ဒီဇင်ဘာလ ၇ ရက် (တနင်္ဂနွေနေ့) က ခေတ်အဆက်ဆက်က တိုင်းပြည်အတွက် အသက်စွန့်ခဲ့ကြတဲ့ သူရဲကောင်းစစ်သည်တွေကို (၁၂) ကြိမ်မြောက် ဂုဏ်ပြုပွဲ အခမ်းအနားကို တက်ရောက်ပြီး အလေးပြုခဲ့ပါတယ်။

တပ်မတော်သည် နိုင်ငံအတွက် အရေးပါသည့် Institution ကြီး ဖြစ်ပါတယ်။ မြန်မာ့တပ်မတော်သည် လွတ်လပ်ရေးကြိုးပမ်းမှုနှင့်အတူ ပြည်သူများအတွင်းမှ ပေါက်ဖွားလာခြင်း ဖြစ်ပါတယ်။ လွတ်လပ်ရေးရပြီးနောက်ပိုင်း ပြည်တွင်းသောင်းကျန်းမှုမှသည် ယနေ့ခေတ် အကြမ်းဖက်နှိမ်နင်းရေးကာလအထိ တပ်မတော်သားများ ကျဆုံး/ ထိခိုက်ဒဏ်ရာရမှုများ ကြုံတွေ့ရပါတယ်။ ထိုသူရဲကောင်းများကို မလေ့မလျော့ ဂုဏ်ပြုရန်မှာ နိုင်ငံသားတိုင်းရဲ့ တာဝန် ဖြစ်ပါတယ်။

နိုင်ငံတကာမှာလည်း ကျဆုံးစစ်သည်တွေကို သတိရအောက်မေ့သည့် အထိမ်းအမှတ်အဖြစ် Memorial Day အခမ်းအနားများကို အစဉ်အလာအတိုင်း ပြုလုပ်ကြပါတယ်။

ခေတ်အဆက်ဆက်က တိုင်းပြည်အတွက် အသက်စွန့်ခဲ့ကြတဲ့ သူရဲကောင်းစစ်သည်တွေကို ဂုဏ်ပြုပွဲ အခမ်းအနားကို ၂၀၁၄ ခုနှစ်က စပြီး နှစ်စဥ် ဒီဇင်ဘာလရဲ့ ပထမဆုံး တနင်္ဂနွေနေ့ရောက်တိုင်း ရန်ကုန်မြို့က သူရဲကောင်းစစ်သည်ဗိမာန်မှာ (၇)ကြိမ်တိုင် ကျင်းပခဲ့ပြီး၊ ၂၀၂၁ခုနှစ် (၈) ကြိမ်မြောက် အခမ်းအနားကစပြီး နေပြည်တော်မှာရှိတဲ့ သူရဲကောင်းဗိမာန်မှာ ဆက်လက် ကျင်းပခဲ့ကြပါတယ်။

ခေတ်အဆက်ဆက်က တိုင်းပြည်အတွက် အသက်စွန့်ခဲ့ကြတဲ့ သူရဲကောင်းစစ်သည်တွေကို အမှတ်တရ ဂုဏ်ပြု အလေးပြုရင်းနဲ့ တဆက်တစပ်တည်းမှာပဲ ယနေ့ကာလ ပြည်တွင်း အကြမ်းဖက်သောင်းကျန်းသူတွေရဲ့ရန်ကို ရှေ့တန်းစစ်မြေပြင်အသီးသီးကနေ သက်စွန့်ကြိုးပမ်း ကာကွယ်ပေးနေကြတဲ့ နိုင်ငံ့သားကောင်း တပ်မတော်သားများ၊ လုံခြုံရေးတပ်ဖွဲ့ဝင်များ၊ ပြည်သူ့စစ်တပ်ဖွဲ့ဝင်များနှင့် ပါရမီဖြည့်ဖက် ရဲမေများ လေးစားစွာဖြင့် မှတ်တမ်းတင် ဂုဏ်ပြုအပ်ပါတယ်။

“အမွန်မြတ်ဆုံးသော စွန့်လွှတ်ခြင်း၏ တုနှိုင်းဖွယ်ရာ မရှိသော ဂုဏ်ဒြပ်"

