تسجيل الخريطة ل 2026 !⭐️

بعد كرم ربنا علينا من فضل الله اننا وفقنا اخر 3 سنين ان تسجيل الخريطة السنوي يتحقق المعظم منه بنسب كويسة جدا وازاي كان بينورلنا الطريق طول السنة فعلا وكان اضافه كويسة جدا لينا⚡️

تسجيل الخريطة ل 2026 من باب التطوير بقا شكل ومضمون مختلف تماما مش بس بشارك حضراتكم المستهدفات والمتوقع واي القرار المناسب انما تفاصيل تانية لا تقل اهمية عنة.

التقرير هيشمل علي الأتي : المستهدفات والسيناريوهات المتوقعة خلال 2026 لكل من:

(الذهب - الفضة -الدولار- البورصة المصرية)

والتقرير هيكون واضح ومباشر مش أرقام وخلاص، لكن:

_ إمتى تشتري

_ إمتى تبيع

_ إمتى البُعد هو القرار الصح

وأفضل القطاعات الواعدة في البورصة المصرية والأسهم المحتمل أدائها يرتفع بقوة.

لكن الأهم:
أنا ببساطة ماشي معاك خطوة بخطوة طول السنة.

علشان كده، بجانب التقرير السنوي، هيكون في خدمات مجانية مصاحبة زي ما اتفقنا:

1️⃣ استشارات مجانية طوال السنة

تقدر تعتبرني معاك زي المستشار المالي.
تبعتلي في أي وقت، ونراجع مع بعض:

•وضعك المالي

•حجم المخاطرة المناسب ليك

•هل قرارك مناسب لظروفك ولا لأ

2️⃣ تحديث مستمر للتقرير السنوي عند الضرورة

لو مستهدف اتحقق أسرع من المتوقع، أو سيناريو احتاج تعديل،
هيكون في متابعة وتحديث دوري (ربع سنوي) لكل الأسواق اللي بنتابعها.

3️⃣ محتوى تعليمي وتثقيفي

سواء تسجيلات أو محتوى مكتوب،
هتتعلم إزاي تفكر كمستثمر،
وإزاي تستغل اللي معاك بأفضل شكل ممكن من تجارب فعلية حقيقية مش مجرد كلام نظري أو كتب.

🌟الفرق بين اللي هيشترك واللي مش هيشترك (بمحايدة):

اللي هيشترك:

•عنده رؤية واضحة للسنة كلها

• بيمشي بخطة مش برد فعل

•عنده حد يرجعله قبل ما ياخد قرار مهم

•بيقلل نسبة الأخطاء والقرارات العاطفية

__ قيمة الاشتراك: 5 الاف جنيه تدفع بداية السنة مره واحده فقط
وتغطي المتابعة والخدمات طوال السنة.

⬅️مهتم بالأشتراك/ ابعت لخدمة العملاء : @Khidmat3omala2

تنويه هام 🔔

بكره هو اخر يوم لاي حد من حضراتكم مهتم بالاشتراك السنوي في تقرير وتسجيل الخريطه..

مهتم ابعت ل @Khidmat3omala2

🔸 تم بحمد الله مشاركة أعضاء تقرير الخريطة السنوي بالاتي :

1. توقعات الذهب والفضة محلي وعالمي خلال 2026 ( مستويات الشراء ومناطق البيع بالتقييم الخاص بكل منطقه والقمة المتوقع للسوق بشكل عام لكل منهما والقرار المناسب من الأسعار الحالية )

2. الفرص المتاحة للبورصة المصرية وازاي نقسم السيولة لكل قطاع داخل البورصة

3. توقعات اسعار الطاقه (بترول وغاز وفحم) واسعار الشحن عالميا ( لوجيستيك) وارقام التخضم واسعار الفائدة

4. متابعة شهرية وتقيم للاداء ربع سنوي لكل قرار وتوقع عندنا علشان الهدف اننا نخرج بإذن الله السنة دي بافضل قرارت ممكنة واحسن عائد علي حاجتنا .

5. بتابع يوميا مع الاعضاء كل استفسارتهم علشان اساعدهم ياخدوا افضل قرار مناسب لظروفهم ووضعهم المالي وحجم المخاطره اللي يتحملوا كل واحد .


شكرا لثقتكم ويارب سنه خير علي الجميع

مبروك لأعضاء جروب الخريطة ✨

النهارده أحنا وصلنا لأول مستهدف وأول منطقه اتكلمنا عنها في تقرير الخريطة السنوي للذهب محليا وحاليا في انتظار هل هناخد اي قرار جديد أو لا !.

