【黃標精選師｜Black Friday又嚟喇！】
大家準備好未？荷包大出血嘅日子又嚟喇，係呀，11月又係Black Friday優惠出沒嘅時間。不過，大家唔好見到減價就撲埋去，事關Black Friday都未必真係抵。
英國消費者機構Which？喺2020年做過調查，睇咗119件受歡迎嘅電子、家居同啲個人護理產品喺黑五前後嘅價錢做比較，就發現85%嘅所謂優惠其實喺過去半年嘅時候已經做緊，甚至可能仲平啲，而98%貨品喺之後半年，都係有做過呢個價錢，所以見到「減價」時，都不妨Check吓係咪真係平咗，若果賣晒，又唔使失望，相信好快又會出現番。
點樣Check價？除咗之前提過嘅CamelCamelCamel，仲可以睇埋Pricerunner同PriceSpy，因為Camel主要係比較Amazon嘅價錢，後面呢2個網站就可以睇埋其他網，有冇平啲嘅選擇。
最近多咗朋友收屋，大家都開始要買電器，其實除咗Amazon、Argos、Currys呢啲公司外，仲可以睇吓Richard Sounds同AO.com，兩間喺Which？都有唔錯評分，其中喺Value for money一項都係滿分。
Charlotte自己仲會睇吓Cashback有咩優惠，例如可以買定Giftcard再趁黑五消費，仲可以睇吓有冇額外Cashback，事關呢期已經有唔少舖頭做緊暖場優惠，就連Tesco依家都有唔少嘢，好似玩具、廚具呢啲有8% Cashback，最誇張係如果你未試過用佢嘅Click & Collect，買滿25鎊佢會有8鎊回贈，真係好誇張。
最後，又要講多次，如果大家喺Amazon落單，記住用smile.amazon.co.uk，每次買完嘢，Amazon都會捐番單價0.5%去你指定嘅機構，咁就梗係要支持吓一直為香港發聲嘅Hong Kong Watch。
作者：Charlotte
逢周六英國時間上午11時 / 香港時間下午7時刊出
全文請到Patreon免費閱覽
https://www.patreon.com/posts/74839856
#黃標精選師 #專欄 #blackfriday
大家準備好未？荷包大出血嘅日子又嚟喇，係呀，11月又係Black Friday優惠出沒嘅時間。不過，大家唔好見到減價就撲埋去，事關Black Friday都未必真係抵。
英國消費者機構Which？喺2020年做過調查，睇咗119件受歡迎嘅電子、家居同啲個人護理產品喺黑五前後嘅價錢做比較，就發現85%嘅所謂優惠其實喺過去半年嘅時候已經做緊，甚至可能仲平啲，而98%貨品喺之後半年，都係有做過呢個價錢，所以見到「減價」時，都不妨Check吓係咪真係平咗，若果賣晒，又唔使失望，相信好快又會出現番。
點樣Check價？除咗之前提過嘅CamelCamelCamel，仲可以睇埋Pricerunner同PriceSpy，因為Camel主要係比較Amazon嘅價錢，後面呢2個網站就可以睇埋其他網，有冇平啲嘅選擇。
最近多咗朋友收屋，大家都開始要買電器，其實除咗Amazon、Argos、Currys呢啲公司外，仲可以睇吓Richard Sounds同AO.com，兩間喺Which？都有唔錯評分，其中喺Value for money一項都係滿分。
Charlotte自己仲會睇吓Cashback有咩優惠，例如可以買定Giftcard再趁黑五消費，仲可以睇吓有冇額外Cashback，事關呢期已經有唔少舖頭做緊暖場優惠，就連Tesco依家都有唔少嘢，好似玩具、廚具呢啲有8% Cashback，最誇張係如果你未試過用佢嘅Click & Collect，買滿25鎊佢會有8鎊回贈，真係好誇張。
最後，又要講多次，如果大家喺Amazon落單，記住用smile.amazon.co.uk，每次買完嘢，Amazon都會捐番單價0.5%去你指定嘅機構，咁就梗係要支持吓一直為香港發聲嘅Hong Kong Watch。
作者：Charlotte
逢周六英國時間上午11時 / 香港時間下午7時刊出
全文請到Patreon免費閱覽
https://www.patreon.com/posts/74839856
#黃標精選師 #專欄 #blackfriday
【黃標精選師｜又係時候買定聖誕裝飾】
Charlotte舊年第一次喺英國過冬，覺得又凍又早天黑，當時的確係有啲Winter Blue。今年可能心態慢慢調節咗，依家雖然日照時間愈嚟愈短，但覺得無咁難受，而且好似一過完萬聖節，市面啲聖誕氣氛就湧住出嚟，又係時候買定啲聖誕裝飾，佈置吓屋企。
我諗好多人同我一樣，無諗過有一日可以喺屋企擺棵真嘅聖誕樹。喺英國買聖誕樹，感覺係有啲似以前農曆年買桃花咁。暫時睇，今年買真聖誕樹最平嘅係Aldi，一棵1.5至1.7米高、喺蘇格蘭斬落嚟嘅聖誕樹，15鎊有找。另一個香港人鍾意去嘅Ikea呢，雖然要25鎊，但佢會送返10鎊Coupon畀你，可以之後用返嚟買嘢，其實都抵。因為係真聖誕樹，所以預咗佢會落葉，唔想喺屋企執葉執到傻，可以揀Nordmann品種，因為佢跌葉嘅速度係慢過傳統嘅Norway spruce。
唔想擺完一年棵樹就拎去回收，另一個選擇係買喺盆種植嘅聖誕樹，過咗聖誕就可以擺出花園繼續種，不過因為咁，價錢就貴啲，以B&Q為例，一棵1.2至1.5米高嘅盆種Nordmann都要40幾鎊。同埋留意返，Potted trees唔等於Pot-grown trees，佢係種完先移植落盆，有機會傷咗啲根，未必襟擺。
聖誕燈飾係另一重點，舊年唔少鄰居都好捨得花錢，整到間屋鬼咁靚，但今年通脹咁勁，電費又升得咁誇張，大家係咪要縮皮？似乎又未必，事關英國消費者組織Which？好認真做咗研究，一串有200或400個燈泡嘅燈飾，一日着足6個鐘，原來都唔使1p，而你開部43吋4K電視睇世界盃1個鐘，都要1.5p。同埋，不論你買黃光定白光，一串有200定400粒燈泡，個耗電量都差唔多，所以大家唔使驚到時會因為咁用多咗好多電。
作者：Charlotte
逢周六英國時間上午11時 / 香港時間下午7時刊出
全文請到Patreon免費閱覽
https://www.patreon.com/posts/75119905
#黃標精選師 #專欄
Charlotte舊年第一次喺英國過冬，覺得又凍又早天黑，當時的確係有啲Winter Blue。今年可能心態慢慢調節咗，依家雖然日照時間愈嚟愈短，但覺得無咁難受，而且好似一過完萬聖節，市面啲聖誕氣氛就湧住出嚟，又係時候買定啲聖誕裝飾，佈置吓屋企。
我諗好多人同我一樣，無諗過有一日可以喺屋企擺棵真嘅聖誕樹。喺英國買聖誕樹，感覺係有啲似以前農曆年買桃花咁。暫時睇，今年買真聖誕樹最平嘅係Aldi，一棵1.5至1.7米高、喺蘇格蘭斬落嚟嘅聖誕樹，15鎊有找。另一個香港人鍾意去嘅Ikea呢，雖然要25鎊，但佢會送返10鎊Coupon畀你，可以之後用返嚟買嘢，其實都抵。因為係真聖誕樹，所以預咗佢會落葉，唔想喺屋企執葉執到傻，可以揀Nordmann品種，因為佢跌葉嘅速度係慢過傳統嘅Norway spruce。
唔想擺完一年棵樹就拎去回收，另一個選擇係買喺盆種植嘅聖誕樹，過咗聖誕就可以擺出花園繼續種，不過因為咁，價錢就貴啲，以B&Q為例，一棵1.2至1.5米高嘅盆種Nordmann都要40幾鎊。同埋留意返，Potted trees唔等於Pot-grown trees，佢係種完先移植落盆，有機會傷咗啲根，未必襟擺。
聖誕燈飾係另一重點，舊年唔少鄰居都好捨得花錢，整到間屋鬼咁靚，但今年通脹咁勁，電費又升得咁誇張，大家係咪要縮皮？似乎又未必，事關英國消費者組織Which？好認真做咗研究，一串有200或400個燈泡嘅燈飾，一日着足6個鐘，原來都唔使1p，而你開部43吋4K電視睇世界盃1個鐘，都要1.5p。同埋，不論你買黃光定白光，一串有200定400粒燈泡，個耗電量都差唔多，所以大家唔使驚到時會因為咁用多咗好多電。
作者：Charlotte
逢周六英國時間上午11時 / 香港時間下午7時刊出
全文請到Patreon免費閱覽
https://www.patreon.com/posts/75119905
#黃標精選師 #專欄
【黃標精選師｜入鄉隨俗過聖誕】
嚟咗英國，都要入鄉隨俗，學吓本地人點樣過聖誕。上星期講咗買棵真聖誕樹，同整燈飾，下一步自然係諗吓食啲乜。Charlotte自己對火雞就麻麻，但可以試吓Christmas Pudding、Mince Pies。不過，唔知大家有無人同我一樣，行入超市，見到有唔同品牌，花多眼亂，真係完全無頭緒，應該揀邊樣嚟試。
我之前都講過，反正個個品牌都咁陌生，我通常都揀畀大牌子平啲嘅超市自家品牌。咁其實味道、品質相差幾遠？Charlotte自己未試晒，不過Which？就成日做呢啲品牌比較，以唔少朋友都鍾意買嚟食嘅Little Moon芒果糯米糍雪糕為例，1盒6粒最平喺Asda依家都要賣4.8鎊，咁喺Aldi都有類似嘅Wao Monchi，一樣6粒只係賣3.69鎊，佢搵人做盲品，結果評分仲高過Little Moon。
而有啲自家品牌都分咗平價同貴價版，咁係咪又係愈貴愈好？以Sainsbury自家出嘅Cheddar Cheese為例，盲品評分又係好過Taste the Difference呢條貴啲嘅Line。
講返聖誕，Which？推介咗幾樣平得嚟又有質素嘅超市自家品牌應節食物，包括Aldi Specially Selected Mince Pie（1盒6個賣1.75鎊）、Asda Extra Special Christmas Pudding（8鎊），平平地可以試吓。
仲有，呢度聖誕好多時都會送禮物畀朋友、鄰居等等，表達謝意兼搞好關係，買支靚酒都係好嘅選擇，Which？就推介咗Aldi Specially Selected Crémant du Jura 2019同Co-op Irresistible Prosecco，都係10鎊內搞掂，亦唔太失禮。
作者：Charlotte
逢周六英國時間上午11時 / 香港時間下午7時刊出
全文請到Patreon免費閱覽
https://www.patreon.com/posts/75435282
#黃標精選師 #專欄
