لخيــــــــمنه الحوافر جابت ظلوعه

زينب حايره ويحــــــــــسبن شتكله
الصــــــــــــار وياه ماصار بشر مثله
وحيــــــده بلايه ناصر خلصت الثله
وكام علــــــــــيه وين الناصي يتعله

حسين وبلــــــــــحوافر هوسو فوكه

ياهو الــــــــشاف ميت ما يرحمونه
وكل عــــشره سوه كامو يسحكونه
كل هذا وعــــــــــلينه تناظر عيونه
ماعرف بعــــــــــد جا شنهو يردونه

الميت شــــــــنهو ذ نــبه تجره بناكه

ياهو الشــــــــــاف ميت مايغسلونه
مطشر عتراب وجــــــــذته مطعونه
بحوافر خيلهم تتــــــــطاشر سنونه
وابنمن هذ جــــــــــــنهم مايعرفونه

للكسرو ظلــــــــــــعهه ودو ظلعوعه

يبو سكينه مصــــيبه شلون اعرفنه
مطشر وســــــــــــيوف بدمه تتحنه
ولاعدي حصــــــــــيره وحتئ المنه
وانه مجــــــــتفه وبس اجذب الونه

ومگبل ويانه تگــــطعه سيوف اميه

كابنه الشــــــــــــــــمر ثنه عله ركبه
من جر المــــــــــــثلث بي طلع گلبه
صفكت جفــــوف اديه وكلت ياغلبه
راح حــــــــــسين مني ونكطع دربه

يكر بحــــسين ويجر من شعر راسه

ثنعش طــــــبره يطبره الشمر ماكفه
رد وعله الخــــــــنصر كصه من جفه
الماعد شرف يامحــــــــــبس يشرفه
هذ حســــــــــــــين هذ ومنبع العفه

المابهم حمــــــــــــيه وسلبو هدومه


ابو سلام الجابري

https://t.me/jjdicjcsk

قصيدة للامام السجاد ع

يالتعزون..لاتقصرون.. بچو العيون.. لبو الباقر جمر
                                «»«»«»«»
عــــــدنه طفين ومصايبهن ثجيله
طف ابوالسجاد عدنه وطف عليله
دمع العيون ابحزن عالخــد نسيله
ومجلس السجـــاد واجب نعتنيله
ابدمعه وبنوح.. المجلسه انروح... تشفه الجروح.. اذا ادگ عالصدر
                                «»«»«»«»
حيل دگ صدرك لبو السجده الطويله
وبچـــــــي مثل الخل اذا ودع خليله
اليوم كل شيعي صبــــح ذايب دليله
ابلية السجــــــاد واســـــوهه العقيله
ابدمعت العين..يالموالين.. واسو الحسين.. الان گلبه انفطر
                                 «»«»«»«»
حظرت الزهره تعزي ابهل مسيه
تجري دمـع اعيونهه ابهاي الرزيه
اشـــــد نار الشبت ابگلب الزجيه
مـــوت ابوالباقر ويوم الغاضريه
فگد الاحباب.. اعضم امصاب.. والگلب ذاب.. شبع حسره وقهر
                                «»«»«»«»
أليله حظرت زينب ابهمهه وحزنهه
تنحب الزين العبــــاد وعالي ونهه
امصايب الطف والخـــرابه عذبنهه
اجت ودمـوع الألم تجــرح جفنهه
نادة ابصوت.. فت البتوت.. كافي ياموت.. گظو ريع العمر
                              «»«»«»«»«»
عفيه گلبه اشگد حمل لوعه ومصايب
خلصت اسنينه بچـــي الفگد الاطايب
شاف بالطف والسبي آهوال وعجايب
مارحــــــــــــم حاله ابد سهم النوايب

عاش مضلوم.. گلبه ملچوم .. شابع اهموم .. قسه اعليه الدهر
                              «»«»«»«»«»

       الخادم
   كامل السعيدي

ميمر // للأمام السجاد عليه السلام

ليش الامام السجاد. كل عمره تجري دموعه
............

من ياجرح اكثر تألّم گلبه
خل نسأل ويعذرنه احنه نحبّه
يامحنه سهله وياهي منهن صعبه

نار الحزن تسعر ليش ما تطفه بين ضلوعه
..........

جرح الغريب حسين اكثر اذّاه
لو جرح ابوفاضل الينحب خلّاه
لو طيحة عضيده علي بفيض دماه

لو على القاسم مجروح. والموّت طفّه شموعه
...........