နိုင်ဆွေဦး
#NaingSweOo

ဆဌမမျိုးဆက် Glock

ဩစတြီးယားနိုင်ငံ အခြေစိုက် နာမည်ကျော် Glock ကုမ္ပဏီသည် ၎င်း၏ ဆဌမမျိုးဆက် ၉မမ ပစ္စတိုများကို မကြာသေးမီ ရက်ပိုင်းက ထုတ်ဖော်ပြသလိုက်ပါတယ်။

အသစ်ထုတ်လုပ်လိုက်တဲ့ ဆဌမမျိုးဆက် (Gen 6) ၉မမ ပစ္စတို မျိုးကွဲများတွင်
- Glock 17 Gen6
- Glock 19 Gen6 နဲ့
- Glock 45 Gen6 တို့ ပါဝင် ပါတယ်။

၂၀၂၆ ခုနှစ် ဇန်နဝါရီလ ၂၀ ရက်နေ့က စပြီး ဝယ်ယူနိုင်မှာ ဖြစ်ကြောင်းလည်း သိရပါတယ်။

Glock Platform ၏ ထင်ရှားကျော်ကြားရခြင်း အကြောင်းရင်း

မည်သည့် Generation ပင်ဖြစ်စေကာမူ၊ ၁၉၈၀ ပြည့်လွန်နှစ်များတွင် လက်နက်လောကကို တော်လှန်ပြောင်းလဲစေခဲ့သည့် အောက်ပါ ဝိသေသလက္ခဏာ (၃) ရပ်သည် Glock ပစ္စတိုများ၏ ထင်ရှားသော အမှတ်အသားပင် ဖြစ်ပါသည်။

- Polymer Frame (Polymer ကိုယ်ထည်) - ပေါ့ပါးပြီး ခိုင်ခံ့မှုရှိသလို၊ သံချေးတက်ခြင်းနှင့် ရာသီဥတု အပူအအေးဒဏ်ကိုပါ ခံနိုင်ရည်ရှိခြင်း။
- Safe Action® System - အပြင်ဘက်တွင် လက်ဖြင့် ဖွင့်ပိတ်ရသည့် လုံခြုံရေးခလုတ် (External manual safety lever) မပါဝင်ဘဲ၊ အတွင်းပိုင်း လုံခြုံရေးစနစ် ၃ ခု (Trigger safety, Firing pin safety, Drop safety) ဖြင့် ဖွဲ့စည်းထားကာ တသမတ်တည်းရှိသော မောင်းဆွဲအားကို ပေးစွမ်းနိုင်ခြင်း။
- Reliability (စိတ်ချယုံကြည်ရမှု) - ပြုပြင်ထိန်းသိမ်းမှု အနည်းဆုံးဖြင့် ပြင်းထန်ကြမ်းတမ်းသော အခြေအနေများအောက်တွင်ပါ ကောင်းမွန်စွာ အလုပ်လုပ်နိုင်မှုကြောင့် နာမည်ကျော်ကြားခြင်း။

ဆဌမမျိုးဆက် Glock (Gen 6) အတွက် ထူးခြားချက်များ -
- "Palm swell" ergonomics - အပစ်လက်ကိုင်သည် ကိုင်တွယ်ရလွယ်ကူသော ဒီဇိုင်း ဖြစ်ခြင်း (Ergonomics)။
- Integrated thumb rests - လက်မတင်နိုင်ရန် ပေါင်းစပ်ထားသည့် ဒီဇိုင်းဖြစ်ခြင်း။
- Flat-faced trigger - မျက်နှာပြင် ပြားသော မောင်းခလုတ်။
- Return to single recoil spring - စပရိန် ၂ ခုအစား တစ်ခုတည်းသော စပရိန် (Recoil Spring) ကို ပြန်လည်အသုံးပြုထားခြင်း။ (Gen 3 နှင့်တူ)
- Enhanced texture - ပိုမိုကောင်းမွန်အောင် ပြုလုပ်ထားသော မျက်နှာပြင်အဖုအထစ်များ။
- Optics System (ချိန်တွယ် ကိရိယာများ တပ်ဆင်နိုင်သည့် စနစ်) - Optic Ready စနစ်အသစ်ကို မိတ်ဆက်ထားခြင်း။