嚟咗英國，都要入鄉隨俗，學吓本地人點樣過聖誕。上星期講咗買棵真聖誕樹，同整燈飾，下一步自然係諗吓食啲乜。Charlotte自己對火雞就麻麻，但可以試吓Christmas Pudding、Mince Pies。不過，唔知大家有無人同我一樣，行入超市，見到有唔同品牌，花多眼亂，真係完全無頭緒，應該揀邊樣嚟試。
我之前都講過，反正個個品牌都咁陌生，我通常都揀畀大牌子平啲嘅超市自家品牌。咁其實味道、品質相差幾遠？Charlotte自己未試晒，不過Which？就成日做呢啲品牌比較，以唔少朋友都鍾意買嚟食嘅Little Moon芒果糯米糍雪糕為例，1盒6粒最平喺Asda依家都要賣4.8鎊，咁喺Aldi都有類似嘅Wao Monchi，一樣6粒只係賣3.69鎊，佢搵人做盲品，結果評分仲高過Little Moon。
而有啲自家品牌都分咗平價同貴價版，咁係咪又係愈貴愈好？以Sainsbury自家出嘅Cheddar Cheese為例，盲品評分又係好過Taste the Difference呢條貴啲嘅Line。
講返聖誕，Which？推介咗幾樣平得嚟又有質素嘅超市自家品牌應節食物，包括Aldi Specially Selected Mince Pie（1盒6個賣1.75鎊）、Asda Extra Special Christmas Pudding（8鎊），平平地可以試吓。
仲有，呢度聖誕好多時都會送禮物畀朋友、鄰居等等，表達謝意兼搞好關係，買支靚酒都係好嘅選擇，Which？就推介咗Aldi Specially Selected Crémant du Jura 2019同Co-op Irresistible Prosecco，都係10鎊內搞掂，亦唔太失禮。
作者：Charlotte
逢周六英國時間上午11時 / 香港時間下午7時刊出
全文請到Patreon免費閱覽
https://www.patreon.com/posts/75435282
#黃標精選師 #專欄
【黃標精選師｜英國買屋血淚史】
唔少香港朋友嚟咗英國一段時間，都開始買屋落地生根。Charlotte有位朋友（叫佢N仔）最近就分享咗佢嘅慘痛經歷，都值得同大家講吓。話說佢今年中就申請定Mortgage，好快就睇中咗間屋，以為好好彩第一次出Offer就搞掂咗，點知先係惡夢開始。
首先，就喺Offer Accept咗兩星期後，N仔收到地產電話，話業主收到另一個Offer，簡單嚟講就係想抬價。N仔梗係好嬲，因為律師都做緊嘢，但無奈係英國一日未去到交換合約，雙方都可以隨時無條件反口，所以佢就諗吓有無咩嘢，可以同業主講打動佢。
點知佢認真睇完張Memorandum of Sale之後，就覺得有啲奇怪，明明之前講到業主係兩公婆，點解上面有第3個名，仲要完全唔同姓，於是佢就Google一吓，就有驚人發現，原來呢位第三者竟然係地產公司嘅Director，而一路係無人同佢講。
於是，佢就打返去地產公司，鬧佢哋有利益衝突，對方就即刻晒冧，講明唔會再抬價。雖然覺得佢哋唔多老實，但N仔當時因為太鍾意間屋，所以就繼續去馬。問題當然陸續有來，先係睇契發現有啲嘢同地產聲稱唔同，而且所有電力、EPC嘅測試都未做，但對方又聲稱租過出去1年，所以一係犯法，一係就講大話。
最大鑊係，N仔個Mortgage去到11月底就到期，銀行講到明因為利息加咗好多無得延長，佢已經係咁催賣家覆文件，結果去到11月中先收到，但好可惜，律師睇完發覺文件唔齊，仲要間屋喺Planning Permit、Building Regulation出問題，無可能趕及Mortgage完之前解決，銀行根本唔會批准用個借貸。N仔本身都有諗過係咪轉現金買就算，但賣家完全唔覺得自己有問題，無打算去糾正呢啲問題，同埋就算佢想糾正都唔知搞幾耐，所以N仔最後都決定唔買，個業主兼地產公司老細最後仲要鬧佢。
N仔當然勁嬲，明明佢因為咁無咗個低息Mortgage Plan，又要蝕律師、驗樓費，所以已經同咗唔少當區香港人分享件事，仲打算去投訴。聽完N仔個經歷，真係既憤怒又無奈，唯有安慰佢呢期樓價跌，可能搵到更好。同埋，下次買樓，考慮買份保險，交易有問題都有得賠，唔使損失咁慘重。
作者：Charlotte
逢周六英國時間上午11時 / 香港時間下午7時刊出
全文請到Patreon免費閱覽
https://www.patreon.com/posts/75731771
#黃標精選師 #專欄
唔少香港朋友嚟咗英國一段時間，都開始買屋落地生根。Charlotte有位朋友（叫佢N仔）最近就分享咗佢嘅慘痛經歷，都值得同大家講吓。話說佢今年中就申請定Mortgage，好快就睇中咗間屋，以為好好彩第一次出Offer就搞掂咗，點知先係惡夢開始。
首先，就喺Offer Accept咗兩星期後，N仔收到地產電話，話業主收到另一個Offer，簡單嚟講就係想抬價。N仔梗係好嬲，因為律師都做緊嘢，但無奈係英國一日未去到交換合約，雙方都可以隨時無條件反口，所以佢就諗吓有無咩嘢，可以同業主講打動佢。
點知佢認真睇完張Memorandum of Sale之後，就覺得有啲奇怪，明明之前講到業主係兩公婆，點解上面有第3個名，仲要完全唔同姓，於是佢就Google一吓，就有驚人發現，原來呢位第三者竟然係地產公司嘅Director，而一路係無人同佢講。
於是，佢就打返去地產公司，鬧佢哋有利益衝突，對方就即刻晒冧，講明唔會再抬價。雖然覺得佢哋唔多老實，但N仔當時因為太鍾意間屋，所以就繼續去馬。問題當然陸續有來，先係睇契發現有啲嘢同地產聲稱唔同，而且所有電力、EPC嘅測試都未做，但對方又聲稱租過出去1年，所以一係犯法，一係就講大話。
最大鑊係，N仔個Mortgage去到11月底就到期，銀行講到明因為利息加咗好多無得延長，佢已經係咁催賣家覆文件，結果去到11月中先收到，但好可惜，律師睇完發覺文件唔齊，仲要間屋喺Planning Permit、Building Regulation出問題，無可能趕及Mortgage完之前解決，銀行根本唔會批准用個借貸。N仔本身都有諗過係咪轉現金買就算，但賣家完全唔覺得自己有問題，無打算去糾正呢啲問題，同埋就算佢想糾正都唔知搞幾耐，所以N仔最後都決定唔買，個業主兼地產公司老細最後仲要鬧佢。
N仔當然勁嬲，明明佢因為咁無咗個低息Mortgage Plan，又要蝕律師、驗樓費，所以已經同咗唔少當區香港人分享件事，仲打算去投訴。聽完N仔個經歷，真係既憤怒又無奈，唯有安慰佢呢期樓價跌，可能搵到更好。同埋，下次買樓，考慮買份保險，交易有問題都有得賠，唔使損失咁慘重。
作者：Charlotte
逢周六英國時間上午11時 / 香港時間下午7時刊出
全文請到Patreon免費閱覽
https://www.patreon.com/posts/75731771
#黃標精選師 #專欄
【黃標精選師｜貴族玩意原來唔算貴】
Charlotte係The Crown嘅Fans，早排追第五季，有集講到菲臘親王年紀大咗，但都繼續發展新興趣，嗰集就係講佢學習控制馬車，仲鼓勵親友一齊試吓玩。Charlotte早排都有位朋友，由香港嚟咗英國旅行，雖然佢就冇皇夫年紀咁大，但係都人到中年，不過佢一樣放膽去試新嘢，跟咗人去學打馬球，仲話咗畀我知，原來呢樣貴族玩意，無想像中咁貴。
呢位朋友話先後去咗兩個球會學打波，一個就喺Warwick嗰邊嘅老牌馬球會，一堂45分鐘左右，大約60鎊。另一堂就去咗倫敦附近嘅Silver Leys Polo Club，呢度就貴少少，80至90鎊一堂，但明顯啲馬靚啲，嚟一齊打馬球嘅又多啲有錢人，有啲仲要專程由法國過嚟玩。當然，平就講唔上，但係呢啲傳統貴族玩意又無想像中咁貴。佢話雖然有啲堂都係要入咗會先得，但呢啲球會都驚老化，所以依家都好積極做推廣，就算佢係一個外地人嚟學打波，都無任歡迎。朋友仲話，啲導師仲係喺大學馬球隊打波嘅後生仔，猛話上堂好玩，第時要再嚟咁話。
除咗打馬球，呢度學騎馬一樣唔算貴，喺倫敦周邊學騎馬，成人上45至60分鐘堂，都係30至50鎊，小朋友仲抵玩，20幾鎊就有得玩。老實講，以前喺香港，小朋友有好多課外活動，但通常都係彈琴、跆拳道呢啲，我諗大家都無諗過有一日可以玩呢啲喺香港相對冷門啲嘅玩意，所以不如趁新一年嚟到，去學樣新玩意，培養新興趣。
作者：Charlotte
逢周六英國時間上午11時 / 香港時間下午7時刊出
全文請到Patreon免費閱覽
https://www.patreon.com/posts/76018960
#黃標精選師 #專欄
Charlotte係The Crown嘅Fans，早排追第五季，有集講到菲臘親王年紀大咗，但都繼續發展新興趣，嗰集就係講佢學習控制馬車，仲鼓勵親友一齊試吓玩。Charlotte早排都有位朋友，由香港嚟咗英國旅行，雖然佢就冇皇夫年紀咁大，但係都人到中年，不過佢一樣放膽去試新嘢，跟咗人去學打馬球，仲話咗畀我知，原來呢樣貴族玩意，無想像中咁貴。
呢位朋友話先後去咗兩個球會學打波，一個就喺Warwick嗰邊嘅老牌馬球會，一堂45分鐘左右，大約60鎊。另一堂就去咗倫敦附近嘅Silver Leys Polo Club，呢度就貴少少，80至90鎊一堂，但明顯啲馬靚啲，嚟一齊打馬球嘅又多啲有錢人，有啲仲要專程由法國過嚟玩。當然，平就講唔上，但係呢啲傳統貴族玩意又無想像中咁貴。佢話雖然有啲堂都係要入咗會先得，但呢啲球會都驚老化，所以依家都好積極做推廣，就算佢係一個外地人嚟學打波，都無任歡迎。朋友仲話，啲導師仲係喺大學馬球隊打波嘅後生仔，猛話上堂好玩，第時要再嚟咁話。
除咗打馬球，呢度學騎馬一樣唔算貴，喺倫敦周邊學騎馬，成人上45至60分鐘堂，都係30至50鎊，小朋友仲抵玩，20幾鎊就有得玩。老實講，以前喺香港，小朋友有好多課外活動，但通常都係彈琴、跆拳道呢啲，我諗大家都無諗過有一日可以玩呢啲喺香港相對冷門啲嘅玩意，所以不如趁新一年嚟到，去學樣新玩意，培養新興趣。
作者：Charlotte
逢周六英國時間上午11時 / 香港時間下午7時刊出
全文請到Patreon免費閱覽
https://www.patreon.com/posts/76018960
#黃標精選師 #專欄
【黃標精選師｜聖誕前夕超市特別「佛心」】
聖誕節話咁快就到，一到25號就各大舖頭都休息關門，大家有無提早去超市入定貨囤糧過節？無都唔使心急，但都要快手，事關超市放假前夕，為免啲嘢賣唔晒而變壞，好多新鮮食品都會特別平。