وصلت رسالتنه وسمعنه السجاد
ردّ الجواب ابدمعته وحزنه انعاد
يامن سألتو ياجرح اكثر حاد

جرح السبي ينزف دوم. يفري الگلب موضوعه
...........

كل جرح يمكن يشفه بس جرح الشام
من شفت زينب عالهزل ذاك العام
تنظر عليها الناس نظرات اسهام

عالناگه عمتي بياحال متچتّفه ومفجوعه
............

ياشيعتي مشكور عنّي تسألون
يمكم علي السجاد آنه المحزون
بالمجلس احضر وبچي لمن تبچون

واليدعي بسمي ومحتاج. دعوة محب مسموعه
.............

ليلة مصابي الليله جرّعوني السم
ياشيعتي چبدي انمرد وتألّم
مأجور كلمن لجلي ينصب مأتم

اگضيله حاجة بدعواه والدعوة ما مرجوعه
.............

مظلوم عمري ومن متت هم مظلوم
بلا قُبّة گبري ولاصحن ظل مهدوم
ياربي يمته المهدي يظهر يايوم
يبني المراقد لو ثار. براية علي المرفوعه

سيد زيد الفحام
_____

نزلة للعقيلة

يهل الحمية —- مجتوفة ادية
من كربلة لشام —- زينب سبية

—————————-

وينكم يهل الحمية حيلة ما ظلت
إليّ
واحد بسوطه يطگني او واحد يشتم
هلي
عالارض كبش الكتيبة وعالرمح راس
الولي
وحدي وبديرة غريبة لا بو فاضل لا
علي

مشوني لشام —— تبرالي ضلام

من كربلة لشام —— زينب سبية

—————————-

تالي ماتالي المصايب تالي شيبي
وعالهزل
مجتفة انه وخواتي رگبة رگبة
وبالحبل
تالي ما تالي العقيلة حرمة وبوليت
نذل
إيد فوگ الايد اصفگ كون ابو فاضل
عدل

لو منَّه ظِّنه —— الكافل حضرنه

من كربلة لشام —— زينب سبية

—————————-

والله لو يدري كفيلي شلون حيره
تحيرت
شلون يقبلها امنگله عالهزيلة
اجتفت
ومنهو يعقلها بخرابة عالترابة
اتمددت
الجيش كله يهد علية انه لو
باسمه صحت

ظهدوني الارجاس —— بعدك يعباس

من كربلة لشام —— زينب سبية

—————————-

وينه اليطب المدينة ويخبر اهلي
والعمام
ويخبر ليوث الهواشم كوموا نومتكم
حرام
كوموا زينبكم سبية وعالهزل تغفه
وتنام
شلون حرمه بنص ذيابة شلون لو
جاهه الظلام

وين الشبيبة —— زينب غريبة

من كربلة لشام —— زينب سبية

—————————-

وعملت الكوفة الجبيرة والله كسرتلي
الظهر
بالامس جنت الأميرة وهسه ترميني
بحجر
اخيالي ماجانت تشوفه بجال اخوتي
والكمر
هسه ياهو اليجي يباوع طولي كش
من النظر

شحال الأميرات —— التُوليها شمات

من كربلة لشام —— زينب سبية

—————————-

الموت چم مره دعيته ولا اطب مجلس يزيد
بعيني شفته بخيزرانه ينكث براس
العميد
اي وحك رأس الصميدة اغنام سويت العبيد
مجتفة وذليت امية وانه أم كلب الحديد

بنت الرسالة —— هيبة وبسالة

من كربلة لشام —— زينب سبية


عبد زينب
ابو علي
عبد الحسن القريشي

ما عرفتج .. يمه زينب انتي هايه
ما عرفتج .. حمره جاليش العبايه
ها ييمه شغيراج .. ياجرح كاسر كفاج
*****
يا زينب احجيلي شحصل وليش شكثر متغيره
ذبلان وجهج والتعب و مبينه بيج الكسره
ليش الدمع لونه اختلف وكل دمعه تنزل حمره
يا يمه سلاج الدهر ويلي شكثر منقهره

جفن ذابل .. و منهدم يايمه حيلج
جفن ذابل .. بالعذاب وسهر ليلج
وينه جا حامل لواج .. ياجرح كاسر كفاج
*****
ليلة العاشر ييمه مو ليله ذيج الليله
خلصت بواجي للفجر بين الكمر والعيله
وعبدالله من حضن لحضن ينسه الضمه اناغيله
ودمعة رقيه بكل جتف وحسين منّهد حيله

