18.1.2026
နှလုံးသား‌ဖြင့်နွေး၍အေးချမ်းစေသား

-ယွန်း

𝟏𝟖.𝟏.𝟐𝟔

လူတိုင်းကိုမေတ္တာထားပါကိုယ့်ကိုအမြင်မကြည်တဲ့သူဆိုရင်တောင်မှပေါ့

-ဘုဏ်း

အတွေးလွန်တဲ့အခါ


အတွေးလွန်တယ်ဆိုတာ လူ100%မှာ99.9%လောက်ဖြစ်နေကြတာအရာမဟုတ်လား
တကယ်တော့စိုးရိပ်စိတ်ကို
"အတွေး"လို့ခေါင်းစဉ်တပ်လိုက်ကြတာပါပဲ

အတွေးလွန်တဲ့လူတွေဟာ အားနည်းလို့မဟုတ်ဘူး။ အရမ်းဂရုစိုက်တတ်လို့၊ အရမ်းချစ်တတ်လို့၊ အရမ်းတာဝန်ယူတတ်လို့သာ ဖြစ်တာများတယ်။ ဒါပေမယ့် အဲ့ဒီဂရုစိုက်မှုက မထိန်းနိုင်တဲ့အခါ ကိုယ်တိုင်ကိုယ်ပြန်ထိခိုက်စေတတ်လာတယ်။ မသေချာတဲ့အရာတွေကို သေချာသလို တွေးပြီး ကိုယ်ကိုယ်ကို အပြစ်ပေးနေတာမျိုးပါပဲ။


အချစ်နဲ့ဥပမာ ထားပြီးပြောကြည့်ကြမယ်
သူငါကိုမချစ်တော့ဘူးလား/ကောင်မလေး/ကောင်လေးအသစ်ရနေပြီလား
သူသာထားသွားရင်ဘယ်လိုလုပ်မလဲ
သူမရှိတော့ဘဲ ငါမနေနိုင်ဘူး စသဖြင့်
များစွာ တွေးဖူးကြမှာပေါ့
အဲ့တာကို စိုးရိမ်စိတ်များတယ်လို့ခေါ်ပါတယ်

ပညာရေးနဲ့ပတ်သက်ရင်လဲအဲ့လိုပါပဲ ငါသာအဆင့်ကျသွားရင်ဘယ်လိုလုပ်မလဲ
မိဘတွေဆူခံရမှာသူငယ်ချင်းတွေကြားထဲမှာနိမ်ခံရမှာ
ကြောက်တဲ့စိုးရိမ်စိတ်နဲ့ပါ

‌အကြောင်းပေါင်းများစွာနဲ့လူတွေဟာ နေ့စဉ်နေ့တိုင်းတွေးကြတယ်ဆွေးကြတယ်စိုးရိမ်ကြတယ်
Confident မရှိကြဘူး
ဒီလို အတွေးလွန်ခြင်းတွေက လူကို မောစေတယ်။ ကိုယ်မလုပ်ရသေးတဲ့ အရာတွေကို အရင်ဆုံး ပင်ပန်းအောင်လုပ်ပေးတယ်။ မဖြစ်သေးတဲ့ အနာဂတ်ကို ကြိုပြီး နာကျင်အောင် ခံစားစေတယ်။ တခါတလေ ကိုယ်ရဲ့ လက်ရှိပျော်ရွှင်မှုကိုပါ တိတ်တိတ်လေး ခိုးယူသွားတတ်တယ်။ အဲ့ဒီအချိန်မှာ လူဟာ ကိုယ်ရှိနေတဲ့ အခိုက်အတန့်ကို မမြင်တော့ဘူး။ မနေ့က၊ မနက်ဖြန်ဆိုတဲ့ အတွေးတွေကြားမှာပဲ လမ်းပျောက်သွားတတ်တယ်။

တကယ်တော့ အတွေးဆိုတာ ထိန်းလို့မရပေမယ့် ကိုယ်ဘယ်အတွေးကို လက်ခံမလဲ ဆိုတာတော့ ရွေးလို့ရပါတယ်။ ဖြစ်လာမလားမသိတဲ့ အကြောင်းတွေထက် လက်ရှိ ကိုယ်လုပ်နိုင်တာကို အာရုံစိုက်ရင် စိတ်က နည်းနည်းပေါ့သွားတတ်တယ်။ ကိုယ်မလုံလောက်ဘူးလို့ တွေးမယ့်အစား “ငါကြိုးစားနေတာပဲ” လို့ ကိုယ့်ကိုယ်ကို ပြန်ပြောပေးရင်လည်း စိတ်က သက်သာလာတတ်ပါတယ်။