最近有唔少超市已經開始賣緊19p蔬菜，試諗吓2港元唔使，就有一大舊西蘭花，或者一大袋2.5公斤嘅薯仔或者紅蘿蔔，真係平得離譜。不過，今明兩日預計先係最平嘅日子。Charlotte舊年就買過9p蔬菜，以為一大袋薯仔唔使1港元已經平到顛？最誇張係1隻雞都只係1鎊，計返港紙都係10蚊雞，完全唔使思考就放咗落個籃，聽聞早少少去，仲可以買到超抵價牛扒。雖然咁講有啲怪，但聖誕前嘅超市，真係特別「佛心」。
除咗有清貨價食物，呢期幾間超市嘅餐廳都做緊小朋友優惠，好似Asda café，出年3月中前，就算大人唔消費，買個小朋友餐只係要1鎊；Tesco由拆禮物日去到出年1月6號，大人就算只係買份60P嘅Fresh fruit，小朋友都可以免費食到1份Hot Meal Deal；就算係去IKEA，小朋友呢排都可以用95p食到個意粉連汽水。
不過都係嗰句，大家去掃特價貨時，盡量唔好掃晒，始終今個冬天唔易捱，好多家庭都要慳住咁去過，有能力嘅不妨買多少少嘢畀食物銀行，特別聖誕節係一個分享愛嘅節日。祝身在世界各地嘅香港人，都有個平安愉快嘅節日！
作者：Charlotte
逢周六英國時間上午11時 / 香港時間下午7時刊出
全文請到Patreon免費閱覽
https://www.patreon.com/posts/76300354
#黃標精選師 #專欄
聖誕節話咁快就到，一到25號就各大舖頭都休息關門，大家有無提早去超市入定貨囤糧過節？無都唔使心急，但都要快手，事關超市放假前夕，為免啲嘢賣唔晒而變壞，好多新鮮食品都會特別平。
最近有唔少超市已經開始賣緊19p蔬菜，試諗吓2港元唔使，就有一大舊西蘭花，或者一大袋2.5公斤嘅薯仔或者紅蘿蔔，真係平得離譜。不過，今明兩日預計先係最平嘅日子。Charlotte舊年就買過9p蔬菜，以為一大袋薯仔唔使1港元已經平到顛？最誇張係1隻雞都只係1鎊，計返港紙都係10蚊雞，完全唔使思考就放咗落個籃，聽聞早少少去，仲可以買到超抵價牛扒。雖然咁講有啲怪，但聖誕前嘅超市，真係特別「佛心」。
除咗有清貨價食物，呢期幾間超市嘅餐廳都做緊小朋友優惠，好似Asda café，出年3月中前，就算大人唔消費，買個小朋友餐只係要1鎊；Tesco由拆禮物日去到出年1月6號，大人就算只係買份60P嘅Fresh fruit，小朋友都可以免費食到1份Hot Meal Deal；就算係去IKEA，小朋友呢排都可以用95p食到個意粉連汽水。
不過都係嗰句，大家去掃特價貨時，盡量唔好掃晒，始終今個冬天唔易捱，好多家庭都要慳住咁去過，有能力嘅不妨買多少少嘢畀食物銀行，特別聖誕節係一個分享愛嘅節日。祝身在世界各地嘅香港人，都有個平安愉快嘅節日！
作者：Charlotte
逢周六英國時間上午11時 / 香港時間下午7時刊出
全文請到Patreon免費閱覽
https://www.patreon.com/posts/76300354
#黃標精選師 #專欄
【黃標精選師｜2023年英國打工仔請假攻略】
聽日就係新一年，又係時候諗定放假計劃。雖然人在英國，但呢度公眾假期少過香港，不過勝在年假多，所以更加應該要諗定點請假，然後去旅行，如果跟足請假攻略，Charlotte計過，2023年請19日假，就可以放到48日假。
公眾假期：4月7日至10日復活節
・請假：4月3日至6日（4天）
・放假：4月1日至10日（10天）
公眾假期：5月1日May Bank Holiday、5月8日Coronation Bank Holiday
・請假：5月2日至5日（4天）
・放假：4月29日至5月8日（10天）
公眾假期：5月29日Spring bank holiday
・請假：5月30日至6月2日（4天）
・放假：5月27日至6月4日（9天）
公眾假期：8月28日 Summer bank holiday
・請假：8月29日至9月1日（4天）
・放假：8月26日至9月3日（9天）
公眾假期：12月25及26日聖誕節
・請假：12月27日至29日（3天）
・放假：12月23日至1月1日（10天）
放長假自然要諗吓去邊度玩，雖然英鎊今年跌咗唔少，但過歐洲都有唔少抵玩選擇。除咗西葡、匈牙利呢啲香港人較熟嘅國家，仲可以考慮去保加利亞，來回機票都係120鎊左右，揀間近沙灘嘅3至4星Resort，一晚大約60鎊，飲杯咖啡都係60p，除咗首都索菲亞，仲可以去南邊世遺古城Nessebar，依家住喺英國，應該可以去吓呢啲冷門地方。
長途就可以考慮去南非、毛里裘斯，來回機票可以係700鎊有找，較另類選擇係去哥斯達黎加，當年睇完Chris Leung背遊系列，都對呢個地方產生濃厚興趣，心郁郁去睇大自然生態，重點係機票只係500幾鎊，平過去阿根廷或者墨西哥。大家新一年，諗好去邊未？
作者：Charlotte
逢周六英國時間上午11時 / 香港時間下午7時刊出
全文請到Patreon免費閱覽
https://www.patreon.com/posts/76573422
#黃標精選師 #專欄
聽日就係新一年，又係時候諗定放假計劃。雖然人在英國，但呢度公眾假期少過香港，不過勝在年假多，所以更加應該要諗定點請假，然後去旅行，如果跟足請假攻略，Charlotte計過，2023年請19日假，就可以放到48日假。
公眾假期：4月7日至10日復活節
・請假：4月3日至6日（4天）
・放假：4月1日至10日（10天）
公眾假期：5月1日May Bank Holiday、5月8日Coronation Bank Holiday
・請假：5月2日至5日（4天）
・放假：4月29日至5月8日（10天）
公眾假期：5月29日Spring bank holiday
・請假：5月30日至6月2日（4天）
・放假：5月27日至6月4日（9天）
公眾假期：8月28日 Summer bank holiday
・請假：8月29日至9月1日（4天）
・放假：8月26日至9月3日（9天）
公眾假期：12月25及26日聖誕節
・請假：12月27日至29日（3天）
・放假：12月23日至1月1日（10天）
放長假自然要諗吓去邊度玩，雖然英鎊今年跌咗唔少，但過歐洲都有唔少抵玩選擇。除咗西葡、匈牙利呢啲香港人較熟嘅國家，仲可以考慮去保加利亞，來回機票都係120鎊左右，揀間近沙灘嘅3至4星Resort，一晚大約60鎊，飲杯咖啡都係60p，除咗首都索菲亞，仲可以去南邊世遺古城Nessebar，依家住喺英國，應該可以去吓呢啲冷門地方。
長途就可以考慮去南非、毛里裘斯，來回機票可以係700鎊有找，較另類選擇係去哥斯達黎加，當年睇完Chris Leung背遊系列，都對呢個地方產生濃厚興趣，心郁郁去睇大自然生態，重點係機票只係500幾鎊，平過去阿根廷或者墨西哥。大家新一年，諗好去邊未？
作者：Charlotte
逢周六英國時間上午11時 / 香港時間下午7時刊出
全文請到Patreon免費閱覽
https://www.patreon.com/posts/76573422
#黃標精選師 #專欄
【黃標精選師｜英國買屋多學問】
Charlotte早排寫過朋友N仔喺英國買屋出師不利，我之後都有關心吓佢依家情況，結果又學多咗嘢，所以又繼續同大家分享吓。N仔話好快又睇中咗第二間，業主又接受咗出價，點知唔夠24小時，業主就反口。N仔今次打算Cash Buy，出價仲好貼近個叫價，但對方都唔肯賣，估計係想賣畀自己朋友，兼可以慳返個佣。
無奈下繼續搵屋，過一陣又睇中咗一間爛屋，雖然要花錢大裝修，但整完起碼啱自己心水。業主又接受咗佢出價，但今次又有新玩法。話說業主係一間公司，接受咗個出價之後，先話要喺地契加條款，寫明第日如果拆部分花園賣畀其他人起屋，佢要分3分1。N仔聽完都𢲷晒頭，律師講明呢啲overage term好煩，要花好多時間同對家鍊，而Mortgage Advisor就話大部分銀行都唔會肯借錢畀有呢啲term嘅物業，即係影響日後轉售，所以N仔就覆返話唔買。
對方又走返嚟話，「好啦，唔使分你賣地盈利，但都要寫明呢個Plot of land上面只可以有一間屋，但Extension、Outbuilding就唔包括在內。」聽落好似好合理，經紀佬仲講到好多新屋苑都有呢啲條款。不過，呢啲restrictive covenant一樣煩，因為要解除佢時，就要搵返呢間公司，對方先會開「贖金」，所以一樣有機會影響按揭。至於地產佬講新屋嗰個情況，通常都有期限，唔似呢個跟塊地一世。N仔都話地產佬用語言偽術包裝到啲嘢人畜無害咁，又專登唔講呢啲terms，等你上網搵唔到資料，所以真係要冷靜問多啲意見。
N仔話，自己無諗過賣花園，同埋花咁大舊錢去裝修，就係想住過世，而且個花園都無路去到，要賣都要鄰居肯賣花園先得，所以佢都有提議話不如加多少少錢，唔好搞咁多嘢，點知對方可能因為係小型發展商，成日覺得塊地有潛力，死都唔肯，所以N仔又買唔成。佢都笑自己勁在3間屋嘅Offer accept比率達百分百，但一樣係100%買唔成。Charlotte唯有祝佢新一年順利啦！
作者：Charlotte
逢周六英國時間上午11時 / 香港時間下午7時刊出
全文請到Patreon免費閱覽
https://www.patreon.com/posts/76900522
#黃標精選師 #專欄
Charlotte早排寫過朋友N仔喺英國買屋出師不利，我之後都有關心吓佢依家情況，結果又學多咗嘢，所以又繼續同大家分享吓。N仔話好快又睇中咗第二間，業主又接受咗出價，點知唔夠24小時，業主就反口。N仔今次打算Cash Buy，出價仲好貼近個叫價，但對方都唔肯賣，估計係想賣畀自己朋友，兼可以慳返個佣。
無奈下繼續搵屋，過一陣又睇中咗一間爛屋，雖然要花錢大裝修，但整完起碼啱自己心水。業主又接受咗佢出價，但今次又有新玩法。話說業主係一間公司，接受咗個出價之後，先話要喺地契加條款，寫明第日如果拆部分花園賣畀其他人起屋，佢要分3分1。N仔聽完都𢲷晒頭，律師講明呢啲overage term好煩，要花好多時間同對家鍊，而Mortgage Advisor就話大部分銀行都唔會肯借錢畀有呢啲term嘅物業，即係影響日後轉售，所以N仔就覆返話唔買。
