ايه والله، و هذا كله بسبب التراجم الحرفية لكُتب الغرب.

نذكر مرة حكالنا واحد من دكاترنا ان الامريكان يحاولوا يديروا لغة انجليزية ابسط، يعني بدل ما تكون في اكثر من مرادف كلمة، تقعد وحدة بس.
بيش تسهل عليهم التواصل مع الناس و حياتهم تولي أسهل.

فبطريقة او بأخرى، ما نعرفش كان عندها علاقة، تأثر الشيء هذا حتى بلغتنا احني العربية.
نذكر حتى شفت مكان، قال شوفوا مثلاً شات جي بي تي يكلم فينا بعربية انجليزية، يعني لغة ركيكة للغاية.

فعلاً بس في نوع من انواع الحماس، يعني ان البني آدم يستكشف اللغة بتاعه، و يشوف كمية التغير و الإختلاف و يحاول ان يرجع لغته للأصل

ايه للأسف

ببساطة لو قاريين 1984 لجورج أرويل، وفيه وزارة الحقيقة، تغير كل يوم في اللغة وتحدف المفردات وتجيب مفردات جديدة.

هو فيه دراسة تقريبا مداريتها هارفرد، وفيها قالوا أن اللغة اللي نستعملوا فيها تأثر بشكل كبير في طريقة تفكيرنا، كل ما كانت اللغة مليئة بالمفردات والمصطلحات القوية، كان تفكيرنا أعتقد وأكثر تقدم، تبسيط اللغة تبسيط لتفكيرنا...

ببساطة كل ما فيه تفكير وإشغال للعقل هو عدوّ لهم، لذلك الطريقة الأسهل هو تحريف اللغة.

{إِنَّ اللَّهَ وَمَلائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا} 

أهلاً جميعاً

اليوم و أخيراً كملت مقالتي الي ليا حرفياً قريب شهرين نكتب فيها.
و عطلت مش لأني نكتب فيها،
بس لأني كنت نتفرج عليها و خلاص.

بس عموماً في حاجة تعلمتها من المقالة هذه بعيداً عن موضوعها.

ان الأنسان مستحيل يقدر يتوقع وين يمكن يلقي فكرة جديدة.

بطريقة أو بأخرى كان عندي قناعة ان الفكرة تطلع جراء التفكير المتواصل لعند ما تصدف و تشد فكرة.

بس لا،
اكتشفت ان الفكرة تجي في أكثر الأوقات العشوائية و الغير متوقعة.

قبل ما نكتب المقالة هذه كنت على اساس بنكتب حاجة على علاش الثورات ديما تكون في البداية كويسة بس بعدين تولي سيئة.
لكن واني قاعدة نجمع في معلومات علقت في مقالة لغتها صعبة، فرقدت بالخطأ على المكتب- لأن عقلي قرر يهرب منها.

فحلمت اني نسأل في صحبتي علاش تحبي طاغي معين، شن يحكيلكم والدكم على طاولة الغذاء بيش تحبوه و تشبحوه شخص كويس؟

فنضت و السؤال قاعد في دماغي،
فعلاً علاش في بعض الناس يحبوا طاغي معين و ثانيين لا رغم انهم عاشوا في نفس الظروف؟