الشيء هذا عرفت معناه بعد الأحداث الي صارت مؤخراً في طرابلس .
عرفت معنى أن المرء ينوض الصبح و هو عنده أمل لليوم.
عرفت معنى اني نوض الصبح و نشرب قهوتي في اي مكان في الحوش ، جنب اي روشن منغير ما حد يجي يقولي نوضي تجيك رصاصة طائشة.
حسيت لأول مرة نعمة صوت العصافير ، و نعمة الشمس لأني نتذكر الوقت هذاكا كله قعدت السماء مغيمة بطريقة كئيبة.
لا أعتقد اني كنت حنعرف النعم هذي كلها لولا الحرب الي صارت.
الحمدلله دائماً و ابدا.

و حاجة تانية

عرفت نعمة لما البني آدم يقول السلام عليكم لما يخش لمكان و ناس يردوا عليه

عرفتها لما جيت اهني لتونس

وحدة من أحلامي البسيطة في الحياة ، نمشي للميناء.

عندي نية ان نتأمل السفن عن قرب و نرسمهم

لازم لما نروح نقنع والدي يرفعني

مش مستعدة ان نموت منغير ما نمشي في حياتي للميناء.

الحمد لله...
سبحان الله...
الله اكبر ...
لا إله إلا الله سبحانك اني كنت من الظالمين...

اللَّهُمَّ إنِّي ظلَمتُ نَفسي ظلمًا كثيرًا ولا يغفرُ الذُّنوبَ إلَّا أنتَ فاغفِر لي مغفرةً من عندِكَ وارحَمني إنَّكَ أنتَ الغفورُ الرَّحيمُ.

لا إلهَ إلا أنتَ سُبحانكَ إني كُنتُ من الظالمين

اليوم خلاص غيرت نظرتي على الناس في تونس

سمعت مرة في حلقة ان الانسان نفس ترفعه بكلمة و تُحبطه بكلمة،  وهذي حقيقة جداً يمكن لكلمة وحدة ان تخيلني مبتسمة و سعيدة طول اليوم.
اليوم فتاة لطيفة تخدم في المحل وقفت علينا اني و أختي و رحبت بينا بأجمل ابتسامة شفتها من أول ما جيت لتونس.
سألتنا من وين و قالتلنا لي الشرف اني نتعرف عليكم بصراحة محلاكم ، خلتني نظحك لأن ما توقعتش بتاتاً ان نسمع كلام زي هذا اهني.
المهم تعرفنا على بعض و قالتنا كان تبوا اي شيء اهني تعالولي.

ان شاء الله ربي يسعدها و يجيها شيء في يومها يخليها سعيدة و مبتسمة طول اليوم زي ما أسعدتني اني و أختي

اللَّهُمَّ اغفِر لِي ما قَدَّمتُ وما أخَّرتُ وما أسرَرتُ وما أعلنتُ أنتَ المُقدّمُ وأنتَ المُؤخّرُ وأنتَ على كُلّ شيءٍ قَديرٌ.

﴿رَبَّنا فَاغفِر لَنا ذُنوبَنا وَكَفِّر عَنّا سَيِّئَاتِنا وَتَوَفَّنا مَعَ الأَبرارِ﴾

اليوم اكتشفت ان ثقتي بنفسي عالية جداً