ردتك ترد بيدك ورد مو من ترد تطعني
ردتك تطول بعشرتك ما ردتك تفارگني
ردت ايدك بيدي تضل ومو ايدك اللي تهدني
ردتك قلم بيدي تضل وبكيفك انت اكتبني
نار انت بس ما حسبت تحركني انت بنارك
تحركني وتباوع علي ما فكرت بسرارك
شتسوالي كل يوميه ارد تعبان من يم دارك
اذيتني وما قصرت بس
نار انت بس ما حسبت تحركني انت بنارك.

دليَني بدرُب ما إلِك خَطوه وياي
لاحَكني بخيَالك بيَش تطُلبني .

ماتجين؟
شهل كطاعه ماتجين
اني تعبان بغيابج
وانتِ بالج مدري وين؟

ما أجيك
ما أريد ينعاد الجَحيم
ومن أجَيك وبيه شَوك وحنين
تعوفني وتصَير مو ذاك البجالي سنين!!

أمنيتي أعرفَك بَطلت
لو لسه باقي تحبِني؟
ارد أفتهم تسوه
السهَر مستاهل مدِنگني؟
مُشَكلتي اعرفك
ما تردِ بَس جيب الي يتَوبني؟

روح أترس فَراغك بالبرود الـ بيك
انَه وَجه الشَمس بالمَلگى غطيتهَ .

تنطي بية ليش؟
بعد يا دمعة ما نزلتلك
حتى لا ينتهي الحنين؟
تحلم بعد تسمع دعائي والامين
تتأمل بية جية ؟
وساد بابك علينة وبكلوبنة ضل الونين؟
بيك تناقض سندباد
يحبها ساعة وساعة يطعن بياسمين ..

من شفتك هويتك واليحب مو عيب
ورسمت آرموش عينك بالعقل صوره
وماكتلك احبك مستحي وخجلان
وتضل كلمة حبيبي بكلبي محصورة
وخليت المحبه بدمي تسري هموم
وروحي من الهموم عليك مسحوره

أنت لِو غلطه بِحياتي
هَم أعيدك..
أدري أسِتاهل الأحِسن
بَس أريدك؟

‏من اولها گلبك مو الي
عندك فراغ وجيتني
تجاملني جنت بعشرتك
مو من صدك حبيتني

كَلي كُلشي
ولا تگلي تحَبني ليش؟
انتَ تدري
عيونك مسويتلي
واهَس حَتى
أعيش .

عَلى غُصن انتظارك ريح ماهبيت
وزِرعت الميل بية ، ًوخَضرت دگته
انتَ العلمتني شِلون افك ذرعان
للملگة اَلموادع ماتعلمته؟

تكلي احميك وانت
ملثم من الخوف
وتسولف على
الندى وتحرك بساتيني !
تكتل ناس،
چي ماكدرو يحبوك
ودرس عن الحسين
تريد تنطيني !!
تدليني
بدرب ماتدري دربه
منين دندل
الدرب بعدين دليني

تعوفني وتكدر بدوني
ليش ياا ثالث عيوني؟

اذا دفنوني اسولف بيك للمَيتين
ديوان بمَحبتك انصُب هناك

بَدوني شلون تعِيش
أنتَ تموت مِن دوني
منّو مَثلي يضَحيلَك
آني انطِيتك عَيوني
بَعد شتريد أسَويلك
شمعَه بليَل أضَويلك
ومِن كَل كلبي أغنيلك
وأضمَك بيَن أحضَاني
تَالي تبدَل بثانِي .

عندك غيري.!
بس غيرَك فلا عِندي
وليغُرك الناس الاضحك وياهُم
انا بوقت الحِزن وحدِي .