အတွေးလွန်တယ်ဆိုတာ ကိုယ်တစ်ယောက်တည်း မဟုတ်ဘူး။ လူတိုင်းနီးပါး ဖြတ်သန်းရတဲ့ အရာပါပဲ။ အရေးကြီးတာက အတွေးထဲမှာ ပိတ်မိနေရင် မိမိကိုယ်ကို မျက်စိပိတ်ထားမိသလို ဖြစ်သွားနိုင်တာပါ။ အဲ့ဒါကြောင့် တခါတရံ အတွေးတွေကို နားထောင်မယ့်အစား ကိုယ့်စိတ်ကို နားလည်ပေးဖို့ လိုအပ်ပါတယ်။ ကိုယ့်ကိုယ်ကို နူးညံ့စွာ ဆက်ဆံနိုင်လာတဲ့အခါ အတွေးတွေကလည်း တဖြည်းဖြည်း တိတ်ဆိတ်လာတတ်ပါတယ်။

-ယွန်း

Good night pr guys🎆

Good night ပြောမဲ့ရည်းစားမရှိတဲ့လူတွေ လဲ good night pr😁

Subscribers 30ကိုလဲ join ပေးလို့ကျေးဇူးတင်ပါတယ်ဗျ🫶

-ခွေးလေးတွေကိုချစ်ပါ

-ခါးသီးမူ‌တွေကို လက်ခံပါ
အစားအစာပဲဖြစ်" လောကဓံပဲဖြစ်"

-အေး"ဆေး"နေတတ်အောင်ကြိုးစားပါ

-လူတွေနဲ့ဝေးရာမှာစိတ်ကိုရှင်သန်စေပါ

-နှလုံးသားနဲ့ထိတွေ့ပါ

-အရာရာကိုလက်ခံပါ

-မဖြစ်နိုင်တဲ့အရာတွေကိုဖြစ်နိုင်အောင်ကြိုးစားကြည့်ပါ

-အကျိုးရှိတဲ့စကားကိုတတ်နိုင်သမျှပြောဆိုပါ

-မျက်နှာမှာအပြုံးအမြဲတပ်ဆင်ထားပါ

-လူတွေကို အကောင်းမြင်ပါ

-သစ်ပင်လေးတွေကိုစကားပြောပါ

-အစိမ်းရောင်အရာတွေကို ထိတွေ့ပါ

-အေးချမ်းမူကိုရအောင်ရှာကြည့်ပါ✦

-ယွန်း

#theartofunsaidthings

လူတွေအကြောင်း

လူတွေအကြောင်းကျွန်‌မကောင်းကောင်းမသိပါဘူး
ဒါမဲ့ ကျွန်မ သိတာက

တစ်ကိုယ်ကောင်းဆန်ကြတယ်
လောဘကြီးကြတယ်
အတ္တ မာနဟာလဲ
ဖဝါးမခွာ ကပ်လျက်လိုက်နေတတ်ကြတယ်
ဒီလိုပါပဲ

တော်တော်များများက
အထက်စီးမှာ
တစ်ခါတစ်တစ်လေကျတော့လဲ
အဲ့ဒီ လူ့စရိုက်တွေကို လျစ်လျူရှူဖို့ "ထားလိုက်ပါ" ဆိုတဲ့ စကားလုံးတစ်လုံးနဲ့ပဲ လုံ့လောက်တယ်


ဒါပေမဲ့
“ထားလိုက်ပါ” လို့ ပြောနိုင်ဖို့
စိတ်ထဲမှာ တော်တော်များများကို
ကျော်ဖြတ်ထားရပါတယ်

ထားလိုက်တာဟာ
ရှုံးနိမ့်တာမဟုတ်ပါဘူး
ကိုယ့်အတွေးကို
အညစ်အကြေးမတင်ချင်လို့
ရွေးချယ်လိုက်တဲ့ အေးချမ်းမှုတစ်ခုပါ

မနာလိုခြင်းတွေကို မျက်မမြင်လိုလုပ်ရတယ်
ကိုယ့်တန်ဖိုးကို ကိုယ်တိုင်ပဲ
ခပ်တင်းတင်းဖက်ထားရတယ်

နားလည်တာများလာလေ"
ပျော်ရွှင်မူထက်အေးချမ်းမူက ပိုပြီးတန်ဖိုးရှိလာတတ်ပါတယ်

-ယွန်း

#theartofunsaidthings