對方又走返嚟話，「好啦，唔使分你賣地盈利，但都要寫明呢個Plot of land上面只可以有一間屋，但Extension、Outbuilding就唔包括在內。」聽落好似好合理，經紀佬仲講到好多新屋苑都有呢啲條款。不過，呢啲restrictive covenant一樣煩，因為要解除佢時，就要搵返呢間公司，對方先會開「贖金」，所以一樣有機會影響按揭。至於地產佬講新屋嗰個情況，通常都有期限，唔似呢個跟塊地一世。N仔都話地產佬用語言偽術包裝到啲嘢人畜無害咁，又專登唔講呢啲terms，等你上網搵唔到資料，所以真係要冷靜問多啲意見。
N仔話，自己無諗過賣花園，同埋花咁大舊錢去裝修，就係想住過世，而且個花園都無路去到，要賣都要鄰居肯賣花園先得，所以佢都有提議話不如加多少少錢，唔好搞咁多嘢，點知對方可能因為係小型發展商，成日覺得塊地有潛力，死都唔肯，所以N仔又買唔成。佢都笑自己勁在3間屋嘅Offer accept比率達百分百，但一樣係100%買唔成。Charlotte唯有祝佢新一年順利啦！
作者：Charlotte
逢周六英國時間上午11時 / 香港時間下午7時刊出
全文請到Patreon免費閱覽
https://www.patreon.com/posts/76900522
#黃標精選師 #專欄
【黃標精選師｜英國有咩Forum網站值得睇？】
以前因為工作關係，Charlotte都係重度依賴網絡，除咗睇連登，仲會不斷睇唔同嘅Facebook Page、群組。嚟到英國，除咗都會繼續睇香港資訊，當然都要睇吓呢邊嘅Forum。以下就等我拋磚引玉，分享幾個我經常睇嘅網站：
1. reddit，應該大家都有聽過呢個外國版連登，真係乜Topic都有，雖然Charlotte年輕不再，不過有時想知道吓個地方好唔好住，都可以試吓喺reddit度搵吓有無人講，睇吓當地人嘅睇法。
2. mumsnet，英國版Babykingdom，講明係阿媽圍爐討論，由大肚講到湊仔日常。我雖然唔係阿媽，但有時睇吓英國媽媽分享吓慳錢方法、有咩旅行好地方等等，都學到嘢。
3. Which?，我會形容佢係英國版消委會，佢雖然唔係政府資助機構，但一樣有做好多產品測試，當然有啲係收費內容，但好多涉及公眾利益嘅議題，例如每月超市物價比較、日常生活慳錢貼士等等都可以免費睇，絕對大推！
4. Money Saving Expert，基本上所有同錢有關嘅嘢佢都有機會講，除咗講吓依家市面上唔同消費優惠，仲會講吓理財、報稅等。佢裏面仲設有Forum，我覺得專講Mortgages & home嗰Part係好啱初嚟香港人，之前N仔買屋都有入去睇吓其他本地人遇到相同情況時，會有咩意見，佢都話好有用。
此外，我都鼓勵大家喺Facebook搵返自己所住嘅社區群組，了解吓社區發生嘅事。大家有其他值得推介嘅網站，不妨留言分享吓。
作者：Charlotte
逢周六英國時間上午11時 / 香港時間下午7時刊出
全文請到Patreon免費閱覽
https://www.patreon.com/posts/77203035
#黃標精選師 #專欄
以前因為工作關係，Charlotte都係重度依賴網絡，除咗睇連登，仲會不斷睇唔同嘅Facebook Page、群組。嚟到英國，除咗都會繼續睇香港資訊，當然都要睇吓呢邊嘅Forum。以下就等我拋磚引玉，分享幾個我經常睇嘅網站：
1. reddit，應該大家都有聽過呢個外國版連登，真係乜Topic都有，雖然Charlotte年輕不再，不過有時想知道吓個地方好唔好住，都可以試吓喺reddit度搵吓有無人講，睇吓當地人嘅睇法。
2. mumsnet，英國版Babykingdom，講明係阿媽圍爐討論，由大肚講到湊仔日常。我雖然唔係阿媽，但有時睇吓英國媽媽分享吓慳錢方法、有咩旅行好地方等等，都學到嘢。
3. Which?，我會形容佢係英國版消委會，佢雖然唔係政府資助機構，但一樣有做好多產品測試，當然有啲係收費內容，但好多涉及公眾利益嘅議題，例如每月超市物價比較、日常生活慳錢貼士等等都可以免費睇，絕對大推！
4. Money Saving Expert，基本上所有同錢有關嘅嘢佢都有機會講，除咗講吓依家市面上唔同消費優惠，仲會講吓理財、報稅等。佢裏面仲設有Forum，我覺得專講Mortgages & home嗰Part係好啱初嚟香港人，之前N仔買屋都有入去睇吓其他本地人遇到相同情況時，會有咩意見，佢都話好有用。
此外，我都鼓勵大家喺Facebook搵返自己所住嘅社區群組，了解吓社區發生嘅事。大家有其他值得推介嘅網站，不妨留言分享吓。
作者：Charlotte
逢周六英國時間上午11時 / 香港時間下午7時刊出
全文請到Patreon免費閱覽
https://www.patreon.com/posts/77203035
#黃標精選師 #專欄
【黃標精選師｜足不出門都可以賺吓零用錢？】
Charlotte識唔少移居英國嘅港人家庭，只可以得爸爸出去做嘢，以前都係上班族嘅媽媽，好多時因為無咗姐姐或者長者幫手，就要留喺屋企照顧小朋友。由兩個人賺錢變返一份糧，雖然都夠洗，但係安全感細咗，咁有咩方法可以賺錢幫補吓？
其實英國賺錢方法真係五花百門，今日就等Charlotte分享幾種足不出戶，都可以賺到少少零用錢嘅方法。首先，就梗係利用自己屋企嘅地理優勢，如果你住得近市中心或者車站，而泊車位又用唔晒，不妨將佢租出（前提梗係要個地方係你嘅，如果你都係租地方，就留意返可唔可以分租）。最受歡迎嘅網站就係JustPark，擺上去時租、日租、月租都可以，另一個網站就係ParkLet，不過呢個適合放長租多啲，留意返呢兩個網站都會抽佣，如果想慳佣嘅就可以試吓YourParkingSpace。其實呢類網站，有啲唔止出租車位，如果你個Garage無用，一樣可以租畀人擺嘢。
如果屋企無Spare車位可以出租，咁可以考慮吓另一個Charlotte覺得門檻仲低嘅玩法，就係填問卷，Valued Opinions同Toluna就係其中兩間比較有規模嘅公司，你只要填低個人資料，就會定時收到佢哋啲問卷，每填一份都有少少錢或可以儲分，夠一定數量就可以換吓Amazon呢類購物禮券，雖然唔係即刻有錢袋，但都可以儲起嚟之後用。
最後一種係技能類，如果你影相叻，不妨考慮將自己影嘅靚相放上去Shutterstock、Alamy同123RF呢類網站，有人下載你就有錢收。如果你有其他技能，都可以上Taskrabbit登記，呢度唔止係搵Handyman，佢可能會搵人幫手排隊、砌玩具，聖誕前可能仲會搵人掛燈飾、包禮物等等。
聽日就係大年初一，Charlotte喺度預祝各位真香港人，新一年身體健康，平安大吉，心想事成！
作者：Charlotte
逢周六英國時間上午11時 / 香港時間下午7時刊出
全文請到Patreon免費閱覽
https://www.patreon.com/posts/77541074
#黃標精選師 #專欄
Charlotte識唔少移居英國嘅港人家庭，只可以得爸爸出去做嘢，以前都係上班族嘅媽媽，好多時因為無咗姐姐或者長者幫手，就要留喺屋企照顧小朋友。由兩個人賺錢變返一份糧，雖然都夠洗，但係安全感細咗，咁有咩方法可以賺錢幫補吓？
其實英國賺錢方法真係五花百門，今日就等Charlotte分享幾種足不出戶，都可以賺到少少零用錢嘅方法。首先，就梗係利用自己屋企嘅地理優勢，如果你住得近市中心或者車站，而泊車位又用唔晒，不妨將佢租出（前提梗係要個地方係你嘅，如果你都係租地方，就留意返可唔可以分租）。最受歡迎嘅網站就係JustPark，擺上去時租、日租、月租都可以，另一個網站就係ParkLet，不過呢個適合放長租多啲，留意返呢兩個網站都會抽佣，如果想慳佣嘅就可以試吓YourParkingSpace。其實呢類網站，有啲唔止出租車位，如果你個Garage無用，一樣可以租畀人擺嘢。
如果屋企無Spare車位可以出租，咁可以考慮吓另一個Charlotte覺得門檻仲低嘅玩法，就係填問卷，Valued Opinions同Toluna就係其中兩間比較有規模嘅公司，你只要填低個人資料，就會定時收到佢哋啲問卷，每填一份都有少少錢或可以儲分，夠一定數量就可以換吓Amazon呢類購物禮券，雖然唔係即刻有錢袋，但都可以儲起嚟之後用。
最後一種係技能類，如果你影相叻，不妨考慮將自己影嘅靚相放上去Shutterstock、Alamy同123RF呢類網站，有人下載你就有錢收。如果你有其他技能，都可以上Taskrabbit登記，呢度唔止係搵Handyman，佢可能會搵人幫手排隊、砌玩具，聖誕前可能仲會搵人掛燈飾、包禮物等等。
聽日就係大年初一，Charlotte喺度預祝各位真香港人，新一年身體健康，平安大吉，心想事成！
作者：Charlotte
逢周六英國時間上午11時 / 香港時間下午7時刊出
全文請到Patreon免費閱覽
https://www.patreon.com/posts/77541074
#黃標精選師 #專欄
【黃標精選師｜港人記住要互相支持鼓勵】
剛剛過完農曆新年，就傳嚟移英年輕港人嘅不幸消息，大家心情都唔好受。老實講，Charlotte初嚟英國，就係冬天，天氣凍又早天黑，加上成日無所事事咁，情緒係有啲低落，甚至會懷疑自己嘅決定。為免自己繼續胡思亂想，我就決定即刻搵份簡單嘅工返吓，又去參加Welcome Course識吓新朋友，不知不覺冬天就過咗，迎嚟天氣正到不得了嘅春夏天，之前嗰種鬱悶心情亦消失咗。
Charlotte嚟到英國後，都識咗唔少單拖嚟朋友，我好佩服佢哋嘅勇氣，經濟壓力當然一定有，住Share House遇到難頂嘅室友，就更加唔開心。我哋自問未必幫到太大忙，但至少耐唔時可以一齊食飯，好天又約埋一齊去玩、打吓波，互相支持鼓勵。
生活壓力唔係單拖嚟嘅朋友先會有，之前參加Welcome Course認識嘅朋友，就算係一家大細嚟一樣有唔同嘅壓力，除咗驚英文唔好、搵唔到工、識唔到朋友，亦有媽媽俾嚟到唔適應嘅仔女怨，令到佢好傷心。當然，大家傾吓偈雖然未必即刻解決到問題，但至少心情好啲，尤其係大家都係過來人，好明白大家面對嘅困境，你會知道唔係得自己一個。
英國有好多支援移英港人嘅組織，但最緊要係自己知道自己需要搵幫手，唔好收埋喺心入面。好似早排Reading嘅港人組織，就幫一位被迫離港嘅年青人眾籌大學學費，結果1日就超標完成，足以反映呢度嘅香港人都係好有愛。
作者：Charlotte
逢周六英國時間上午11時 / 香港時間下午7時刊出
全文請到Patreon免費閱覽
