا مستحيل ، بس لما رقدنا جنبها اكتشفنا انها ترقد على ظهرها في اليل منغير ما تندري. حاجة تانية؛ من المستحيل انها تقيم رجليها -لأي مستوى كان- لأن فيهم مشاكل ، بس حتى هما في اليل اكتشفنا انها تقيم فيهم و هي غير واعية و قاعدة مصدومة من الشيء هذا .
نفس الشيء مع أميمة؛ دارت عملية على ركبتها يوم السبت، فلما تجي تبي تقعمز على حاشية السرير تطلب منا ان نساعدوها ، و بمجرد ما نمسوا رجلها تقعد تعيط من الألم.  لكن ، لما تقعد تهدرز و تنسجم في تهدريز تنسى نفسها و تتكى على جهة رجلها الي عليها العملية و كلنا مستغربين فيها.
حتى لما قعمزنها في وسط السرير ، القينها فجاءة مقعمزة على الحاشية و نزلت رجليها بروحها و هذا كله دراته وهي تهدرز و منغير ما تندري على روحها.

الشيء هذا خلاني نفكر في موضوع ديما يلود في دماغي بأستمرار.
اني نؤمن ان عقل الأنسان مافيشي حدود ،لكن احني البشر مزال مش مستكشفين شيء هذا.
نعتقدوا ان عندنا حدود معينة ما نقدروش نفوتوها و ان هذي هي قدرتنا.
بس في اشياء معينة تخلي فيا نفكر ان هذي الحدود احني كبشر حطيناها و عندنا القدرة ان نجتازوها.
زي مثلاً كلنا نلاحظوا ان لانسان لما يبدأ في موقف خطر ، يكتشف اشياء هو ما كانش يندري انه يقدر يديرها-سواء جسدياً او علقياً- .
حتى اني مثلاً في الامتحان عقلي يبدأ يخدم بطريقة اني مستحيل نقدر نشغله بيها لما نكون في الوضع الطبيعي ،لأنه يبدأ يحاول انه يحل كل الأسئلة بقدر الإمكان.

مرة صديقتي الزهراء شرحتلنا ،في محاضرة مهارات عرض ناخدوا فيها في الجامعة، على مرض تعدد الشخصيات( ما تشدوش عليا في احتمالية الأسم يكون خطأ) .
لما الأنسان يبدأ عنده مشكلة في دماغة ، يبدأ يبدل في شخصيته اكثر من مرة بدون ما يندري على نفسه، زي مثلاً يبدأ هو راجل بالغ بس فجاءه يبدأ يتصرف كأنه ولد صغير و هكي.
و من الأشياء المثيرة للأهتمام ان المصاب يبدأ عنده القدرة حتى أنه يتكلم اكثر من لغة حتى لو كان اللغة هذي عمره ما سمع بيها اصلاً.

فأني قعدت نفكر ، عقل المصاب بالمرض هذا هو نفس عقلنا غير فيه مشكلة معينة ، كيف يقدر المرء ان يستخدم المشكلة هذي لصالحه.
هذا معناها في جزئية في دماغ ،المرض هذا قدر يوصله بس احني الناس الطبيعية ما نقدروش نوصلوله.
بس كيف نقدروا نوصلوله منغير ما نأذوا أنفسنا.