الحمد لله...
سبحان الله...
الله اكبر ...
لا إله إلا الله سبحانك اني كنت من الظالمين...

اللَّهُمَّ إنِّي ظلَمتُ نَفسي ظلمًا كثيرًا ولا يغفرُ الذُّنوبَ إلَّا أنتَ فاغفِر لي مغفرةً من عندِكَ وارحَمني إنَّكَ أنتَ الغفورُ الرَّحيمُ.

سماء اليل اليوم صافية جداً ، لدرجة ملحوظة.

ما يفسده الإمتحان تصلحهُ سماء الليل

أشهد الله أنني نويت التوبة عن كل ذنوبي وزلاتي وكل معصية تغضبه . اللهم اغفر لي خطاياي وطهرني من ذنوبي كما ولدتني أمي واخرجني من الدنيا بلا ذنب ولا عيب . رب، إن كان هذا آخر أيامي في الدنيا ، فاجعلني من التائبين، وارزقني لقاءك وأنا خال من الذنوب، واجعل الجنة لي مستقرا ومأوى . اللهم اغفر لي خطاياي ولا تقبض روحي إلا وقد غفرت لي جميع ذنوبي.

الحمد لله...
سبحان الله...
الله اكبر ...
لا إله إلا الله سبحانك اني كنت من الظالمين...

اللَّهُمَّ إنِّي ظلَمتُ نَفسي ظلمًا كثيرًا ولا يغفرُ الذُّنوبَ إلَّا أنتَ فاغفِر لي مغفرةً من عندِكَ وارحَمني إنَّكَ أنتَ الغفورُ الرَّحيمُ.

اللَّهُمَّ بِكَ أصْبَحْنَا، وبِكَ أمْسَيْنَا، وَبِكَ نَحْيَا، وَبِكَ نَمُوتُ، وإلَيْكَ النُّشُورُ.

أَصْبَحْنَا عَلَى فِطْرَةِ الْإِسْلَامِ، وَعَلَى كَلِمَةِ الْإِخْلَاصِ، وَعَلَى دِينِ نَبِيِّنَا مُحَمَّدٍ صَلَّى اللهُ عَلَيْهِ وَسَلَّمَ، وَعَلَى مِلَّةِ أَبِينَا إِبْرَاهِيمَ، حَنِيفًا مُسْلِمًا وَمَا كَانَ مِنَ الْمُشْرِكِينَ.

💡 لا تفرّط في قراءة سيّد الاستغفار هذا الصباح

‏(اللهمَّ أنت ربّي لا إله إلا أنت، خلقتني وأنا عبدك، وأنا على عهدك ووعدك ما استطعت، أعوذ بك من شرِّ ما صنعت، أبوء لك بنعمتك عليّ، وأبوء لك بذنبي، فاغفر لي، فإنّه لا يغفر الذنوب إلّا أنت).

‏(مرّةً واحدة)
‏(والمرأة تقول: وأنَا أمَتُك)

My reading list for this summer:

Fiction

Non-fiction

مرة واني و صديقتي الزهراء في مكتبة الجامعة ، واقفين مابين الرفوف نقروا في عنواين الكتب.
واحد من الكتب الي جت عيني عليه كان اسمه :
"How to write an essay "
هذاكا الوقت ما كنتش نعرف بزبط شن معناها كتابة المقالات و الفائدة منها( او بالأحرى ما نعرفش شن معناها كلمة essay)، بس كنت نحكي للزهراء ان ديما كتابة المقالات تطلعلي في الفيديوات على انستا من الأشياء الي مفروض اديروها في حياتكم قبل ما تموتوا، او في الفيديوات بتع " you think you have time but you don't " و الحياة قصيرة كيف انت مفروض تجرب ادير اكبر قدر ممكن من الأشياء.
طبعاً اني حكيتلها علي فيديوات على أمل أن تقولي شن معناها كلمة "essay" بس هي فاتت كل شي و ركزت فقط على كلمة " أن الحياة قصيرة" .
قالتلي اني ما نحبش نفكر ان الحياة قصيرة لأن الشيئ هذا يخليني ما نبيش ندير شيئ .
طبعاً اني استغربت ، قلتلها بلعكس فكرة ان الحياة قصيرة تحمس فيا بيش ندير اكبر قدر ممكن من الأشياء.  و اعطتني نظرة انها مش موافقة ،و كل وحدة سرحت في افكارها و احني نقروا في عنواين الكتب في الرفوف .