https://www.patreon.com/posts/77845578
#黃標精選師 #專欄 #香港人 #同路人 #互相支持
剛剛過完農曆新年，就傳嚟移英年輕港人嘅不幸消息，大家心情都唔好受。老實講，Charlotte初嚟英國，就係冬天，天氣凍又早天黑，加上成日無所事事咁，情緒係有啲低落，甚至會懷疑自己嘅決定。為免自己繼續胡思亂想，我就決定即刻搵份簡單嘅工返吓，又去參加Welcome Course識吓新朋友，不知不覺冬天就過咗，迎嚟天氣正到不得了嘅春夏天，之前嗰種鬱悶心情亦消失咗。
Charlotte嚟到英國後，都識咗唔少單拖嚟朋友，我好佩服佢哋嘅勇氣，經濟壓力當然一定有，住Share House遇到難頂嘅室友，就更加唔開心。我哋自問未必幫到太大忙，但至少耐唔時可以一齊食飯，好天又約埋一齊去玩、打吓波，互相支持鼓勵。
生活壓力唔係單拖嚟嘅朋友先會有，之前參加Welcome Course認識嘅朋友，就算係一家大細嚟一樣有唔同嘅壓力，除咗驚英文唔好、搵唔到工、識唔到朋友，亦有媽媽俾嚟到唔適應嘅仔女怨，令到佢好傷心。當然，大家傾吓偈雖然未必即刻解決到問題，但至少心情好啲，尤其係大家都係過來人，好明白大家面對嘅困境，你會知道唔係得自己一個。
英國有好多支援移英港人嘅組織，但最緊要係自己知道自己需要搵幫手，唔好收埋喺心入面。好似早排Reading嘅港人組織，就幫一位被迫離港嘅年青人眾籌大學學費，結果1日就超標完成，足以反映呢度嘅香港人都係好有愛。
作者：Charlotte
逢周六英國時間上午11時 / 香港時間下午7時刊出
全文請到Patreon免費閱覽
https://www.patreon.com/posts/77845578
#黃標精選師 #專欄 #香港人 #同路人 #互相支持
【黃標精選師｜英國「年關」殺緊埋身】
以前喺香港，大家都會話年關難過。嚟到英國，雖然捱過咗冬天，但我覺得真正嘅年關似乎係3、4月，事關好多都會加價。下個月，火車就會率先加價，4月雖然會調整最低工資，但加風先真正殺到。除咗一早公佈咗嘅能源費會調高Price Cap兼無咗政府補貼，仲有Council Tax，今日睇到水費都會加7.5%，仲要係20年來最大加幅，寛頻又講緊加成14%。係呀，呢度就算簽咗約，合約期內佢都可以按物價指數調整。雖然3月會公佈財政預算案，但財爺講咗唔打算大幅減稅，日子係會唔容易，工潮都可能會愈嚟愈勁。
睇見通脹咁勁，就更加要為老咗打算。英國政府一路都有啲政策鼓勵國民儲蓄，18到40歲嘅年青人有能力情況下，最好開個Lifetime ISA，每年可以儲4,000鎊，咁政府每年會送1,000鎊畀你，一直去到50歲。咁筍嘅嘢，梗係有限制，正常嚟講要等到60歲先可以拎，ISA都有投資成份，市場唔一定只升不跌，所以都有機會蝕錢。
如果想拎錢嚟買屋，就一定要係自住兼首置（留意返英國係全球計），而且樓價要45萬鎊以下，同埋要用按揭，即係你想話搵父母幫手Cash Buy係唔可以。當然，你有重病想提早拎都可以。雖然係有啲規矩，但聽落都好過唔畀你移英拎走嘅強迫金啩。
過咗40歲就要靠Pension，返工嘅都會問你供唔供，你供嘅話，僱主又會供多份，如果人工夠高就不妨供，因為可以扣稅；唔好處就自然係出糧又少咗錢。如果唔供，到退休都有可能拎到政府嘅State Pension，不過依家法定年齡講緊68歲，同埋要供咗30年以上NI（有最低金額要求）先可以拎到每星期140至180鎊嘅全額State Pension，否則都要供夠10年先有得拎到部分。所以，大家真係要計吓數，點樣先最啱自己養老。
ISA仲有好多玩法，下星期續談。
作者：Charlotte
逢周六英國時間上午11時 / 香港時間下午7時刊出
全文請到Patreon免費閱覽
https://www.patreon.com/posts/78203035
#黃標精選師 #專欄
以前喺香港，大家都會話年關難過。嚟到英國，雖然捱過咗冬天，但我覺得真正嘅年關似乎係3、4月，事關好多都會加價。下個月，火車就會率先加價，4月雖然會調整最低工資，但加風先真正殺到。除咗一早公佈咗嘅能源費會調高Price Cap兼無咗政府補貼，仲有Council Tax，今日睇到水費都會加7.5%，仲要係20年來最大加幅，寛頻又講緊加成14%。係呀，呢度就算簽咗約，合約期內佢都可以按物價指數調整。雖然3月會公佈財政預算案，但財爺講咗唔打算大幅減稅，日子係會唔容易，工潮都可能會愈嚟愈勁。
睇見通脹咁勁，就更加要為老咗打算。英國政府一路都有啲政策鼓勵國民儲蓄，18到40歲嘅年青人有能力情況下，最好開個Lifetime ISA，每年可以儲4,000鎊，咁政府每年會送1,000鎊畀你，一直去到50歲。咁筍嘅嘢，梗係有限制，正常嚟講要等到60歲先可以拎，ISA都有投資成份，市場唔一定只升不跌，所以都有機會蝕錢。
如果想拎錢嚟買屋，就一定要係自住兼首置（留意返英國係全球計），而且樓價要45萬鎊以下，同埋要用按揭，即係你想話搵父母幫手Cash Buy係唔可以。當然，你有重病想提早拎都可以。雖然係有啲規矩，但聽落都好過唔畀你移英拎走嘅強迫金啩。
過咗40歲就要靠Pension，返工嘅都會問你供唔供，你供嘅話，僱主又會供多份，如果人工夠高就不妨供，因為可以扣稅；唔好處就自然係出糧又少咗錢。如果唔供，到退休都有可能拎到政府嘅State Pension，不過依家法定年齡講緊68歲，同埋要供咗30年以上NI（有最低金額要求）先可以拎到每星期140至180鎊嘅全額State Pension，否則都要供夠10年先有得拎到部分。所以，大家真係要計吓數，點樣先最啱自己養老。
ISA仲有好多玩法，下星期續談。
作者：Charlotte
逢周六英國時間上午11時 / 香港時間下午7時刊出
全文請到Patreon免費閱覽
https://www.patreon.com/posts/78203035
#黃標精選師 #專欄
【黃標精選師｜ISA點慳稅賺收入？】
英國乜鬼都抽稅，投資都唔例外，好彩有ISA，每年有2萬鎊畀你去投資免稅，除咗上星期講過嘅Lifetime ISA，其實仲有幾款產品可以考慮。最穩陣自然係Cash ISA，齋收息，另外仲有買股票、基金嘅種類。就算未夠18歲，其實都可以幫仔女開個Junior ISA，因為成人2萬鎊嘅投資免稅上限，可能有啲人都唔夠用，咁不妨用埋子女每年有9,000鎊呢個限額，如果以儲蓄計，有啲細啲嘅銀行，年利率講緊都有成3.8%，雖然金額就唔係多，但勝在穩陣。
今次想講吓比較少人講嘅Innovative Finance ISA，戴返個頭盔，Charlotte唔係咩專家，純粹都係個人經驗分享。簡單嚟講，呢類投資係似係眾籌債券、點對點借貸，你係要經過一啲P2P平台，直接借錢/投資畀一啲需要籌集資金嘅項目，可能係起屋、起橋等等。佢嘅回報較一般吸引，平均都有6至7%，有啲甚至去到8%，當然佢風險又會高啲，因為萬一呢啲項目最終無辦法還錢，咁投資者就要直接承擔風險。
咁都有啲方法可以盡量減低風險，呢啲P2P平台會盡職調查，分析每個項目嘅風險，例如過往還款紀錄、借貸比例、抵押品價值等，投資者可按呢啲資料去評估。另一方面，如果想再安全啲，可以揀每個月還款，咁雖然回報低過一次過收返啲錢，但叫做可以減低蝕到渣到無嘅機會。仲有，呢啲P2P平台都有唔同門檻，有啲項目你就算放100鎊落去都可以，唔使將雞蛋放埋同一個籃。Charlotte自己都係少少地玩吓，當試吓新嘢，大家有興趣就自己上網研究吓。
作者：Charlotte
逢周六英國時間上午11時 / 香港時間下午7時刊出
全文請到Patreon免費閱覽
https://www.patreon.com/posts/78529680
#黃標精選師 #專欄
英國乜鬼都抽稅，投資都唔例外，好彩有ISA，每年有2萬鎊畀你去投資免稅，除咗上星期講過嘅Lifetime ISA，其實仲有幾款產品可以考慮。最穩陣自然係Cash ISA，齋收息，另外仲有買股票、基金嘅種類。就算未夠18歲，其實都可以幫仔女開個Junior ISA，因為成人2萬鎊嘅投資免稅上限，可能有啲人都唔夠用，咁不妨用埋子女每年有9,000鎊呢個限額，如果以儲蓄計，有啲細啲嘅銀行，年利率講緊都有成3.8%，雖然金額就唔係多，但勝在穩陣。
今次想講吓比較少人講嘅Innovative Finance ISA，戴返個頭盔，Charlotte唔係咩專家，純粹都係個人經驗分享。簡單嚟講，呢類投資係似係眾籌債券、點對點借貸，你係要經過一啲P2P平台，直接借錢/投資畀一啲需要籌集資金嘅項目，可能係起屋、起橋等等。佢嘅回報較一般吸引，平均都有6至7%，有啲甚至去到8%，當然佢風險又會高啲，因為萬一呢啲項目最終無辦法還錢，咁投資者就要直接承擔風險。
咁都有啲方法可以盡量減低風險，呢啲P2P平台會盡職調查，分析每個項目嘅風險，例如過往還款紀錄、借貸比例、抵押品價值等，投資者可按呢啲資料去評估。另一方面，如果想再安全啲，可以揀每個月還款，咁雖然回報低過一次過收返啲錢，但叫做可以減低蝕到渣到無嘅機會。仲有，呢啲P2P平台都有唔同門檻，有啲項目你就算放100鎊落去都可以，唔使將雞蛋放埋同一個籃。Charlotte自己都係少少地玩吓，當試吓新嘢，大家有興趣就自己上網研究吓。
作者：Charlotte
逢周六英國時間上午11時 / 香港時間下午7時刊出
全文請到Patreon免費閱覽
https://www.patreon.com/posts/78529680
#黃標精選師 #專欄
【黃標精選師｜連環慳錢小秘技】
自從嚟咗英國，生活簡單咗，購物意慾大減，每個月最大花費都係去超市，偏偏碰上40年最勁通脹。雖然最新數據顯示升幅輕微回落，但都仲高企喺10%，好多基本食品好似油、糖、奶呢啲講緊貴咗40%，而超市啲優惠又縮晒水，好似Sainsbury咁，我已經好耐無收過佢嗰啲網上購物滿60鎊減12鎊嘅券，所以都要諗吓有咩方法慳錢。
作者：Charlotte
逢周六英國時間上午11時 / 香港時間下午7時刊出
請到《追新聞》網站閱覽
https://thechasernews.co.uk/黃標精選師｜連環慳錢小秘技
#Charlotte #黃標精選師 #專欄 #TopCashback #Morrisons #Sainsbury #Shopmium #IKEA #Asda