كذلك الفضة عالميا وصلنا لأول مستهدف سنوي محددينة في نفس التقرير .

في أنتظار بإذن الله تحقق باقي التقرير والاهم هو انن نستفيد اقصي استفادة من توقعاتنا السليمة حتي الأن بفضل الله ولكن لسه بدري علي الباقي لسه بدري علي السنة .


هام :

هل ممكن حد جديد ينضم ؟ لا الحقيقة انا بس بشارك حضراتكم مش اكتر لكن مش متاح حاليا حد جديد يتم اضافته

هل اقدر اتواصل معاك ؟؟؟ بعتذر جدا بس بردو ده غير متاح كنت وضحت ده في نهاية السنة اللي فاتت فعلا مع كامل الاحترام طبعا لو حد مهتم انا عمري ما بقصر مع حد قدر استطاعتي بس لو الناس تتذكر اني اخدت قرار نهائي بان ميبقاش في تواصل شخصي بسبب الرسائل المزعجه احيانا كتيره اللي واحد بيقابلها او التفكير الغريب بردو.


هل هتوقف المحتوي المجاني والتوقعات الأسبوعية علي القناه ؟؟؟ لا خالص مش هيحصل ان شاء الله

طبعا كل كلامي هو للأفاضل من حضراتكم المهتم او شايف انه سواء توقعات او نصائح او غيره ممكن تفيدة يعني .

السلام عليكم 🐲

حقكم عليا مقصر في المتابعة مع حضراتكم للأسف مؤخرا انا تعبان شويتين ( دور برد) بس شديد شوية ولكن بتابع علي قد ما اقدر مع اعضاء جروب الخريطة .

_ الحقيقة مش عارفين نفرح ولا نزعل ولكن واقع الأمر ان تقرير الخريطة السنوي اتحقق كله في اول شهر بس في السنة يعني كان اكبر مستهدف لينا للذهب علي سبيل المثال هي منطقه 7600 ل 700 وكانت منطقه بيع ولكن مش نصيبنا يمكن فرق 50ج عن اننا نقرر نبيع ولكن مش رزقنا ففوتناها .

_ فضل من ربنا بردو اننا بيعنا فضة أمبارح اول اليوم وكان قرارنا ان الفضة متوقع يكون التراجع فيها اكبر من الذهب بشكل عام محلي وعالمي فهي كقرار افضل ومخاطره اقل مقارنة بالذهب ووفقنا الحمد لله .

_ كان من ضمن تفاصيل التقرير السنوي اننا متوقعين أرتفاع اسعار البترول فالحمد لله كنا موفقين ( بردو مش عارفين نفرح ولا نزعل) بس اسعار الخام زادت الشهر اللي فات بس 14.5% ولسه حبتين كمان خلال السنة . ( معلومة اهي متسربة)

_ هنعمل تحديث للتقرير السنوي بعد ما اتحقق عكس تماما اي حد اعتقد يتوقع في اول شهر علشان نعرف نتابع باقي السنه عادي ( اه قررت ان الاعضاء ملهمش ذنب ان التقرير اتحقق كله بسرعة وهنكمل 11 شهر عادي)

_ والله والله المحتوي مبقاش مدفوع ولا اي حاجه خالص ونهائي انا بس مضغوط لا اكثر وهنتابع عادي علشان ده وعد من 8 سنين .

هام 🔔

بكره هو تقريبا أهم يوم لتحديد مصير واتجاه سعر صرف الدولار المتوقع علي الأقل خلال الربع الثاني من السنة بكره يوم مهم جدا جدا لأسباب كتير فان شاء الله يعدي علي خير ...

تحديث توقعات سعر الصرف هيكون مختص فقط باعضاء جروب الخريطة ( ده اتفاق من اول السنة ) فمش قصدي اخبي معلومة ولاي اي حاجه مش عارفين اصلا هنبقي صح ولا لا ..

حتي الأن مش محتاجين نعمل تحديث للذهب اوي مفيش جديد يذكر علي اخر تسجيل ولكن مفيش مانع نعيد للتذكير بس بكره بإذن الله ..


الفترة دي صعبة علي الكل وعدت علينا مش جديد يعني فاتمني اتمني لو في ايدك اي حاجه تحسن بها دخلك اعمل كده او لو في ايدك حاجه تساعد بيها حد اعمل كده واستشير حقيقي بتفرق اسال واسال كتير اهل الخبره والعلم ربنا يكرم كل الناس..