بس من هذاكا اليوم و اني قعدت نفكر كيف يمكن ان فكرة" الحياة قصيرة" تكون شيئ غير محمس ، تكون فكرة تجلب الكسل  اكثر من انها فكرة توقظ شعلة الحماس في العقل.
ولكن في آخر فترة في حياتي عرفت كيف يمكن ان فكرة الحياة قصير يمكن انها تهلك انسان .

لأني في جرت الفكرة هذي قريب فقدت عقلي.
في فترة معينة ، كانت في عطلة مابين سمسترين،  كانت فكرة ان معاش عندي وقت واخدة حيز كبير من تفكيري،  نذكر اني تفرجت على فيديو ،و اني نظف في المطبخ، يتكلم على كاتب كان يؤمن انه بموت صغير فقعد يحاول انه يستفيد من كل ثانية من عمره للكتابة ، فكتب هلبه روايات و مقالات ، و كان يحاول ان يرسل فكرة للعالم ان الحياة أقصر من انك اضيع فيها وقتك على اي شي ، استفيد من كل ثانية .
في لحظتها طبعاً نتحمس، و نقعد نفكر و نخطط قداش بندير في يومي؛  بس لأن اليوم قصير ، و لأني بني آدم طبيعي اكيد بعض من وقتي حيضيع على أشياء بسيطة زي اني نهدرز على واحد من خوتي ، أواني نقعمز نسمع امي تهدرزلي على يومها كيف كان ، أو ان نسمع لوالدي و هو يشرحلي الفرق بين الإقتصاد الجزئي و الكلي ، أو نسمع لتقييم صحبتي على كتاب قراته. حيكون وقت كبير هلبه قد ضاع بدون اني ندير الي نبيه .
فنوصل لنهاية اليوم مش راضية عن نفسي،  نحس اني مقصرة و مسرفة،  واني انسانة في بداية عمري مفروض نستفيد من كل ثانية من حياتي في تطوير كل جزء من نفسي .
نقعد و اني حاطه رأسي على مخدة نفكر اني كملت يومي منغير ما تخش معلومة جديدة لمخي، أو من غير ما نقراء صفحات الي مفروض نقراهم في اليوم،  و كيف اني انسانة كسولة نضيع في وقتي على أشياء غير مفيدة.

قعدوا اياماتي كلها نخمم الي درجة اني معاش قدرت ندير شيء حرفياً، كل ثانية في اليوم تمشي و اني نفكر ان حياتي بتم. لدرجة اني وصلت لنقطة اتصلت بصديقتي الزهراء نبكي نقوللها نحس في روحي بنموت و مزال ما درت شي.
ففهمت كيف يمكن لفكرة ان "الحياة قصيرة" تخلي الإنسان منغير حياة.
استنتجت ان عادي لو الإنسان ضيع وقته على أشياء قد تبدوا عديمة الفائدة؛ عادي لو وقفت في روشن لمدة نص ساعة نتفرج علي الشروق او الغروب و خلاص ؛ او نسمع خوي صغير و هو يحاول يقنعني ان ريال مدريد خسرت في المبارة لأن برشلونة رشت الحكم.
اكتشفت أني مفروض نخاف من اني نضيع وقتي على أشياء تافهة -زي اني نتفرج على الريلز او نراقب الناس- بدل الخوف من عدم الاستفادة من الوقت.

اكتشفت اني انسان و مهما حاولت مش حنقدر ندير كل شيئ نبيه و نجرب كل شيئ يعجبني .
أهم شيئ اني نستمتع حتى بالعذاب،  نعيش كل ثانية في وقتها حتى لو كنت بنموت غدوى.
و هي في نهاية حياة،  نختار اني نموت فيها كأنسان نابع بالحياة افضل من ان نموت فيها كألة رزينة مافيهاش فايدة .