=========================
報道無罪 知情有價 請即訂閱《追新聞》：
💰 Patreon｜https://www.patreon.com/thechasernews
🔗 網站｜https://thechasernews.co.uk/
📺 YouTube｜https://www.youtube.com/channel/UC5l18oylJ8o7ihugk4F-3nw
📷 Instagram｜https://www.instagram.com/the_chaser_news/
🌐 Facebook｜https://www.facebook.com/the.chaser.news
💬 Telegram Channel｜https://t.me/the_chaser_news
☕️ ko-fi｜https://ko-fi.com/thechasernews
自從嚟咗英國，生活簡單咗，購物意慾大減，每個月最大花費都係去超市，偏偏碰上40年最勁通脹。雖然最新數據顯示升幅輕微回落，但都仲高企喺10%，好多基本食品好似油、糖、奶呢啲講緊貴咗40%，而超市啲優惠又縮晒水，好似Sainsbury咁，我已經好耐無收過佢嗰啲網上購物滿60鎊減12鎊嘅券，所以都要諗吓有咩方法慳錢。
作者：Charlotte
逢周六英國時間上午11時 / 香港時間下午7時刊出
請到《追新聞》網站閱覽
https://thechasernews.co.uk/黃標精選師｜連環慳錢小秘技
#Charlotte #黃標精選師 #專欄 #TopCashback #Morrisons #Sainsbury #Shopmium #IKEA #Asda
=========================
報道無罪 知情有價 請即訂閱《追新聞》：
💰 Patreon｜https://www.patreon.com/thechasernews
🔗 網站｜https://thechasernews.co.uk/
📺 YouTube｜https://www.youtube.com/channel/UC5l18oylJ8o7ihugk4F-3nw
📷 Instagram｜https://www.instagram.com/the_chaser_news/
🌐 Facebook｜https://www.facebook.com/the.chaser.news
💬 Telegram Channel｜https://t.me/the_chaser_news
☕️ ko-fi｜https://ko-fi.com/thechasernews
【黃標精選師｜生日大晒優惠】
以前喺香港，生日正日或者生日月份，都有唔少優惠。嚟到英國，原來一樣有呢啲生日大晒優惠。要享用呢啲優惠，其實好簡單，就係登記做會員。好似Krispy Kreme doughnuts，生日嗰個月就可以免費換個冬甩，其他仲有Greggs、Costa、Lidl、Muffin Break都有類似嘅生日小禮物，可以免費拎到個冬甩、Muffin、Cupcake，所以生日嗰日一定有得吹蠟蠋兼食蛋糕。
除咗蛋糕，生日前後出去食飯一樣有着數，好似Frankie & Benny、CaféRouge、Shepherd Neame、Zizzi、Beefeater、Brewers Fayre、Table Table 、Las Iguanas呢啲餐廳，都會送一個Main Meal畀壽星仔女，一般都要成10鎊，咁當然你都至少要買多個正餐先有呢個優惠，不過都叫變相半價，所以都算唔錯！
買嘢購物自然唔少得，好似Body Shop、Hobbycraft會喺會員生日月就會送上5鎊，Boots同Superdrug就有2及3倍消費積分，H&M、Nike、New Look、Asos就有75折至9折優惠。所以，如果大家有嘢想買，但又未到減價季節，不妨試吓喺生日嗰個月，睇吓有無尊享優惠。
作者：Charlotte
逢周六英國時間上午11時 / 香港時間下午7時刊出
請到《追新聞》網站閱覽
https://thechasernews.co.uk/黃標精選師｜生日大晒優惠/
#Charlotte #黃標精選師 #專欄
==========================
報道無罪 知情有價 請即訂閱《追新聞》：
💰 Patreon｜https://www.patreon.com/thechasernews
🔗 網站｜https://thechasernews.co.uk/
📺 YouTube｜https://www.youtube.com/channel/UC5l18oylJ8o7ihugk4F-3nw
📷 Instagram｜https://www.instagram.com/the_chaser_news/
🌐 Facebook｜https://www.facebook.com/the.chaser.news
☕️ ko-fi｜https://ko-fi.com/thechasernews
以前喺香港，生日正日或者生日月份，都有唔少優惠。嚟到英國，原來一樣有呢啲生日大晒優惠。要享用呢啲優惠，其實好簡單，就係登記做會員。好似Krispy Kreme doughnuts，生日嗰個月就可以免費換個冬甩，其他仲有Greggs、Costa、Lidl、Muffin Break都有類似嘅生日小禮物，可以免費拎到個冬甩、Muffin、Cupcake，所以生日嗰日一定有得吹蠟蠋兼食蛋糕。
除咗蛋糕，生日前後出去食飯一樣有着數，好似Frankie & Benny、CaféRouge、Shepherd Neame、Zizzi、Beefeater、Brewers Fayre、Table Table 、Las Iguanas呢啲餐廳，都會送一個Main Meal畀壽星仔女，一般都要成10鎊，咁當然你都至少要買多個正餐先有呢個優惠，不過都叫變相半價，所以都算唔錯！
買嘢購物自然唔少得，好似Body Shop、Hobbycraft會喺會員生日月就會送上5鎊，Boots同Superdrug就有2及3倍消費積分，H&M、Nike、New Look、Asos就有75折至9折優惠。所以，如果大家有嘢想買，但又未到減價季節，不妨試吓喺生日嗰個月，睇吓有無尊享優惠。
作者：Charlotte
逢周六英國時間上午11時 / 香港時間下午7時刊出
請到《追新聞》網站閱覽
https://thechasernews.co.uk/黃標精選師｜生日大晒優惠/
#Charlotte #黃標精選師 #專欄
==========================
報道無罪 知情有價 請即訂閱《追新聞》：
💰 Patreon｜https://www.patreon.com/thechasernews
🔗 網站｜https://thechasernews.co.uk/
📺 YouTube｜https://www.youtube.com/channel/UC5l18oylJ8o7ihugk4F-3nw
📷 Instagram｜https://www.instagram.com/the_chaser_news/
🌐 Facebook｜https://www.facebook.com/the.chaser.news
☕️ ko-fi｜https://ko-fi.com/thechasernews
【黃標精選師｜英國超市無菜賣？】
因為天氣差導致農作物失收，所以呢期行超市的確係少咗好多菜賣，雖然唔係完全無，但有時想買吓蕃茄煮吓意粉，都要碰吓運氣。見到英國超市啲貨架吉咗，啲香港愛国傳媒又第一時間大做文章。
不過都係嗰句，英國人有咩風浪未見過，大家都係「Keep calm and carry on」。首先，呢度無人要去搶購，同埋其實只係超市無得賣，行去Costco、東歐舖、印超，其實依然有一大堆蔬菜任揀（起碼暫時都係）。超市無咩菜賣，只係某啲貨品來貨價太貴，超市計唔掂數，寧願唔入貨，或入少啲貨啫。
如果唔執著要買特定蔬果，其實仲有好多選擇，例如可以訂Oddbox、Wonky Veg Box。先講Oddbox，佢講明一盒有成9樣唔同嘅蔬菜，好大機會可以試吓超市唔常見嘅蔬菜，佢仲好細心咁跟埋食譜教你可以點煮。佢有唔同嘅份量畀大家揀，以2人份為例，夠食一星期都係12鎊左右，就免費送上門。依家第一次落單，仲有半價優惠。
至於Wonky Veg Box，其實都係類似嘅嘢，之前Charlotte亦有提過，話佢哋主要係啲無咁「靚仔」、超市唔肯要嘅蔬果，但其實食用無問題，仲係產地直送。佢依家仲可以揀訂埋一樣係缺緊貨嘅雞蛋，或者麵包，非常方便。順帶一提，佢都有同食物銀行合作，會定期捐啲食材回饋社區，所以都值得支持。
全文請到《追新聞》網站閱覽
https://thechasernews.co.uk/黃標精選師｜英國超市無菜賣/
#黃標精選師 #專欄 #追新聞 #TheChaser
===========================
報道無罪 知情有價 請即訂閱《追新聞》：
💰 Patreon｜https://www.patreon.com/thechasernews
🔗 網站｜https://thechasernews.co.uk/
📺 YouTube｜https://www.youtube.com/channel/UC5l18oylJ8o7ihugk4F-3nw
📷 Instagram｜https://www.instagram.com/the_chaser_news/
🌐 Facebook｜https://www.facebook.com/the.chaser.news
☕️ ko-fi｜https://ko-fi.com/thechasernews
因為天氣差導致農作物失收，所以呢期行超市的確係少咗好多菜賣，雖然唔係完全無，但有時想買吓蕃茄煮吓意粉，都要碰吓運氣。見到英國超市啲貨架吉咗，啲香港愛国傳媒又第一時間大做文章。
不過都係嗰句，英國人有咩風浪未見過，大家都係「Keep calm and carry on」。首先，呢度無人要去搶購，同埋其實只係超市無得賣，行去Costco、東歐舖、印超，其實依然有一大堆蔬菜任揀（起碼暫時都係）。超市無咩菜賣，只係某啲貨品來貨價太貴，超市計唔掂數，寧願唔入貨，或入少啲貨啫。