ليلة اوداع .. بساع خلصت وي اهلنه
ليلة اوداع .. وفاركوني اهل المحنه
يالتكليلي شجاج .. ويا جرح كاسر كفاج
****
يا يمه وبحر الظهر شلون الزلم طلعتهم
اولادي و اولادج سوه بالطف شفت مذبحهم
متكطعين بكربله وبيده الحسين يلمهم
والاكبر وابن الحسن مخضب لحيته بدمهم

بين الخيام .. الينذبح جاباه اليه
بين الخيام .. وامسح بدمهم بديه
ينكطع بالطف هواج .. ياجرح كاسر كفاج
****
شحجيلج وحتى الطفل عطشان ماي يريده
وحسين من باب الخيم عبدالله شايل بيده
كلهم شنو ذنب الطفل يروّنه راد وليده
واثلث شعب ذاك السهم يايمه حز وريده

بيده جن طير ..يرفرف بساعت ذبحته
بيده جن طير .. والسهم حار بركبته
شايل ابنه وكلي هاج .. ياجرح كاسر كفاج
*******
واخر وداع بكربله بين الكمر وحسينه
يا يمه ماطاح العلم الا بكطع جفينه
وانصاب راسه بالعمد والسهم صوب عينه
و تخوصر حسين ورجع بس ماله اخي يعينه

ردلي محني .. من النهر مكسور ظهره
ردلي محني ..والنفس كوه يجره
من بعد طيحة ضناج .. ياجرح كاسر كفاج
******
و حسيني ضل لوحده وتغفه السهام بصدره
يايمه طاح اعلى الوجه وشلون حزوا نحره
متربع بصدره الشمر واثنعش طبره يطبره
وخيولهم فوك الضلع يايمه داست عشره

تسحك الخيل .. وتاخذ بضلعه وترده
تسحك الخيل .. دمه بالصحره تبده
منكطع نحره ضواج .. ياجرح كاسر كفاج
*******
تمت
احمد الخفاجي

علي بصوت ... علي بصوت ... ناداكم
يخدام ... يخدام ... حياكم

....1....

علي من ارض النجف ... هلا بحبابي هتف ....
للحسين انطيتو جف .... وراية
راح اذيع اعله المله ... الكم بطف كربله...
كل عزية مسجله .... واقراية
خدم يا نعمه الخدم ... بيكم امباهي الامم ...
حسين صورتكم رسم ... مشاية

بالعيون ... بالعيون .... شفناكم
علي بصوت ... علي بصوت ... ناداكم



....2....

منزلتكم مفخره ... يم حسين امقدرة ...
بدنيته والاخرة ... احبابه
امه بيكم تفتخر ... تدعي الكم كل فجر ...
يالطمتو اعله الصدر .... بمصابه
كلشي يم ام الحسن ... ما يضيع ابهل الزمن ....
وحك جفين الرسن ... بعتابه

يضل دوم ... يضل دوم ... ذكراكم
علي بصوت ... علي بصوت ... ناداكم





.....3.....

يالخدمتو ابن الولي ...بشارة الكم من علي ...
بيدي همكم ينجلي ....انخوني
دعوه الكم ما ترد ... صك ضمان الكم بعد ...
حاضر الكم بالشدد ... تلكوني
ما اضيعلكم تعب .... ما اردلكم طلب ...
هذا عنوان انكتب ... بعيوني

بدي هاي ... بدي هاي ... حاجاتكم
علي بصوت ... علي بصوت ... ناداكم





....4 .....

كل شخص موكب بنه ... منه اتشكر انه ...
وبيده اخلي جم ضنه ... يخدمونه
صيته يوصل للنجم ... خادم حسين الشهم ...
منكتب اول اسم ... ... تلكونه
كل ثواب اعله السبط ... انحط تحت صاحبه خط .... كطرة المي عدنه شط ... لعيونه

بالكلوب .... بالكلوب .... شلناكم
علي بصوت ... علي بصوت ... ناداكم






.....5.....

باجر بيوم الحشر ... كل فعلكم ينذكر ...
ثوب خدمتكم عطر ... لنفاسي
مني اسمع يالمحب ... كل تعبكم منحسب ...
كل صرفكم منكتب ... ما ناسي
رغم انف الناصبي ... شافع الكم كل نبي ...
وفاطمه وام العبي ... وعباسي

يل الاحباب ... يل الاحباب .... وياكم
علي بصوت ... علي بصوت ... ناداكم
.....
تمت
الحمدالله رب العالمين
اللهم صل على محمد وآل محمد
موسى الخادم