Glock ပစ္စတိုများကို နိုင်ငံပေါင်း ၅၀ ခန့်ရှိ တပ်မတော်များ၊ ရဲတပ်ဖွဲ့များနှင့် လုံခြုံရေးတပ်ဖွဲ့များတွင် တရားဝင် တပ်ဆင် အသုံးပြုနေပြီး၊ ပုံစံတူ ထုတ်လုပ်နေသော နိုင်ငံများလည်း ရှိကြောင်း လေ့လာတွေ့ရှိရပါသည်။
နိုင်ဆွေဦး
#NaingSweOo
Source: Glock GmBH

ဒီမိုကရေစီနှင့် ဖက်ဒရယ်စနစ်ဆိုသည်မှာ

- မိမိတို့နိုင်ငံကို ဒီမိုကရေစီနှင့် ဖက်ဒရယ်စနစ်ကိုအခြေခံသည့် ပြည်ထောင်စုကြီး တည်ဆောက်ရာတွင် အခြားနိုင်ငံများ၏ ပုံစံကို ပုံတူကူးပြီး ကျင့်သုံးခြင်းမျိုးမဟုတ်ဘဲ မိမိတို့နိုင်ငံနှင့်ကိုက်ညီသည့် ဒီမိုကရေစီစနစ်နှင့် ဖက်ဒရယ်စနစ်ကိုဖော်ဆောင်ရန် အရေးကြီးကြောင်း၊

- ဒီမိုကရေစီစနစ်ဆိုသည်မှာ ပြည်သူကရွေးချယ်သည့်အုပ်ချုပ်ရေးစနစ်ဖြစ်ပြီး ၎င်း၏ အနှစ်သာရဖြစ်သည့် အများဆန္ဒအတိုင်းဆောင်ရွက်ခွင့်ရှိသော်လည်း လူနည်းစု၏ ဆန္ဒကိုလည်း အလေးထားရန် လိုအပ်ကြောင်း၊

- ဖက်ဒရယ်စနစ်ဆိုသည်မှာ လုပ်ပိုင်ခွင့်အာဏာနှင့် ရပိုင်ခွင့်များကို မျှဝေခံစားခြင်းဖြစ်ပြီး ၎င်း၏အနှစ်သာရမှာ ပေါင်းစည်းခြင်းနှင့် သဟဇာတဖြစ်မှုတို့ပင်ဖြစ်ကြောင်း၊

- ဒီမိုကရေစီနှင့် ဖက်ဒရယ်စနစ်ကို အခြေခံသည့် ပြည်ထောင်စုကြီး ဖြစ်ပေါ်လာစေရေးအတွက် ပါတီစုံဒီမိုကရေစီစနစ် ရှင်သန်ရေးသည် အလွန်အရေးကြီးကြောင်း၊

- ပါတီစုံဒီမိုကရေစီစနစ် ရှင်သန်ရန်အတွက် ရွေးကောက်ပွဲလုပ်ငန်းစဉ်သည် မဖြစ်မနေလုပ်ရမည့် လုပ်ငန်းစဉ်ဖြစ်ခြင်းကြောင့် ပြည်သူလူထုအများစု လိုလားတောင့်တသည့် ပါတီစုံဒီမိုကရေစီအထွေထွေ ရွေးကောက်ပွဲကြီးကို ဒီဇင်ဘာလ ၂၈ ရက်နေ့တွင် စတင် ကျင်းပ ပေးသွားတော့မည်ဖြစ်ကြောင်း။

၂၀၂၅ ခုနှစ် ဒီဇင်ဘာ ၁၀ရက်တွင် ပြုလုပ်သည့် တပ်မတော်ဆေးတက္ကသိုလ်၊ ဗိုလ်လောင်းသင်တန်းအမှတ်စဉ်(၂၆) သင်တန်းဆင်း ဂုဏ်ပြုစစ်ရေးပြအခမ်းအနားတွင် နိုင်ငံတော်လုံခြုံရေးနှင့် အေးချမ်းသာယာရေးကော်မရှင်ဥက္ကဋ္ဌ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး သတိုးမဟာသရေစည်သူ သတိုးသီရိသုဓမ္မမင်းအောင်လှိုင် ပြောကြားသော မိန့်ခွန်း ကောက်နှုတ်ချက်