如果唔執著要買特定蔬果，其實仲有好多選擇，例如可以訂Oddbox、Wonky Veg Box。先講Oddbox，佢講明一盒有成9樣唔同嘅蔬菜，好大機會可以試吓超市唔常見嘅蔬菜，佢仲好細心咁跟埋食譜教你可以點煮。佢有唔同嘅份量畀大家揀，以2人份為例，夠食一星期都係12鎊左右，就免費送上門。依家第一次落單，仲有半價優惠。
至於Wonky Veg Box，其實都係類似嘅嘢，之前Charlotte亦有提過，話佢哋主要係啲無咁「靚仔」、超市唔肯要嘅蔬果，但其實食用無問題，仲係產地直送。佢依家仲可以揀訂埋一樣係缺緊貨嘅雞蛋，或者麵包，非常方便。順帶一提，佢都有同食物銀行合作，會定期捐啲食材回饋社區，所以都值得支持。
全文請到《追新聞》網站閱覽
https://thechasernews.co.uk/黃標精選師｜英國超市無菜賣/
#黃標精選師 #專欄 #追新聞 #TheChaser
===========================
報道無罪 知情有價 請即訂閱《追新聞》：
💰 Patreon｜https://www.patreon.com/thechasernews
🔗 網站｜https://thechasernews.co.uk/
📺 YouTube｜https://www.youtube.com/channel/UC5l18oylJ8o7ihugk4F-3nw
📷 Instagram｜https://www.instagram.com/the_chaser_news/
🌐 Facebook｜https://www.facebook.com/the.chaser.news
☕️ ko-fi｜https://ko-fi.com/thechasernews
【黃標精選師｜唔使錢種子邊度有得拎？】
呢個星期英國好多地方都落雪，不過好大機會係今個冬天最後一個冷鋒，春天應該好快就到。捱過冬天，大家高興之餘，都唔好忘記，又係時候開始要打理花園。雖然係要體力勞動，但將花園打理得靚靚，心情都好啲。
Charlotte覺得，要整靚花園其實都幾揼本，每次去Garden Centre行一轉，都會跌錢。不過，其實只要你留意吓，原來呢度有唔少派種子嘅活動，係可以登記領取。我舊年就成功拎咗兩款唔同種子，第一個就係together TV，佢依兩年搞咗個叫Sunflower Challenge嘅活動，每年都送幾萬粒向日葵種子，鼓勵大家調理農務，仲畀埋教學手冊畀大家跟，12個星期就可以種出大大朵向日葵，Charlotte以前喺香港係植物殺手，上年跟住做，又真係成功喎！
另一個就係嚟自本地蜜糖品牌Rowse，佢寄嚟嘅係一包乜花都有嘅種子，佢嘅出發點好直接，就係希望大家可以一齊種花，為蜜蜂提供更佳嘅生態環境，的確係好有意思！
事實上，呢度仲有唔少機構、組織都有免費種子送，好似Kew Garden 上個月趁春天嚟之前就派過種子，WWF都送過Poppy種子，就連Lidl、Birds Eye、Nestle、Airwick呢啲公司、品牌都有搞過送種子活動，威爾斯政府直頭試過向當地居民送樹苗添，可見送種子喺英國係一種幾咁普遍嘅社區宣傳活動。雖然唔係咩值錢嘢，但幫到花園扮靚，又造福環境，一舉兩得。
全文請到《追新聞》網站閱覽
https://thechasernews.co.uk/黃標精選師｜唔使錢種子邊度有得拎/
#黃標精選師 #專欄 #追新聞 #TheChaser
===========================
報道無罪 知情有價 請即訂閱《追新聞》：
💰 Patreon｜https://www.patreon.com/thechasernews
🔗 網站｜https://thechasernews.co.uk/
📺 YouTube｜https://www.youtube.com/channel/UC5l18oylJ8o7ihugk4F-3nw
📷 Instagram｜https://www.instagram.com/the_chaser_news/
🌐 Facebook｜https://www.facebook.com/the.chaser.news
呢個星期英國好多地方都落雪，不過好大機會係今個冬天最後一個冷鋒，春天應該好快就到。捱過冬天，大家高興之餘，都唔好忘記，又係時候開始要打理花園。雖然係要體力勞動，但將花園打理得靚靚，心情都好啲。
Charlotte覺得，要整靚花園其實都幾揼本，每次去Garden Centre行一轉，都會跌錢。不過，其實只要你留意吓，原來呢度有唔少派種子嘅活動，係可以登記領取。我舊年就成功拎咗兩款唔同種子，第一個就係together TV，佢依兩年搞咗個叫Sunflower Challenge嘅活動，每年都送幾萬粒向日葵種子，鼓勵大家調理農務，仲畀埋教學手冊畀大家跟，12個星期就可以種出大大朵向日葵，Charlotte以前喺香港係植物殺手，上年跟住做，又真係成功喎！
另一個就係嚟自本地蜜糖品牌Rowse，佢寄嚟嘅係一包乜花都有嘅種子，佢嘅出發點好直接，就係希望大家可以一齊種花，為蜜蜂提供更佳嘅生態環境，的確係好有意思！
事實上，呢度仲有唔少機構、組織都有免費種子送，好似Kew Garden 上個月趁春天嚟之前就派過種子，WWF都送過Poppy種子，就連Lidl、Birds Eye、Nestle、Airwick呢啲公司、品牌都有搞過送種子活動，威爾斯政府直頭試過向當地居民送樹苗添，可見送種子喺英國係一種幾咁普遍嘅社區宣傳活動。雖然唔係咩值錢嘢，但幫到花園扮靚，又造福環境，一舉兩得。
全文請到《追新聞》網站閱覽
https://thechasernews.co.uk/黃標精選師｜唔使錢種子邊度有得拎/
#黃標精選師 #專欄 #追新聞 #TheChaser
===========================
報道無罪 知情有價 請即訂閱《追新聞》：
💰 Patreon｜https://www.patreon.com/thechasernews
🔗 網站｜https://thechasernews.co.uk/
📺 YouTube｜https://www.youtube.com/channel/UC5l18oylJ8o7ihugk4F-3nw
📷 Instagram｜https://www.instagram.com/the_chaser_news/
🌐 Facebook｜https://www.facebook.com/the.chaser.news
【黃標精選師｜英國旅遊優惠網 記得Bookmark】
捱過咗冬天，準備嚟到英國全年最正嘅春夏天，又係時間計劃下啲旅行。以前喺香港，一定捕住唔冋廉航減價優惠，隨時買特價機票返鄉下。嚟到英國，無晒Flyday.hk、又飛啦！呢類網站，又可以去邊度搵到呢啲旅遊優惠資訊？今日就等Charlotte介紹幾個可以留意嘅情報網站。
第一個就叫Secret Flying，我執筆寫呢篇稿嘅時候，就見到佢有幾個英國出發嘅機票優惠，好似6月曼城飛巴黎，來回只係30鎊，當然呢口價就未包寄艙行李，同埋唔會係早機去夜機返呢啲靚時間，但勝在真係好平，輕裝去快閃都唔錯。另一個由倫敦去葡萄牙度假勝地Faro，4月嘅來回機票仲低至24鎊，真係隨時喺英國坐程火車去遠啲都唔似呢個價錢。
唔想煩諗住咩酒店嘅，可以睇吓Holiday Pirates，佢係機票、酒店、套票，甚至郵輪優惠都有，好似有個盤係5月去馬德里住3晚4星酒店，每人先172鎊，加埋張廉航機票來回，其實個價錢同以前喺香港放假去幾日台灣差唔多。另一個5月尾喺修咸頓上落船嘅郵輪假期，坐P&O新船去西班牙、法國，玩地中海，14晚講緊每人685鎊，仲要連埋稅同小費，真係平得好離譜，Charlotte如果有咁多假，都想即刻報名。
最後仲有個叫Jack’s Flight Club，佢就只係簡單登記做會員，咁每星期就會收到啲筍Deal，如果想收多啲，仲可以課金做尊貴會員。
全文請到《追新聞》網站閱覽
https://thechasernews.co.uk/黃標精選師｜英國旅遊優惠網-記得bookmark/
#黃標精選師 #專欄 #追新聞 #TheChaser
===========================
報道無罪 知情有價 請即訂閱《追新聞》：
💰 Patreon｜https://www.patreon.com/thechasernews
🔗 網站｜https://thechasernews.co.uk/
📺 YouTube｜https://www.youtube.com/channel/UC5l18oylJ8o7ihugk4F-3nw
📷 Instagram｜https://www.instagram.com/the_chaser_news/
🌐 Facebook｜https://www.facebook.com/the.chaser.news
捱過咗冬天，準備嚟到英國全年最正嘅春夏天，又係時間計劃下啲旅行。以前喺香港，一定捕住唔冋廉航減價優惠，隨時買特價機票返鄉下。嚟到英國，無晒Flyday.hk、又飛啦！呢類網站，又可以去邊度搵到呢啲旅遊優惠資訊？今日就等Charlotte介紹幾個可以留意嘅情報網站。
第一個就叫Secret Flying，我執筆寫呢篇稿嘅時候，就見到佢有幾個英國出發嘅機票優惠，好似6月曼城飛巴黎，來回只係30鎊，當然呢口價就未包寄艙行李，同埋唔會係早機去夜機返呢啲靚時間，但勝在真係好平，輕裝去快閃都唔錯。另一個由倫敦去葡萄牙度假勝地Faro，4月嘅來回機票仲低至24鎊，真係隨時喺英國坐程火車去遠啲都唔似呢個價錢。
唔想煩諗住咩酒店嘅，可以睇吓Holiday Pirates，佢係機票、酒店、套票，甚至郵輪優惠都有，好似有個盤係5月去馬德里住3晚4星酒店，每人先172鎊，加埋張廉航機票來回，其實個價錢同以前喺香港放假去幾日台灣差唔多。另一個5月尾喺修咸頓上落船嘅郵輪假期，坐P&O新船去西班牙、法國，玩地中海，14晚講緊每人685鎊，仲要連埋稅同小費，真係平得好離譜，Charlotte如果有咁多假，都想即刻報名。
最後仲有個叫Jack’s Flight Club，佢就只係簡單登記做會員，咁每星期就會收到啲筍Deal，如果想收多啲，仲可以課金做尊貴會員。
全文請到《追新聞》網站閱覽
https://thechasernews.co.uk/黃標精選師｜英國旅遊優惠網-記得bookmark/
#黃標精選師 #專欄 #追新聞 #TheChaser
===========================
報道無罪 知情有價 請即訂閱《追新聞》：
💰 Patreon｜https://www.patreon.com/thechasernews
🔗 網站｜https://thechasernews.co.uk/
📺 YouTube｜https://www.youtube.com/channel/UC5l18oylJ8o7ihugk4F-3nw
📷 Instagram｜https://www.instagram.com/the_chaser_news/
🌐 Facebook｜https://www.facebook.com/the.chaser.news
【黃標精選師｜着制服開工原來有稅退？】
對我呢啲師奶仔嚟講，見到最新英國通脹數據又升返，下個月加風仲勁過蘇格蘭高地啲風，仲要連Tesco、Boots嘅消費優惠都要減磅，真係雪上加霜，要睇實個荷包，其中一樣嘢就係趁4月前，做齊呢幾樣嘢。
2022/23財政年度只係去到4月5號，記住唔好蝕咗ISA個免稅優惠，如果有閒錢，不妨用盡每年2萬鎊個投資免稅額，特別如果你係有開Lifetime ISA，就記住入4,000鎊落去。另一樣要做嘅，就係睇吓自己有無交多咗稅。
原來，英國係有超過200萬合資格嘅已婚人士，係無拎到已婚免稅額，兩公婆如果其中一個無返工（Non-income tax player），另一個又只係交基本稅率20%，咁就可以申請將無返工嗰個嘅免稅額10%，即係1,260鎊轉畀另一半，咁樣就可以一年交少或退返250鎊稅。
另一樣嘢要留意嘅就係自己個Tax Code究竟有無錯。一般嚟講，糧單應該顯示「1257L」（一年免稅額係12,570鎊）。Charlotte之前都試過，明明係嚟英國後第一份工，點解第一個月出糧就扣咗稅，原來係公司亂咁填咗另一個Code，稅局有理冇理都會即時扣稅，咁你係要自己聯絡稅局去改返，之後佢先會退返你交多咗嘅稅。
仲有，如果你返工係要着制服，那怕只係一件T恤，只要係你僱主提供，又要求你一定要着住嚟開工，而由你負責自己洗返，原來你都可以申請uniform tax rebate，一般每年可以拎返12鎊，如果你係做護士呢類工作，仲可以拎多啲。除咗制服退稅，如果你嘅工作涉及揸車（揸返工就唔包），或者要交會員費拎某種專業資格先可以做得，呢啲都有機會可以退稅，詳情可以自己上去政府網頁刨吓。最後留意返，申請退稅有時限，如果要申請返2018/19年度嘅稅，最遲就要4月前搞咗佢。
全文請到《追新聞》網站閱覽
https://thechasernews.co.uk/黃標精選師｜著制服開工原來有稅退/
#黃標精選師 #專欄 #追新聞 #TheChaser
===========================
報道無罪 知情有價 請即訂閱《追新聞》：
💰 Patreon｜https://www.patreon.com/thechasernews
🔗 網站｜https://thechasernews.co.uk/
對我呢啲師奶仔嚟講，見到最新英國通脹數據又升返，下個月加風仲勁過蘇格蘭高地啲風，仲要連Tesco、Boots嘅消費優惠都要減磅，真係雪上加霜，要睇實個荷包，其中一樣嘢就係趁4月前，做齊呢幾樣嘢。
2022/23財政年度只係去到4月5號，記住唔好蝕咗ISA個免稅優惠，如果有閒錢，不妨用盡每年2萬鎊個投資免稅額，特別如果你係有開Lifetime ISA，就記住入4,000鎊落去。另一樣要做嘅，就係睇吓自己有無交多咗稅。
原來，英國係有超過200萬合資格嘅已婚人士，係無拎到已婚免稅額，兩公婆如果其中一個無返工（Non-income tax player），另一個又只係交基本稅率20%，咁就可以申請將無返工嗰個嘅免稅額10%，即係1,260鎊轉畀另一半，咁樣就可以一年交少或退返250鎊稅。
另一樣嘢要留意嘅就係自己個Tax Code究竟有無錯。一般嚟講，糧單應該顯示「1257L」（一年免稅額係12,570鎊）。Charlotte之前都試過，明明係嚟英國後第一份工，點解第一個月出糧就扣咗稅，原來係公司亂咁填咗另一個Code，稅局有理冇理都會即時扣稅，咁你係要自己聯絡稅局去改返，之後佢先會退返你交多咗嘅稅。
仲有，如果你返工係要着制服，那怕只係一件T恤，只要係你僱主提供，又要求你一定要着住嚟開工，而由你負責自己洗返，原來你都可以申請uniform tax rebate，一般每年可以拎返12鎊，如果你係做護士呢類工作，仲可以拎多啲。除咗制服退稅，如果你嘅工作涉及揸車（揸返工就唔包），或者要交會員費拎某種專業資格先可以做得，呢啲都有機會可以退稅，詳情可以自己上去政府網頁刨吓。最後留意返，申請退稅有時限，如果要申請返2018/19年度嘅稅，最遲就要4月前搞咗佢。
全文請到《追新聞》網站閱覽
https://thechasernews.co.uk/黃標精選師｜著制服開工原來有稅退/
#黃標精選師 #專欄 #追新聞 #TheChaser
===========================
報道無罪 知情有價 請即訂閱《追新聞》：
💰 Patreon｜https://www.patreon.com/thechasernews
🔗 網站｜https://thechasernews.co.uk/
【黃標精選師｜邊度搵到慳錢優惠碼？英國原來有好多極限體驗！】
唔知大家有無換到VisitBritain嗰20鎊Discount Code？Charlotte就成功換咗，跟手就訂咗個原價要35鎊嘅遊船美食體驗，即係每人只要畀15鎊就可以坐喺船上一邊遊泰晤士河，一邊食個Lunch，兼同老公慶祝生日，真係好抵！錯過咗唔緊要，英國成日都有呢啲優惠，Charlotte幾乎每次網購，都會搵吓有無Coupon Code可以用，隨時又慳多少少。
一般買嘢嚟講，可以睇吓VoucherCodes、MyVoucherCodes，甚至係Wowcher呢類網站，不論係買衫、鞋、家居用品，甚至係去旅行等等，都可以睇睇，雖然唔一定搵到啱心水嘅優惠，但一試無妨。
如果有時想出街食餐好慶祝吓，又或者想住吓靚酒店當Staycation，就可以試吓Lastminute，佢不時都有唔同減價優惠，我寫稿之時，就見到有個喺倫敦Shangri–La Hotel, at The Shard嘅優惠，喺35樓望住夜景食3道菜嘅晚餐，二人價係84鎊（未計稅），以喺倫敦五星級酒店嚟講，都算係抵。平民啲嘅選擇都有，例如有啲三道菜連酒水嘅套餐，二人價都係講緊50幾鎊。
除咗餐廳，仲可以搵到唔同體驗，例如做Spa、坐熱氣球、直升機、跳降傘、 揸Supercar，甚至小型飛機都有，Charlotte都估唔到英國都有咁多嘢玩，買嚟當禮物送畀朋友都唔錯。如果打算去蘇格蘭旅行，就可以睇5pm，可以搵到唔少筍盤，好似住愛丁堡Hilton酒店，包早餐仲送Prosecco，都係講緊69鎊起。
講到呢度，Charlotte呢個專欄唔經唔覺都寫咗1年，雖然好多時都係啲細眉細眼嘢，但希望都分享到一啲實用資訊畀大家。寫咗咁耐，都係時候停一停，諗一諗，等我發掘多啲新題材，再擇日回歸。
作者：Charlotte
請到《追新聞》網站閱覽
https://thechasernews.co.uk/黃標精選師｜英國原來有好多極限體驗/
#黃標精選師 #專欄 #追新聞 #TheChaser
===========================
報道無罪 知情有價 請即訂閱《追新聞》：
💰 Patreon｜https://www.patreon.com/thechasernews
🔗 網站｜https://thechasernews.co.uk/
唔知大家有無換到VisitBritain嗰20鎊Discount Code？Charlotte就成功換咗，跟手就訂咗個原價要35鎊嘅遊船美食體驗，即係每人只要畀15鎊就可以坐喺船上一邊遊泰晤士河，一邊食個Lunch，兼同老公慶祝生日，真係好抵！錯過咗唔緊要，英國成日都有呢啲優惠，Charlotte幾乎每次網購，都會搵吓有無Coupon Code可以用，隨時又慳多少少。
一般買嘢嚟講，可以睇吓VoucherCodes、MyVoucherCodes，甚至係Wowcher呢類網站，不論係買衫、鞋、家居用品，甚至係去旅行等等，都可以睇睇，雖然唔一定搵到啱心水嘅優惠，但一試無妨。
如果有時想出街食餐好慶祝吓，又或者想住吓靚酒店當Staycation，就可以試吓Lastminute，佢不時都有唔同減價優惠，我寫稿之時，就見到有個喺倫敦Shangri–La Hotel, at The Shard嘅優惠，喺35樓望住夜景食3道菜嘅晚餐，二人價係84鎊（未計稅），以喺倫敦五星級酒店嚟講，都算係抵。平民啲嘅選擇都有，例如有啲三道菜連酒水嘅套餐，二人價都係講緊50幾鎊。
除咗餐廳，仲可以搵到唔同體驗，例如做Spa、坐熱氣球、直升機、跳降傘、 揸Supercar，甚至小型飛機都有，Charlotte都估唔到英國都有咁多嘢玩，買嚟當禮物送畀朋友都唔錯。如果打算去蘇格蘭旅行，就可以睇5pm，可以搵到唔少筍盤，好似住愛丁堡Hilton酒店，包早餐仲送Prosecco，都係講緊69鎊起。
講到呢度，Charlotte呢個專欄唔經唔覺都寫咗1年，雖然好多時都係啲細眉細眼嘢，但希望都分享到一啲實用資訊畀大家。寫咗咁耐，都係時候停一停，諗一諗，等我發掘多啲新題材，再擇日回歸。
作者：Charlotte
請到《追新聞》網站閱覽
https://thechasernews.co.uk/黃標精選師｜英國原來有好多極限體驗/
#黃標精選師 #專欄 #追新聞 #TheChaser
===========================
報道無罪 知情有價 請即訂閱《追新聞》：
💰 Patreon｜https://www.patreon.com/thechasernews
🔗 網站｜https://thechasernews.co.uk/